ಸಂಗೀತ

ದುಬೈಡ್ ಫೆ.19 ಗ್ ವಿಜಯ ಪ್ರಕಾಶ್ ಸಂಗೀತ ಸಂಜೆ ” ನೀನೇ ರಾಜಕುಮಾರ ” ಲೇಸ್

ದುಬೈ,: ಕರ್ನಾಟಕ ರತ್ನ, ಪವರ್ ಸ್ಟಾರ್ ಪುನೀತ್ ರಾಜಕುಮಾರ್ ಬೊಕ್ಕ ಸ್ವರ ಮಾಂತ್ರಿಕ ಎಸ್. ಪಿ. ಬಾಲಸುಬ್ರಹ್ಮಣ್ಯಂ ಮೆಕ್ಲೆನ ಸ್ಮರಣಾರ್ಥ ವಿಜಯ್ ಪ್ರಕಾಶ್ ಸಂಗೀತ ಸಂಜೆ ಲೇಸ್ ‘ನೀನೇ ರಾಜಕುಮಾರ’ ದುಬೈಡ್ ಫೆ.19ಗ್ ಬೈಯ್ಯಗ್ 6 ಗಂಟೆಗ್ ಅಲ್ ನಸರ್ ಲೀಸರ್ ಲ್ಯಾಂಡ್ ಡ್ ನಡಪರೇ ಉಂಡು .

ಕೋವಿಡ್ ಸಂಕಷ್ಟದ ನಡುಟುಲಾ ನಡತೊಂದು ಉಪ್ಪುನ ಸುರುತ ಕನ್ನಡ ಸಂಗೀತ ಲೇಸ್ ಡ್ ಖ್ಯಾತ ಹಿನ್ನೆಲೆ ಗಾಯಕ ವಿಜಯ್ ಪ್ರಕಾಶ್ ಬೊಕ್ಕ ಅನುರಾಧ ಭಟ್, ಮೇಘನಾ ಭಟ್, ದುಬೈ ಉದ್ಯಮಿ ಗಾಯಕ ಹರೀಶ್ ಶೇರಿಗಾರ್ ಅಂಚನೆ ಪತ್ತೆರ್ದ್ ಜಾಸ್ತಿ ಸಂಗೀತಗಾರೆರ್ ಪಾಲ್ ಪಡೆಯರೇ ಉಲ್ಲೆರ್.

ಸಂಗೀತ ನಿರ್ದೇಶಕೆರ್ ವಿ. ಮನೋಹರ್ ಗ್ ಪುಟ್ಟುಪರ್ಬದ ಎಡ್ಡೆಪ್ಪುಲು

ತುಳು, ಕನ್ನಡ ಸಿನಿಮಾ ಲೋಕದ ಪುಗರ್ತೆದ ಸಂಗೀತ ನಿರ್ದೇಶಕೆರ್, ಪೆರ್ಮೆದ ತುಳುವೆ
ವಿ. ಮನೋಹರ್ ಮೇರೆನ ಪುಟ್ಟು ಪರ್ಬದ ಈ ಪೊರ್ಲ ದಿನೊಟ್ಟು ಮೋಕೆದಿಂಜಿ ಎಡ್ಡೆಪ್ಪುನು ಬಯಕುವ.

– ಟೈಮ್ಸ್ ಆಫ್ ಕುಡ್ಲ ,ತುಳು ಪತ್ರಿಕೆ.

ಸಂಗೀತ ನಿರ್ದೇಶಕ ಗುರುಕಿರಣ್‌ಗ್ ರಂಗಚಾವಡಿ ಮಾನದಿಗೆ : ನಟ ಪುನೀತ್ ರಾಜ್‌ಗ್ ಗೀತ ನಮನ ಲೇಸ್

ಸುರತ್ಕಲ್ : ರಂಗಚಾವಡಿ ಕುಡ್ಲದ ಒಟ್ಟು ಸೇರಿಗೆಡ್ ರಂಗಚಾವಡಿ ವರ್ಷದ ಪರ್ಬದ ಲೇಸ್ ಡಿಸೆಂಬರ್ 25 ನೆ ಶನಿವಾರ ಬೈಯ್ಯಗ್ 4 ಗಂಟೆಗ್ ಸುರತ್ಕಲ್ ಬಂಟರ ಭವನಡ್ ನಡಪರೇ ಉಂಡು .

ವರ್ಷದ ಹಬ್ಬ ಲೇಸ್ ಡ್ ಸಂಗೀತ ನಿರ್ದೇಶಕ ಗುರುಕಿರಣ್ ಮೆರೆಗ್ 2021ನೆ ಸಾಲ್ ದ ರಂಗಚಾವಡಿ ಮಾನದಿಗೆ ಮಲ್ಪುನ ಲೇಸ್ ಅಂಚನೆ ನಟ ಪುನೀತ್‌ರಾಜ್‌ಗೆ ಗೀತ ನಮನ ಲೇಸ್ ಗಿರೀಶ್ ಸಾಗರ ಬೊಕ್ಕ ಕೂಟ ದಕ್ಲೆನೆರ್ದ್ ನಡಪರೇ ಉಂಡು .

ಲೇಸ್ ನ್ ಎಂಆರ್‌ಜಿ ಗ್ರೂಪ್‌ದ ಸ್ಥಾಪಕಾಧ್ಯಕ್ಷೆರಾಯಿನ ಕೆ. ಪ್ರಕಾಶ್ ಶೆಟ್ಟಿ ಉದಿಪನ ಮಲ್ಪರೆ ಉಲ್ಲೆರ್ . ಮಲ್ಲ ಬಿನ್ನೆರ್ ಆದ್ ಶಾಸಕ ಡಾ. ವೈ ಭರತ್ ಶೆಟ್ಟಿ, ಪೊಲೀಸ್ ಆಯುಕ್ತೆರಾಯಿನ ಎನ್. ಶಶಿಕುಮಾರ್ ಜಾಗತಿಕ ಬಂಟ ಪ್ರತಿಷ್ಠಾನದ ಪ್ರಧಾನ ಕಾರ್ಯಂತೆರಾಯಿನ ಸಿಎ ಸುಧೀರ್ ಕುಮಾರ್ ಶೆಟ್ಟಿ, ಚಲನಚಿತ್ರ ನಿರ್ಮಾಪಕ ಡಾ ಸಂಜೀವ ದಂಡೆಕೇರಿ ಉದ್ಯಮಿ ಯಾದವ ಕೋಟ್ಯಾನ್ ಪೆರ್ಮುದೆ, ಥಾಣೆ ಬಂಟರ ಸಂಘದ ಗುರ್ಕಾರ್ಲಾಯಿನ ವೇಣುಗೋಪಾಲ ಎಲ್ ಶೆಟ್ಟಿ, ದ.ಕ ಜಿಲ್ಲಾ ಕಾರ್ಯನಿರತ ಪರ್ತಕರ್ತರ ಸಂಘದ ಗುರ್ಕಾರ್ಲಾಯಿನ ಶ್ರೀನಿವಾಸ್ ನಾಯಕ್ ಇಂದಾಜೆ, ನಿರ್ಮಾಪಕ ಪ್ರಕಾಶ್ ಪಾಂಡೇಶ್ವರ್, ಉದ್ಯಮಿ ರಮಾನಾಥ್ ಶೆಟ್ಟಿ ಬೈಕಂಪಾಡಿ, ಲಕುಮಿ ರಂಗ ತಂಡದ ಸಂಚಾಲಕ ಕಿಶೋರ್ ಡಿ ಶೆಟ್ಟಿ , ಸುರತ್ಕಲ್ ಬಂಟರ ಸಂಘದ ಗುರ್ಕಾರ್ಲಾಯಿನ ಸುಧಾಕರ ಎಸ್ ಪೂಂಜಾ, ಕ್ಯಾಟ್ಕದ ಗುರ್ಕಾರ್ಲಾಯಿನ ಮೋಹನ್ ಕೊಪ್ಪಲ, ಹಿರಿಯ ರಂಗಕರ್ಮಿ ವಿ.ಜಿ ಪಾಲ್ ಪಾಲ್ ಪಡೆಯರೇ ಉಲ್ಲೆರ್.
ವಿಶೇಷ ಆಹ್ವಾನಿತೇರಾದ್ ದೇವದಾಸ್ ಕಾಪಿಕಾಡ್, ನವೀನ್ ಡಿ ಪಡೀಲ್, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು, ರೂಪೇಶ್ ಶೆಟ್ಟಿ, ಪ್ರಸನ್ನ ಶೆಟ್ಟಿ ಬೈಲೂರು, ನಿರೀಕ್ಷಾ ಶೆಟ್ಟಿ, ಶಿಫಾಲಿ ಕುಡ್ಲ ಪಾಲ್ ಪಡೆಯರೇ ಉಲ್ಲೆರ್. ನವೀನ್ ಶೆಟ್ಟಿ ಎಡ್ಮೆಮಾರ್ ಅಭಿನಂದನಾ ಭಾಷಣ ಮಲ್ಪರೆ ಉಲ್ಲೆರ್ , ನಿತೇಶ್ ಶೆಟ್ಟಿ ಎಕ್ಕಾರ್ ಲೇಸ್ ನಡಪಾದ್ ಕೊರಿಯರೆ ಉಲ್ಲೆರ್ ಪಂದ್ ರಂಗಚಾವಡಿದ ಪ್ರಕಟಣೆ ತೆರಿಪಾದುಂಡು..