kudla

ತುಳು ಮಿರರ್ ರೈಟಿಂಗ್ ಡ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ 2022 ದಾಖಲೆ ಮಲ್ತಿನ ಕುಡ್ಲದ ತುಳುವೆದಿ ನಿಕಿತಾ ಶೆಟ್ಟಿ

ಕುಡ್ಲ : ತುಳು ಮಿರರ್ ರೈಟಿಂಗ್ ಡ್ ಅತ್ತಾವರದ ನಿಕಿತಾ ಶೆಟ್ಟಿ ಮೇರ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ ದ ದಾಖಲೆ ಮಲ್ದೆರ್.

ಆರ್ ತುಳು ವಾಕ್ಯನ್ 8 ನಿಮಿಷ, 1 ಸೆಕೆಂಡ್ ಬೊಕ್ಕ 55 ಮಿಲಿ ಸೆಕೆಂಡ್‌ ಡ್ ತಿರ್ಗಾದ್ ಬರೆದ್(ಮಿರರ್ ರೈಟಿಂಗ್) ದಾಖಲೆ ಮಲ್ತ್ ದೆರ್. ಮೇರ್ ಅತ್ತಾವರದ ದಿ.ಕೆ.ಮೋಹನ್ ದಾಸ್ ಬೊಕ್ಕ ವಿಜಯಲಕ್ಷ್ಮಿ ಎಂ ಶೆಟ್ಟಿ ದಂಪತಿನ ಮಗಲ್. ಮೆರೆನ ಅಕ್ಕನ ಪುದರ್ ನಿಶ್ಮಿತಾ ಮಿಥುನ್ ಶೆಟ್ಟಿ. ಸೇಂಟ್ ಆನ್ಸ್ ಹೈಸ್ಕೂಲ್ ಡ್ ಎಸ್ ಎಸ್ ಎಲ್ ಸಿ ಮಲ್ದೆರ್. ಪಿಯು ಬೊಕ್ಕ ಡಿಗ್ರಿನ್ ಕೆನರಾ ಕಾಲೇಜ್ ಡ್ ಮಲ್ತ್ ದ್ ಸಹ್ಯಾದ್ರಿ ಕಾಲೇಜ್ ಆಫ್ ಇಂಜಿನಿಯರಿಂಗ್ ಡ್ ಎಂಬಿಎ ಮಲ್ದೆರ್. ಇತ್ತೆ ನಿಟ್ಟೆ ವಿದ್ಯಾ ಸಂಸ್ಥೆ ಡ್ ಉದ್ಯೋಗ ಮಲ್ತೊಂದ್ ಉಲ್ಲೆರ್.

“ಈ ಗೌರವ ತಿಕ್ಕರೆ ಕಾರಣ ಅಕ್ಷಿತಾ ಹೆಗಡೆ. ಆರ್ಲ ಯಾನ್ಲ ಒಟ್ಟುಗು ನಿಟ್ಟೆಡ್ ಕೆಲಸ ಮಲ್ತೊಂದುಲ್ಲ. ಆರ್ ಕನ್ನಡ ಕೈಬರಹಡ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಬೊಕ್ಕ ಇಂಟರ್ ನ್ಯಾಷನಲ್ ಬುಕ್ ಆಫ್ ರೆಕಾರ್ಡ್ ಗ್ ಆಯ್ಕೆ ಆದಿತ್ತೆರ್. ಯೆಂಕ್ಲ ತುಲು ಬಾಸೆಡ್ ಅವೆನ್ ಮಲ್ಪೊಡು ಪಂದ್ ಆಸೆ ಆಂಡ್. ತುಳು ಬಾಸೆನ್ ಒರಿಪಾವೊಡು, ಬುಲೆಪಾವೊಡು ಪನ್ಪಿನ ಒಂಜಿ ಎಲ್ಯ ಪ್ರಯತ್ನ ಮಲ್ತೆ. ಕನ್ನಡಿ ಕೈಬರಹ ಬರೆದ್ ಯಾನ್ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಬೊಕ್ಕ ಇಂಟರ್ನ್ಯಾಷನಲ್ ಬುಕ್ ಆಫ್ ರೆಕಾರ್ಡ್ಸ್ ಕಡಪಯೆ. ಅವುಲು ಯಾನ್ ‘ತುಳು ಭಾಷೆಯಲ್ಲಿ ಭಾರತೀಯ ಸಂವಿಧಾನದ ಮುನ್ನುಡಿ ಬರೆಯುವ ಅತ್ಯಂತ ವೇಗದ ಕನ್ನಡಿ” ಗೌರವ ತಿಕ್ ದ್ಂಡ್.

ಯಾನ್ 8 ನಿಮಿಷ, 1 ಸೆಕೆಂಡ್ ಮತ್ತು 55 ಮಿಲಿ ಸೆಕೆಂಡ್‌ಡ್ ಬರೆದ್ ದಾಖಲೆ ಮಲ್ತೆ ಪಂದ್ ನಿಕಿತಾ ಪಂಡೆರ್. “ಯೆನ್ನ ಈ ಪ್ರಯತ್ನಗ್ ಮಸ್ತ್ ಜನ ಬೆರಿಬಲ ಕೊರ್ತೆರ್. ಸುರುಕ್ಕು ತುಳು ಲಿಪಿನ್ ಶ್ರೀಜಿತ್ ವಿ. ಶೆಟ್ಟಿಗಾರ್ ಪಂಡಿನ “ಬಲೆ ತುಳು ಲಿಪಿ ಕಲ್ಪುಗ” ಪನ್ಪುನ ಆ್ಯಪ್ ಡ್ ಕಲ್ತಿನಿ. ಬೊಕ್ಕೆ ಎನ್ನ ಅಮ್ಮ, ಅಕ್ಕ ನಿಶ್ಮಿತಾ ಮಿಥುನ್ ಶೆಟ್ಟಿ, ದಯಾನಂದ ಕತ್ತಲ್ಸಾರ್ , ಶಬರಿ ಶೆಟ್ಟಿ, ರೋಶನ್, ಪ್ರಜ್ವಲ್ ಶೆಟ್ಟಿ ಮೊಕುಲು ಬೆರಿತಾಂಗ್ ಕೊರ್ತೆರ್. ಅಕ್ಲೆಗ್ ಸೊಲ್ಮೆ ಸಂದಾವೆ ಪಂದ್ ನಿಕಿತಾ ಶೆಟ್ಟಿ ಪಂಡೆರ್.