kudla

ಕಾಂಗ್ರೆಸ್ ಪಕ್ಷಗ್ ರಾಜೀನಾಮೆ ಕೊರಿನ ಮುಖ್ಯಮಂತ್ರಿ ಚಂದ್ರು

May 29, 2022

ಕಾಂಗ್ರೆಸ್ ಪಕ್ಷಗ್ ರಾಜೀನಾಮೆ ಕೊರಿನ ಮುಖ್ಯಮಂತ್ರಿ ಚಂದ್ರು

ಬೆಂಗ್ಳೂರು: ಕಾಂಗ್ರೆಸ್ ಪಕ್ಷದ ಪ್ರಾಥಮಿಕ ಸದಸ್ಯತ್ವಗ್ ಪೆರಿಯ ಮುಖಂಡ ಮುಖ್ಯಮಂತ್ರಿ ಚಂದ್ರು ಇನಿ ರಾಜೀನಾಮೆ ಕೊರ್ತೆರ್ .

ಕೆಪಿಸಿಸಿ ಗುರ್ಕಾರ್ಲಾಯಿನ ಡಿಕೆ ಶಿವಕುಮಾರ್ ಗ್ ಇನಿ ರಾಜೀನಾಮೆ ಕೊರಿನ ಮುಖ್ಯಮಂತ್ರಿ ಚಂದ್ರು, ಪಕ್ಷದ ನಾಯಕೆರ್ನ ಬಗ್ಗೆ ಪರೋಕ್ಷವಾದ್ ಬೇಜಾರ್ ತೋಜಾಯೆರ್.

ಗೌಜಿಡ್ ಉದಿಪನ ಆಂಡ್ ಪಟ್ಲ ಸಂಭ್ರಮ :2022

May 29, 2022

ಕುಡ್ಲ : ಯಕ್ಷಧ್ರುವ ಪಟ್ಲ ಫೌಂಡೇಷನ್ ಟ್ರಸ್ಟ್ ಒಟ್ಟು ಸೇರಿಗೆಡ್ ‘ಯಕ್ಷಧ್ರುವ ಪಟ್ಲ ಸಂಭ್ರಮ- 2022’ ಲೇಸ್ ನ್ ಟ್ರಸ್ಟ್ ದ ಗೌರವಾಧ್ಯಕ್ಷ ಸದಾಶಿವ ಶೆಟ್ಟಿ ಕನ್ಯಾನ ಮಾರ್ಗದರ್ಶನಡ್ ಬೊಕ್ಕ ಶಶಿಧರ ಬಿ.ಶೆಟ್ಟಿ ಬರೋಡ ಮೆರ್ನ ಗುರ್ಕಾರ್ಮೆಡ್ ಇನಿ ಕಾಂಡೆ ಚೆಂಡೆ, ವಾದ್ಯೋದ ಸೊರೊಟ್ಟು ಪೇಂಟೆದ ಅಡ್ಯಾರ್ ಗಾರ್ಡನ್‌ಡ್ ಬಾರಿ ಗೌಜಿಡ್ ಉದಿಪನ ಆಂಡ್.

ಪುನೀತ್‌ರಾಜ್ ಕುಮಾರ್ ವೇದಿಕೆಡ್ ಪಟ್ಲ ಸಂಭ್ರಮ‌ ನಡತೊಂದು ಉಂಡು . ಕಾಂಡೆ 8 ಗಂಟೆಗ್ ಚೌಕಿ‌ಪೂಜೆ, ಯಕ್ಷದಿಬ್ಬಣ, ಪೂರ್ವರಂಗ, ಅಬ್ಬರತಾಳ, ಚೆಂಡೆ ಜುಗುಲ್‌ಬಂದಿ- ಸ್ಪರ್ಧಾತ್ಮಕ ಪೀಠಿಕೆ ಸ್ತ್ರೀವೇಷ ವಿಶೇಷವಾದ್ ಜನಕ್ಲೆನ ಗಮನ ಸೆಳೆಯೊಂದು ಉಂಡು.

ಇನಿ ಕಾಂಡೆ 9.45ಕ್ಕ್ ಉದಿಪನದ ಲೇಸ್ ನಡತುಂಡು . ಕೊಂಡೆವೂರು ಯೋಗಾನಂದ ಸರಸ್ವತಿ ಸ್ವಾಮೀಜಿ ಅಪ್ಪೆ ಕಟಿಲೇಶ್ವರಿನ ಪೊರ್ಲ ಮೂರ್ತಿ ದ ಎದುರು ತುಡರ್ ಅರ್ಲಾವುನ ಮುಖೇನ ಚಾಲನೆ ಕೊರಿಯೆರ್ . ಮುಂಬೈ ಹೇರಂಬ ಕೆಮಿಕಲ್ ಇಂಡಸ್ಟ್ರೀಸ್‌ನ‌ ನಿರ್ದೇಶಕ ಸದಾಶಿವ ಶೆಟ್ಟಿ ಕನ್ಯಾನ ಶುಭಾಶಂಸನೆ ಮಲ್ತೆರ್ . ಉದ್ಯಮಿ ಶಶಿಧರ ಬಿ.ಶೆಟ್ಟಿ ಬರೋಡ ಗುರ್ಕಾರ್ಮೇದ ಪಾತೆರ ಪಂಡೆರ್ . ಪಟ್ಲ ಸಂಭ್ರಮನ್ ಸಿ.ಎ. ದಿವಾಕರ ರಾವ್ ಉದಿಪನ ಮಲ್ತೆರ್ . ಆರೋಗ್ಯ ಶಿಬಿರಗ್ ಡಾ.ಕೃಷ್ಣ ಪ್ರಸಾದ್ ಕೂಡ್ಲು ಚಾಲನೆ ಕೊರಿಯೆರ್ . ಡಾ.ಎಂ. ಮೋಹನ್ ಆಳ್ವ, ಡಾ.ಸುಧಾಕರ ಶೆಟ್ಟಿ, ಕೃಷ್ಣ ಜೆ. ಪಾಲೇಮಾರ್ ಸೇರಿನಂಚ ನನಾತ್ ಜನಕುಲು ಪಾಲ್ ಈ ಪೊರ್ಲ ಲೇಸ್ ಡ್ ಪಾಲ್ ಪಡೆತೆರ್.

ಲೇಸ್ ಡ್ ಶರತ್ ಶೆಟ್ಟಿ ಪಡುಪಳ್ಳಿ ರಚನೆ ಮಲ್ತಿನ ‘ಯಕ್ಷಾಂಗಣ ಧ್ರುವತಾರೆ ಪಟ್ಲ’ ಕೃತಿ ಬುಡುಗಡೆ ಆಯೆರೆ ಉಂಡು . ‘ಧ್ರುವ ಪ್ರಭ’ ಪನ್ಪಿನ ಟ್ರಸ್ಟ್‌ದ ಸೇವಾ ಯಾನದ ಮೆಲುಕು ಕೃತಿ ಬುಡುಗಡೆ ಆಯೆರೆ ಉಂಡು . ಭಾರತೀಯ ಭೂ ಸೇನೆಡ್ ಮೇಜರ್ ಆದ್ ಪದೋನ್ನತಿ ಪಡೆಯಿನ ಭರತ್ ಶೆಟ್ರೆಗ್ ಮಾನದಿಗೆದ ಲೇಸ್ ನಡಪೆರೆ ಉಂಡು.ಬೇತೆ ಬೇತೆ ಪ್ರಶಸ್ತಿಲೆನ್ ಪಡೆಯಿನ ಕೆ.ಡಿ.ಶೆಟ್ಟಿ ದಂಪತಿ, ವಕ್ವಾಡಿ ಪ್ರವೀಣ್ ಶೆಟ್ಟಿ ದಂಪತಿ, ಕಡಂದಲೆ ಸುರೇಶ್ ಭಂಡಾರಿ ದಂಪತಿ, ಸವಣೂರು ಸೀತಾರಾಮ‌ ರೈ ದಂಪತಿಲೆಗ್ ಮಾನದಿಗೆ ಮಲ್ಪರೆ ಉಲ್ಲೆರ್.

ಬಯ್ಯಗ್ 6 ಗಂಟೆಗ್ ಸಮಾರೋಪ ಸಮಾರಂಭ ನಡಪೆರೆ ಉಂಡು , ಎಡನೀರು ಮಠದ ಸಚ್ಚಿದಾನಂದ ಭಾರತಿ ಸ್ವಾಮೀಜಿ, ಒಡಿಯೂರು ಕ್ಷೇತ್ರದ ಗುರುದೇವಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್ . ಸಚಿವೆರಾಯಿನ ಆರಗ ಜ್ಞಾನೇಂದ್ರ, ಸುನಿಲ್‌ ಕುಮಾರ್, ಎಸ್‌.ಅಂಗಾರ, ಕೋಟ ಶ್ರೀನಿವಾಸ ಪೂಜಾರಿ, ಸಂಸದ ನಳಿನ್‌ಕುಮಾರ್ ಕಟೀಲ್‌ ಪಾಲ್ ಪಡೆಯೆರೆ ಉಲ್ಲೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ ಮಿಥುನ್ ಕೊಡೆತ್ತೂರುಗ್ ಪ.ಗೋ.ಪ್ರಶಸ್ತಿ

May 28, 2022

ಕುಡ್ಲ : ದ.ಕ. ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ಪ್ರತಿವರ್ಷ ಕೊರೊಂದುಪ್ಪುನ ಪ.ಗೋ. ಪ್ರಶಸ್ತಿ ಈ ಸರ್ತಿ ಹೊಸದಿಗಂತ ಪತ್ರಿಕೆದ ವರದಿಗಾರೆರ್ ಮಿಥುನ್ ಕೊಡೆತ್ತೂರು ಮೆರೆಗ್ ತಿಕ್‌ದ್ಂಡ್.

ಮಿಥುನ್ ಬರೆತಿನ ವಿಶೇಷ ವರದಿ ಈಗ ಕೈಮಗ್ಗಗಳತ್ತ ಪದವೀಧರರ ಚಿತ್ತ ಸೀರೆಗಳಲ್ಲಿ ನೇಕಾರರ ಚಿತ್ರ’ ವರದಿಗ್ ಈ ಪ್ರಶಸ್ತಿ ತಿಕ್‌ದ್ಂಡ್. ಪ್ರಶಸ್ತಿಡ್ ೧೦,೦೦೧ ರೂ. ಪಣವು, ನೆಂಪು ಕಾಣಿಕೆ ಬೊಕ್ಕ ಪ್ರಶಸ್ತಿ ಪಲವೆ ಉಂಡು.

ಮೇ ೩೧ ಕಾಂಡೆ ೧೧ ಗಂಟೆಗ್ ಉರ್ವದ ಪ್ರೆಸ್ ಕ್ಲಬ್‌ಡ್ ಪಶಸ್ತಿ ಪಟ್ಟುನ ಲೇಸ್ ನಡಪರೆ ಉಂಡು. ಪೊಲೀಸ್ ಉಪಆಯುಕ್ತೆರ್ ಹರಿರಾಮ್ ಶಂಕರ್ ಪ್ರಶಸ್ತಿ ಪಟ್ಟುವೆರ್. ದಕ್ಷಿಣಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷೆರ್ ಶ್ರೀನಿವಾಸ್ ನಾಯಕ್ ಇಂದಾಜೆ ಲೇಸ್‌ದ ಗುರ್ಕಾರ್ಮೆ ಒಯಿಸೊನ್ವೆರ್.
ದ.ಕ. ಜಿಲ್ಲಾ ಅಪರ ಜಿಲಾಧಿಕಾರಿ ಕೃಷ್ಣಮೂರ್ತಿ, ಹಿರಿಯ ಪತ್ರಕರ್ತೆರ್ ಆನಂದ ಶೆಟ್ಟಿ, ಮಲ್ಲ ಬಿನ್ನೆರಾದ್ ಬರ್ಪೆರ್.
ಮಂಗಳೂರು ಪ್ರೆಸ್ ಕ್ಲಬ್ ಅಧ್ಯಕ್ಷೆರ್ ಅನ್ನು ಮಂಗಳೂರು, ಪತ್ರಿಕಾ ಭವನ ಟ್ರಸ್ಟ್ ಅಧ್ಯಕ್ಷೆರ್ ರಾಮಕೃಷ್ಣ ಆರ್., ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯೆರ್ ಜಗನ್ನಾಥ ಶೆಟ್ಟಿ ಬಾಳ ಮೊಕುಲು ಬಿನ್ನೆರಾದ್ ಬರ್ಪೆರ್ ಪಂದ್ ದ.ಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ಜಿತೇಂದ್ರ ಕುಂದೇಶ್ವರ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.

Journalist Mithun Kodeytoor gets the Pa .Go . award for the year

Mangalore: The DK working journalists association gives away the Pa.Go award every year .This year the Pa .Go. Award has been awarded to the journalist of Hosadiganta magazine Mithun Kodeytoor.

He was selected for the award for his special report on handloom weavers. The award carries a cash prize of 10,000 rupees ,a memento and a citation. The award will be presented on May 31st at Urva press club at 11a.m.

The program will be presided by the president of the DK working journalists association Srinivasa Nayak Indajey.The award presentation will be by deputy commissioner of police Hariram Shankar. Many dignitaries are expected to participate in the program.

ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿ – ಕರಾವಳಿ ಕರ್ನಾಟಕದ ಕೈಗಾರೀಕರಣದ ಬಗ್ಗೆ ಪಾತೆರಕಥೆ :

May 28, 2022

ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿ – ಕರಾವಳಿ ಕರ್ನಾಟಕದ ಕೈಗಾರೀಕರಣದ ಬಗ್ಗೆ ಪಾತೆರಕಥೆ :

ಬೊಂಬಾಯಿ : ಕರ್ನಾಟಕದ ಕರಾವಳಿ ಜಿಲ್ಲೆಡ್ ಮಾಲೀನ್ಯ ರಹಿತ ಸರ್ವತೋಮುಖ ಅಭಿವೃದ್ಧಿಗ್ ಕರಿನ 22 ವರ್ಷರ್ದ್ ಪೊರ್oಬಾಟ ಮಲ್ತೊಂದು ಯಶಸ್ವಿದೊಟ್ಟುಗು ಸಾಧನೆ ಮಲ್ತೊಂದುಮಾಡುತ್ತಾ
ಜಿಲ್ಲೆನ್ ಅಭಿವೃದ್ದಿ ಪಥಡ್ ಕೊನೊವೊಂದು ಉಪ್ಪುನ ಬೊಂಬಾಯಿದ ಪುಗರ್ತೆದ ಸರಕಾರೇತರ ಸಂಘಟನೆ ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿದ ವತಿರ್ದ್ ಮಾ. 7 ಕ್ಕ್ ಕರಾವಳಿ ಕರ್ನಾಟಕದ ಕೈಗಾರೀಕರಣದ ಬಗ್ಗೆ ಪಾತೆರಕತೆ ಲೇಸ್ ಕುರ್ಲಾ ಪೂರ್ವದ ಬಂಟರ ಭವನದ ಚಾವಡಿಡ್ ಬಾಂಬೆದ ಬೊಕ್ಕ ಊರುದ ಗಣ್ಯೆರ್ನ ಮುತಾಲಿಕೆಡ್ ನಡತುಂಡು .

ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿದ ಸಂಸ್ಥಾಪಕೆರಾಯಿನ ತೋನ್ಸೆ ಜಯಕೃಷ್ಣ ಎ. ಶೆಟ್ರೆನ ಗುರ್ಕಾರ್ಮೆಡ್ ಆನಿ ಬಯ್ಯಗ್ ನಡತಿನ ಲೇಸ್ ನ್ ಉತ್ತರ ಬೊಂಬಾಯಿದ ಸಂಸದೆರಾಯಿನ ಗೋಪಾಲ ಶೆಟ್ರ್ ತುಡರ್ ಅರ್ಲಾದ್ ಪಾತೆರಿಯೆರ್.ಗುರ್ಕಾರ್ಮೇ ವಹಿಸ್ದ್ ಪಾತೆರಿನ ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಸಂಸ್ಥಾಪಕೆರಾಯಿನ ತೋನ್ಸೆ ಜಯಕೃಷ್ಣ ಎ. ಶೆಟ್ರ್ ಅಭಿವೃದ್ಧಿಗ್ ಪಣ ಕಟ್ಟಿನ ನಮ್ಮ ಸಮಿತಿ ಒವ್ವೆ ಜಾತಿ ಮತ ದಾoತೆ ಒಟ್ಟಾದ್ ಉಲ್ಲ ಪಂದ್ ಪಂಡೆರ್ .ಮಾಜಿಎಂ ಎಲ್ ಸಿ. ಬಿಜೆಪಿ ನಾಯಕ ಕ್ಯಾ| ಗಣೇಶ್ ಮೇರ್ ದಿಕ್ಸೂಚಿ ಭಾಷಣ ಮಲ್ತೆರ್ .

ಉದ್ಯಮಿ ಆನಂದ ಎಂ. ಶೆಟ್ಟಿ, ತೋನ್ಸೆ , ಅರುಣ್ ಭುಟ್ಕ ಮಾಜಿ ನಿರ್ದೇಶ – ಟೊಯೊ ಇಂಜಿನಿಯರಿಂಗ್ ಲಿಮಿಟೆಡ್, ದೇವಾಡಿಗ ಸಂಘ ಮುಂಬಯಿ ಗುರ್ಕಾರ್ಲಾಯಿನ ರವಿ ಎಸ್. ದೇವಾಡಿಗ, ಸಮಿತಿಯ ಕೋಶಾಧಿಕಾರಿ ತುಳಸಿದಾಸ್ ಎಲ್. ಅಮೀನ್ ಪಾಲ್ ಪಡೆದಿತ್ತೆರ್.

ಸಮಿತಿದ ಮಾಜಿ ಗುರ್ಕಾರ್ಲಾಯಿನ ನ್ಯಾ. ಸುಭಾಷ್ ಶೆಟ್ಟಿ. ವಿಶ್ವನಾಥ ಮಾಡ, ಹರೀಶ್ ಕುಮಾರ್ ಶೆಟ್ಟಿ ಒತ್ತು ಗುರ್ಕಾರ್ಲಾಯಿನ ಪಿ ಧನಂಜಯ ಶೆಟ್ಟಿ, ನಿತ್ಯಾನಂದ ಡಿ., ಕೋಟ್ಯಾನ್, ಸಿಎ ಐ.ಆರ್. ಶೆಟ್ಟಿ , ಡಾ. ಆರ್. ಕೆ. ಶೆಟ್ಟಿ, ಹ್ಯಾರಿ ಸಿಕ್ವೇರಾ, ಬಿ. ಮುನಿರಾಜ್, ಗೌರವ ಜೊತೆ ಕೋಶಾಧಿಕಾರಿ ಸದಾನಂದ ಆಚಾರ್ಯ, ಕಾರ್ಯಕಾರಿ ಸಮಿತಿಯ ಸದಸ್ಯೆರಾಯಿನ ಡಾ. ಪ್ರಭಾಕರ ಶೆಟ್ಟಿ ಬೊಳ, ಎಂ. ಎನ್. ಕರ್ಕೇರ, ದಯಾಸಾಗರ ಚೌಟ, ಶ್ಯಾಮ್ ಎನ್. ಶೆಟ್ಟಿ, ಕರುಣಾಕರ ಹೆಜಮಾಡಿ, ಡಾ. ಸುರೇಂದ್ರ ಕುಮಾರ್ ಹೆಗ್ಡೆ, ಡಾ. ತೋನ್ಸೆ ವಿಜಯಕುಮಾರ್ ಶೆಟ್ಟಿ, ರಮಾನಂದ ರಾವ್, ರಾಮಚಂದ್ರ ಗಾಣಿಗ, ಉತ್ತಮ್ ಶೆಟ್ಟಿಗಾರ್, ಚಿತ್ರಾಪು ಕೆ. ಎಂ. ಕೋಟ್ಯಾನ್, ರಾಕೇಶ್ ಭಂಡಾರಿ, ಜಯಪ್ರಕಾಶ್ ಹೆಗ್ಡೆ , ನ್ಯಾ. ಶಶಿಧರ ಕಾಪು ಬೊಕ್ಕ ಸಿ.ಎಸ್.ಗಣೇಶ್ ಎಸ್. ಶೆಟ್ಟಿ ಪಾಲ್ ಪಡೆದಿತ್ತೆರ್ .

ಲೇಸ್ ನ್ ಉಪಾಧ್ಯಕ್ಷ ನಿತ್ಯಾನಂದ ಕೋಟ್ಯಾನ್ ಬೊಕ್ಕ ಡಾ. ಸುರೇಂದ್ರ ಕುಮಾರ್ ಹೆಗಡೆ ನಿರೂಪಣೆ ಮಲ್ತೆರ್ . ಸಭೆಟ್ ಬೇತೆ ಬೇತೆ ಜಾತಿದ ಸಂಘಟನೆದ ಗುರ್ಕಾರ್ಲು ಪದುಕೆರ್ ,ಪರಿಸರ ಪ್ರೇಮಿ ಸಮಿತಿರ್ದ್ ಹಿತೈಷಿಲು ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ವಂದಿತಾ ಶರ್ಮಾ

May 28, 2022

ಬೆಂಗ್ಳೂರ್: ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿಯಾದ್ ಹಾಲಿ ಹೆಚ್ಚುವರಿ ಕಾರ್ಯದರ್ಶಿ ಅಂಚನೆ ಅಭಿವೃದ್ಧಿ ಆಯುಕ್ತೆರ್ ಆಯಿನ ಪೆರಿಯ ಐಎಎಸ್ ಅಧಿಕಾರಿ ವಂದಿತಾ ಶರ್ಮಾ ಮೇರೆನ್ ನೇಮಕ ಮಲ್ತ್ ದೆರ್.

ಮುಖ್ಯ ಕಾರ್ಯದರ್ಶಿ ಆಯಿನ ಪಿ.ರವಿಕುಮಾರ್ ಮೇರ್ ಮೇ 31ಕ್ಕ್ ನಿವೃತ್ತಿ ಆಯರೆ ಉಲ್ಲೆರ್. ಈ ಬಗೆಟ್ಟ್ ವಂದಿತಾ ಶರ್ಮಾ ಮೆರೆನ್ ಮೇ 31ಕ್ಕ್ ಮುಖ್ಯ ಕಾರ್ಯದರ್ಶಿ ಹುದ್ದೆಗ್ ನೇಮಕ ಮಲ್ತ್ ದೆರ್. ವಂದಿತಾ ಶರ್ಮಾ 1986ನೇ ಬ್ಯಾಚ್ ದ ಐಎಎಸ್ ಅಧಿಕಾರಿ ಆದಿತ್ತೆರ್.

Vanditha Sharma is the chief secretary of State government

Bangalore: Senior IAS officer Vanditha Sharma is the chief secretary of the state.

She has been appointed as P Ravi Kumar who is currently serving as chief secretary is set to retire on May 31st. Vanditha Sharma is from the 1986 batch of IAS officers.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರು : ಯುವ ಬಂಟರ ಸಂಘದ ಒಟ್ಟು ಸೇರಿಗೆಡ್ ಯುವ ಬಂಟರ ಆಯನ – 2022

May 28, 2022

ಪುತ್ತೂರು : ಯುವ ಬಂಟರ ಸಂಘದ ಒಟ್ಟು ಸೇರಿಗೆಡ್ ಯುವ ಬಂಟರ ಆಯನ – 2022

ಪುತ್ತೂರು : ತಾಲೂಕು ಯುವ ಬಂಟರ ಸಂಘದ ಒಟ್ಟು ಸೇರಿಗೆಡ್ ಬಂಟರ ಯಾನೆ ನಾಡವರ ಮಾತೃ ಬಂಟರ ಸಂಘ ಕುಡ್ಲ , ಪುತ್ತೂರು ತಾಲೂಕು ಸಮಿತಿ ಮುತಾಲಿಕೆಡ್ ಬಂಟರ ಸಂಘ ಪುತ್ತೂರು ತಾಲೂಕು ಬೊಕ್ಕ ಮಹಿಳಾ ಅಂಚನೆ ವಿದ್ಯಾರ್ಥಿ ಬಂಟರ ಸಂಘ ಪುತ್ತೂರು ತಾಲೂಕು ಮೆಕ್ಲೆನ ಒಟ್ಟು ಸೇರಿಗೆಡ್ ಯುವ ಬಂಟರ ಆಯನ – 2022 ಲೇಸ್ ಅಟ್ಟನೆ ಮಲ್ದೆರ್.

ಕಾಂಡೆ 5.30 ಗಂಟೆರ್ದ್ ಗಣಹೋಮ, 6.30 ರ್ದ್ ಶ್ರೀ ಸತ್ಯನಾರಾಯಣ ಪೂಜೆ, 9 ಗಂಟೆರ್ದ್ ಉಪಹಾರ, ಕಾಂಡೆ 9.30 ರ್ದ್ ಬಂಟ ಕಲಾ ವೈಭವ ಪಂಥ ನಡಪೆರೆ ಉಂಡು .

ಬಂಟ ಕಲಾ ವೈಭವ ಪಂಥಡ್ ಪಾಲ್ ಪಡೆಯುನ ಕೂಟ:

▪️ಪುತ್ತೂರ್ದ ಮುತ್ತು (ಪುತ್ತೂರು ನಗರ)
▪️ನೇತ್ರಾವತಿ (ಉಪ್ಪಿನಂಗಡಿ) ▪️ಕದಂಬ(ಸವಣೂರು)
▪️ಕುಮಾರಧಾರ(ಪಾಣಾಜೆ) ▪️ಸತ್ಯದ ಸಿರಿ(ನೆಟ್ಟಣಿಗೆ ಮುಡೂರು)
ಕೂಟ ಬಂಟ ಕಲಾ ವೈಭವಡ್ ಪಾಲ್ ಪಡೆಯೆರೆ ಉಂಡು.

ಸ್ನಾತಕೋತ್ತರ ಪದವಿ ಪಡೆಯಿನ ಜೋಕ್ಲೆಗ್ ಮಾನದಿಗೆ

2021-22ನೇ ಶೈಕ್ಷಣಿಕ ಸಾಲ್ ಡ್ ಸ್ನಾತಕೋತ್ತರ ಪದವಿ ಪಡೆಯಿನಕ್ಲೆಗ್ ಈ ಲೇಸ್ ಡ್ ಮಾನದಿಗೆ ಮಲ್ಪರೆ ಉಲ್ಲೆರ್ .

ಬಂಟ ಸ್ಮೃತಿ ಲೇಸ್ :

ಕೆದಂಬಾಡಿ ಜತ್ತಪ್ಪ ರೈ(ಮೃಗಯ ಸಾಹಿತಿ)
ಮಿತ್ತಳಿಕೆ ಅಮ್ಮು ಶೆಟ್ಟಿ ಪುತ್ತೂರು ತಾಲೂಕು ಬಂಟರ ಸಂಘದ ಸ್ಥಾಪಕಾಧ್ಯಕ್ಷೆರ್ ) ಕಾವು ಅಂತಪ್ಪ ಶೆಟ್ರ್ (ರಾಜಕೀಯ ಸೇವೆ). ಆನಾಜೆ ಗಣೇಶ್ ರೈ (ಪುತ್ತೂರು ತಾಲೂಕು ಬಂಟರ ಸಂಘದ ಮಾಜಿ ಗುರ್ಕಾರ್ಲು ) ಕುದ್ದಾಡಿ ವಿಶ್ವನಾಥ ರೈ (ಕಲಾ ಸೇವೆ)ಮೆಕ್ಲೆನ ಸ್ಮೃತಿ ಲೇಸ್ ನಡಪೆರೆ ಉಂಡು .

ಸಭಾ ಲೇಸ್ :

ಮಧ್ಯಾಹ್ನ 12.30 ರ್ದ್ ಸಭಾ ಕಾರ್ಯಕ್ರಮ ನಡಪೆರೆ ಉಂಡು . ಬಂಟರ ಯಾನೆ ನಾಡವರ ಮಾತೃ ಸಂಘದ ಉಪಾಧ್ಯಕ್ಷೆರಾಯಿನ ಕಾವು ಹೇಮನಾಥ ಶೆಟ್ಟಿ ಉದಿಪನ ಮಲ್ಪರೆ ಉಲ್ಲೆರ್ .ಪುತ್ತೂರು ತಾಲೂಕು ಯುವ ಬಂಟರ ಸಂಘದ ಗುರ್ಕಾರ್ಲಾಯಿನ, ಶಶಿರಾಜ್ ರೈ ಮುಂಡಾಲಗುತ್ತು ಗುರ್ಕಾರ್ಮೆ ವಹಿಸರೆ ಉಲ್ಲೆರ್.
ಬಂಟರ ಯಾನೆ ನಾಡವರ ಮಾತೃ ಸಂಘದ ಪುತ್ತೂರು ತಾಲೂಕು ಸಮಿತಿ ಸಂಚಾಲಕ ದಯಾನಂದ ರೈ ಮನವಳಿಕೆಗುತ್ತು ಬಂಟ ಕಲಾ ವೈಭವನ್ ಉದಿಪನ ಮಲ್ಪರೆ ಉಲ್ಲೆರ್. ಬಂಟರ ಯಾನೆ ನಾಡವರ ಮಾತೃ ಸಂಘದ ನಿರ್ದೇಶಕ ಕುಂಬ್ರ ದುರ್ಗಾಪ್ರಸಾದ್ ರೈಕುಲು ಬಂಟ ಸ್ಮೃತಿ ಮಲ್ಪರೆ ಉಲ್ಲೆರ್.
ಪುತ್ತೂರು ತಾಲೂಕು ಯುವ ಬಂಟರ ಸಂಘದ ನಿಕಟಪೂರ್ವಾಧ್ಯಕ್ಷ ಪ್ರಕಾಶ್ ರೈ ಸಾರಕರೆ, ತಾಲೂಕು ಮಹಿಳಾ ಬಂಟರ ಸಂಘದ ಗುರ್ಕಾರ್ಲಾಯಿನ ಸಬಿತಾ ಭಂಡಾರಿ, ತಾಲೂಕು ವಿದ್ಯಾರ್ಥಿ, ನಿಕಟಪೂರ್ವಾಧ್ಯಕ್ಷ ಪ್ರಕಾಶ್ ರೈ ಸಾರಕರೆ, ತಾಲೂಕು ಮಹಿಳಾ ಬಂಟರ ಸಂಘದ ಗುರ್ಕಾರ್ಲಾಯಿನ ಸಬಿತಾ ಭಂಡಾರಿ, ತಾಲೂಕು ವಿದ್ಯಾರ್ಥಿ ಬಂಟರ ಸಂಘದ ಗುರ್ಕಾರ್ಲಾಯಿನ ಪವನ್ ಶೆಟ್ಟಿ ಕಂಬಳತ್ತಡ್ಕ ಪಾಲ್ ಪಡೆಯೆರೆ ಉಲ್ಲೆರ್.

ಇಂಡಿಯನ್‌ ಓಪನ್‌ ಆಫ್ ಸರ್ಫಿಂಗ್ -22 ಉದಿಪನ : ಬೇತೆ ಬೇತೆ ರಾಜ್ಯೊರ್ದು 70ರ್ದ್ ಜಾಸ್ತಿ ಪಂತಾರ್ಥಿಲು ಪಾಲ್

May 28, 2022

ಇಂಡಿಯನ್‌ ಓಪನ್‌ ಆಫ್ ಸರ್ಫಿಂಗ್ -22 ಉದಿಪನ : ಬೇತೆ ಬೇತೆ ರಾಜ್ಯೊರ್ದು 70ರ್ದ್ ಜಾಸ್ತಿ ಪಂತಾರ್ಥಿಲು ಪಾಲ್

ಕುಡ್ಲ : ಸರ್ಫಿಂಗ್ ಫೆಡರೇಷನ್ ಆಫ್ ಇಂಡಿಯಾ ಬೊಕ್ಕ ಜಿಲ್ಲಾ ಪ್ರವಾಸೋದ್ಯಮ ಇಲಾಖೆದ ಒಟ್ಟು ಸೇರಿಗೆಡ್ ಪೇಂಟೆದ ಪಣಂಬೂರು ಕಡಲ ಬರಿಟ್ ಅಟ್ಟನೆ ಮಲ್ತಿನ ಇಂಡಿಯನ್‌ ಓಪನ್‌ ಆಫ್ ಸರ್ಫಿಂಗ್ -2022ಗ್ ಶುಕ್ರವಾರ ಕಾಂಡೆ ಎನ್.ಎಂ.ಪಿ.ಟಿ ಗುರ್ಕಾರ್ಲಾಯಿನ ಎ.ವಿ. ರಮಣ ಚಾಲನೆ ಕೊರಿಯೆರ್ .

ಈ ಪೊರ್ತುಡು ಪ್ರವಾಸೋದ್ಯಮ ಇಲಾಖೆ ಉಪ ನಿರ್ದೇಶಕ ಮಾಣಿಕ್ಯ, ಇಂಡಿಯನ್‌ ಸರ್ಫಿಂಗ್ ಫೆಡರೇಶನ್ ಜಂಟಿ ಕಾರ್ಯದರ್ಶಿ ಗೌರವ್ ಹೆಗ್ಡೆ ಸೇರಿನಂಚ ಬೇತೆ ಬೇತೆ ರಾಜ್ಯೊರ್ದು ಬತ್ತಿನ 70ರ್ದ್ ಜಾಸ್ತಿ ಪಂತಾರ್ತಿಲು ಪಾಲ್ ಪಡೆದಿತ್ತೆರ್.

ಜೂ.1 ಕ್ಕ್ ಕುಡ್ಲಗ್ ಬರ್ರೆ ಉಲ್ಲೆರ್ ಬೊಮ್ಮಾಯಿ : ರೈತ ವಿದ್ಯಾನಿಧಿ ಫಲಾನುಭವಿಲ್ನ ಒಟ್ಟುಗು ಸಂವಾದ

May 28, 2022

ಜೂ.1 ಕ್ಕ್ ಕುಡ್ಲಗ್ ಬರ್ರೆ ಉಲ್ಲೆರ್ ಬೊಮ್ಮಾಯಿ : ರೈತ ವಿದ್ಯಾನಿಧಿ ಫಲಾನುಭವಿಲ್ನ ಒಟ್ಟುಗು ಸಂವಾದ

ಕುಡ್ಲ : ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಜೂನ್ 1ಕ್ಕ್ ಜಿಲ್ಲೆದ ಪ್ರವಾಸ ಬರಿಯೆರೆ ಉಲ್ಲೆರ್ , ಮುಖ್ಯಮಂತ್ರಿ ರೈತ ವಿದ್ಯಾನಿಧಿ ಯೋಜನೆದಡಿ ಕುಡ್ಲದ ಫಲಾನುಭವಿಲಾಯಿನ ಬೆನ್ನಿ ಬೆನ್ಪಿನಕ್ಲೆನ ಜೋಕ್ಲೆನ ಒಟ್ಟುಗು ಬೆದ್ರದ ಆಳ್ವಾಸ್ ಕಾಲೇಜ್ ಡ್ ಸಂವಾದ ನಡಪಾಯೆರೆ ಉಲ್ಲೆರ್ .

ಈ ನೆಲೆಟ್ಟ್ ಅಗತ್ಯ ತಯಾರಿ ಮಲ್ಪರೆ ಸಂಸದ ನಳಿನ್ ಕುಮಾರ್ ಕಟೀಲ್ ಮೇರ್ ಸಂಬಧ ಪಟ್ಟಿನ ಅಧಿಕಾರಿಲೆಗ್ ನಿರ್ದೇಶನ ಕೊರಿಯೆರ್ . ಈ ಪೊರ್ತುಡು ಬೆದ್ರದ ಶಾಸಕ ಉಮನಾಥ್ ಕೋಟ್ಯಾನ್, ಕುಡ್ಲ ಮಹಾನಗರ ಪಾಲಿಕೆ ಆಯುಕ್ತ ಅಕ್ಷಯ್ ಶ್ರೀಧರ್, ಸ್ಮಾರ್ಟ್ ಸಿಟಿ ವ್ಯವಸ್ಥಾಪಕ ನಿರ್ದೇಶಕ ಪ್ರಶಾಂತ್ ಮಿಶ್ರ, ಅಪರ ಜಿಲ್ಲಾಧಿಕಾರಿ ಡಾ. ಕೃಷ್ಣಮೂರ್ತಿ, ಕೃಷಿ ಇಲಾಖೆ ಜಂಟಿ ನಿರ್ದೇಶಕಿ ಸೀತಾ, ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ಸುಧಾಕರ್, ಪದವಿ ಪೂರ್ವ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಜಯಣ್ಣ ಸೇರಿನಂಚ ಜಿಲ್ಲಾಮಟ್ಟದ ಅಧಿಕಾರಿಲು , ಆಳ್ವಾಸ್ ಶಿಕ್ಷಣ ಸಂಸ್ಥೆದ ಮುಖ್ಯಸ್ಥ ಡಾ. ಮೋಹನ್ ಆಳ್ವ ಪಾಲ್ ಪಡೆದಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮಹಾರಾಷ್ಟ್ರಡ್ ಜಾಸ್ತಿ ಆವೊಂದುಂಡು ಕೋವಿಡ್ 19 ಕೇಸ್ : ಸಿಎಂ ಉದ್ಧವ್ ಠಾಕ್ರೆ

May 27, 2022

ಮುಂಬೈ: ಮಹಾರಾಷ್ಟ್ರಡ್ ಕೋವಿಡ್ 19 ಪ್ರಕರಣ ಎಚ್ಚ ಆವೊಂದಿಪ್ಪುನ ಕಾರಣ ಸಿಎಂ ಉದ್ಧವ್ ಠಾಕ್ರೆ ಮಹತ್ವವಾಯಿನ ಘೋಷಣೆನ್ ಮಲ್ತ್ ದೆರ್. ರಾಜ್ಯ ಸಚಿವ ಸಂಪುಟ ಸಭೆ ನಡಪಾಯಿನ ಸಭೆಟ್ಟ್ ಉದ್ಧವ್ ಠಾಕ್ರೆ, ರಾಜ್ಯಡ್ ಇಪ್ಪುನ ಜನಕುಲು ಕಡ್ಡಾಯವಾದ್ ಮಾಸ್ಕ್ ನ್ ಪಾಡೊಡ್ ಪಂದ್ ಆದೇಶನ್ ಮಲ್ತ್ ದೆರ್.

ಕೋವಿಡ್ ದ ನಾಲನೇ ಗಾಳಿ ಇಪ್ಪುನ ಕಾರಣ ಉದ್ಧವ್ ಠಾಕ್ರೆ ಮಾಸ್ಕ್ ಪಾಡೊಡ್ ಪಂದ್ ಜನಕ್ಲೆಡ ಒತ್ತಾಯನ್ ಮಲ್ತ್ ದೆರ್.

ರಾಜ್ಯಡ್ ಇತ್ತೆ ಪಾಸಿಟಿವಿಟಿ ದರ 1.59% ದಾತ್ ಉಂಡು. ಆಂಡ ಮುಂಬೈಡ್ 3.17% ದಾತ್ ಎಚ್ಚ ಆತ್ಂಡ್. ಪುಣೆಡ್ 2.16% ದಾತ್ ಪಾಸಿಟಿವಿಟಿ ದರ ಉಂಡು. ಮುಂಬೈಡ್ ಕೋವಿಡ್ 19 ಸೀಕ್ ದ 52.79% ದಾಖಲೆದ ಮಟ್ಟಡ್ ಇತ್ತಂಡ ಥಾಣೆಡ್ 27.92%, ರಾಯಗಡಸಡ್ 18.52% ಬೊಕ್ಕ ಪಾಲ್ಘರ್ ಜಿಲ್ಲೆಡ್ 68.75% ಜಾಸ್ತಿಯಾತ್ಂಡ್.

Increasing covid 19 cases in Maharashtra: CM Uddhav Thackeray

Mumbai: Taking into account the raising number of covid 19 cases in the state the CM Uddhav Thackeray made an important announcement that wearing of masks is compulsory in the state.

He stressed that wearing of masks is compulsory as the fourth wave of covid 19 was expected. The positivity rate in the state was 1.59% while it was 3.17% in Mumbai.

ಕಟೀಲ್ ದ ಆಜಿ ಮೇಳದ ಆಟ ಮುಗಿದ್ ಗೆಜ್ಜೆ ಗಿರ್ತ್ ದೀಯೆರ್ ಕಲಾವಿದೆರ್

May 27, 2022

ಮೂಲ್ಕಿ: ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಆಜಿ ದಶಾವತಾರ ಯಕ್ಷಗಾನ ಮೇಳದ ಈ ವರ್ಷದ ತಿರ್ಗಾಟದ ಕಡೆತ್ತ ಪತ್ತನಾಜೆ ಸೇವೆಯಾಟ ಬುಧಾರದಾನಿ ನಡತ್ಂಡ್.

ಬುಧಾರ ಮಧ್ಯಾಹ್ನ ಕ್ಷೇತ್ರದ ಮಹಾಲಕ್ಷ್ಮೀ ಸದನಡ್ ಮಾತ ಆಜಿ ಮೇಳದ ದೇವೆರ್ನ ಚೌಕಿ ಪೂಜೆ ಆದ್ ಕತ್ತಲೆಗ್ ಭವ್ಯವಾದ್ ಅಲಂಕಾರ ಆಯಿನ ಆಜಿ ಮಂಟಪಡ್ ಚೌಕಿ ಪೂಜೆ ನಡತ್ಂಡ್. ಆಯಿಬೊಕ್ಕ ಆಜಿ ರಂಗಸ್ಥಳಡ್ ದಶಾವತಾರ, ಶ್ರೀನಿವಾಸ ಕಲ್ಯಾಣ ಯಕ್ಷಗಾನ ಬಯಲಾಟ ನಡತ್ಂಡ್. ಗುರುವಾರದಾನಿ ಕಾಂಡೆ ದೇವಲ್ಯಡ್ ಶ್ರೀ ದೇವೆರ್ನ ಸಾನಿಧ್ಯಡ್ ಕಲಾವಿದೆರ್ ಗೆಜ್ಜೆ ಗಿರ್ಪುನ ಮುಖೇನ ಪತ್ತನಾಜೆದ ಕಡೆತ್ತ ಆಟಗ್ ಮುಗಿತಲದ ಚುಕ್ಕೆ ದೀಯೆರ್.

The Yaksharangayana season closes; Artists call it a day!!

Mulki: The Yakshagana season closes and the artists of the Kateel Durga parameshwari Yakshagana mela performed the last play of the season which was held on
” Pattanaje” that was on the 24 th of May.

The 6 melas completed the ending rituals at Mahalaxmi sadan at the Kateel kshetra and later on Thursday removed their ” gejje” in the presence of the deity.

kudla

ಕಾಂಗ್ರೆಸ್ ಪಕ್ಷಗ್ ರಾಜೀನಾಮೆ ಕೊರಿನ ಮುಖ್ಯಮಂತ್ರಿ ಚಂದ್ರು

ಗೌಜಿಡ್ ಉದಿಪನ ಆಂಡ್ ಪಟ್ಲ ಸಂಭ್ರಮ :2022

ಪತ್ರಕರ್ತೆರ್ ಮಿಥುನ್ ಕೊಡೆತ್ತೂರುಗ್ ಪ.ಗೋ.ಪ್ರಶಸ್ತಿ

ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿ – ಕರಾವಳಿ ಕರ್ನಾಟಕದ ಕೈಗಾರೀಕರಣದ ಬಗ್ಗೆ ಪಾತೆರಕಥೆ :

ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ವಂದಿತಾ ಶರ್ಮಾ

ಪುತ್ತೂರು : ಯುವ ಬಂಟರ ಸಂಘದ ಒಟ್ಟು ಸೇರಿಗೆಡ್ ಯುವ ಬಂಟರ ಆಯನ – 2022

ಇಂಡಿಯನ್‌ ಓಪನ್‌ ಆಫ್ ಸರ್ಫಿಂಗ್ -22 ಉದಿಪನ : ಬೇತೆ ಬೇತೆ ರಾಜ್ಯೊರ್ದು 70ರ್ದ್ ಜಾಸ್ತಿ ಪಂತಾರ್ಥಿಲು ಪಾಲ್

ಜೂ.1 ಕ್ಕ್ ಕುಡ್ಲಗ್ ಬರ್ರೆ ಉಲ್ಲೆರ್ ಬೊಮ್ಮಾಯಿ : ರೈತ ವಿದ್ಯಾನಿಧಿ ಫಲಾನುಭವಿಲ್ನ ಒಟ್ಟುಗು ಸಂವಾದ

ಮಹಾರಾಷ್ಟ್ರಡ್ ಜಾಸ್ತಿ ಆವೊಂದುಂಡು ಕೋವಿಡ್ 19 ಕೇಸ್ : ಸಿಎಂ ಉದ್ಧವ್ ಠಾಕ್ರೆ

ಕಟೀಲ್ ದ ಆಜಿ ಮೇಳದ ಆಟ ಮುಗಿದ್ ಗೆಜ್ಜೆ ಗಿರ್ತ್ ದೀಯೆರ್ ಕಲಾವಿದೆರ್

You Missed

ಯುಕೆ ತುಳು ಕಮ್ಯುನಿಟಿಗ್ ಪೊಸ ಪದಾಧಿಕಾರಿಲೆನ ಆಯ್ಕೆ

ಕಟೀಲ್ ದೇಲಂತಡೆಡ್ ಭಕ್ತೆರೆಗ್ ಆ್ಯಪಲ್ ಪಟ್ಟಿಯೆರ್

ಅ.11-19: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ನವರಾತ್ರಿ ವೈಭವ

ತುಳುವೆರೆ ಆಯನೊ ಕೂಟೊಗು 20ನೇ ವರ್ಷೊದ ಸಂಬ್ರಮ: ಜನವರಿ 30, 31ಕ್ಕ್ ಮಲ್ಲ ಲೇಸ್‌ದ ಅಟ್ಟಣೆದ ಸಭೆ