ತುಳುವ ಸಾಧಕೆರೆಗ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪ್ರದಾನ
ಬೆಂಗಳೂರು: ತುಳುನಾಡ್‌ಡ್ ವಿವಿಧ ಕ್ಷೇತ್ರಡ್ ಮಲ್ಲ ಸಾಧನೆ ಮಲ್ದಿನ ದಕ್ಷಿಣ ಕನ್ನಡ ಜಿಲ್ಲೆದ ಸಾಧಕೆರಾಯಿನ ಮೂವೆರ್ ತುಳುವೆರೆಗ್ ಸಿಎಂ ಡಿಕೆ ಶಿವಕುಮಾರ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪ್ರದಾನ ಮಲ್ತೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್ ಎ.ಸಿ.ಭಂಡಾರಿ, ತುಳು ಸಂಶೋಧಕಿ ಬೊಕ್ಕ ಲೇಖಕಿ ಡಾ.ಇಂದಿರಾ ಹೆಗ್ಡೆ, ಮಾಧ್ಯಮ ಛಾಯಾಗ್ರಾಹಕೆರ್ ವಿಶ್ವನಾಥ ಸುವರ್ಣ ಮೊಕ್ಲೆಗ್ ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರಡ್ ಐತಾರ ನಡತಿನ ಲೇಸ್‌ಡ್ ಮೊಕುಲು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿನ್ ಸ್ವೀಕಾರ ಮಲ್ತೆರ್ .
ಈ ಪೊರ್ತುಡು ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ಶಿವರಾಜ್ ಎಸ್. ತಂಗಡಗಿ ಬೊಕ್ಕ ಇಲಾಖೆದ ಅಧಿಕಾರಿಲು ಲೇಸ್‌ಡ್ ಪಾಲ್ ಪಡೆದಿತ್ತೆರ್.