kudla

ಶಶಿರಾಜ್ ರಾವ್ ಕಾವೂರು ಬರೆತಿನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಬುಡುಗಡೆ

ಶಶಿರಾಜ್ ರಾವ್ ಕಾವೂರು ಬರೆತಿನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಬುಡುಗಡೆ

ಕುಡ್ಲ : ರಂಗ ಸಂಗಾತಿ ಸಾಂಸ್ಕೃತಿಕ ಪ್ರತಿಷ್ಠಾನ ಒಟ್ಟು ಸೇರಿಗೆಡ್
ಸಂತ ಅಲೋಶಿಯಸ್ ಕಾಲೇಜು ಕನ್ನಡ ವಿಭಾಗ ಬೊಕ್ಕ ಕುಡ್ಲದ ಆಕೃತಿ ಬೊಕ್ಕ ಆಶಯ ಪಬ್ಲಿಕೇಷನ್ಸ್ ಸಾಕರಡ್ ಶಶಿರಾಜ್ ರಾವ್ ಕಾವೂರು ಮೆರ್ನ “ಪುದ್ದು ಕೊಡ್ತರ್” ತುಳು ಕಾದಂಬರಿ ಕುಡ್ಲದ ಸಂತ ಅಲೋಶಿಯಸ್ ಕಾಲೇಜ್ ದ ಎಲ್. ಎಫ್. ರಸ್ಕಿನ ಚಾವಡಿಡ್ ಬುಧವಾರ ಬುಡುಗಡೆ ಆಂಡ್ .

ಶಶಿರಾಜ್ ರಾವ್ ಕಾವೂರು ಮೇರ್ ವೃತ್ತಿಡ್ ನ್ಯಾಯವಾದಿಯಾದ್ ಆಸಕ್ತಿಡ್ ನಾಟಕಕಾರೆಯಾದ್ , ಬೂಕು ಬರಹೆಗಾರೆ ಆದ್ ಪರಿಚಿತೆರ್ . ನಾಟಕಕಾರೆ , ನಾಟಕ ಬರಹಗಾರೆಯಾದ್ , ನಿರ್ದೇಶಕೆಯಾದ್ ಅಲ್ಪಲಾ ಪುದರ್ ಪಡೆಯಿನಾರ್ . ಅವ್ವೆತೋ ನಾಟಕಗ್ ಪದ ಬರೆಯಿನ ಅನುಭವ ಶಶಿರಾಜ್ ಕಾವೂರುಗು ಉಂಡು .

ಕೃತಿ ಲೋಕಾರ್ಪಣೆ ಲೇಸ್ ದ ಗುರ್ಕಾರ್ಮೆನ್ ಸಂತ ಅಲೋಶಿಯಸ್ ಕಾಲೇಜ್ ದ ಕುಲಸಚಿವ ಡಾ. ಆಲ್ವಿನ್ ಡೇಸಾ ವಹಿಸ್ ದಿತ್ತೆರ್ . ತುಳು -ಕನ್ನಡ ವಿದ್ವಾಂಸ ಡಾ. ಬಿ. ಎ. ವಿವೇಕ ರೈ ಮೇರ್ “ಪುದ್ದು ಕೊಡ್ತರ್ “ಕೃತಿ ಬುಡುಗಡೆ ಮಲ್ತೆರ್ . ಮಲ್ಲ ಬಿನ್ನೆರ್ ಆದ್ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ನಾ. ದಾಮೋದರ ಶೆಟ್ಟಿ, ಉದ್ಯಮಿ ಬೊಕ್ಕ ಚಲನಚಿತ್ರ ನಿರ್ಮಾಪಕ ದೇವದಾಸ್ ಪಾಂಡೇಶ್ವರ್, ಕರ್ನಾಟಕ ಸಾಹಿತ್ಯ ಪರಿಷತ್ತು ದಕ್ಷಿಣ ಕನ್ನಡ ಜಿಲ್ಲಾಧ್ಯಕ್ಷ ಡಾ. ಎಂ.ಪಿ. ಶ್ರೀನಾಥ್, ಕೊರಗ ಅಭಿವೃದ್ಧಿ ಸಂಘ ಮಾಜಿ ಜಿಲ್ಲಾಧ್ಯಕ್ಷ ರಮೇಶ್ ಮಂಚಕಲ್ ಪಾಲ್ ಪಡೆದಿತ್ತೆರ್.