ರೋಟರಿ

ಮುಲ್ಕಿ ರೋಟರಿ ಕ್ಲಬ್ ದ ಬೊಳ್ಳಿ ಪರ್ಬ ಜೂ.26 ಬಪ್ಪನಾಡ್ ಡ್ ಜೋಕುಲ್ನ ಪಾರ್ಕ್ ಉದಿಪನ

Jun 22, 2022

ಮುಲ್ಕಿ ರೋಟರಿ ಕ್ಲಬ್ ದ ಬೊಳ್ಳಿ ಪರ್ಬ

ಜೂ.26 ಬಪ್ಪನಾಡ್ ಡ್ ಜೋಕುಲ್ನ ಪಾರ್ಕ್ ಉದಿಪನ

ಮುಲ್ಕಿ : 1905 ನೇ ಇಸವಿಡ್ ಡಾ.ಪ್ರೊ.ಜಗದೀಶ್ ಮೇರ್ನ ಗುರ್ಕಾರ್ಮೆ ಡ್ ಸ್ಥಾಪನೆ ಆತಿನ ರೋಟರಿ ಕ್ಲಬ್, ಮುಲ್ಕಿ ಈ ಸರ್ತಿ ಬೊಳ್ಳಿ ಪರ್ಬದ ಗೌಜಿಡ್ ಇತ್ತ್ ದ್ ಶಿವರಾಮ್ ಜಿ.ಅಮೀನ್ ಮೇರ್ನ ಗುರ್ಕಾರ್ಮೆ ಡ್ ಜೂನ್ 26ಕ್ಕ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ದ ಜ್ಞಾನ ಮಂದಿರ ದ ಚಾವಡಿಡ್ ಬೊಳ್ಳಿ ಪರ್ಬದ ಲೇಸ್ ಬೊಕ್ಕ ಜಯ ಸಿ. ಸುವರ್ಣ ಮೆಮೋರಿಯಲ್ ರೋಟರಿ ಚಿಲ್ಡ್ರನ್ಸ್ ಪಾರ್ಕ್‌ ಉದಿಪನ ಆವರೆ ಉಂಡು ಪಂದ್ ರೋಟರಿ ಸಿಲ್ವರ್ ಜುಬಿಲಿ ಸೆಲೆಬ್ರೇಶನ್ ಕಮಿಟಿದ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ರ್ ತೆರಿಪಾಯೆರ್.
ಆರ್ , ಕಾರ್ನಾಡ್ ದ ರೋಟರಿ ಭವನದ ಚಾವಡಿಡ್ ಬುಧಾರ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ಪಂಡೆರ್.

ರೋಟರಿ ಜಿಲ್ಲಾ ಗವರ್ನರ್ ರವೀಂದ್ರ ಭಟ್ ಲೇಸ್ ಉದಿಪನ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಶಾಸಕೆರ್ ಉಮಾನಾಥ ಕೋಟ್ಯಾನ್, ಮುಲ್ಕಿ ಸೀಮೆ ಅರಸುಲು ದುಗ್ಗಣ್ಣ ಸಾವಂತೆರ್, ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ, ಬಪ್ಪನಾಡ್ ದೇವಸ್ಥಾನ ದ ಆಡಳ್ತೆ ಮೊಕ್ತೇಸರೆರ್ ಎನ್.ಎಸ್.ಮನೋಹರ ಶೆಟ್ಟಿ, ಆಡಳಿತಾಧಿಕಾರಿ ಪ್ರವೀಣ್, ಜಿಲ್ಲಾ ರೋಟರಿ ಅಸಿಸ್ಟೆಂಟ್ ಗವರ್ನರ್ ಅರುಣ್ ಭಂಡಾರಿ ಮಲ್ಲ ಬಿನ್ನೆರಾದ್ ಬರ್ಪೆರ್.ಉಂದುವೇ ಪೊರ್ತುಡು ಪುಗರ್ತೆದ ನಟೆ ಭೋಜರಾಜ್ ವಾಮಂಜೂರು, ಸಾಧಕೆರಾಯಿನ ಡಾ.ಹರಿಕೃಷ್ಣ ಪುನರೂರು, ಉದ್ಯಮಿ ಸೂರ್ಯಕಾಂತ ಜಯ ಸುವರ್ಣ , ಎಸ್ಸೆಸ್ಸೆಲ್ಸಿ ಸಾಧಕೆರಾಯಿನ ದೀಕ್ಷಾ ಶೆಟ್ಟಿ, ಅಕ್ಷತಾ ಕಾಮತ್ ಬೊಕ್ಕ ವಿಷ್ಣು ಎಚ್. ಮೊಕ್ಲೆಗ್ ಮಾನಾದಿಗೆ ನಡಪರೆ ಉಂಡು ಪಂಡೆರ್.
ರೋಟರಿ ಕ್ಲಬ್ ಅಧ್ಯಕ್ಷೆರ್ ಶಿವರಾಮ್ ಜಿ.ಅಮೀನ್ ಸ್ವಾಗತ ಮಲ್ತೆರ್. ಕಾರ್ಯದರ್ಶಿ ರವಿಚಂದ್ರ ಸೊಲ್ಮೆ ಸಂದಾಯೆರ್.
ಸುದ್ದಿಗೋಷ್ಠಿಡ್ ಕೋಶಾಧಿಕಾರಿ ರೇಮಂಡ್ ರೆಬೆಲ್ಲೊ, ರಜತ ನೆಂಪು ಸಂಚಿಕೆ ಸಮಿತಿದ ಜಿನರಾಜ್ ಸಿ. ಸಾಲ್ಯಾನ್, ಪಣವು ಸಮಿತಿದ ಜೊವಿನ್ ಪ್ರಕಾಶ್ ಡಿಸೋಜ,ಯೋಜನಾ ಸಮಿತಿದ ಎಂ.ನಾರಾಯಣ್, ಸದಸ್ಯೆರಾಯಿನ ರಾಜಾ ಪತ್ರಾವೊ, ವೈ.ಎನ್. ಸಾಲ್ಯಾನ್ ಮೊಕುಲು ಮಾತ ಇತ್ತೆರ್.

ರೋಟರಿ ವಲಯದ ಸಾಂಸ್ಕೃತಿಕ ಲೇಸ್ ಕಲಾವೈಭವ : ಕಾರ್ಲ ರೋಟರಿ ಸಂಸ್ಥೆಗ್ ಓವರಾಲ್ ಚಾಂಪಿಯನ್

Dec 3, 2021

ಕಾರ್ಲ : ರೋಟರಿ ವಲಯದ ಸಾಂಸ್ಕೃತಿಕ ಲೇಸ್ ಕಲಾವೈಭವ-2021 ಶಂಕರಪುರ ರೋಟರಿದ ಬಿನ್ನಾದಿಗೆಡ್ ನಡತ್oಡ್ ರೋಟರಿ ಸಂಸ್ಥೆ ಕಾರ್ಲ ಲೇಸ್ ದ ಸರ್ವಶ್ರೇಷ್ಠ ಕೂಟ ಆದ್ ಮೂಡ್ದ್ ಬತ್ತ್oಡ್. ಏಕವ್ಯಕ್ತಿ ಜ್ಞಾನಪದ ಗೀತೆಡ್ ರೋಟೇರಿಯನ್ ಶಿವಕುಮಾರ್ ಪ್ರಥಮ ,ಸಮೂಹ ಗಾನಡ್ ಸುರುತ , ಸಮೂಹ ಜಾನಪದ ನೃತ್ಯ ಪ್ರಥಮ, ಏಕವ್ಯಕ್ತಿ ನೃತ್ಯ ರೋಟೇರಿಯನ್ ರಮಿತಾ ಶೈಲೆಂದ್ರ ರಡ್ಡ ನೇ ಇನಾಮು , ಕಿರು ಪ್ರಹಸನ ರಡ್ಡನೇ ಇನಾಮು ಪಡೆತೆರ್ ರೋಟರಿ ಕಾರ್ಲ ಪಡೆತ್oಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಮುಲ್ಕಿ ರೋಟರಿ ಕ್ಲಬ್ ಬೊಳ್ಳಿ ಪರ್ಬದ ವರ್ಷದ ಪದಾಧಿಕಾರಿಲೆನ ಪದಗ್ರಹಣದ ಲೇಸ್

Jul 14, 2021

ಮುಲ್ಕಿ : ಬೊಳ್ಳಿ ಪರ್ಬದ ವರ್ಷದ ಕುಸಿಟ್ಟ್ ಉಪ್ಪುನ ಮುಲ್ಕಿ ರೋಟರಿ ಕ್ಲಬ್ ದ 2021-22 ಗುರ್ಕಾರ್ಲು ಶಿವರಾಮ್ ಜಿ ಅಮೀನ್ ಮುತಾಲಿಕೆದ ಪದಾಧಿಕಾರಿಲೆನ ಜಬದಾರಿ ಒಯಿಸೊನ್ನ ಲೇಸ್ (ಪದಗ್ರಹಣ) ಬುಧಾರದಾನಿ ಕಾರ್ನಾಡ್ ದ ರೋಟರಿ ಶತಾಬ್ಧ ಭವನೊಡು ನಡತ್ಂಡ್.

ರೊಟೇರಿಯನ್ ಪಿಎಚ್ಎಫ್ ಪ್ರಕಾಶ್ ಕಾರಂತ ಪ್ರಮಾಣ ವಚನ ಮಲ್ಪಾಯೆರ್.
ಅಸಿಸ್ಟೆಂಟ್ ಗವರ್ನರ್ ರೊ.ಅರುಣ್ ಭಂಡಾರಿ, ಝೋನಲ್ ಲೆಫ್ಟಿನೆಂಟ್ ರೊ.ಅಶೋಕ್ ಕುಮಾರ್ ಶೆಟ್ರ್ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್.
ಕರಿನ ವರ್ಷದ ಕಾರ್ಯಂತೆರ್ ವೈ.ಎನ್ ಸಾಲ್ಯಾನ್ ವರದಿ ಓದಿಯೆರ್.ಪೊಸ ವರ್ಷದ ಕಾರ್ಯಂತೆರ್ ರವಿಚಂದ್ರ ಇತ್ತೆರ್.ಉಂದುವೇ ಪೊರ್ತುಡು ಅನಾರೋಗ್ಯದ ಚಿಕಿತ್ಸೆ ಗ್ ಪಣವುದ ಸಾಕಾರ ಬೊಕ್ಕ ಪ್ರತಿಭಾವಂತ ವಿದ್ಯಾರ್ಥಿ ಲೆಗ್ ಪಣವುದ ಸಕಾಯ ಪಟ್ಟಿಯೆರ್.ಅಂಚೆನೇ ಕೊರೊನಾ ವಾರಿಯರ್ಸ್ ಆದ್ ಸೇವೆ ಮಲ್ಪುನ ಡಾ. ಚಿತ್ರಾ, ಡಾ. ಕೃಷ್ಣ ಬೊಕ್ಕ ಎಸ್ಐ ವಿನಾಯಕ ತೋರಗಲ್ ಮೊಕಲೆನ ಮಾನಾದಿಗೆ ನಡತ್ಂಡ್.
ರೊ. ನರೇಂದ್ರ ಕೆರೆಕಾಡು ಮುತಾಲಿಕೆದ “ನಮನ ತುಳುವ ನಲಿಕೆ” ಪಂಥೊದ ಪೋಸ್ಟರ್ ಬುಡುಗಡೆ ನಡತ್ಂಡ್.ರೊ. ನಾರಾಯಣ್ ಬಿನ್ನೆರೆನ ಪರಿಚಯ ಮಲ್ತೆರ್ .ಮುಲ್ಕಿ, ಬಜ್ಪೆ, ಬೆದ್ರ ವಲಯದ ಸದಸ್ಯೆರ್ ಲೇಸ್ ಡ್ ಪಾಲ್ ಪಡರದಿತ್ತೆರ್.ಜಿನರಾಜ್ ಸಾಲ್ಯಾನ್, ರಾಜಾ ಪತ್ರಾವೊ ಲೇಸ್ ನಡಪಾದ್ ಕೊರಿಯೆರ್.
ಪೊಸ ಕಾರ್ಯಂತೆರ್, ರೊ. ರವಿಚಂದ್ರ ಸೊಲ್ಮೆ ಸಂದಾಯೆರ್.

ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ಉದಿಪನ

Jul 4, 2021

ಮೊಡಂಕಾಪು, ಜುಲೈ 4:ರೋಟರಿ ಕ್ಲಬ್ ಬಂಟ್ವಾಳ ನೆತ್ತ ಮುತಾಲಿಕೆಡ್ ಮೊಡಂಕಾಪುಡು ಪೊಸ ರೋಟರಿ ಕ್ಲಬ್ ದ ಉದಿಪನ ನಡತುಂಡು . ಈ ಕ್ಲಬ್ ದ ಚಾರ್ಟರ್ ಕೊರ್ಪಿನ ಲೇಸ್ ಜೂನ್ 28ನೇ ತಾರೀಖ್ ಗ್ ಜೂಮ್ ಮೀಟಿಂಗ್ ಮುಖೇನ ಬಂಟ್ವಾಳ ರೋಟರಿ ಕ್ಲಬ್ ದ ಗುರ್ಕಾರ್ಲಾಯಿನ ಕೆ. ನಾರಾಯಣ ಹೆಗ್ಡೆ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಕ್ಲಬ್ ದ ಗುರ್ಕಾರಲಾದ್ ಇಲಿಯಾಸ್ ಸ್ಯಾಂಕ್ತಿಸ್, ಕಾರ್ಯದರ್ಶಿಯಾದ್ ಪಿ.ಎರಹೀಮ್, ಖಜಾಂಚಿಯಾದ್ ಪ್ರೀ ಮಾ ವಾಯ್ಲೆಟ್ ಫೆರ್ನಾಂಡಿಸ್, ಉಪಾಧ್ಯಕ್ಷರಾದ್ ವಿ.ಕೆ ಪ್ರಸನ್ನ ಕುಮಾರ್, ನಿರ್ದೇಶಕೆರಾದ್ ಕ್ಲಬ್ ಸೇವೆ – ದಿವಾಕರ್ ಶೆಟ್ಟಿ ಪರಾರಿಗುತ್ತು, ಸುಮುದಾಯ ಸೇವೆ – ರೋಶನ್ ರೈ, ವೃತ್ತಿ ಸೇವೆ – ಸುನೀಲ್‍ಕುಂದರ್, ಅಂತರಾಷ್ಟ್ರೀಯ ಸೇವೆ – ರೋಶನ್ ಪ್ರೇ ಮ್ ಡಿಸೋಜ, ಯುವ ಜನಸೇವೆ – ಪ್ರಖ್ಯಾತ್‌ ಚೌಟ, ಮುಂದಿನ ಸಾಲಿನ ನಿಯೋಜಿತ ಗುರ್ಕಾರಲಾದ್ ಡಾ|ಗೋವರ್ಧನ್ ರಾವ್ ಬೊಕ್ಕ ಚೇರ್‍ಮೆನ್‍ಲಾದ್ ಪಾವ್ಲ್ ಕಾರ್ಲೊ, ವಿಶ್ವಪ್ರಸಾದಹೆಗ್ಡೆ, ಅರುಣ್ ಕುಮಾರ್, ಮಲ್ಲಿಕಾ ವಿ. ಶೆಟ್ಟಿ, ಸ್ಟ್ಯಾನಿ ಡಿಸೋಜ, ಹೇಮಚಂದ್ರ ವಕೀಲ್ ಬೊಕ್ಕ ಸಾರ್ಜಂಟ್ ವಿದ್ ಆಮ್ರ್ಸ್ ಆದ್ ಡೊನಾಲ್ಡ್ ಡಿಸೋಜರವರು ಅಧಿಕಾರ ಸ್ವೀಕಾರ ಮಲ್ತೆರ್.

ರೋಟರಿ ಕುಡ್ಲ ಸೆಂಟ್ರಲ್ ಸಂಸ್ಥೆದ ಸ್ಥಾಪಕ ದಿನಾಚರಣೆ: ಸಾಧಕೆರೆಗ್ ಮಾನದಿಗೆ

Jun 27, 2021

ಕುಡ್ಲ : ರೋಟರಿ ಕುಡ್ಲ ಸೆಂಟ್ರಲ್ ಸಂಸ್ಥೆದ ೩೪ನೇ ವಾರ್ಷಿಕ ಸ್ಥಾಪನಾ ದಿನಾಚರಣೆ ಕುಡ್ಲದ ಎ-೧ ಲಾಂಗ್ಗಿಸ್ ಸಂಸ್ಥೆದ ಸಭಾಂಗಣಡ್ ದೃಶ್ಯ ಶ್ರಾವ್ಯ ಮಾಧ್ಯಮದ ಮುಖೇನ ಪ್ರಕಾಶ್ ಚಂದ್ರ ಮೆರ್ನ ಗುರ್ಕಾರ್ಮೆಡ್ ನಡತುಂಡು. ಪೇಂಟೆದ ಖ್ಯಾತ ಹೃದ್ರೋಗ ತಜ್ಞ ಡಾ.ಪದ್ಮನಾಭ ಕಾಮತ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯೆರ್.

ಈ ಪೊರ್ತುಡು ರೋಟರಿ ಸಂಸ್ಥೆದ ವತಿರ್ದ್ ಡಾ.ಪದ್ಮನಾಭ್ ಕಾಮತ್ ನೇತೃತ್ವ ಹೃದಯ ತಜ್ಞರು ಇಲ್ಲ ಬಾಕಿಲ್ ಗ್ ’ ಅಭಿಯಾನಗ್ ಅಂಚನೇ ಆರ್ನ ಗ್ರಾಮೀಣ ಪ್ರದೇಶದ ಜನಕ್ಲೆನ ಅಂಗನವಾಡಿ ಯೋಜನೆನ್ ಪ್ರೋತ್ಸಾಹ ಮಲ್ಪರೆ , ಜನಕ್ಲೆನ ಹೃದ್ರೋಗ ತಪಾಸಣೆದ ಪರವಾದ್ ೧ ಲಕ್ಷ ರೂಪಾಯಿ ಮೌಲ್ಯದ ಮೂಜಿ ಹೃದ್ರೋಗ ತಪಾಸಣೆ ಯಂತ್ರನ್ ಸಂಸ್ಥೆದ ಸಮಾಜ ಸೇವಾ ಯೋಜನೆದ ಅಂಗವಾದ್ ಕೊಡುಗೆಯಾದ್ ಕೊರಿಯೆರ್.