ಶಕ್ತಿ

ಶಕ್ತಿ ವಿದ್ಯಾ ಸಂಸ್ಥೆ ಡ್ ವನಮಹೋತ್ಸವ

ಕುಡ್ಲ, ಜುಲೈ 11: ‘ವಿದ್ಯಾರ್ಥಿ ಜೀವನಡೆ ಪ್ರಕೃತಿ ಸಂರಕ್ಷಣೆ ಸವಾಲಾದ್ ಸ್ವೀಕರಿಸಾದ್ , ಪ್ಲಾಸ್ಟಿಕ್‍ ಬಳಕೆ ಮಲ್ಪೊಚಿ , ದುಂಬುದ ಪೀಳಿಗೆಗ್ ಹಸಿರು ಪ್ರಪಂಚನ್ ಪರಿಚಯ ಮಲ್ಪುಲೇ . ಪಕ್ಷಿಲು ಬೊಕ್ಕ ಪ್ರಾಣಿಲೆಗ್ಲಾ ಬದುಕೆರೆ ಅವಕಾಶ ಉಂಡು ‘ ಪಂದ್ ಪರಿಸರ ಪ್ರೇಮಿ ಮಾಧವ ಉಳ್ಳಾಲ್‌ ಜೋಕ್ಲೆಗ್ ಪಂಡೆರ್ .

ಶಕ್ತಿ ಶಿಕ್ಷಣ ಸಂಸ್ಥೆಡ್ ಬುಧವಾರ ವನಮಹೋತ್ಸವ ಉದಿಪನ ಮಲ್ತ್ ಆರ್ ಪಾತೆರಿಯೆರ್.

ಈ ಪೊರ್ತುಡು ಆಡಳಿತಾಧಿಕಾರಿ ಡಾ. ಕೆ.ಸಿ ನಾಯ್ಕ್‌, ಮುಖ್ಯ ಸಲಹೆಗಾರೆರಾಯಿನ ರಮೇಶ ಕೆ., ಸಂಸ್ಥೆದ ಅಭಿವೃದ್ಧಿ ಅಧಿಕಾರಿ ಪ್ರಖ್ಯಾತ್ ರೈ, ಶಕ್ತಿ ಪಿ.ಯು ಕಾಲೇಜ್ ದ ಪ್ರಾಂಶುಪಾಲ ಟಿ. ರಾಜಾರಾಮ್ ರಾವ್, ವಸತಿ ಶಾಲೆದ ಪ್ರಾಂಶುಪಾಲೆರಾಯಿನ ವಿದ್ಯಾ ಕಾಮತ್ ಜಿ., ಶಾಲೆ ಸಂಯೋಜಕಿ ನೀಮಾ ಸಕ್ಸೇನಾ, ಶಿಕ್ಷಕಿ ಸಂಗೀತ ಮರೀನ , ಭವ್ಯಾ ವಿ., ಬೋಧಕ – ಬೋಧಕೇತರ ಸಿಬ್ಬಂದಿ, ಜೋಕುಲು ಬೊಕ್ಕ
ಪೋಷಕೆರ್ ಪಾಲ್ ಪಡೆದಿತ್ತೆರ್ .