karkala

ಕಾರ್ಲ: ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ಸ್ವಾಮಿ ದೇವಲ್ಯಡ್ ವಾರ್ಷಿಕ ಜಾತ್ರಾ ಮಹೋಚ್ಚಯ ಬೊಕ್ಕ ಬ್ರಹ್ಮರಥೋತ್ಸವ

Apr 14, 2022

ಕಾರ್ಲದ ಎಳ್ಳಾರೆ ಮಹತೋಭಾರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ಸ್ವಾಮಿ ದೇವಲ್ಯಡ್ ಏ.8-ಏ.18 ಮುಟ್ಟ ಶ್ರೀ ಕ್ಷೇತ್ರಡ್ ವಾರ್ಷಿಕ ಜಾತ್ರಾ ಮಹೋಚ್ಚಯ ಬೊಕ್ಕ ಬ್ರಹ್ಮರಥೋತ್ಸವ ಭಾರೀ ಗೌಜಿಡ್ ನಡಪರೆ ಉಂಡು.

ಮಸ್ತ್ ಧಾರ್ಮಿಕ ಅಂಚನೆ ಸಾಂಸ್ಕೃತಿಕ ಕಾರ್ಯಕ್ರಮದ ಒರೊಟ್ಟ್ ಈ ಲೇಸ್ ನಡಪರೆ ಉಂಡು.

ದೇವಲ್ಯದ ಪರಪೋಕು

ಪರಶುರಾಮ ಸೃಷ್ಟಿದ ಪುಣ್ಯ ಮಣ್ಣ್ ಡ್ ನಮ ಬೇತೆ ಬೇತೆ ವಿಶಿಷ್ಟ ಕಾರಣಿಕ ಧಾರ್ಮಿಕ ಶ್ರದ್ಧಾ ಕೇಂದ್ರಲೆನ್ ತೂತ. ಅಂಚಿನ ಕಾರ್ಣಿಕ ಕ್ಷೇತ್ರಡ್ ಕಾರ್ಲ ತಾಲ್ಲೂಕ್ ದ ಎಳ್ಳಾರೆ ಗ್ರಾಮಡ್ ಇಪ್ಪುನ ರಡ್ದನೆ ವೈಕುಂಠ ಪುಗರ್ತೆದ ಶ್ರೀ ಕ್ಷೇತ್ರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ಧನ ದೇವಲ್ಯಲ ಒಂಜಿ. ಮುಲ್ಪ ಪ್ರಮುಖ ದೇವೆರಾದ್ ಶ್ರೀ ಲಕ್ಷ್ಮೀ ಜನಾರ್ಧನ ದೇವೆರ್ ಅಂಚನೇ ಪರಿವಾರ ದೇವೆರಾದ್ ಶ್ರೀ ಮಹಾಗಣಪತಿ ಅಂಚನೆ ಶ್ರೀ ಜಲದುರ್ಗೆ ಬೊಕ್ಕ ಪರಿವಾರ ದೈವಲು ಇತ್ತ್ ದ್, ಏಪಲ ತ್ರಿಕಾಲ ಪೂಜೆ ಬೊಕ್ಕ ನೈವೇದ್ಯನ್ ಸದ್ಭಕ್ತೇರ್ದ್ ಸ್ವೀಕಾರ ಮಲ್ತ್ ದ್, ಪ್ರಸನ್ನತೆ ಪಡೆದ್ ಭಕ್ತೆರೆಗ್ ಅನುಗ್ರಹ ಕೊರೊಂದುಲ್ಲಲ್.

ಶ್ರೀ ಕ್ಷೇತ್ರ ಆರ್ಥಿಕವಾದ್ ಪಿರ ಇತ್ತ್ಂಡಲ ಮುಲ್ಪ ದೇವೆರ್ನ ಇಚ್ಛೆದಂಚನೆ ಏಪಲ ನುಪ್ಪುಸೇವೆ ನಡತ್ತೊಂದ್ ಇಪ್ಪುನವ್ ವಿಶೇಷ. ಉಂದೆಕ್ಕ್ ಕಾರಣ ಶ್ರೀ ದೇವೆರ್ ಒಂಜಿ ಕೈಟ್ ನುಪ್ಪುದ ಮುದ್ದೆನ್ ಪತ್ತ್ ದ್ ನೆಲೆಯಾಯಿನವ್. ತುಳುನಾಡ್ ದ ಪುಣ್ಯ ಮಣ್ಣ್ ದ ಈ ಕ್ಷೇತ್ರಡ್ ನೆಲೆಯಾಯಿನ ದೇವೆರ್ ಅಂಗೈಡ್ ನುಪ್ಪುದ ಮುದ್ದೆನ್ ಪತ್ತ್ ದ್ ಉಂತುದೆರ್. ಉಂದೆನ್ ತೂಯಿನ ಭಕ್ತೆರ್ ಶ್ರೀ ಕ್ಷೇತ್ರಡ್ ಸ್ವಯಂ ಸ್ಫೂರ್ತಿಡ್ ಅಮೃತ ಪಡಿ ಸೇವೆಗ್ ಕಾರಣಿಕರ್ತೆರಾದ್ ಶ್ರೀ ದೇವೆರ್ನ ನೈವೇದ್ಯಗಾದ್ ಅರಿನ್ ಕೊರೊಂದುಲ್ಲೆರ್. ಅಮೃತ ಪಡಿ ಸೇವೆ ಅಂಚನೆ ಶಾಶ್ವತ ಪೂಜೆ ಕೊರೊಂದಿಪ್ಪುನೆಡ್ದಾವರ ಶ್ರೀ ದೇವೆರ್ ನಮಕ್ಕ್ ಆಯುರಾರೋಗ್ಯ ಸಕಲಭಾಗ್ಯನ್ ಕರುಣಿಸಾವೊಂದ್ ಉಲ್ಲೆರ್ ಪನ್ಪಿನವ್ ಮುಲ್ಪದ ಭಕ್ತೆರ್ನ ಪಾತೆರ ಆತ್ಂಡ್.

ಶ್ರೀ ಕ್ಷೇತ್ರ ಇರ್ವತ್ತೂರು ಎಳ್ಳಾರೆ ಶ್ರೀ ಲಕ್ಷ್ಮೀ ಜನಾರ್ಧನ ದೇವಲ್ಯ ಸುಮಾರ್ 1400 ವರ್ಷದ ಪಿರವು ಆಲೂಪೆರ್ನ ಆಳ್ವಿಕೆಡ್ ನಿರ್ಮಾಣ ಆಯಿನ ಬಗ್ಗೆ ದೇವಲ್ಯದ ಪ್ರಾಂಗಾಣ ಅಂಚನೆ ಸುತ್ತ ಇಪ್ಪುನ ಶಿಲಾಶಾಸನಡ್ ಉಲ್ಲೇಖ ಉಂಡು. ಆಯಿಬೊಕ್ಕ ಕ್ರಿ.ಶ.1413 ಟ್ ವಿಜಯನಗರ ಸಾಮ್ರಾಜ್ಯದ ಅಧೀನಡ್ ಇತ್ತಿನ ಬಾರ್ಕೂರು ಸಾವಂತೆರ್ ಕಾಲಡ್ ಈ ದೇವಲ್ಯ ಪುನರ್ ನಿರ್ಮಾಣ ಆಂಡ್ ಪನ್ಪಿನವ್. ಶಾಸನಡ್ ಉಲ್ಲೇಖ ಉಂಡು. ಕ್ರಿ.ಶ.1448ದ ಡಿಸೆಂಬರ್ ತಿಂಗೋಲ್ ಡ್ ಬತ್ತಿನ ಆಮಾವಾಸ್ಯೆ ಅಂಚನೆ ಸೂರ್ಯಗ್ರಹಣದ ಪರ್ವಕಾಲಡ್ ಬಾರುಕೂರ್ದ ರಾಜ್ಯಪಾಲೆರ್ ಬಾನಪ್ಪ ಒಡೆಯೆರ್ ವಿಜಯನಗರ ಚಕ್ರವರ್ತಿ ಮಲ್ಲಿಕಾರ್ಜುನ ರಾಯನ ಪುದರ್ ಡ್ ಈ ದೇವಲ್ಯದ ನಿತ್ಯ ಪೂಜೆ, ಪರ್ವಕಾಲದ ಪೂಜೆ, ಕಾಲಾಧಿಬೋಗದ ಪೂಜಾ ಕಾರ್ಯಲೆನ್ ವಿಧಿವತ್ತಾದ್ ತಪ್ಪದೇ ನಡಪಾಯರೆ ಬೋಡಾದ್ ಎಳ್ಳಾರೆ ಗ್ರಾಮನ್ ಅಂಚನೆ ಗ್ರಾಮದ ಉತ್ಪತ್ತಿಗಾದ್ ದಾನವಾದ್ ಕೊರ್ದ್ ರಾಜ್ಯಪಾಲ ಬಾನಪ್ಪ ಒಡೆಯೆರ್ ಇರ್ವತ್ತೂರ್ ಎಳ್ಳಾರೆ ಈ ದೇವಲ್ಯಗ್ ಭೇಟಿಕೊರ್ದ್ ಕ್ರಿ.ಶ.1449 ಫೆಬ್ರವರಿ 25ಕ್ಕ್ ಈ ದಾನ ಸಂಬಂಧ ಪುದರ್ ದೀತೆರ್ ಪಂದ್ ಶಿಲಾಶಾಸನಡ್ ತೆರಿದ್ ಬರ್ಪುಂಡ್.

ಶಾಸನದ ಪ್ರಕಾರ ಶ್ರೀ ಕ್ಷೇತ್ರ ಇರ್ವತ್ತೂರು ಸುಮಾರ್ ಇರ್ವ ಊರುಲೆಗ್ ಸಂಬಂಧಪಟ್ಟ್ ದಿತ್ತ್ ದ್, ಕ್ರಿ.ಶ.1413 ಜನವರಿಡ್ ರಚನೆ ಮಲ್ತಿನ ಶಿಲಾ ಶಾಸನಡ್ ಈ ಕ್ಷೇತ್ರಗ್ “ಇರ್ವತ್ತೂರ್ ನಾಡ್” ಪಂದ್ ಪುದರ್ ದೀತೆರ್.

ಈ ಕ್ಷೇತ್ರದ ವ್ಯಾಪ್ತಿ ಏಳರೇ ಮಾಗಣೆಡ್ ಇತ್ತ್ ದ್, ಮುಖ್ಯವಾದ್ ಎಳ್ಳಾರೆ, ಕುಕ್ಕುಜೆ, ಕಡ್ತಲ, ಬೈರಂಪಳ್ಳಿ, 41ನೇ ಶಿರೂರು, ಹರಿಖಂಡಿಗೆ, ಪಂಚನಬೆಟ್ಟು, ಬೊಮ್ಮೆರ್ ಬೆಟ್ಟು ಗ್ರಾಮದ ಅರ್ಧಭಾಗ, ಎರ್ಲಪಾಡಿ, ಮರ್ಣೆ, ಅಜೆಕಾರು, ಮುಟ್ಲುಪಾಡಿ, ಅಂಡಾರು, ಎಣ್ಣೆಹೊಳೆ, ಶಿರ್ಲಾಲು, ಕೆರ್ವಾಶೇ, ವರಂಗ, ಮುನಿಯಾಲು, ಮುದ್ರಾಡಿ, ಕಬ್ಬಿನಾಲೆ, ನಾಡ್ಪಾಲು, ಸೋಮೇಶ್ವರ, ಚಾರ, ಹೆಬ್ರಿ, ಶಿವಪುರ, ಕಜಾನೆ ಇಂಚಿನ ಇರ್ವ ಊರುಲೆಗ್ ಸಂಬಂಧ ಪಟ್ಟಿನ ಕ್ಷೇತ್ರನೇ ಇರ್ವತ್ತೂರ್. ಅಂಚಾದ್ ಈ ಕ್ಷೇತ್ರಗ್ ಸಂಬಂಧ ಪಟ್ಟಿನ ಊರುಡ್ ಇಪ್ಪುನ ಇಲ್ಲಡ್ ಒವ್ವೆ ಶುಭ ಕಾರ್ಯಕ್ರಮ, ದೈವಲೆನ ನೇಮೋಚ್ಚಯ ನಡಪುನ ಪೊರ್ತುಡ್ ಶ್ರೀ ದೇವೆರೆಗ್ ಕಾಣಿಕೆ, ತಾರಾಯಿ ದೆದ್ದೀದ್ ಪ್ರಾರ್ಥನೆ ಮಲ್ತ್ ದ್ ಕ್ಷೇತ್ರದ ಸಿರಿಮುಡಿ ಗಂಧ ಪ್ರಸಾದನ್ ದೆತೊಂದ್ ಪೋಪಿನವ್ ಮುಲ್ಪದ ರೂಢಿ.

೧೦೦೮ ಭಗವಾನ್ ಶ್ರೀ ಆದಿನಾಥ ಸ್ವಾಮಿ ಬಸದಿ ಅಭಿವೃದ್ಧಿ ಸಮಿತಿ (ರಿ.) ಕೊಳಕ್ಕೆ, ಇರ್ವತ್ತೂರ್ ಡ್ ವಾರ್ಷಿಕ ಪೂಜಾ ಮಹೋಚ್ಚಯ

Apr 1, 2022

ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ೧೦೦೮ ಭಗವಾನ್ ಶ್ರೀ ಆದಿನಾಥ ಸ್ವಾಮಿ ಬಸದಿ ಅಭಿವೃದ್ಧಿ ಸಮಿತಿ (ರಿ.) ಕೊಳಕ್ಕೆ, ಇರ್ವತ್ತೂರ್ ಡ್ ದ್ವಾದಶ ವರ್ಷಿಯ ವಾರ್ಷಿಕ ಪೂಜಾ ಮಹೋಚ್ಚಯ ಬೊಕ್ಕ ಪೊಸ ಏಕಶಿಲಾ ಮಾನಸ್ತಂಭೋಪರಿ ಚತುರ್ಮುಖ ೧೦೦೮ ಶ್ರೀ ಆದಿನಾಥ ತೀರ್ಥಂಕರ ಪಂಚಕಲ್ಯಾಣ ಪೂರ್ವಕ ಪ್ರತಿಷ್ಠಾ ಮಹೋಚ್ಚಯ ಬೊಕ್ಕ ಧಾಮಸಂಪ್ರೋಕ್ಷಣಾ ಪೂರ್ವಕ ಪೂಜಾ ಕಾರ್ಯಕ್ರಮ ಎ.6-10 ಮುಟ್ಟ ನಡಪರೆ ಉಂಡು.

ಪರಮ ಪೂಜ್ಯ ೧೦೮ ಮುನಿ ಶ್ರೀ ದಿವ್ಯಸಾಗರ ಮಹಾರಾಜೆರ್ನ ಪಾವನ ಸಾನಿಧ್ಯ ಅಂಚನೆ ಸ್ವಸ್ತಿ ಶ್ರೀ ಮದ್ರಾಯ ರಾಜಗುರು ಭೂಮಂಡಲಾಚಾರ್ಯವರ್ಯ ಮಹಾವಾದ ವಾದೀಶ್ವರಾಯ, ವಾದಿಪಿತಾಮಹ, ಸಕಲ ವಿದ್ವಜ್ಜನ ಸಾರ್ವಭೌಮಾದ್ಯನೇಕ ಅನ್ವರ್ಥ ಬಿರುದಾವಳಿ ವಿರಾಜಮಾನರುಂ, ಸ್ವಸ್ತಿ ಶ್ರೀ ಮನ್ನಿಜ ಘಟಿಕ ಸ್ಥಾನ ಪನಸೋಗೆ, ವಂಗನಗರ, ಕಳಸ, ಕಾರ್ಲ ಚತುಃಸಿದ್ಧ ಸಿಂಹಾಸನನಾಧೀಶ್ವರಾಯಿನ ಶ್ರೀ ಮದಭಿನವ ಪರಮ ಪೂಜ್ಯ ರಾಜಗುರು ಧ್ಯಾನಯೋಗಿ ಸ್ವಸ್ತಿ ಶ್ರೀ ಲಲಿಟಕೀರ್ತಿ ಭಟ್ಟಾರಕ, ಪಟ್ಟಾಚಾರ್ಯವರ್ಯ ಮಹಾಸ್ವಾಮಿಜೀಲು ಶ್ರೀ ಜೈನ ಮಠ, ದಾನಾಶಾಲಾ, ಕಾರ್ಲ ಉಂದೆತ್ತ ಮುತಾಲಿಕೆಡ್ ಬೊಕ್ಕ ನಾಡ್ ದ ಪರಮ ಪೂಜ್ಯ ಸಮಸ್ತ ಜೈನ ಮಠಾಧೀಶೆರ್ನ ಪಾವನ ಸಾನಿಧ್ಯಡ್ ಬೊಕ್ಕ ಶ್ರೀ ಕ್ಷೇತ್ರ ಧರ್ಮಸ್ಥಳದ ಪೂಜ್ಯ ಧರ್ಮಾಧಿಕಾರಿಲು ಪದ್ಮವಿಭೂಷಣ ರಾಜರ್ಷಿ ಡಾ.ಡಿ. ವೀರೇಂದ್ರ ಹೆಗ್ಗಡೆ ಮೆರ್ನ ಮಾರ್ಗದರ್ಶನಡ್ ಪೂಜ್ಯರುಲೆನ ಆಶೀರ್ವಾದಡ್ ಆಯರೇ ಉಂಡು.

ಏ.6 – 10 ಮುಟ್ಟ ಪೂಜಾ ಕಾರ್ಯಲು ಬೊಕ್ಕ ಧಾರ್ಮಿಕ ಕಾರ್ಯಕ್ರಮಲು ಮಸ್ತ್ ಬಿನ್ನೆರ್ನ ಮುತಾಲಿಕೆಡ್ ನಡಪ್ಂಡ್. ಈ ಲೇಸ್ ಗ್ ಮಾತಾ ಭಕ್ತೆರ್ ಬತ್ತ್ ದ್, ಜಿನಗಂಧೋದಕನ್ ಸ್ವೀಕಾರಿಸಾವೊಡ್ ಪಂದ್ ಸಮಿತಿದ ಅಧ್ಯಕ್ಷೆರ್ ಕೆ. ಗುಣಪಾಲ ಕಡಂಬ, ಗೌರವಾಧ್ಯಕ್ಷೆರ್ ಆಯಿನ ಡಾ.ಎಂ. ಎನ್. ರಾಜೇಂದ್ರ ಕುಮಾರ್, ಉಪಾಧ್ಯಕ್ಷೆರ್ ಜಯಕೀರ್ತಿ ಕಡಂಬ, ಕೋಶಾಧಿಕಾರಿ ಮೋಹನ ಕುಮಾರ್, ಕಾರ್ಯದರ್ಶಿ ಚಂದ್ರರಾಜ ಅತಿಕಾರಿ ಬಿನ್ನಾಪು ಮಲ್ತ್ ದೆರ್.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕಾರ್ಲ ಉಚ್ಚಯಗ್ ಕಾಸ್ದ ಬರ್ಸ : ತುಳು ಕಲ್ಪಾರ್ಥಿಲೆನ ಸೇವೆಗ್ ಇಜ್ಜಿ ಬಿಲೆ : 2 ವರ್ಷೋರ್ದು ಗೌರವ ಧನ ಕೊರ್ಜಿಂಡಲಾ ತುಟಿ ಬಿಚ್ಚoದಿನ ಸಂಸ್ಕೃತಿ ಸಚಿವೆರ್

Mar 18, 2022

ಕುಡ್ಲ : ನಮ್ಮ ರಾಜಕಾರಣಿಲು ಸರ್ಕಾರದ ಕಾಸ್ ನ್ ಎಂಚ ಗಲಸೊಂದು ಉಲ್ಲೆರ್ ಪನ್ಪಿನೆಕ್ಕ್ ಸ್ಪಷ್ಟ ಉದಾರ್ಮೆ ನಮಡ ಉಂಡು , ನಂಕ್ ತೆರಿನಲಕ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವ ವಿ. ಸುನೀಲ್ ಕುಮಾರ್ ಮೆರ್ನ ತವರು ಕ್ಷೇತ್ರಡ್ ಕಾರ್ಲಾ ಉಚ್ಚಯ ನಡತೊಂದು ಉಂಡು. ನೆತ್ತ ಭಾಗವಾದ್ ಕಾರ್ಲಾದ ಪೌರ ಕಾರ್ಮಿಕೆರೆಗ್ ಹೆಲಿಕಾಪ್ಟರ್ ಡ್ ತಿರುಗಾಟ ಮಲ್ದೆರ್ . ನನೊಂಜಿ ಕಡೆಟ್ ನಮ್ಮ ತುಲುನಾಡ್ ದ ಅಪ್ಪೆ ಬಾಸೆ ಆಯಿನ ತುಳು ಭಾಸೆನ್ ಕಲ್ಪಾವುನ ಪಾಪದ ಕಲ್ಪಾರ್ಥಿಲೆಗ್ 2 ವರ್ಷರ್ದ್ ಸಂಬಳ ಕೊರಂದೆ ಬೆನ್ಪಾವೊಂದು ಉಲ್ಲೆರ್.

ಕಾರ್ಲಾದ ಪೌರ ಕಾರ್ಮಿಕಕೆರೆನ್ ಹೆಲಿಕಾಪ್ಟರ್ ಸುತ್ತಾಯಿನ ಬಗ್ಗೆ ಏರ್ಲ ಪಾತೆರುಜೆರ್ . ಆಂಡ ಬಂಜಿಗ್ ದಾಲ ದಾoತಿನಾಯೆಗ್ ಜುಟ್ಟುಗು ಮಲ್ಲಿಗೆ ಪೂ ಬೋಡ ಪನ್ಪಿ ಪಾತೆರದಲಕ ಪೌರ ಕಾರ್ಮಿಕೆರೆಗ್ ಅವ್ವೆತೋ ಸೌಲಭ್ಯಗದ ಕೊರತೆ ತೊಜೊಂದು ಉಂಡು . ಅಕ್ಲೆಗ್ ಶೂ ಇಜ್ಜಿ , ಕೈಕ್ ಕುಂಟು ಇಜ್ಜಿ . ಆರೋಗ್ಯ ಸಮಸ್ಯೆ ಬತ್ತ್oಡ ಸರಿಯಾಯಿನ ಹೆಲ್ತ್ ಇನ್ಸೂರೆನ್ಸ್ ಇಜ್ಜಿ . ಈ ಮಾತೆತ್ತ ನಡುಟು , ಒರಿ ಒರಿಯಗ್ ತಲಾ 2 ಸಾರ ರೂ. ಖರ್ಚು ಮಲ್ತ್ ಹೆಲಿಕಾಪ್ಟರ್ ಡ್ ತಿರ್ಗಾವುನ ಅಗತ್ಯ ಉಂಡಾ ಪನ್ಪಿ ಪ್ರಶ್ನೆ ಬುದ್ದಿ ಇತ್ತಿನಕುಲು ಕೇನುವೆರ್ . ಈ ನಡುಟು ತುಳು ಭಾಸೆ ಕಲ್ಪಾವುನ ಸುಮಾರರ್ 43 ಜನ ಕಲ್ಪಾರ್ಥಿಲೆಗ್ 30 ತಿಂಗೊಲುರ್ದು ಗೌರವ ಧನ ಕೊರ್ತುಜೆರ್ .

ಕುಡ್ಲ ಬೊಕ್ಕ ಒಡಿಪುದ 42 ಶಾಲೆಡ್ ತುಳು ಭಾಷೆನ್ ಮೂಜನೆ ಭಾಷೆಯಾದ್ ಕಲ್ಪಾವೊಂದು ಉಲ್ಲೆರ್ ನೆಕ್ಕ್ 43 ತುಳು ಕಲ್ಪಾರ್ತಿಲೆನ್ ನೇಮಕ ಮಲ್ದೆರ್ ಮೆಕ್ಲೆಗ್ ತಿಂಗೊಲ್ಗು ಜುಜುಬಿ 3 ಸಾರ ರೂ. ಗೌರವ ಧನ ಕೊರೊಂದು ಉಲ್ಲೆರ್ . ಆಂಡ ಈ ಕಲ್ಪಾರ್ತಿಲೆಗ್ ಕರಿನ 30 ತಿಂಗೊಲುರ್ದು ಆ ಕಾಸ್ಲಾ ಕೊರೊಂದು ಇಜ್ಜೆರ್.

ತುಳು ಕಲ್ಪಾವುನಕ್ಲೆನೆಟ್ಟ್ ಮಸ್ತ್ ಜನ ಬಾರಿ ಬಡತನದ ಕುಟುಂಬದಕುಲು ಅಂಗವಿಕಲೆರ್ಲಾ ಉಲ್ಲೆರ್ . ಜುಜುಬಿ 3 ಸಾರ ಪಣವುದ ಆಸೆಗ್ ತಮ್ಮ ಅಮೂಲ್ಯ ಪೊರ್ತುನು ತುಳು ಬಾಸೆ ಗಾದ್ ದೀತೆರ್ . ಆಂಡ ಸರಕಾರ ಮೆಕ್ಲೆಗ್ ಗೌರವ ಧನ ಕೊರೊಂದು ಇಜ್ಜಿ . ಉಸ್ತುವಾರಿ ಸಚಿವ ಸುನಿಲ್ ಕುಮಾರ್ ಮೇರ್ ತಂಕ್ ಆ ವಿಷಯ ಗೊತ್ತಿಜ್ಜಂದಿಲಕ ಉಲ್ಲೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಯುವ ಬಂಟರ ಸಂಘ ಕಾರ್ಲ ಬೊಕ್ಕ ಮಹಿಳಾ ಬಂಟರ ಸಂಘ ಕಾರ್ಲ ವತಿರ್ದ್ ಸುರಾಲು ಸುಧಾಕರ ಶೆಟ್ರೆಗ್ ಗೋದಾನ

Feb 14, 2022

ಕಾರ್ಲ: ಯುವ ಬಂಟರ ಸಂಘ ಕಾರ್ಲ ಬೊಕ್ಕ ಮಹಿಳಾ ಬಂಟರ ಸಂಘ ಕಾರ್ಲ ವತಿರ್ದ್ ಉದ್ಯಮಿ ವಿಜಯ ಶೆಟ್ರೆನ ಮುತಾಲಿಕೆಡ್ ಗೋ ಕಳ್ಳತನವಾಯಿನ ಸುರಾಲ್ ದ ಸುಧಾಕರ ಶೆಟ್ರೆಗ್ ಗೋ ದಾನ ಮಲ್ತೆರ್ .

Yuva Bantara Sangha Karkala and Mahila Bantara Sangha Karkala donate cow to Sural Sudhakar Shetty.

Karkala: Yuva Bantara Sangha Karkala and Mahila Bantara Sangha Karkala , under the patronage of entrepreneur Vijay Shetty have donated a cow to Sural Sudhakar Shetty who lost his cow to theft.

ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿ

Feb 8, 2022

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಫೆಬ್ರವರಿ ತಿಂಗೋಲ್ ದ ತಾರೀಕ್ 8 ಕ್ಕ್ ಅಂಗಾರದಾನಿ ಬಯ್ಯಗ್ 6 ಗಂಟೆಗ್ ಪೌಷ್ಠಿಕ ಕೈದೋಟದ ಫಲಾನುಭವ ಇತ್ತಿನಕುಲೋಟ್ಟುಗ್ ಸಂವಾದ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು.

ನಿಟ್ಟೆ ಅಂಗನವಾಡಿ ಶಿಕ್ಷಕಿ ಸುಶೀಲಾ, ಚೇರ್ಕಾಡಿ ನೂಜಿಲಬೈಲಿದ ಆನಂದ ನಾಯ್ಕ,ವಾರಂಬಳ್ಳಿದ ನಿವೃತ್ತ ಪ್ರಾಧ್ಯಾಪಕೆರ್ ಆಯಿನ ಡಾ.ಗಣೇಶ್ ಭಟ್ ಕೊಡವೂರ್ ದ ಮುಕ್ತಾ ಶ್ರೀನಿವಾಸ ಭಟ್,ಕಾಡೂರು ಸತ್ಯನಾರಾಯಣ ಶೆಟ್ಟಿ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಫೆಬ್ರವರಿ 9ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

Manipal: Radio Manipal 90.4 MHz Desi Community broadcast series:
Drinking water and sanitation department Bangalore; Karnataka Government has
Organised a series broadcast” Shudda jala swacha nela Arogyvad ippodu Jeeva sankula” on February 08 th at 6p.m – A talk on the benifits of healthy food.

Nitte Aganwadi teacher Susheela, Anand Naik from Charkadi Nojilabail, Retied teacher Dr Ganesh Bhat, Mukta Srinivasa Bhat from Kodavoor and Kaduru Satyanarayan Shetty will participate in the program.

This program will be broadcast again on February 9th at noon 1p.m.

ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಭಾಗವತ ಮಯ್ಯೆರೆಗ್ ಶ್ರೀಕುಂದೇಶ್ವರ ಸಮ್ಮಾನ್ ಮಾನಾದಿಗೆ ಲೇಸ್

Jan 31, 2022

ಕಾರ್ಲ : ಹಿರ್ಗಾನ ಶ್ರೀ ಕುಂದೇಶ್ವರ ದೇವಸ್ಥಾನಡ್ ವರ್ಷಾವಧಿ ಉಚ್ಚಯದ ಪೊರ್ತುಡು ಬಡಗುತಿಟ್ಟುದ ಮೇರು ಕಲಾವಿದ ರಾಘವೇಂದ್ರ ಮಯ್ಯ ಹಾಲಾಡಿ ಮೆರೆಗ್ ಶ್ರೀ ಕುಂದೇಶ್ವರ ಸಮ್ಮಾನ್-೨೦೨೨ ಪ್ರಶಸ್ತಿ ಪ್ರದಾನ ಮಲ್ತೆರ್ .

ಮಾನಾದಿಗೆ ಸ್ವೀಕಾರ ಮಲ್ತ್ ಪಾತೆರಿನ ಮಯ್ಯ ಮೇರ್ , ನಾಲ್ ದಶಕ ಮುಟ ಸೇವೆ ಮಲ್ತಿನೆಕ್ಕ್ ಉಂದು ತಿಕ್ಕಿನ ಇದು ಮಾಮಲ್ಲ ಮಾನದಿಗೆ ಪಂದ್ ಪಂಡೆರ್ . ಉಂದೆನ್ ನಾರ್ಣಪ್ಪ ಉಪ್ಪರೆರೆಗ್ ಅರ್ಪಣೆ ಮಲ್ಪುವೆ ಪಂದ್ ಪಂಡೆರ್ . ಬಡಗು ತೆಂಕು ಪರಿಭೇದ ಇಜ್ಜಂದೆ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತಿನವು ಮಾದರಿ. ಪಂದ್ ಪಂಡೆರ್. ಉಂದುವೇ ಪೊರ್ತುಡು ಶ್ರೀಕುಂದೇಶ್ವರ ದೇವೆರ್ನ ಬಗ್ಗೆ ತಾನ್ ರಚನೆ ಮಲ್ತಿನ ಪದ ಪಂಡೆರ್.

ಈ ಪೊರ್ತುಡು ದಿ . ರಾಘವೇಂದ್ರ ಭಟ್ ಮೆರೆನ ಧರ್ಮಪತ್ನಿ ಗಂಗಾ ಆರ್. ಭಟ್, ಧರ್ಮದರ್ಶಿ ಕೃಷ್ಣ ರಾಜೇಂದ್ರ ಭಟ್, ವೇದಮೂರ್ತಿ ರವೀಂದ್ರ ಭಟ್, ಸುಧೀಂದ್ರ ಭಟ್, ಸುಜೇಂದ್ರ ಭಟ್, ರೆಂಜಾಳ ಸೋದೆ ಮಠದ ಧರ್ಮದರ್ಶಿ ಸುಬ್ರಹ್ಮಣ್ಯ ಭಟ್, ಕುಂಜತ್ತೋಡಿ ವಾಸುದೇವ ಭಟ್ ಕದ್ರಿ, ಪ್ರಗತಿಪರ ಕೃಷಿಕ ಸತೀಶ್ ಭಟ್, ಛಾಯಾಗ್ರಾಹಕೆರ್ನ ಸಂಘದ ಉಪಾಧ್ಯಕ್ಷ ಪದ್ಮಪ್ರಸಾದ್ ಜೈನ್, ಉದ್ಯಮಿ ಸಂತೋಷ್ ಕುಮಾರ್ ಜೈನ್ ರೆಂಜಾಳ, ಪಲ್ಲವಿ ಮಯ್ಯ ಪಾಲ್ ಪಡೆದಿತ್ತೆರ್.

ಅಭಯಹಸ್ತೆ ಆದಿಶಕ್ತಿ ಶ್ರೀಕ್ಷೇತ್ರ ಮುದ್ರಾಡಿಡ್ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ಉಚ್ಚಯ

Jan 31, 2022

ಕಾರ್ಲ : ಆಭಯಹಸ್ತೆ ಆದಿಶಕ್ತಿ ಶ್ರೀ ಕ್ಷೇತ್ರ ಮುದ್ರಾಡಿ ದೇವಸ್ಥಾನದ ,ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶಾಭಿಷೇಕ ನವ ಚಂಡಿಕಾ ಯಾಗ ಹೋಮ ಪ್ರಯುಕ್ತ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಲೇಸ್ ತಾರೀಖ್ 2/2/2022 ರ್ದ್ 4/2/2022 ಮುಟ ನಡಪೆರೆ ಉಂಡು .

Abhayahaste Adhisakthi Shrikshetra Mudradi: punar Pratishtha Ashtabandha Brahmakalasabhishekha

Karkala: Religious and Cultural Events of Abhayahaste Adisakti Sri Vidyalaya Mudrady Temple, Punar Pratishtha Ashtabandha Brahmakalasabhishekha Nava Chandika Yaga Homa Prakrit will be held from 2/2/2022 to 4/2/2022.

ರಾಷ್ಟ್ರ ಮಟ್ಟದ ಅತ್ಯುತ್ತಮ ಯೋಗ ಗುರು ಮಾನಾದಿಗೆ ಪಡೆಯಿನ ಕೆ ಅಶೋಕ್ ಕುಮಾರ್

Jan 21, 2022

ಕುಡ್ಲ : ಆನ್ ಲೈನ್ ಆಲ್ ಸ್ಪೋರ್ಟ್ಸ್ ಯೋಗಾಸನ ಸ್ಪೋರ್ಟ್ಸ್ ಚಾಂಪಿಯನ್ ಶಿಪ್ ಬೊಕ್ಕ ಇಂಟರ್ನ್ಯಾಷನಲ್ ವರ್ಕ್ ಶಾಪ್-2021ಫೈವ್ ಸ್ಟಾರ್ ವೆಲ್ ಪ್ಯಾರ್ ಸ್ಪೋರ್ಟ್ಸ್ ಕ್ಲಬ್ ಯೋಗಾಸನ ಸ್ಪೋರ್ಟ್ಸ್ ಪೆಡರೇಷನ್ ಇಂಡಿಯಾ, ವರ್ಲ್ಡ್ ಯೋಗಾಸನಾ ಸ್ಪೋರ್ಟ್ಸ್ ರೆಕಾರ್ಡ್ ಬುಕ್ ಬೊಕ್ಕ ಫಿಟ್ ಇಂಡಿಯಾ ಮೆಕ್ಲೆನ ಒಟ್ಟು ಸೇರಿಗೆಡ್ ನಡತಿನ ಯೋಗ ಮಾನಾದಿಗೆ 2020-21 ಟ್ಟ್ ಅತ್ಯುತ್ತಮ ಯೋಗಗುರು ಮಾನಾದಿಗೆನ್ ಕೆ .ಅಶೋಕ್ ಕುಮಾರ್ (ಅಂತರಾಷ್ಟ್ರೀಯ ಯೋಗ ಪಟು, ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್) ಮೇರ್ ಪಡೆತೆರ್.ಮೇರ್ ನಿರಂತರ ಯೋಗ ಶಿಕ್ಷಣ ಕೇಂದ್ರ ಜೋಡುರಸ್ತೆ ಮುಲ್ಪದ ಯೋಗ ಶಿಕ್ಷಕೆಯಾದ್ ಉಲ್ಲೆರ್ .

Nationwide Best Yoga Teacher Award K Ashok Kumar (International Yogurt and Golden Book of Records)

Online All Sports Yogasan Sports Championships and International Workshop -2021
Five Star Well Parer Sports Club Yogasana Sports Federation India, World Yogasana Sports Record Book and Fit India Awarded by Y Ashok Kumar (International Yoga Award, Golden Book of World Records). Kudos have been introduced to the national level through yoga. He is the Yoga Teacher of the Year at the Center for Continuing Yoga Education.

Uncategorized ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಎರ್ಮಾಳು ಬ್ರಾಹ್ಮಣ ವಲಯದ ವತಿರ್ದ್ ಪುದೆಕಾಣಿಕೆ

Jan 17, 2022

ಒಡಿಪು : ಶ್ರೀ ಕೃಷ್ಣಾಪುರ ಪರ್ಯಾಯೋಚ್ಚಯಗ್ ಎರ್ಮಾಳು ಬ್ರಾಹ್ಮಣ ವಲಯದ ವತಿರ್ದ್ ಪುದೆ ಕಾಣಿಕೆ ಅರ್ಪಣೆ ಮಲ್ತೆರ್.

ವ್ಯಾಸಮೋಹನ ರಾವ್, ಗಣಪತಿ ಭಟ್, ಶ್ರೀಕಾಂತ ರಾವ್, ಕೃಷ್ಣ ರಾವ್, ಆದಿತ್ಯ ಪೆಜತ್ತಾಯ, ಧನುಷ್, ಸತೀಶ್.ವೈ, ಬಾಲಕೃಷ್ಣ ರಾವ್, ಅಭಿಷೇಕ ರಾವ್, ರಾಘವೇಂದ್ರ.ವೈ, ಪರ್ಯಾಯೋತ್ಸವ ಸಮಿತಿಯ ಪ್ರಧಾನ ಕಾರ್ಯದರ್ಶಿ ವಿಷ್ಣು ಪ್ರಸಾದ್ ಪಾಡಿಗಾರ್ ಸಮಿತಿದ ಚೈತನ್ಯ ಎಂ.ಜಿ, ಈಶ್ವರ ಚಿಟ್ಟಾಡಿ ಬೊಕ್ಕ ಪದುಕೆರ್ ಪಾಲ್ ಪಡೆದಿತ್ತೆರ್ .