Dakshina Kannada

ಪ್ರಸಾದ್ ಕದ್ರಿ ಮುತಾಲಿಕೆಡ್ ಕೋವಿಡ್ ಕಿಟ್

ಕುಡ್ಲ, ಜೂನ್ 21: ಕೋವಿಡ್‌ ಲಾಕ್‌ಡೌನ್‌ ಪೊರ್ತುಡು ವಿಶ್ವಕರ್ಮ ಸಮಾಜದ ಆರ್ಥಿಕವಾದ್ ಕಷ್ಟಡ್ ಉಪ್ಪುನ 160 ಜನಕ್ಲೆಗ್ ಪ್ರಸಾದ್ ಕದ್ರಿ ಮುತಾಲಿಕೆಡ್ ಶನಿವಾರ ಇಲ್ಲ ಇಲ್ಲಗ್ ಪೋದು ಅರಿ,ದಿನಸಿ ಸಾಮಗ್ರಿ ಕೊರಿಯೆರ್ .

ಕದ್ರಿ ದೇವಸ್ಥಾನದ ಕೈತಲ್ ಉಪ್ಪುನ ಗೋಕುಲ್ ಹಾಲ್‌ಡ್ ನಡತಿನ ಸಾಂಕೇತಿಕ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಕುಡ್ಲ ಕಾಳಿಕಾಂಬಾ ವಿನಾಯಕ ದೇವಸ್ಥಾನದ ರಡ್ಡನೆ ಮೊಕ್ತೇಸರ ಸುಂದರ ಆಚಾರ್ಯ ಬೆಳುವಾಯಿ ಉದಿಪನ ಮಲ್ತೆರ್.

ಎಲ್ಯ ಎಲ್ಯ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ಲೆ :ಅಶೋಕ್ ಕುಮಾರ್ ಕೊಡವೂರು

ಒಡಿಪು , ಜೂ.21: ಕರಿನ 50 ದಿನರ್ದ್ ಕೋವಿಡ್ ನಿಯಂತ್ರಣಗಾದ್ ಜಾರಿಯಾಯಿನ ನಿರ್ಭoಧನೆರ್ದ್ ಪೇಂಟೆಡ್ ವ್ಯಾಪಾರ ವಯಿವಾಟ್ ಕಮ್ಮಿ ಆತುಂಡು. ನೆರ್ದಾವರ ಬೇರ ಮಲ್ಪುನಕ್ಲೆಗ್ ಬಂಗ ಆತುಂಡು ಲ್. ಐರ್ದಾವರ ಆಯ್ದ ಕೆಲವು ಅಗತ್ಯ ವಸ್ತುದ ಅಂಗಡಿಲೆಗ್ ಪರ್ಯಾಯ ದಿನತಲಕ ಬೇರ ಮಲ್ಪರೆ ಅವಕಾಶ ಕೊರೊಡು ಪಂದ್ ಒಡಿಪು ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ಕೊಡ ವೂರು, ಜಿಲ್ಲಾಧಿಕಾರಿಲೆಗ್ ಒತ್ತಾಯ ಮಲ್ದೆರ್.

ತುಳುವೆರೆ ಕೊಡಿಕ್ ಅಪಮಾನ ಮಲ್ತಿನ ಆರೋಪಿ ಬಂಧನ

ಕುಡ್ಲ, ಜೂನ್ 19: ತುಳುನಾಡ್ದ ಕೊಡಿನ್ ಚಪ್ಪಲಿಗ್ ಹೊಂದಿಕೆಯಾಪಿಲಕ ಎಡಿಟ್ ಮಲ್ತ್ , ಫೇಸ್ಟುಕ್ ಪೇಜ್ಡ್ ಪೋಸ್ಟ್ ಮಲ್ತಿನ ಪ್ರಕರಣಡ್ ಬರ್ಕೆ ಠಾಣೆ ಪೊಲೀಸೆರ್ ಆರೋಪಿನ್ ಪತ್ತ್ ದೆರ್ .

ಬೆಂಗ್ಳೂರ್ ದ ಇಂಜಿನಿಯರಿಂಗ್ ಕಾಲೇಜ್ದ ವಿದ್ಯಾರ್ಥಿ ಆದ್ ಉಪ್ಪುನ ಸೂರ್ಯ ಎನ್.ಕೆ. (19) ಬಂಧಿತ ಆರೋಪಿ. ತುಳುನಾಡ್ದ ಬಾವುಟನ್ ಎಡಿಟ್ ಮಲ್ತ್ , ತನ್ನ ಫೇಸ್ಟುಕ್ ಡ್ ಪಾಡ್ದಿನೇ ಅತ್ತoದೆ ಅಶ್ಲೀಲವಾದ್ ಕಮೆಂಟ್ ಮಲ್ತಿತ್ತೆ . ಈ ಬಗ್ಗೆ ಕುಡ್ಲ ಮಹಾನಗರ ಪಾಲಿಕೆದ ಕಾರ್ಪೊರೇಟರ್ ಶಶಿಧರ ಹೆಗ್ಡೆ ಪೊಲೀಸೆರೆಗ್ ದೂರು ಕೊರ್ದಿತ್ತೆರ್ .

ಬರ್ಕೆ ಠಾಣೆಡ್ ಈ ಬಗ್ಗೆ ಪೊಲೀಸೆರ್ 153(ಎ) ಬೊಕ್ಕ 505 (2) ಐಪಿಸಿ ಅಡಿ ಪ್ರಕರಣ ದಾಖಲ್ ಮಲ್ತಿತ್ತೆರ್ . ಆರೋಪಿನ ಪತ್ತೆಗಾದ್ ಬರ್ಕೆ ಠಾಣೆ ಎಸ್‌ಐ ಹಾರುಣ್,ಅಖರ್ ನೇತೃತ್ವಡ್ ಉರ್ವಾ ಪೊಲೀಸ್ ಠಾಣೆ ಸಿಬಂದಿ ಪುಷ್ಪರಾಜ್, ಪ್ರಕಾಶ್, ಬರ್ಕೆ ಠಾಣೆಯ ಶರತ್ ಇತ್ತಿನ ವಿಶೇಷ ಕೂಟ ರಚನೆ ಮಲ್ತಿತ್ತೆರ್ .

ಪೊಲೀಸ್ ಕೂಟ ಬೆಂಗ್ಳೂರುಗು ಪೋದು , ಆರೋಪಿನ ಇಲ್ಲ್ ನ್ ಪತ್ತೆ ಮಲ್ದುಂಡು . ಆರೋಪಿ ಸೂರ್ಯ ಎನ್.ಕೆ. ಶ್ರೀರಾಂಪುರದ ಒಂಜನೆ ಕ್ರಾಸ್ ನಿವಾಸಿಯಾಯಿನೆನ್ ಪತ್ತೆ ಮಲ್ತ್ , ಕಾರ್ಯಾಚರಣೆ ಮಲ್ತ್ ಪತ್ತ್ ದೆರ್.