Bangalore

ಹುಷಾರ್ ದಾಂತೆ ತೀರ್ ಪೋಯಿನ ಮಾಮಲ್ಲ ತುಳು – ಕನ್ನಡ ಸಂಘಟಕೆ ,ಶಿಲ್ಪಕಲೆ ಬಿರ್ಸೆ, ಸಾಹಿತಿ,ಪತ್ರಿಕೋದ್ಯಮಿ ಶ್ರೀ ಮ. ವಿಠಲ ಪುತ್ತೂರು

ಮಾಮಲ್ಲ ತುಳು – ಕನ್ನಡ ಸಂಘಟಕೆ ,ಶಿಲ್ಪಕಲೆ ಬಿರ್ಸೆ, ಸಾಹಿತಿ,ಪತ್ರಿಕೋದ್ಯಮಿ ಶ್ರೀ ಮ. ವಿಠಲ ಪುತ್ತೂರು (75ವ.)ಕರಿನ ಇರ್ಲ್ ಪುತ್ತೂರು ಸಂಟ್ಯಾರ್ ಕೈತಲ್ದ ಬಳಕ ದ ತನ್ನೊ ವಾಸೊದ ಇಲ್ಲಡ್ ಸೊರ್ಗ ಸಂದ್ಯೆರ್.

ಪುತ್ತೂರು ತುಳು ಕೂಟದ ಸುರೂತ ರೂವಾರಿ, ಸ್ಥಾಪಕ ಕಾರ್ಯಂತೆರ್, ಪುತ್ತೂರು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಸುರೂತ ಅಧ್ಯಕ್ಷೆರ್ , ತುಳುವೆರೆಂಕುಲು ಕುಡಲ ಸಂಘಟನೆದ ಸ್ಥಾಪಕ ಕಾರ್ಯಂತೆರ್, “ತುಳುವೆರೆ ತುಡರ್ ” ತಿಂಗೊಲ್ದ ತುಳು ಪತ್ರಿಕೆದ ಸಂಪಾದಕೆರ್ ಆದ್ ಇತ್ತ್ ನ ವಿಠಲೆರ್ ತನ್ ನೊ ತುಳು ಸಾಹಿತ್ಯೊ ಕೃತಿಕುಲೆಗ್ ರಡ್ಡ್ ಸರ್ತಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪ್ರಶಸ್ತಿದ ಮಾನಾದಿಗೆ ಪಡೆದಿತ್ತೆರ್.
ಸರಳ ಸಜ್ಜನೆ ವಿದ್ವಾಂಸೆರಾಯಿನ ಮ. ವಿಠಲೆರ್ ತುಳು ಪತ್ರಿಕೆದ ಕಲಟ್ ಮಲ್ತಿನ ಮಲ್ಲ ಸಾದನೆಗಾದ್ ಪೂವರಿ ಪತ್ರಿಕಾ ಬಳಗ ಕರಿನ ಎಪ್ರಿಲ್ 2ಗ್ ಪುತ್ತೂರುಡು ನಡತಿನ ಸುರೂತ ರಾಷ್ಟೀಯ ತುಳು ಪತ್ರಿಕಾ ಸಮ್ಮಿಲನೊಡು” ತುಳು ಪತ್ರಿಕಾ ಸಿರಿ ” ಬಿರ್ದ್ ಡ್ ತಮ್ಮನ – ಬಲ್ಮನ ಮಲ್ತ್ ದ್ ಂಡ್…
ತುಳು ಬಾಸೆದ ಬುಲೆಚ್ಚಿಲ್ ಗ್ ಎಡೇನ ಬೇಲೆ ಮಲ್ತ್ ದ್ ನಮನ್ ಅಗತ್ತ್ ನ ನಮ್ಮ ಮಲ್ಲ ಇಸ್ಟೆ ವಿಠಲೆರೆಗ್ ” ಪೂವರಿ ಪತ್ರಿಕಾ ಬಳಗ ” ಮಲ್ಲ ದುಕ್ಕೊಡ್ ಸದ್ಗತಿನ್ ಬಯಕುಂಡು…

ಪೆರಿಯ ಪ್ರಸೂತಿ ತಜ್ಞೆ ಡಾ.ಮನೋರಮಾ ರಾವ್ ನಿಧನ

ಕುಡ್ಲ ,ಜುಲೈ 5 : ಪೇಂಟೆದ ಪೆರಿಯ ಪ್ರಸೂತಿ ತಜ್ಞೆ, ಜಯಶ್ರೀ ನರ್ಸಿಂಗ್ ಹೋಂದ ಸ್ಥಾಪಕಿ ಡಾ. ಎಚ್.ಟಿ. ಮನೋರಮಾ ರಾವ್ (89) ಶುಕ್ರವಾರ ತಡರಾತ್ರಿ ಆರ್ನ ಸ್ವಗೃಹಡ್ ತೀರ್ ಪೋಯೆರ್.

1960ರ ದಶಕಡ್ ಕೆಎಂಸಿ ಆಸ್ಪತ್ರೆಡ್ ವೈದ್ಯಕೀಯ ವೃತ್ತಿಗ್ ಸೇರಿನ ಮೇರ್ ಸುಮಾರ್ 35 ವರ್ಷದ ಕಾಲ ಸೇವೆ ಮಲ್ದೆರ್ .

ಆಕ್ಸಿಡೆಂಟ್ ಡ್ ತೀರ್ ಪೋಯಿನ ಮಯೂರ್

ಬೆಂಗ್ಳೂರು: ನಟ-ನಿರ್ದೇಶಕೆರಾಯಿನ ಸೂರ್ಯೋದಯ ಮೆರ್ನ ಮಗೆ ಬೈಕ್ ಅಪಘಾತಡ್ ತೀರ್ ಪೋತೆರ್. ಬ್ಯಾಡರಹಳ್ಳಿದ ನ್ಯೂ ಲಿಂಕ್ ಮಾರ್ಗಡ್ ಈ ದಾರುಣ ಘಟನೆ ನಡತ್ ದುಂಡು . ಸೂರ್ಯೋದಯ ಪುತ್ರ ಮಯೂರ್ (20) ತೀರ್ ಪೋಯಿನ ಜವಣ್ಯೆ .

ಕೋಡೆ ರಾತ್ರಿ ಮಯೂರ್ ಕೆಟಿಎಂ ಬೈಕ್ ಡ್ ಪೋವೊಂದು ಉಪ್ಪುನಗ, ಟ್ಯಾಂಕರ್ ಗಾಡಿಗ್ ಡಿಕ್ಕಿ ಆಕ್ ದ್ ಅಪಘಾತ ಆತುಂಡು ಪಂದ್ ತೆರಿದ್ ಬೈದುಂಡು . ಈ ಸಂಬಂಧ ಬ್ಯಾಡರಹಳ್ಳಿ ಠಾಣೆಡ್ ಪ್ರಕರಣ ದಾಖಲಾತುಂಡು .ಸೂರ್ಯೋದಯ ಪೆರಂಪಲ್ಲಿ, ಸಾಲ್ಟ್ ಪನ್ಪಿನ ಕನ್ನಡ ಚಿತ್ರ ಬೊಕ್ಕ ದೇಯಿ ಬೈದೆತಿ ಪನ್ಪಿನ ತುಳು ಚಿತ್ರಡ್ ನಟನೆ ಮಲ್ದೆರ್.

ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ಉದಿಪನ

ಮೊಡಂಕಾಪು, ಜುಲೈ 4:ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಮುತಾಲಿಕೆಡ್ ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ದ ಉದಿಪನ ನಡತುಂಡು . ಈ ಕ್ಲಬ್ ದ ಚಾರ್ಟರ್ ಕೊರ್ಪಿನ ಲೇಸ್ ಜೂನ್ 28ನೇ ತಾರೀಖ್ ಗ್ ಜೂಮ್ ಮೀಟಿಂಗ್ ಮುಖೇನ ಬಂಟ್ವಾಳ ರೋಟರಿ ಕ್ಲಬ್ ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಕ್ಲಬ್ ದ ಗುರ್ಕಾರಲಾದ್ ಇಲಿಯಾಸ್ ಸ್ಯಾಂಕ್ತಿಸ್, ಕಾರ್ಯದರ್ಶಿಯಾದ್ ಪಿ.ಎರಹೀಮ್, ಖಜಾಂಚಿಯಾದ್ ಪ್ರೀ ಮಾ ವಾಯ್ಲೆಟ್ ಫೆರ್ನಾಂಡಿಸ್, ಉಪಾಧ್ಯಕ್ಷರಾದ್ ವಿ.ಕೆ ಪ್ರಸನ್ನ ಕುಮಾರ್, ನಿರ್ದೇಶಕೆರಾದ್ ಕ್ಲಬ್ ಸೇವೆ – ದಿವಾಕರ್ ಶೆಟ್ಟಿ ಪರಾರಿಗುತ್ತು, ಸುಮುದಾಯ ಸೇವೆ – ರೋಶನ್ ರೈ, ವೃತ್ತಿ ಸೇವೆ – ಸುನೀಲ್‍ಕುಂದರ್, ಅಂತರಾಷ್ಟ್ರೀಯ ಸೇವೆ – ರೋಶನ್ ಪ್ರೇ ಮ್ ಡಿಸೋಜ, ಯುವ ಜನಸೇವೆ – ಪ್ರಖ್ಯಾತ್‌ ಚೌಟ, ಮುಂದಿನ ಸಾಲಿನ ನಿಯೋಜಿತ ಗುರ್ಕಾರಲಾದ್ ಡಾ|ಗೋವರ್ಧನ್ ರಾವ್ ಬೊಕ್ಕ ಚೇರ್‍ಮೆನ್‍ಲಾದ್ ಪಾವ್ಲ್ ಕಾರ್ಲೊ, ವಿಶ್ವಪ್ರಸಾದಹೆಗ್ಡೆ, ಅರುಣ್ ಕುಮಾರ್, ಮಲ್ಲಿಕಾ ವಿ. ಶೆಟ್ಟಿ, ಸ್ಟ್ಯಾನಿ ಡಿಸೋಜ, ಹೇಮಚಂದ್ರ ವಕೀಲ್ ಬೊಕ್ಕ ಸಾರ್ಜಂಟ್ ವಿದ್ ಆಮ್ರ್ಸ್ ಆದ್ ಡೊನಾಲ್ಡ್ ಡಿಸೋಜರವರು ಅಧಿಕಾರ ಸ್ವೀಕಾರ ಮಲ್ತೆರ್.

ಬಡರೋಗಿಲೆನ ಚಿಕಿತ್ಸೆಗ್ “ಪಾಕೆಟ್ ಮನಿ “ಕೊಡುಗೆ

ಪುತ್ತೂರು, ಜುಲೈ 3 : ತನ್ನ ಅಜ್ಜ , ಅಜ್ಜಿ, ಮಾವ, ಅಪ್ಪ, ಅಮ್ಮ ಕೊರಿನ ಪಾಕೆಟ್ ಮನಿನ್ ಸೇರ್ಸಯಿನ ಪುತ್ತೂರುದ ಬಾಲೆ ಒರ್ತಿ ಅವೆನ್ ತನ್ನ ಪುಟ್ಟು ಪರ್ಬದಾನಿ ಪಾಪ ದಕ್ಲೆನ ಚಿಕಿತ್ಸೆಗಾದ್ ಕೊರ್ತಲ್ .

‘ವೈದ್ಯರ ದಿನ’ವಾಯಿನ ಗುರುವಾರ ಪುತ್ತೂರುದ ಆದರ್ಶ ಆಸ್ಪತ್ರೆದ ಡಾ.ಎಂ.ಕೆ.ಪ್ರಸಾದ್ ಮೆರೆಗ್ ₹ 10 ಸಾವಿರದಾತ್ ಕಾಸ್ ಕೊರ್ಪಿನ ಮುಖೇನ ಪುಟ್ಟು ಪರ್ಬನ್ ಪುತ್ತೂರುದ ದಿಶಾ ಅರ್ಥಪೂರ್ಣವಾದ್ ಆಚರಣೆ ಮಲ್ದಲ್ .

ಯಕ್ಷಗಾನ ಕಲಾವಿದೆರಾಯಿನ
ಬನ್ನೂರುದ ದಿವಂಗತ ಶ್ರೀಧರ್ ಭಂಡಾರಿ ಮೆರ್ನ ಪುಳ್ಳಿ , ಪುತ್ತೂರುದ ನೆಹರೂನಗರದ ವಿವೇಕಾನಂದ ಶಾಲೆದ 3ನೇ ತರಗತಿ ಬಾಲೆ ಆಯಿನ ದಿಶಾ, ಉದ್ಯಮಿ ದೀಪಕ್‌ ಶೆಟ್ಟಿ ಬೊಕ್ಕ ಪ್ರಧಾನಮಂತ್ರಿ ಜನೌಷಧಿ ಯೋಜನೆದ ರಾಜ್ಯ ನೋಡಲ್ ಅಧಿಕಾರಿ ಡಾ.ಅನಿಲಾ ದಂಪತಿಯನ ಪುತ್ರಿ.