kudla

ಮಂಗಳಮುಖಿನ್ ಮೋಕೆ ಮಲ್ತಿನ ಕಂಡನಿ, ಮದಿಮೆ ಮಲ್ತ್ ಕೊರಿನ ಬೊಡೆದಿ…!!

Sep 15, 2022

ಭುವನೇಶ್ವರ್: ಮಂಗಳಮುಖಿನ್ ಮೋಕೆ ಮಲ್ತಿನ ಒಂಜಿ ಜನಕ್ಕ್ ಅರೆನ ಬೊಡೆದಿಯೇ ಆ ಮಂಗಳಮುಖಿನ್ ಮದಿಮೆ ಮಲ್ತ್ ಕೊರಿನ ಘಟನೆ ಒಡಿಶಾದ ಕಲಹಂಡಿ ಜಿಲ್ಲೆಡ್ ನಡತ್ಂಡ್.

ಫಕೀರ್ ನಿಯಾಲ್ ಪನ್ಪಿನಾರ್ ಕಲಹಂಡಿದ ದೇಪುರ್ ಗ್ರಾಮದ ಮಂಗಳಮುಖಿ ಸಂಗೀತಾ ಮೆರೆನ್ ಸಾಂಪ್ರದಾಯಿಕವಾದ್ ಮದಿಮೆ ಆತೆರ್. ಮಂಗಳಮುಖಿ ಸಮುದಾಯದ ಪದ್ದತಿ ಪ್ರಕಾರನೇ ಫಕೀರ್ ಬೊಕ್ಕ ಸಂಗೀತಾ ಮದಿಮೆ ಆದಿತ್ತ್‌ದ್, ಆಯಿತ್ತ ಮಾತ ಜವಾಬ್ದಾರಿನ್ ಬೊಡೆದಿಯೇ ವಹಿಸೊಂದೆರ್. ಅಂಚನೆ ಅರೆನ ಉಪಸ್ಥಿತಿಟ್ಟೆ ಮದಿಮೆ ನಡತ್ಂಡ್.

ಶಾಂತ್ ಡ್ ಉಂತಿನ ಕಡಲ್: ಮಲ್ಪೆಡ್ ಮೀನ್ ಪತ್ತರೆ ಪಿದಾಡಿಯೆರ್ ಮೀನ್ ಗಾರೆರ್

Sep 15, 2022

ಮಲ್ಪೆ: ಭಾರೀ ಗಾಳಿ ಬರ್ಸರ್‍ದಾವರ 7-8 ದಿನ ರ್ದ್ ಕಡಲ್‌ಗ್ ಜಪ್ಪಂದಿನ ಬೋಟ್‌ಲು ಇನಿ ಮೀನ್ ಪತ್ತರೆ ಕಡಲ್‌ಗ್ ಜೈದ್ಂಡ್. ಕಡಲ್ ಶಾಂತ್ ಡ್ ಉಂತಿನ ನಿಲೆಟ್ಟ್ ಬೋಟ್‌ ದಕುಲು ಕಡಲ್‌ಗ್ ಜೈದೆರ್.

ಮಲ್ಪೆ ಬಂದರ್‌ಡ್ ಸುಮಾರ್ ಶೇ. 40 ಬೋಟ್‌ಲು ಕಡಲ್‌ಗ್ ಜತ್ತ್‌ದ್ಂಡ್. ಪರ್ಸೀನ್ ಬೋಟ್‌ಲು ಕಾಂಡೆನೇ ಮೀನ್ ಪತ್ತರೆ ಪೋತುಂಡು. ನನ ಕೆಲ ಬೋಟ್‌ಲು ಕಡಲ್‌ಗ್ ಜಪ್ಪರೆ ತಯಾರ್ ಮಲ್ತೊಂದು ಉಂಡು.

The sea is calm and the fishermen are out at the sea from Malpe:

Malpe: Heavy rains are bad weather had forced the fishermen from stepping out into the sea for the last one week. But now the sea is calm and the fishermen have pulled out the boats and are out at the sea. Nearly 40% of the boats from Malpe harbour are out at the sea.

ಮುಲ್ಕಿ: ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಹುಷಾರ್ ಇಜ್ಜಂದಿನ ಬಾಲೆಗ್ ಇನ್ಸುಲಿನ್ ಕಿಟ್ ಕೊರ್ಪಿನ ಲೇಸ್

Sep 15, 2022

ಮುಲ್ಕಿ: ಕಳಸ ಮೂಲದ ಶ್ರೀಧರ ಅಂಚನೆ ಶೀಲಾ ದಂಪತಿಲೆನ ಮಗಲ್ ಅಕ್ಷಿತಾ ಮೇರೆಗ್ ಎಲ್ಯಡೆ ಮಧುಮೇಹ ಸೀಕ್ ಬತ್ತ್ ದಿತ್ತ್ ದ್, ಅಯಿತ್ತ ಚಿಕಿತ್ಸೆಗ್ ಮುಲ್ಕಿದ ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಇನ್ಸುಲಿನ್ ಕಿಟ್ ನ್ ಸೆಪ್ಟೆಂಬರ್ 13 ತಾರೀಕ್ ಗ್ ಕೊರಿಯೆರ್.

ಸುಮಾರ್ 5 ತಿಂಗೊಲುಗ್ ಆಪುನಾತ್ ಇನ್ಸುಲಿನ್ ಇಂಜೆಕ್ಷನ್ ಕೊರಿಯೆರ್. ಬಾಲೆದ ಪ್ರತಿ ವರ್ಷದ ಇನ್ಸುಲಿನ್ ದ ಕರ್ಚಿನ್ ಸರ್ವೋದಯ ಫ್ರೆಂಡ್ಸ್ ದ ಮುತಾಲಿಕೆಡ್ ಕೊರ್ಪಿಲೆಕ್ಕ ನಿರ್ಧಾರ ಮಲ್ತೆರ್.

ಬಿಲ್ಲವರ ಅಸೋಸಿಯೇಶನ್ ಭಾಯಂದರ್ ಕಚೇರಿಡ್ ಸೆ.17ಕ್ಕ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿ ಆಚರಣೆ

Sep 15, 2022

ಭಾಯಂದರ್: ಬಿಲ್ಲವರ ಅಸೋಸಿಯೇಶನ್ ಬೊಂಬಾಯಿ ಉಂದೆತ್ತ ಭಾಯಂದರ್ ಕಚೇರಿದ ಮುತಾಲಿಕೆಡ್ ಸೆ. 17ಕ್ಕ್ ಸನಿವಾರದಾನಿ ಬಯ್ಯ 4.30 -9.30 ಮುಟ್ಟ ಇಂದ್ರ ವರುಣ್ ಹಾಲ್, ಪ್ಲಾಟ್ ನಂ ಸಿ-1, ಜೆಸಲ್ ಪಾರ್ಕ್, ರೈಲು ನಿಲ್ದಾಣದ ಕೈತಲ್ ಭಾಯಂದರ್ ಪೂರ್ವಡ್ ಆಚರಣೆ ಮಲ್ಪರೆ ಉಂಡು.

ಬಯ್ಯ ಗಂಟೆ 4.30-7.30 ಮುಟ್ಟ ಗಣಪತಿ, ಗುರು ಸ್ತೋತ್ರ, ಭಜನೆ ನಡತ್ತ್‌ದ್ ಆಯಿಬೊಕ್ಕ ಮಹಾಮಂಗಳಾರತಿ, ತೀರ್ಥಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು. ಗುರು ಭಕ್ತೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಗುರು ಕೃಪೆಗ್ ಪಾತ್ರರಾವೊಡ್ ಪಂದ್ ಬಿಲ್ಲವರ ಅಸೋಸಿಯೇಷನ್‌ದ ಅಧ್ಯಕ್ಷೆರ್ ಹರೀಶ್ ಜಿ.ಅಮೀನ್, ಗೌರವ ಪ್ರಧಾನ ಕಾರ್ಯದರ್ಶಿ ಹರೀಶ್ ಜಿ. ಸಾಲ್ಯಾನ್, ಗೌರವ ಕೋಶಾಧಿಕಾರಿ ರಾಜೇಶ್ ಜೆ. ಬಂಗೇರ, ಪೊಂಜೊವುಲೆನ ವಿಭಾಗದ ಕಾರ್ಯಾಧ್ಯಕ್ಷೆ ಶಕುಂತಲಾ ಕೆ. ಕೋಟ್ಯಾನ್ ಅಂಚನೆ ಸಾಮಾಜಿಕ ಬೊಕ್ಕ ಧಾರ್ಮಿಕ ಉಪಸಮಿತಿದ ಕಾರ್ಯಧ್ಯಕ್ಷೆರ್ ಮೋಹನ್ ದಾಸ್ ಜಿ. ಪೂಜಾರಿ, ಗೌರವ ಕಾರ್ಯದರ್ಶಿ ಕೇಶವ ಪೂಜಾರಿ, ಭಾಯಂದರ್ ಕಚೇರಿದ ಪರವಾದ್ ಗೌರವ ಕಾರ್ಯಧ್ಯಕ್ಷೆರ್ ಪ್ರಮೋದ್ ಕೆ. ಕೋಟ್ಯಾನ್, ಕಾರ್ಯಧ್ಯಕ್ಷೆರ್ ನರೇಶ್ ಕೆ. ಪೂಜಾರಿ, ಉಪ ಕಾರ್ಯಧ್ಯಕ್ಷೆರ್ ಉದಯ್ ಡಿ. ಸುವರ್ಣ, ಉಪಕಾರ್ಯಧ್ಯಕ್ಷೆರ್ ನ್ಯಾಯವಾದಿ ರಘುನಾಥ್ ಜಿ. ಹಳೆಯಂಗಡಿ, ಗೌರವ ಕಾರ್ಯದರ್ಶಿ ಮಾಲತಿ ಆರ್. ಬಂಗೇರ, ಜೊತೆ ಕಾರ್ಯದರ್ಶಿ ಗಣೇಶ್ ಅಂಚನ್, ಗೌರವ ಕೋಶಾಧಿಕಾರಿ ಕೃಷ್ಣ ಬಂಗೇರ, ಜೊತೆ ಕೋಶಾಧಿಕಾರಿ ದಯಾನಂದ ಕೋಟ್ಯಾನ್ ಅಂಚನೆ ಕಾರ್ಯಕಾರಿ ಸಮಿತಿ ಸದಸ್ಯೆರ್, ಪೊಂಜೊವುಲೆನ ವಿಭಾಗ, ಯುವ ವಿಭಾಗದಕುಲು ಪ್ರಕಟಣೆಡ್ ತೆರಿಪಾದೆರ್.

Billava association Byandar celebrate Brahmashree Narayan Guru’s 168th Jayanthi

Byandar: The Billava association Byandar will celebrate168 th Narayan Guru Jayanti on September 17th.

The program included bajans, pooja rituals followed by Mahaprasad. Devotees are requested to participate in large numbers requested president of the association Sri Harish Amin and members and members of the women’s wing and youth wing.

ಕೆಂಜಾರು: 2022-23ನೇ ಸಾಲ್‌ದ ಶಾಲಾಭಿವೃದ್ಧಿ ಸಮಿತಿದ ಅಧ್ಯಕ್ಷೆರಾದ್ ನಿರ್ಮಲ ಬೊಕ್ಕ ಉಪಾಧ್ಯಕ್ಷೆರಾದ್ ವಿನಂತಿ ಆಯ್ಕೆ

Sep 15, 2022

ಕೆಂಜಾರು ಪೊರ್ಕೋಡಿದ ದಕ್ಷಿಣ ಕನ್ನಡ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ 2022-23ನೇ ಸಾಲ್‌ದ ಶಾಲಾಭಿವೃದ್ಧಿ ಬೊಕ್ಕ ಮೇಲುಸ್ತುವಾರಿ ಸಮಿತಿದ ಅಧ್ಯಕ್ಷೆರಾದ್ ನಿರ್ಮಲ ಬೊಕ್ಕ ಉಪಾಧ್ಯಕ್ಷೆರಾದ್ ವಿನಂತಿ ಮೇರ್ ಆಯ್ಕೆಯಾತೆರ್.

ಶಾಲಾ ಸಭಾಂಗಣಡ್ ಸೆಪ್ಟೆಂಬರ್ 12 ತಾರೀಕ್ ಸೋಮಾರದಾನಿ ನಡತಿನ ಪೊಸ ಎಸ್.ಡಿ.ಎಂ.ಸಿ.ಡ್ ಒಟ್ಟು 58 ಪೋಷಕೆರ್ ಬತ್ತಿತ್ತೆರ್. ಈ ಸಭೆಟ್ ಒಬಿಸಿ ಮೋರ್ಚಾ ಮೂಲ್ಕಿ ಬೆದ್ರದ ಅಧ್ಯಕ್ಷೆರ್ ರಾಜೇಶ್ ಅಮೀನ್, ಮಾಜಿ ಎಸ್. ಡಿ.ಎಂ.ಸಿ.ಅಧ್ಯಕ್ಷೆರಾಯಿನ ಗುಲಾಬಿ , ಉಪಾಧ್ಯಕ್ಷೆರಾಯಿನ ರೇಖಾ, ಮುಖ್ಯ ಶಿಕ್ಷಕೆರ್ ಜಾಯ್ಸ್ ಪಿ.ಡಿಸೋಜ, ಸಹ ಶಿಕ್ಷಕೆರ್, ಪೋಷಕೆರ್ ಪಾಲ್ ಪಡೆದಿತ್ತೆರ್.

ಡಾ. ಬಿ ಅರ್ ಅಂಬೇಡ್ಕರ್ ರಾಷ್ಟ್ರೀಯ ಪುರಸ್ಕಾರಗ್ ಆಯ್ಕೆಯಾಯಿನ ವಿಜಯ ಪಂಡಿತ್ ಮಂಗಲ್ಪಾಡಿ ಬೊಕ್ಕ ಉದಯಕುಮಾರ್ ಸಿ ಎಚ್

Sep 15, 2022

ರಾಷ್ಟ್ರೀಯ ದಲಿತ್ ಆಕಾಡೆಮಿ ಸಮಾಜ ಸೇವೆಗ್ ಕೊರ್ಪುನ ಡಾ. ಬಿ.ಆರ್ ಅಂಬೇಡ್ಕರ್ ರಾಷ್ಟ್ರೀಯ ಪುರಸ್ಕಾರ ಗ್ ಮಂಜೇಶ್ವರ ತಾಲೂಕ್ ದ ವಿಜಯ ಪಂಡಿತ್ ಮಂಗಲ್ಪಾಡಿ ಬೊಕ್ಕ ಕಾಸ್ರೋಡ್ ತಾಲೂಕ್ ದ ಉದಯಕುಮಾರ್ ಸಿ ಎಚ್ ಅಯ್ಕೆಯಾತೆರ್.

ವಿಜಯ ಪಂಡಿತೆರ್ ಶ್ರೀ ಚಾಮುಂಡೇಶ್ವರಿ ದೇವಿನ ಆರಾಧಕೆರಾದ್ ಸಮಾಜದ ಮಸ್ತ್ ಸಂಘ ಸಂಸ್ಥೆಡ್ ಜವಾಬ್ದಾರಿ ದೆತೊಂದು ಸುಮಾರ್ ಅಶಕ್ತ ಕುಟುಂಬದ ಕಣ್ಣೀರ್ ಒರೆಸೊಂದು ಸ್ವಂತಗ್ ಪನಿತ್ ಸಮಾಜಗ್ ಸರ್ವಸ್ವ ನ್ಲ ಅರ್ಪಿಸಾದ್ ಇತ್ತೆ ಬಾಕುಡ ಸಮಾಜದ ಅದ್ಯಕ್ಷೆರಾದ್ ಕಾರ್ಯ ನಿರ್ವಹಿಸೊಂದುಲ್ಲೆರ್ . ಅಂಚನೆ ಉದಯಕುಮಾರ್ ಸಿ ಎಚ್ ಪ್ರಸ್ತುತವಾದ್ ಮದೂರು ಗ್ರಾಮ ಪಂಚಾಯಿತಿ ಸದಸ್ಯೆರಾದ್ ಸಮಾಜ ಸೇವೆಡ್ ತನನ್ ತಾನ್ ತೊಡಗಿಸೊಂದು ಉಲ್ಲೆರ್. ಅಂಚೆನೆ ದೈವ ಮದಿಪುಗಾರೆರ್ ಆದ್ ಲ ಸೇವೆ ಮಲ್ತೊಂದುಲ್ಲೆರ್. 2012ನೇ ಡಾ|ಬಿ ಅರ್ ಅಂಬೇಡ್ಕರ್ ರಾಷ್ಟ್ರೀಯ ಪುರಸ್ಕಾರ ಸಮಾಜ ಸೇವೆಗ್ ಸಂದ್ ದ್oಡ್. ಉಂದು ರಡ್ಡ್ ನೆ ರಾಷ್ಟ್ರೀಯ ಪುರಸ್ಕಾರ. ಡಿಸೆಂಬರ್ ಡ್ ರಾಷ್ಟ್ರ ರಾಜಧಾನಿ ದೇಹಲಿಡ್ ನಡಪುನ 2022ನೇ ಡಾ| ಬಿ ಅರ್ ಅಂಬೇಡ್ಕರ್ ರಾಷ್ಟ್ರೀಯ ಪುರಸ್ಕಾರ ಸ್ವಿಕಾರ ಮಲ್ಪೆರುಲ್ಲೆರ್.

Dr B R Ambedkar National awards- Vijaya Pandit Mangalpadi and Uday Kumar
C H selected

The national Dalit Academy gives away the B R Ambedkar awards for which Vijaya Pandit Mangalpadi and Uday Kumar C H have been selected.

Vijaya Pandit Mangalpadi is a social worker and is working for many organisations who are into social service.He is also the president of Bakuda Samaj. Uday Kumar is also a social worker and presently member of Maddur gram panchayat.He had previously won the Dr B R Ambedkar award on 2012 and this is the second time he is selected. The awards will be presented in December at the National capital Delhi.

ಪೆರ್ಮೆದ ಯುವ ನಾಯಕೆ ಮಿಥುನ್ ರೈ ಮೆರೆನ ಮುತಾಲಿಕೆಡ್ ಪಿಲಿ ನಲಿಕೆ 2022

Sep 15, 2022

ಅಕ್ಟೋಬರ್ 4 ತಾರೀಕ್ ಗ್ ಪಿಲಿಕುಲು ಕುಡ್ಲ ನಿಲಿಕೆ

ಯಶ್, ಅಲ್ಲು ಅರ್ಜುನ್, ಸುನೀಲ್ ಶೆಟ್ಟಿ, ಪೂಜಾ ಹೆಗ್ಡೆ, ಕೊಟ್ಟು ವಿಶಾಲ್ ಮೊಕ್ಲೆನ ಸ್ಟಾರ್ ಅಟ್ರ್ಯಾಕ್ಷನ್

ಕುಡ್ಲ: ತುಳುನಾಡ್‌ಡ್ ಕುಡ್ಲ ದಸರಾ ಮಹೋಚ್ಚಯಗ್ ನನ ಒಂತೆ ದಿನ ಮಾತ್ರ ಬಾಕಿ. ತುಳುನಾಡ್‌ಡ್ ಮಾರ್ನೆಮಿದ ಪೊರ್ತುಡು ಪಿಲಿ ಏಸ ಸೆಂಟರ್ ಆಫ್ ಅಟ್ರಾಕ್ಷನ್. ಈ ಕಾರಣರ್‍ದಾವರ ಪಿದಯಿದ ಜಿಲ್ಲೆ, ರಾಜ್ಯರ್ದ್ ಬರ್ಪಿನ ಪ್ರವಾಸಿಗೆರೆನೆ ಕುಷಿ ಮಲ್ಪಾವರೆ ಈ ಸರ್ತಿಲ ಪಿಲಿ ನಲಿಕೆ ಪಂತೊ ಖದರ್ ಪಡೆಯೊಂದು ಉಂಡು.

ಕುಡ್ಲದ ಪಿಲಿ ನಲಿಕೆ ಪ್ರತಿಷ್ಠಾನ 7ನೇ ವರ್ಸದ ಪಿಲಿ ನಲಿಕೆ ಪಂತೊಗ್ ಅಟ್ಟಣೆ ಮಲ್ತೊಂದುಂಡು. ಪಿಲಿ ನಲಿಕೆ ಪ್ರತಿಷ್ಠಾನರ್ದ್ ಮಿಥುನ್ ರೈ ಮೆರೆನ ಮುತಾಲಿಕೆಡ್ ಅಕ್ಟೋಬರ್ 4 ತಾರೀಕ್‌ಗ್ ಅಂಗಾರೆದಾನಿ ಪಿಲಿ ನಲಿಕೆ -2022 ಲೇಸ್ ಪೇಂಟೆದ ಕರಾವಳಿ ಉತ್ಸವ ಮೈದಾನಡ್ ನಡಪರೆ ಉಂಡು. ಲೆಪ್ಪು ಕೊರಿನ ಕೂಟಲು ಮಾತ್ರ ಈ ಪಂತೊಡ್ ಪಾಲ್ ಪಡೆಯರೆ ಇತ್ತ್‌ದ್, ಪ್ರತಿಯೊಂಜಿ ಕೂಟಗ್‌ಲ 20 ನಿಮಿಷದ ಕಾಲಾವಕಾಶ ಕೊರಿಯರೆ ಉಂಡು. ಪಂತೊದ ಪೊರ್ತುಡು ಪೌಲಕುಣಿತ, ಜಂಡ ಮೆರವಣಿಗೆ, ಮುಡಿ ದಕ್ಕ್‌ನವ್, ಲಾಟೆ ಮುಡಿ ನಲಿಕೆ, ಪಲ್ಟಿ ವಿಶೇಷವಾದ್ ನಡಪರೆ ಉಂಡು.

ಕಿನ್ಯ ಪಿಲಿ ಪ್ರಶಸ್ತಿ, ಕಪ್ಪು ಪಿಲಿ, ತಾಸೆ ಕೂಟ, ಮುಡಿ ದಕ್ಕುನವ್, ಬಣ್ಣಗಾರಿಕೆ ಪಂತೊಲು ನಡಪರೆ ಉಂಡು. ಲೆಪ್ಪು ಕೊರಿನ ಕೂಟಲೆಗ್ ಪ್ರೋತ್ಸಾಹ ಧನ, ಪ್ರತಿ ವಿಭಾಗಡ್ ಗೆಂದಿನಕ್ಲೆಗ್ 30 ಸಾರ ರೂ. ಇನಾಮು, ಚಾಂಪಿಯನ್ ಕೂಟಗ್ ವಿಶೇಷ ಬಹುಮಾನ ತಿಕ್ಕರೆ ಉಂಡು. 12 ತಂಡಲು ಈ ಸರ್ತಿ ಪಂತೊಡ್ ಪಾಲ್ ಪಡೆಯರೆ ಉಂಡು. ಪಿಲಿನಲಿಕೆ ಪಂತೊಗು ಪಿದಯ್೬ ದೇಶಡ್‌ಲ ಮಲ್ಲ ಮಟ್ಟ್‌ಡ್ ಪ್ರಚಾರಗ್ ತಯಾರಿ ನಡತೊಂದು ಉಂಡು.

ಯುವ ನಾಯಕೆ ಮಿಥುನ್ ರೈ ಮೆರೆನ ಮುತಾಲಿಕೆಡ್ ನಡತ್ತೊಂದು ಇಪ್ಪುನ ಈ ಲೇಸ್‌ಡ್ ಸ್ಟಾರ್ ಪಿಚ್ಚರ್ ಆಕ್ಟರ್ ಆಯಿನ ಯಶ್, ತೆಲುಗು ನಟೆ ಆಯಿನ ಅಲ್ಲು ಅರ್ಜುನ್, ನಟೆ ಸುನೀಲ್ ಶೆಟ್ಟಿ, ತೆಲುಗು ಪಿಚ್ಚರ್ ದ ಪುಗರ್ತೆದ ನಟಿ ಪೂಜಾ ಹೆಗ್ಡೆ, ಸಂಗೀತ ನಿರ್ದೇಶಕೆರ್ ಗುರುಕಿರಣ್, ಕೊಟ್ಟು ವಿಶಾಲ್ ಪಾಲ್ ಪಡೆಯರೆ ಉಲ್ಲೆರ್.

ತುಳುನಾಡ್‌ಡ್ ಕಂಬುಲದಂಚನೆ ಪಿಲಿ ಏಸಲ ವರ್ಷರ್‍ದ್ ವರ್ಷಗ್ ಪುಗರ್ತೆ ಪಡೆಯೊಂದು ಉಂಡು. ಪಿಲಿಏಸದ ತಾಸೆದ ಪೆಟ್ಟ್‌ಗ್ ಎಲ್ಯ ಜೋಕುಲೆರ್‍ದ್ ಪತ್ತ್‌ದ್ ಪೊಂಜೊವುಲು, ಪೆರಿಯೆರ್ ಮಾತೆರ್‍ಲಾ ಪಜ್ಜೆ ಪಾಡುವೆರ್. ಪಿಲಿಏಸದ ಕಸರತ್ತ್‌ಡ್ ಜವನೆರೆನ ಪಾತ್ರ ಮಸ್ತ್ ಉಂಡು. ಇತ್ತೆದ ದಿನಟ್ ಪೊಣ್ಣ್ ಜೋಕುಲ್‌ಲ ಪಿಲಿಏಸ ಪಾಡ್ದ್ ಮಿನ್ಕೊಂದುಲ್ಲೆರ್. ಒಟ್ಟಾರೆ ಮಾರ್ನೆಮಿದ ಪೊರ್ತುಡು ಕುಡ್ಲ ನಿಲಿಕೆ ಪಿಲಿಕುಲೇ ತೋಜಿದ್ ಬರ್ರೆ ಉಂಡು.

ಮಸ್ಕತ್ ರ್ದ್ ಕೊಚ್ಚಿಗ್ ಪಿದಾಡ್ದಿನ ಏರ್ ಇಂಡಿಯಾ ವಿಮಾನಡ್ ತೂ : 14 ಪ್ರಯಾಣಿಕೆರೆಗ್ ಪೆಟ್ಟ್

Sep 14, 2022

ಮಸ್ಕತ್: ಮಸ್ಕತ್ ರ್ದ್ ಕೇರಳದ ಕೊಚ್ಚಿಗ್ ಪ್ರಯಾಣ ಮಲ್ತೊಂದಿತ್ತಿನ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನ ಒಂಜಿ ಪೊತ್ತ್‌ದ್ ಪೋತುಂಡು. ಈ ಘಟನೆಡ್ 14 ಪ್ರಯಾಣಿಕೆರೆಗ್ ಪೆಟ್ಟ್ ಆತ್ಂಡ್.

ತೂ ಪೊತ್ತಿನ ಬಗೆಟ್ ಮಸ್ಕತ್ ಏರ್ಪೋಟ್‌ಡ್ ಏರ್ ಇಂಡಿಯಾ ವಿಮಾನ ತುರ್ತು ಭೂಸ್ಪರ್ಶ ಮಲ್ತ್‌ದ್ ಮಾತ 145 ಪ್ರಯಾಣಿಕೆರೆನ್ ಸುರಕ್ಷಿತವಾದ್ ಬಚಾವ್ ಮಲ್ತ್‌ದೆರ್. ಇಂಜಿನ್‌ಡ್ ಪುಗೆ ಬೊಕ್ಕ ತೂ ತೋಜಿದ್ ಬೈದ್ಂಡ್ ಪಂದ್ ಅಧಿಕಾರಿಲು ತೆರಿಪಾದೆರ್.

Air India aircraft catches fire.14 passengers injured.

Mascut: Air India express flight on its way to Cochin in Kerala caught fire and had an emergency landing .145 passengers were on board.14 passengers suffered slight injuries. Smoke and fire was noticed in the engine said sources.

ಪೇಜಾವರ ಸ್ವಾಮಿಲೆನ ತಿಗಲೆ ಮುಟ್ಟುದು ತೊಪ್ಪು ತಿಂದಿನ ಏಡ್

Sep 14, 2022

ಒಡಿಪು: ಪೇಜಾವರ ಸ್ವಾಮೀಜಿನ ತಿಗಲೆಗ್ ಕಾರ್ ದೀದ್ ಏಡ್ ಒಂಜಿ ತೊಪ್ಪು ತಿನ್ಪುನ ವಿಡಿಯೋ ಸಾಮಾಜಿಕ ಜಾಲತಾಣಡ್ ಭಾರೀ ವೈರಲ್ ಆತ್ಂಡ್.

ಸ್ವಾಮಿಲು ಒಡಿಪುದ ನೀಲಾವರ ಗೋಶಾಲೆಗ್ ಭೇಟಿ ಕೊರ್ದಿತ್ತೆರ್. ನೀಲಾವರ ಗೋಶಾಲೆಡ್ ರಡ್ಡ್ ಏಡುಲೆನ್ ತಾಂಕೊಂದಿತ್ತ್‌ದ್ ಏಡ್ ಪೇಜಾವರ ಸ್ವಾಮಿಲೆನ ತಿಗಲೆಗ್ ಕಾರ್ ದೀದ್ ತೊಪ್ಪು ತಿನ್ಪುನ ವಿಡಿಯೋ ವೈರಲ್ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಸುಪ್ರೀಂ ಕೋರ್ಟ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ನೇಮಕ

Sep 14, 2022

ಬೆಂಗ್ಲೂರ್: ಒಂಜಿ ವರ್ಷದ ಅವಧಿಗ್ ಸುಪ್ರೀಂ ಕೋರ್ಟ್‌ಗ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ಮೆರೆನ್ ನೇಮಕ ಮಲ್ತ್‌ದೆರ್ ಪಂದ್ ಸುಪ್ರೀಂ ಕೋರ್ಟ್ ಪ್ರಧಾನ ಕಾರ್ಯದರ್ಶಿ ವೀರೇಂದರ್ ಕುಮಾರ್ ಬನ್ಸಾಲ್ ತೆರಿಪಾದೆರ್.

ಸುಪ್ರೀಂ ಕೋರ್ಟ್ ಮುಖ್ಯ ನ್ಯಾಯಮೂರ್ತಿ ಯು ಯು ಲಲಿತ್ ಮೆರೆನ ನಿರ್ದೇಶನದಲೆಕ್ಕ ಕರ್ನಾಟಕ ರಾಜ್ಯ ಕಾನೂನು ಸೇವೆದ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ಅಂಚನೆ ನ್ಯಾಯಾಧೀಶೆರ್ ಎಚ್ ಶಶಿಧರ ಶೆಟ್ಟಿ ಮೆರೆನ್ ಒಂಜಿ ವರ್ಷದ ಅವಧಿಗ್ ಸುಪ್ರೀಂ ಕೋರ್ಟ್‌ಗ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಪರಿಗಣಿಸಾದೆರ್ ಪಂದ್ ಕರ್ನಾಟಕ ಹೈಕೋರ್ಟ್ ಹಂಗಾಮಿ ಸಿಜೆ ಅಲೋಕ್ ಅರಾಧೆ ಅರೆಗ್ ಬರೆಯಿನ ಪತ್ರಡ್ ಉಲ್ಲೆಖ ಮಲ್ತ್‌ದೆರ್.

Sashidar Shetty appointed as special duty officer at the supreme court.

Bangalore: Sashidar Shetty has been appointed as special duty officer at the supreme court for a period of one year said chief secretary of the supreme court Veerendra Kumar Bansal.
He has been appointed under the direction of Justice U U Lalith said a letter written to CJ Alok Arade.

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

kudla

ಮಂಗಳಮುಖಿನ್ ಮೋಕೆ ಮಲ್ತಿನ ಕಂಡನಿ, ಮದಿಮೆ ಮಲ್ತ್ ಕೊರಿನ ಬೊಡೆದಿ…!!

ಶಾಂತ್ ಡ್ ಉಂತಿನ ಕಡಲ್: ಮಲ್ಪೆಡ್ ಮೀನ್ ಪತ್ತರೆ ಪಿದಾಡಿಯೆರ್ ಮೀನ್ ಗಾರೆರ್

ಮುಲ್ಕಿ: ಸರ್ವೋದಯ ಫ್ರೆಂಡ್ಸ್ ಕಲ್ಲಮುಂಡ್ಕೂರು ಮುತಾಲಿಕೆಡ್ ಹುಷಾರ್ ಇಜ್ಜಂದಿನ ಬಾಲೆಗ್ ಇನ್ಸುಲಿನ್ ಕಿಟ್ ಕೊರ್ಪಿನ ಲೇಸ್

ಬಿಲ್ಲವರ ಅಸೋಸಿಯೇಶನ್ ಭಾಯಂದರ್ ಕಚೇರಿಡ್ ಸೆ.17ಕ್ಕ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜಯಂತಿ ಆಚರಣೆ

ಕೆಂಜಾರು: 2022-23ನೇ ಸಾಲ್‌ದ ಶಾಲಾಭಿವೃದ್ಧಿ ಸಮಿತಿದ ಅಧ್ಯಕ್ಷೆರಾದ್ ನಿರ್ಮಲ ಬೊಕ್ಕ ಉಪಾಧ್ಯಕ್ಷೆರಾದ್ ವಿನಂತಿ ಆಯ್ಕೆ

ಡಾ. ಬಿ ಅರ್ ಅಂಬೇಡ್ಕರ್ ರಾಷ್ಟ್ರೀಯ ಪುರಸ್ಕಾರಗ್ ಆಯ್ಕೆಯಾಯಿನ ವಿಜಯ ಪಂಡಿತ್ ಮಂಗಲ್ಪಾಡಿ ಬೊಕ್ಕ ಉದಯಕುಮಾರ್ ಸಿ ಎಚ್

ಪೆರ್ಮೆದ ಯುವ ನಾಯಕೆ ಮಿಥುನ್ ರೈ ಮೆರೆನ ಮುತಾಲಿಕೆಡ್ ಪಿಲಿ ನಲಿಕೆ 2022

ಮಸ್ಕತ್ ರ್ದ್ ಕೊಚ್ಚಿಗ್ ಪಿದಾಡ್ದಿನ ಏರ್ ಇಂಡಿಯಾ ವಿಮಾನಡ್ ತೂ : 14 ಪ್ರಯಾಣಿಕೆರೆಗ್ ಪೆಟ್ಟ್

ಪೇಜಾವರ ಸ್ವಾಮಿಲೆನ ತಿಗಲೆ ಮುಟ್ಟುದು ತೊಪ್ಪು ತಿಂದಿನ ಏಡ್

ಸುಪ್ರೀಂ ಕೋರ್ಟ್ ವಿಶೇಷ ಕರ್ತವ್ಯಾಧಿಕಾರಿಯಾದ್ ಶಶಿಧರ ಶೆಟ್ಟಿ ನೇಮಕ

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್