ಸಚಿವ ಕೋಟ

ಉಕ್ರೇನ್ಡ್ ಉಪ್ಪುನ ಮಾತಾ ಭಾರತೀಯೆರೆನ್ ಆಯಿನಾತ್ ಬೇಗ ಲೆತೊಂದು ಬರ್ಪಿನ ವ್ಯವಸ್ಥೆ ಮಲ್ಪುವ : ಸಚಿವ ಕೋಟ

Mar 2, 2022

ಒಡಿಪು : ಉಕ್ರೇನ್ ಡ್ ಉಪ್ಪುನ ಶೆಲ್ ದಾಳಿಗ್ ಬಲಿಯಾಯಿನ ಹಾವೇರಿದ ಆಣ್ ನವೀನ್ ಕುಟುಂಬದ ದುಃಖಡ್ ಇಡೀ ದೇಶೊನೆ ಪಾಲ್ ಪಡೆತುಂಡು . ಪ್ರಧಾನಿ ಬೊಕ್ಕ ಮುಖ್ಯಮಂತ್ರಿ ಆರ್ನ ಕುಟುಂಬಗ್ ಫೋನ್ ಮಲ್ತ್ ಸಾಂತ್ವನ ಪಂತೆರ್ ಪಂದ್ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ಪಂತೆರ್ .

ಒಡಿಪುಡು ಪಾತೆರಿನ ಆರ್ ,ಕೇಂದ್ರ ಸರಕಾರ ನಾಲ್ ಜನ ಮಂತ್ರಿನಕ್ಲೆನ ಕೈತಲ್ ದ ದೇಶಗ್ ಕಡಪಾದೆರ್ ಅಲ್ಪ ಉಪ್ಪುನ ಜೋಕುಲು ಬೊಕ್ಕ ನಾಗರಿಕೆರೆನ್ ಬೆಗೋಡೆ ಲೆತೊಂದು ಬರಿಯೆರೆ ಆವೊಡಾಯಿನ ಬೇಲೆನ್ ಸರಕಾರ ಮಲ್ಪರೆ ಉಂಡು ಅಂಚನೆ ಐಟ್ ಯಶಸ್ ಸಾಧಿಸಾಯೆರೆ ಉಲ್ಲಾ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಡ್ಲಡ್ ವೀಕೆಂಡ್ ಕರ್ಫ್ಯೂ ದೆಪ್ಪರೆ ಶಾಸಕ ಕಾಮತ್, ಸಚಿವ ಕೋಟರ್ದ್ ಸಿಎಂಗ್ ಬಿನ್ನಾಪು

Sep 4, 2021

ಕುಡ್ಲ : ಕುಡ್ಲಡ್ ವಾರಾಂತ್ಯದ ಕರ್ಫ್ಯೂ ದೆತ್ದ್ ಶಾಸಕ ವೇದವ್ಯಾಸ್ ಕಾಮತ್ ಬೊಕ್ಕ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ಮೆಕುಲು ಮುಖ್ಯಮಂತ್ರಿ ಬಸವರಾಜು ಬೊಮ್ಮಾಯಿ ಮೆರೆಗ್ ಬಿನ್ನಾಪು ಮಲ್ತೆರ್.

ಕುಡ್ಲ ವಾಣಿಜ್ಯ ವಹಿವಾಟುದ ಕೇಂದ್ರ ಸ್ಥಾನ ಆತುಂಡು . ವಾರಾಂತ್ಯದ ಕರ್ಫ್ಯೂ ದೆಪ್ಪುನೆರ್ದಾವರ ಜನಕುಲು ತಮ್ಮ ದಿನನಿತ್ಯದ ಬೇರ ಮಲ್ಪರೆ ಸಹಕಾರಿ ಆಯೆರೆ ಉಂಡು . ಕೈಗಾರಿಕೋದ್ಯಮ, ವೃತ್ತಿಪರ ನೌಕರೆರ್ , ದಿನಕೂಲಿ ಕೂಲಿ ಕಾರ್ಮಿಕೆರ್ , ಆಟೋ ರಿಕ್ಷಾ ಚಾಲಕೆರ್ , ಬಸ್ ನೌಕರೆರ್, ಎಲ್ಯ ಎಲ್ಯ ಬೇರ ಮಲ್ಪುನಕ್ಲೆಗ್ ವಾರಾಂತ್ಯದ ಕರ್ಫ್ಯೂ ದೆಪ್ಪುನೆರ್ದ್ ಸಾಕಾರ ಆಪುಂಡು ಪಂದ್ ಪಂಡೆರ್.

ಸಪ್ತಪದಿಗ್ ಕೂಡ್ದು ಬತ್ತುಂಡು ಮುಹೂರ್ತ : ಬೇಗೊಡೆ ಯೋಜನೆ -ಸಚಿವ ಕೋಟ

Jul 23, 2021

ಶಿವಮೊಗ್ಗ ಜುಲೈ 23: ಮುಜರಾಯಿ ಬೊಕ್ಕ ಧಾರ್ಮಿಕ ದತ್ತಿ ಇಲಾಖೆ ಕೊರೋನಾ ಸೋಂಕಿನ ಕಾರಣರ್ದ್ ತಾತ್ಕಾಲಿಕವಾದ್ ಉಂತಾದಿನ ಸಪ್ತಪದಿ ಮಹತ್ವಾಕಾಂಕ್ಷಿ ಯೋಜನೆನ್ ಕುಡ ಸುರು ಮಲ್ಪರೆ ತೀರ್ಮಾನ ಮಲ್ದೆರ್ , ರಾಜ್ಯದ 100 ಆಯ್ದ ದೇವಸ್ಥಾನಡ್ ಸರ್ಕಾರದ ವತಿರ್ದೇ ಸರಳ ವಿವಾಹ ಲೇಸ್ ನಡಪಾವ ಪಂದ್ ಮುಜರಾಯಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ರಾಜ್ಯ ಮುಜರಾಯಿ ಬೊಕ್ಕ ದಾರ್ಮಿಕ ದತ್ತಿ ಇಲಾಖೆದ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೇರ್ ಇನಿ ಶಿವಮೊಗ್ಗದ ಕೋಟೆ ಶ್ರೀರಾಮಾಂಜನೇಯ ದೇವಸ್ಥಾನಗ್ ಸಚಿವ ಕೆ.ಎಸ್.ಈಶ್ವರಪ್ಪ ಮೆರ್ನ ಒಟ್ಟುಗು ಭೇಟಿ ಕೊರ್ದು ಜಿಲ್ಲಾಧಿಕಾರಿಲೆನ ಕಚೇರಿಡ್ ಸಂಬಂಧಿತ ಇಲಾಖೆದ ಅಧಿಕಾರಿನೊಟ್ಟುಗು ಸಮಾಲೋಚನೆ ನಡಪಾಯಿ ಬೊಕ್ಕ ಪಂಡೆರ್.

ಕುಡ್ಲಡ್ ಲಾಕ್ಡೌನ್ ಸಡಿಲಿಕೆ ಬಗ್ಗೆ ಎಲ್ಲೆ ಅಧಿಕೃತ ಆದೇಶ : ಸಚಿವ ಕೋಟ

Jun 30, 2021

ಬೊಲ್ತೆರ್ , ಜೂ.30: ಕುಡ್ಲಡ್ ಕೊರೋನ ಪ್ರಕರಣ ಕಮ್ಮಿ ಆಪಿನ ನೆಲೆಟ್ಟ್ ಲಾಕ್ಡೌನ್ ಸಡಿಲಿಕೆ ಮಲ್ಪೊಡು ಪಂದ್ ಮುಖ್ಯಮಂತ್ರಿಡ ಬಿನ್ನಾಪು ಮಲ್ದೆರ್. ಗುರುವಾರ(ಜು.1) ಈ ಬಗ್ಗೆ ಸರಕಾರದ ಅಧಿಕೃತ ಆದೇಶ ಬರ್ಪಿನ ನಿರೀಕ್ಷೆ ಉಂಡು ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ಕೊಕ್ಕಡಡ್ ಮಾಧ್ಯಮದಕ್ಲೆನೊಟ್ಟುಗು ಪಾತೆರಿನ ಸಚಿವೆರ್ , ಜಿಲ್ಲೆಡ್ ಇತ್ತೇ ಕೊರೋನ ಪಾಸಿಟಿ ವಿಟಿ ರೇಟ್ ಐನೆರ್ದ್ ತಿರ್ತ್ ಬೈದುಂಡು ಈ ನೆಲೆಟ್ಟ್ ಕುಡ್ಲಡ್ ಕಾಂಡೆ ಏಳ್ ಗಂಟೆರ್ದ್ ಬೈಯ್ಯ 5 ಗ‌ಂಟೆ ಮುಟ ಅಂಗಡಿಲೆಡ್ ಬೇರ ಮಲ್ಪರೆ ಅಂಚನೇ ಬಸ್ ಸಂಚಾರ ಮಲ್ಪರೆ ಅವಕಾಶ ಕೊರ್ದು ಲಾಕ್ಡೌನ್ ಸಡಿಲಿಕೆ ಮಲ್ಪುವೆರ್ . ಈ ಬಗ್ಗೆ ಇತ್ತೇ ನಿರ್ಧಾರ ದೆತೊನ್ದೆರ್ ಇನಿ ಬೈಯ್ಯ ಅತ್ತುಂಡ ಗುರುವಾರ ಅಧಿಕೃತ ಆದೇಶ ಕೊರ್ಪಿನ ಸಾಧ್ಯತೆ ಉಂಡು.