ರಡ್ಡನೇ ಅಲೆ

ಭಾರತಡ್ ಕಡಿಮೆ ಆಯಿನ ಕೊರೋನ ರಡ್ಡನೇ ಅಲೆ

Jun 9, 2021

ನವದೆಹಲಿ ಜೂ.09: ಭಾರತದಡ್ ಕೊರೋನಾ 2ನೇ ಅಲೆ ಇಳಿಕೆದ ತಾದಿ ದುಂಬು ವರಿದುಂಡು , ಅಂಗಾರೆ ಕಾಂಡೆ 8 ಗಂಟೆಗ್ ಮುಕ್ತಾಯಾವಾಯಿನ 24 ಗಂಟೆದ ಪೊರ್ತುಡು 86,498 ಪೊಸ ಪ್ರಕರಣ ಪತ್ತೆಯಾತುಂಡು , ಇಂದು ಕರಿನ 62 ದಿನರ್ದ್ ಕನಿಷ್ಠ ಪ್ರಮಾಣ ಆದುಂಡು .

ಅಂಗಾರೆದ ಅಂಕಿ ಸಂಖ್ಯೆದೊಟ್ಟುಗು ದೇಶಡ್ ಒಟ್ಟು ಸೋಂಕಿತೆರ್ನ ಸಂಖ್ಯೆ 2,89,96,473ಕ್ಕ್ ಮುಟ್ಟುದುಂಡು , ಸೈತಿನಕ್ಲೆನ ಸಂಖ್ಯೆ 3,51,309ಕ್ಕ್ ಏರ್ದುಂಡು ಪಂದ್ ಐಸಿಎಂಆರ್ ಮಾಹಿತಿ ಕೊರ್ತೆರ್ .

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೊರೋನ ರಡ್ಡನೇ ಅಲೆ : ಕುಡ್ಲಡ್ 6 ಜನ ತೀರ್ ಪೋತೆರ್

Apr 28, 2021

ಕುಡ್ಲ , ಎ.28: ಕೊರೋನ ಸೋಂಕುದ ನಿಗ್ರಹಗ್ ದ.ಕ.ಜಿಲ್ಲಾಡಳಿತ ಯುದ್ಧೋಪಾದಿಡ್ ಬೇಲೆ ಮಲ್ತೊಂದು ಉಂಡು .ಮಾತಾ ರೀತಿದ ಮುನ್ನೆಚ್ಚರಿಕೆ ಕ್ರಮ ದೆತೊನೊಂದು ಉಂಡು . ಕೊರೋನ ಸೋಂಕುದ 2ನೆ ಅಲೆರ್ದ್ ಬೊಕ್ಕ ದ.ಕ.ಜಿಲ್ಲೆಡ್ 6 ಜನ ತೀರ್ ಪೋತೆರ್ ಪಂದ್ ದ.ಕ.ಜಿಲ್ಲಾಧಿಕಾರಿ ರಾಜೇಂದ್ರ ಕೆ.ವಿ. ತೆರಿಪಾಯೆರ್ .

ಅಂಗಾರೆ ಸುದ್ದಿಗೋಷ್ಠಿಡ್ ಮಾಹಿತಿ ಕೊರಿನ ಆರ್ ದ.ಕ.ಜಿಲ್ಲೆಡ್ 783 ಜನ ಆಸ್ಪತ್ರೆ ಬೊಕ್ಕ 3,249 ಜನ ಹೋಂ ಐಸೋಲೇಶನ್‌ಡ್ ಉಲ್ಲೆರ್. ಇತ್ತೇ ಜಿಲ್ಲೆಡ್ 4816 ಬೆಡ್‌ ಉಂಡು, ಈ ಪೈಕಿ 4,033 ಬೆಡ್ ಖಾಲಿ ಉಂಡು . ಆಸ್ಪತ್ರೆದ ಬೆಡ್ ಸೇರಿನಂಚ ಮಾತಾ ಮಾಹಿತಿನ್ಲಾ ಕುಡ್ಲ ಒನ್ ಮುಖೇನ ಸಾಪ್ಟ್‌ವೇರ್‌ಡ್ ಸಾರ್ವಜನಿಕೆರೆಗ್ ಕೊರಿಯರೆ ತಯಾರ್ ಮಲ್ದ ಪಂದ್ ಪಂಡೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಕೋವಿಡ್ ರಡ್ಡನೇ ಅಲೆ : ಪೊಸ ಮಾರ್ಗಸೂಚಿ ಬುಡುಗಡೆ

Apr 3, 2021

ಕುಡ್ಲ, ಎಪ್ರಿಲ್ 03: ರಾಜ್ಯಡ್ ಕರಿನ ಒಂಜಿ ತಿಂಗೊಲುರ್ದು ಕೋವಿಡ್‌ ಪ್ರಕರಣ ಜಾಸ್ತಿ ಆವೊಂದು ಉಪ್ಪುಮ ನೆಲೆಟ್ಟ್ ರಾಜ್ಯ ಸರ್ಕಾರ ಪೊಸ ಮಾರ್ಗಸೂಚಿನ್ ಕಡಪಾದೆರ್ , ಸಾಮೂಹಿಕ ಪ್ರಾರ್ಥನೆ, ಸಾರ್ವಜನಿಕೆ ಸಭೆ, ಮುಷ್ಕರಲು ನಿಷೇಧ ಅಂಚನೇ ನನಾತ್ ಕಠಿಣ ಕ್ರಮ ದೆತೊನ್ದೆರ್.

ರಾಜ್ಯ ಸರ್ಕಾರದ ಆದೇಶದ ಮುಖ್ಯಾಂಶಲು

1. ವಿದ್ಯಾಗಮ ಸೇರಿನಂಚ 6 ರ್ದ್ 9 ನೇ ತರಗತಿಲೆನ್ ಸ್ಥಗಿತ ಮಲ್ದೆರ್ . 10, 11 ಬೊಕ್ಕ 12 ನೇ ತರಗತಿಲು ಪ್ರಸ್ತುತ ಇಪ್ಪುನoಚನೆ ಉಪ್ಪುಂಡು . ತರಗತಿಲೆಗ್ ಜೋಕ್ಲೆಗ್ ಹಾಜರಾತಿ ಕಡ್ಡಾಯ ಇಜ್ಜಿ.

2. ಉನ್ನತ ಶಿಕ್ಷಣ ಬೊಕ್ಕ ವೃತ್ತಿಪರ ಕೋರ್ಸ್‌ದ ತರಗತಿಲೆಡ್ ಮಂಡಳಿದ /ವಿಶ್ವವಿದ್ಯಾಲಯದ ಪರೀಕ್ಷೆ ಬರೆಪುನ ಬೊಕ್ಕ ವೈದ್ಯಕೀಯ ಶಿಕ್ಷಣದ ತರಗತಿಲೆನ್ ಬುರ್ದು ಬೇತೆ ಮಾತಾ ಸ್ಥಗಿತ ಮಲ್ದೆರ್.