ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕುಡ್ಲದ ಅಶೋಕ ವಿದ್ಯಾಲಯಡ್ ಎನ್ಮನೆ ವಿಶ್ವ ಯೋಗ ದಿನಾಚರಣೆ
ಕುಡ್ಲದ ಅಶೋಕ ವಿದ್ಯಾಲಯಡ್ 8 ನೇ ವಿಶ್ವ ಯೋಗ ದಿನಾಚರಣೆ
ಕುಡ್ಲ : ಎನ್ಮನೇ ವರ್ಸದ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆನ್ ಕುಡ್ಲದ ಅಶೋಕ ವಿದ್ಯಾಲಯಡ್ ಜೂ.21 ಅಂಗಾರೆದಾನಿ ಆಚರಣೆ ಮಲ್ತೆರ್. ದೇವೆರ್ನ ಸುಗಿಪು ದೊಟ್ಟುಗು ಲೇಸ್ ಸುರು ಆಂಡ್. ಶಾಲಾ ಸಹ ಶಿಕ್ಷಕಿ ಸುಮನ ಮೇರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್. ಕೈತಲ್ ದ ಮಾಜಿ ಕಾರ್ಪೊರೇಟರ್ ರಾಧಾಕೃಷ್ಣ ತುಡರ್ ಅರ್ಲಾದ್ ಯೋಗ ದಿನಾಚರಣೆದ ಉದಿಪನ ಮಲ್ತ್ ಯೋಗದ ಬಗ್ಗೆ ಪಾತೆರಿಯೆರ್.
ಯೋಗ ತರಬೇತುದಾರೆರಾಯಿನ ಕುಮಾರಿ ನಯನ ಯೋಗಾಭ್ಯಾಸದ ಬಗ್ಗೆ ಮಾಹಿತಿ ಕೊರಿಯೆರ್. ಶ್ರೀಮತಿ ವಿಜಯಲಕ್ಷ್ಮಿ ಬೊಕ್ಕ ಶ್ರೀಮತಿ ಅಕ್ಷತಾ ಪ್ರಭು ಲೇಸ್ ಡ್ ಯೋಗ ದಿನಾಚರಣೆದ ಬಗ್ಗೆ ಪಾತೆರಿಯೆರ್. ಶಾಲೆದ ಕಲ್ಪಾರ್ಥಿಲುಲ ಯೋಗದ ಬಗೆಟ್ ರಡ್ಡ್ ಪಾತೆರ ಪಂಡೆರ್.
ಯೋಗ ಮಂತ್ರ ಪನ್ಪಿನ ಮುಖೇನ ಯೋಗದ ಪ್ರಾತ್ಯಕ್ಷಿಕೆನ್ ಜೋಕ್ಲೆನೆರ್ದ್ ಮಲ್ಪಾಯೆರ್.
ಮೂಜಿ ಹಂತಡ್ ಯೋಗಾಭ್ಯಾಸನ್ ನಯನ ಮೇರ್ ನಡಪಾದ್ ಕೊರಿಯೆರ್ .
ಶಾಲಾ ಮುಖ್ಯೋಪಾಧ್ಯಾಯಿನಿ ಬೊಕ್ಕ ಸಹ ಶಿಕ್ಷಕೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಕೈತಲ್ ದ ಮಾಜಿ ಕಾರ್ಪೊರೇಟರ್ ರಾಧಾಕೃಷ್ಣ, ವಿದ್ಯಾವರ್ಧಕ ಸಂಘದ ಸದಸ್ಯೆರ್ ಬೊಕ್ಕ ಶಾಲಾ ಮುಖ್ಯ ಶಿಕ್ಷಕಿ ಬೊಕ್ಕ ಸಹಶಿಕ್ಷಕಿನಕುಲು ಅಂಚನೇ ಶಿಕ್ಷಕೇತರ ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್ .