#Dr_Amrutha

ಶ್ವಾಸನಾಳೊಡು ತಿಕ್ಕುದು ಬೂರ್ದಿನ ಸ್ಕಾರ್ಫ್ ಪಿನ್

ಕುಡ್ಲ , ಆ.25: ಕೆಕ್ಕೆಲ್ ಭಾಗೊಡು ಬೇನೆ ಬೊಕ್ಕ ಉಸಿರಾಟ ತೊಂದರೆಡು ಬಳಲೊಂದಿಪ್ಪುನ 58 ವರ್ಷದ ಪೊಂಜೊವುನು ಶಸ್ತ್ರಚಿಕಿತ್ಸೆ ನಡೆಸಾದೆರ್. ದೇರಳಕಟ್ಟೆದ ಯೇನೆಪೊಯ ಅಸ್ಪತ್ರೆದ ವೈದ್ಯೆರು ಶ್ವಾಸನಾಳೊಡು ಇತ್ತಿನ ಸ್ಕಾರ್ಫ್ ಪಿನ್ ನು ಪಿದಯ್ ದೆತ್ತುದೆರ್.

ಬುರ್ಖಾ ಪಾಡುನ ವೇಳೆಡ್ ಬಾಯಿಡು ಚುಚ್ಚಿದು ಪಿನ್ ಬಾಯಿದ ಮೂಲಕ ದೇಹದುಲಾಯಿ ಪೊದು ಬೇನೆ ಆಯಿನ ಹಿನ್ನಲೆ, ಆಸ್ಪತ್ರೆದ ತುರ್ತು ಚಿಕಿತ್ಸಾ ವಿಭಾಗೊಗು ಪೊಂಜೊವ್ ದಾಖಲಾದಿತ್ತೆರ್.

ಇಎನ್‌ಟಿ ವಿಭಾಗೊದ ಹಿರಿಯ ವೈದ್ಯರ್ ದೀಕ್ಷಿತ್ ರಾಜಮೋಹನ್ ಬೊಕ್ಕ ಕಿರಿಯ ವೈದ್ಯೆರಾಯಿನ ಅಮೃತಾ, ಡಾ| ಜಾಸಿಮ್ ಶಸ್ತç ಚಿಕಿತ್ಸೆ ಮೂಲೊಕ ಪಿನ್ ನು ಪಿದಾಯ್ ದೆತ್ತುದೆರ್. ಈ ಸರ್ಜರಿ ಮನ್ಪುನವು ವೈದ್ಯರ‍್ನ ಸವಾಲಾದಿತುಂಡು ಪಂದು ಡಾ| ದೀಕ್ಷಿತ್ ರಾಜ್ ಮೋಹನ್ ಪಂಡೆರ್.