ಯೋಗ

ಎಸ್ ಪಿ ವೈ ಎಸ್ ಎಸ್ ಯೋಗ ಸಮಿತಿರ್ದ್ ಅಂತರಾಷ್ಟ್ರೀಯ ಯೋಗ ದಿನಾಚರಣೆ

Jun 21, 2022

ಕುಡ್ಲ : ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ (ರಿ.)ಕರ್ನಾಟಕ(ಎಸ್ ಪಿ ವೈ ಎಸ್ ಎಸ್) ವತಿರ್ದ್ ಸ್ವಾತಂತ್ರ್ಯದ ಅಮೃತ ಉಚ್ಚಯದ ಗೌಜಿ ಬೊಕ್ಕ 8ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆದ ನೆಲೆಟ್ಟ್ ಜೈನಕಾಶಿ ಬೆದ್ರದ ಸಾವಿರ ಕಂಬದ ಬಸದಿಡ್ ಜಿಲ್ಲಾಡಳಿತ ಬೊಕ್ಕ ಆಯುಷ್ ಇಲಾಖೆದ ಒಟ್ಟು ಸೇರಿಗೆಡ್ ಸಾಮೂಹಿಕ ಯೋಗಾಭ್ಯಾಸ ಬೊಕ್ಕ ಯೋಗ ನಡಿಗೆ ಲೇಸ್ ನಡತoಡ್.

ಪುಲ್ಯ ಕಾಂಡೆ 05:30 ರ್ದ್ ಸುರು ಆಯಿನ ಲೇಸ್ 07:00 ಗಂಟೆಗ್ ಮುಗಿತಲ ಆಂಡ್ . ಜಗದ್ಗುರು ಡಾ ಸ್ವಸ್ತಿ ಶ್ರೀ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚಾರ್ಯೆರ್ ಮಹಾಸ್ವಾಮೀಜಿ ಮೆರ್ನ ದಿವ್ಯ ಉಪಸ್ಥಿತಿಡ್ ಲೇಸ್ ಉದಿಪನ ಆಂಡ್.
ಸಮಿತಿದ ರಡ್ಡ್ ಸಾರರ್ದ್ ಜಾಸ್ತಿ ಯೋಗಪಟುಕ್ಕುಲು ,ಸಾರ್ವಜನಿಕ ಬಂಧುಲು ,ಗಣ್ಯೆರ್ ಯೋಗಾಭ್ಯಾಸ ಮಲ್ತೆರ್ .
ಕೋಡೆ ರಾತ್ರಿರ್ದೆ ಬುಡoದೆ ಬರ್ಸ ಬತ್ತ್ ದ್ ಬಸದಿದ ಜಾಲ್ ಚಂಡಿ ಆದ್ ಇತ್ತುಂಡಲ ಒವೆನ್ಲ ಗೆನ್ಪಂದೆ ಶಿಸ್ತುಬದ್ಧವಾದ್ ಸಾಲಾದ್ ಕುಲ್ದು ಯೋಗಾಭ್ಯಾಸ ಮಲ್ತೆರ್ .ಸುಮನಾ ಹೊಸಬೆಟ್ಟು ಬೊಕ್ಕ ಶಿಕ್ಷಕೆರ್ನ ಕೂಟ ದಕುಲು ಆಯುಷ್ ಇಲಾಖೆದ ಪಠ್ಯಕ್ರಮದ ಪ್ರಕಾರ ಅಭ್ಯಾಸ ಮಲ್ಪಾಯೆರ್.

ಲೇಸ್ ದ ಸೀದಾ ಪ್ರಸಾರದ ವ್ಯವಸ್ಥೆನ್ ಯೂಟ್ಯೂಬ್ ಮುಖೇನ ಮಲ್ತ್ ಇತ್ತೆರ್. ಅಂತರಾಷ್ಟ್ರೀಯ ಯೋಗ ದಿನಾಚರಣೆದ ಮಹತ್ವನ್ ಜಯರಾಮ ಚೆಂಬುಗುಡ್ಡೆ ತೆರಿಪಾಯೆರ್ .ಕಾಂಡೆ 5:00 ಗಂಟೆಗ್ ಬಸದಿದ ಒಳಾಂಗಣ,ಸುತ್ತುಪೌಳಿ ಭರ್ತಿಯಾದ್ .. ಐರ್ದ್ ಬೊಕ್ಕ ಹೊರಾಂಗಣಡ್ಲ ಯೋಗಪಟುನಕುಲು ಇತ್ತೆರ್.ಸಾಮೂಹಿಕ ಯೋಗಾಭ್ಯಾಸ ಆಯಿ ಬೊಕ್ಕ ಸಾವಿರ ಕಂಬದ ಬಸದಿರ್ದ್ ಸ್ವರಾಜ್ ಮೈದಾನರ್ದ್ ಬೆದ್ರ ಮುಟ ಯೋಗಪಟುಲು ಯೋಗ ನಡಿಗೆದ ಮುಖೇನ ಯೋಗ ಜಾಗೃತಿ ಮೂಡಾವುನ ಘೋಷಣೆ ಮಲ್ತೊಂದು ಸಾಲಾದ್ ಪೋಯೆರ್ ಐರ್ದ್ ಬೊಕ್ಕ ನಾರಾವಿ ಸೂರ್ಯನಾರಾಯಣ ದೇವಸ್ಥಾನ ಕೈತಲ್ ದ ದೇವಲ್ಯೊಗು ಭೇಟಿ ಕೊರ್ದು ಯೋಗ ಜಾಗೃತಿ ಮಲ್ತೆರ್ . ಸುಬ್ರಹ್ಮಣ್ಯ, ಪಂಜ, ಉಪ್ಪಿನಂಗಡಿ, ಪುತ್ತೂರು, ಕಲ್ಲಡ್ಕ, ಬಿಸಿರೋಡ್, ಪೊಳಲಿ, ಸುರತ್ಕಲ್ ಬೊಕ್ಕ ಕುಡ್ಲರ್ದ್ 15ರ್ದ್ ಜಾಸ್ತಿ ಬಸ್ಸು, ಮಿನಿ ಬಸ್ಸು, ಕಾರು, ಜೀಪು, ರಡ್ಡ್ ಚಕ್ರದ ಗಾಡಿಡ್ ಬತ್ತಿತ್ತೆರ್ . ಲೇಸ್ ರ್ದ್ ಬೊಕ್ಕ ಬಸದಿದ ಕೈತಲ್ ದ ಜಾಗೆನ್ ನಿರ್ಮಲ ಮಲ್ತೆರ್.

ಗೀತಾ ಷಡಕ್ಷರಿ ಮೆರ್ ಲೇಸ್ ನಡಪಾದ್ ಕೊರಿಯೆರ್. ಲೇಸ್ ದ ಸಂಚಾಲಕೆರಾಯಿನ ಶಿವಪ್ರಸಾದ್ ಪೊಳಲಿ ಸೊಲ್ಮೆ ಸಂದೈತ ಮಲ್ತೆರ್ .
ಲೇಸ್ ಡ್ ಪ್ರಾಂತ, ಜಿಲ್ಲಾ, ನಗರ ಪ್ರಮುಖೆರ್ ಪಾಲ್ ಪಡೆದಿತ್ತೆರ್..

ಯೋಗ ದಿನಾಚರಣೆ ನೆಲೆಟ್ಟ್ ಇನಿ ಶಾಲೆಗ್ ಅರ್ಧ ದಿನ ರಜೆ

Jun 21, 2022

ಯೋಗ ದಿನಾಚರಣೆ ನೆಲೆಟ್ಟ್ ಇನಿ ಶಾಲೆಗ್ ಅರ್ಧ ದಿನ ರಜೆ

ಬೆಂಗ್ಳೂರು: ಜೂನ್ 21ಕ್ಕ್ 8ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆನ್ ಆಚರಣೆ ಮಲ್ತೊಂದು ಉಲ್ಲೆರ್ . ಯೋಗ ದಿನಾಚರಣೆನ್ ಶಾಲೆಡ್ ಲ ಆಚರಿಸಸಾಯೆರೆ ಸೂಚನೆ ಕೊರ್ತೆರ್ , ಇಂಚಾದ್ ಅಂಗಾರೆ ಅರ್ಧ ದಿನ ರಾಜ್ಯೊಡು ಶಾಲೆಗ್ ರಜೆ ಕೊರೊಡು ಪಂದ್ ಶಿಕ್ಷಣ ಇಲಾಖೆ ಆದೇಶ ಕೊರ್ತುಂಡು .

ತಾರೀಖು 21.06.22 ಕ್ಕ್ ರಾಜ್ಯದ ಮಾತಾ ಶಾಲೆಡ್ 8ನೇ ಅಂತರಾಷ್ಟ್ರೀಯ ಯೋಗ ದಿನಾಚರಣೆನ್ ಸ್ಥಳೀಯ ಚುನಾಯಿತ ಪ್ರತಿನಿಧಿಲು ಅಧಿಕಾರಿಲು , ಎಸ್‌ಡಿಎಂಸಿ ಸದಸ್ಯೆರ್ , ಶಿಕ್ಷಕೆರ್ , ಕೈತಲ್ ದ ಯೋಗ ಸಂಸ್ಥೆದ ಸಾಕಾರ ದೊಟ್ಟುಗು ಯೋಗ ದಿನಾಚರಣೆ ಮಲ್ಪರೆ ಪಂತೆರ್ .

ಜೂನ್ 21ಕ್ ಅರ್ಧದಿನ ಶಾಲೆಗ್ ರಜೆ ಕೊರಿಯೆರೆ ಪಂತಿನೇರ್ದಾವರ ಆ ದಿನದ ಬದಲ್ ಜೂನ್ 25 ಕ್ಕ್ ಶನಿವಾರ ಪೂರ್ಣಪ್ರಮಾಣದ ಶಾಲೆ ನಡಪಾಯೆರೆ ಶಿಕ್ಷಣ ಇಲಾಖೆ ತನ್ನ ಅಧಿಸೂಚನೆಡ್ ಪಂತೆರ್ .

ವಿಶ್ವ ಯೋಗ ದಿನಾಚರಣೆ,ಯೋಗ ಲೇಸ್ಗ್ 12 ಸಾರ ನೋಂದಣಿ: ಸಚಿವ ಸೋಮಶೇಖರ್‌

Jun 19, 2022

ವಿಶ್ವ ಯೋಗ ದಿನಾಚರಣೆ,ಯೋಗ ಲೇಸ್ಗ್ 12 ಸಾರ ನೋಂದಣಿ: ಸಚಿವ ಸೋಮಶೇಖರ್‌

ಮೈಸೂರು : ವಿಶ್ವ ಯೋಗ ದಿನಾಚರಣೆ ನೆಲೆಟ್ಟ್ ಪ್ರಧಾನಿ ನರೇಂದ್ರ ಮೋದಿ ಮೈಸೂರುಗು ಬರಿಯೆರೆ ಉಲ್ಲೆರ್ , ಮಾತಾ ತಯಾರಿ ಆವೊಂದು ಉಂಡು . ನೆಕ್ಕದ್ ಎಡ್ಡೆ ಮಟ್ಟದ ಸಮಿತಿ ಮಲ್ದೆರ್ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಎಸ್‌.ಟಿ. ಸೋಮಶೇಖರ್‌ ಪಂಡೆರ್ .

ಅಧಿಕಾರಿಲೆನ ಒಟ್ಟುಗು ಜಿಲ್ಲಾಧಿಕಾರಿಲೆನ ಕಚೇರಿ ಚಾವಡಿಡ್ ಸಭೆ ಮಲ್ತಿ ಬೊಕ್ಕ ಸುದ್ದಿಗೋಷ್ಠಿ ನಡಪಾದ್ ಪಾತೆರಿನ ಆರ್ , ಯೋಗ ದಿನಾಚರಣೆ ಲೇಸ್ ದ ಬಗ್ಗೆ ಪಾತೆರಿಯೆರ್.

ಜೂನ್ 21ಕ್ಕ್ 75 ಸಾರ ಯೋಗಪಟುನಕ್ಲೆನ ಒಟ್ಟುಗು ಮೈಸೂರ್ದ ಅರಮನೆಡ್ ಯೋಗ ಮಲ್ಪರೆ ಉಲ್ಲೆರ್ ಪ್ರಧಾನಿ ಮೋದಿ

Jun 1, 2022

ಜೂನ್ 21ಕ್ಕ್ 75 ಸಾರ ಯೋಗಪಟುನಕ್ಲೆನ ಒಟ್ಟುಗು ಮೈಸೂರ್ದ ಅರಮನೆಡ್ ಯೋಗ ಮಲ್ಪರೆ ಉಲ್ಲೆರ್ ಪ್ರಧಾನಿ ಮೋದಿ

ಮೈಸೂರು: ಮೈಸೂರ್ದ ಅರಮನೆ ಅಂಗನಡ್ ಜೂನ್ 21 ಕ್ಕ್ ನಡಪರೆ ಉಪ್ಪುನ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಲೇಸ್ ಡ್ ಪ್ರಧಾನಿ ಮೋದಿ ಪಾಲ್ ಪಡೆಯೆರೆ ಉಲ್ಲೆರ್ , ಆನಿ 70 ಸಾರ ಜನ ಯೋಗಪಟುನಕ್ಲೆನ ಒಟ್ಟುಗು ಯೋಗಾಸನ ಮಲ್ಪರೆ ಉಲ್ಲೆರ್ ಪಂದ್ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಪಂಡೆರ್ .

ಸೋಮಾರ ದಾನಿ ಬಯ್ಯಗ್ ಮೈಸೂರುದ ಖಾಸಗಿ ಹೋಟೆಲ್‌ಡ್ ಸುದ್ದಿಗೋಷ್ಠಿ ಮಲ್ತ್ ಪಾತೆರಿನ ಆರ್ ಅರಮನೆ ಅಂಗನಡ್ ನಡಪುನ ಯೋಗ ಲೇಸ್ ಡ್ 75 ಸಾರ ಜನಕ್ ಪಾಲ್ ಪಡೆಯೆರೆ ಅವಕಾಶ ಉಂಡು ಪಂದ್ ಪಂಡೆರ್ .

ಸುದ್ದಿಗೋಷ್ಠಿಡ್ ಶಾಸಕೆರಾಯಿನ ಎಸ್.ಎ.ರಾಮದಾಸ್, ಎಲ್.ನಾಗೇಂದ್ರ, ಸಂಸದ ಪ್ರತಾಪ್‌ಸಿಂಹ, ಬಿಜೆಪಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಸಿದ್ದರಾಜು, ಮೈಸೂರು ನಗರಾಧ್ಯಕ್ಷ ಟಿ.ಎಸ್.ಶ್ರೀವತ್ಸ, ಪ್ರಧಾನ ಕಾರ್ಯದರ್ಶಿ ಹೆಚ್.ಜಿ.ಗಿರಿಧರ್, ಮುಡಾ ಗುರ್ಕಾರ್ಲಾಯಿನ ಹೆಚ್.ವಿ.ರಾಜೀವ್, ಮೈಲ್ಯಾಕ್ ಗುರ್ಕಾರ್ಲಾಯಿನ ಎನ್.ವಿ.ಫಣೀಶ್, ವಕ್ತಾರ ಎಂ.ಎ.ಮೋಹನ್, ಮಾಧ್ಯಮ ಸಹ ವಕ್ತಾರ ಕೇಬಲ್ ಮಹೇಶ್ ಪಾಲ್ ಪಡೆದಿತ್ತೆರ್.

PM Narendra Modi to lead 75,000 yoga performers in Mysore palace grounds on June 21st.

Mysore: On the occasion of the international yoga day on June 21st; the PM Narendra Modi will lead and do yoga asanas will more than 70 thousand yoga performers in the Mysore palace grounds said central minister Prahlad Joshi.

Talking to newspersons at a private hotel he said there was an opportunity for 75,000 yoga students to perform yoga at the palace grounds.

MLA’s S M Ramdas L Nagendra, MP Pratap Simha, BJP state chief secretary Siddaraju and others attended the press meet.

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

May 24, 2022

ಕಾರ್ಲ ನಿರಂತರ ಯೋಗಶಿಕ್ಷಣ ಕೇಂದ್ರದ ಯೋಗ ಗುರುಕುಲಾಯಿನ ಕೆ. ನರೇಂದ್ರ ಕಾಮತೆರೆಗ್ ಯೋಗ ಕ್ಷೇತ್ರದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್

ಕಾರ್ಲ : ಕಾರ್ಲ ನಿರಂತರ ಯೋಗ ಶಿಕ್ಷಣ ಕೇಂದ್ರ ನೆತ್ತ ಯೋಗಗುರುಕುಲಾಯಿನ ಕೆ.ನರೇಂದ್ರ ಕಾಮತ್,ಮೆರ್ನ ಯೋಗ ವಿಭಾಗಡ್ 21 ಪ್ರಮಾಣ ಪತ್ರ ಬೊಕ್ಕ 12 ರಾಷ್ಟ್ರೀಯ ಪ್ರಶಸ್ತಿದ ಸಾಧನೆಗ್ ಇಂಡಿಯನ್ ಬುಕ್ ಆಫ್ ರೆಕಾರ್ಡ್ಡ್ ಪುದರ್ ಸೇರ್ಪಡೆ ಆತುಂಡು .

ಮೇರ್ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಬೆಟ್ಟುಡು ದೈಹಿಕ ಶಿಕ್ಷಕೆ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಜೂನ್ 21ಕ್ಕ್ ಮೈಸೂರುಡು ನಡಪರೆ ಉಪ್ಪುನ ಅಂತರಾಷ್ಟ್ರೀಯ ಯೋಗ ದಿನಾಚರಣೆಡ್ , ಪ್ರಧಾನಮಂತ್ರಿ ಪಾಲ್ ಪಡೆಯುನ ಸಾಧ್ಯತೆ

Apr 11, 2022

ಮೈಸೂರು: ಸಾಂಸ್ಕೃತಿಕ ನಗರಿಯಾಯಿನ ಮೈಸೂರುಡು ಜೂನ್ 21 ಕ್ಕ್ ನಡಪರೆ ಉಪ್ಪುನ ಅಂತರಾಷ್ಟ್ರೀಯ ಯೋಗ ದಿನಾಚರಣೆ ಗ್ ಪ್ರಧಾನಮಂತ್ರಿ ನರೇಂದ್ರ ಮೋದಿಗ್ ಲೆಪ್ಪೋಲೆ ಕೊರ್ತ ಆರ್ ಪಾಲ್ ಪಡೆಯುನ ಸಾಧ್ಯತೆ ಉಂಡು ಪಂದ್ ಸಂಸದ ಪ್ರತಾಪ್ ಸಿಂಹ ಪಂಡೆರ್ .

ಮೈಸೂರು ಅರಮನೆ ಮೈದಾನೊಡು ಅಟ್ಟನೆ ಮಲ್ದಿನ ಯೋಗೋತ್ಸವ ಲೇಸ್ ಉದಿಪನ ಮಲ್ತ್ ಈ ಮಾಹಿತಿ ಪಟ್ಟಿಯೆರ್ .
ಈ ಸಲ ನಡಪುನ ಯೋಗ ದಿನಾಚರಣೆಗ್ ಮೈಸೂರುಡು 1.10 ಲಕ್ಷರ್ದ್ ಜಾಸ್ತಿ ಜನ ಪಾಲ್ ಪಡೆಯುನ ಸಾಧ್ಯತೆ ಉಂಡು ಪಂದ್ ಪಂಡೆರ್.

International yoga day to be celebrated in Mysore on June 21st.
PM Narendra Modi expected to take part in the program.

Mysore: International yoga day is to be celebrated in the cultural city of Mysore on June 21st.An invitation has been extended to the PM Narendra Modi; and he is expected to take part in the program said MP Pratap Simha.
He revealed this at the inauguration of a program Yogotsava in the palace grounds.

At the international yoga day in Mysore more than 1.10 lakh persons are expected to participate in the program.

ಶ್ರೀ ಪತಂಜಲಿ ಯೋಗ ಶಿಕ್ಷಣ ಫೌಂಡೇಶನ್ (ರಿ.) ಕುಡ್ಲ : ಸಾಮೂಹಿಕ ಶಿವ ನಮಸ್ಕಾರ

Feb 26, 2022

ಕುಡ್ಲ :ಎಸ್ಪಿವೈ ಎಸ್ ಎಸ್ ಕರ್ನಾಟಕ ನೇತ್ರಾವತಿ ವಲಯ ಕುಡ್ಲ ಶ್ರೀ ಪತಂಜಲಿ ಯೋಗ ಶಿಕ್ಷಣ ಫೌಂಡೇಶನ್ (ರಿ.) ಕುಡ್ಲ ವತಿರ್ದ್ ಮಹಾಶಿವರಾತ್ರಿದ ನೆಲೆಟ್ ಸಾಮೂಹಿಕ ಶಿವ ನಮಸ್ಕಾರ ಬೊಕ್ಕ ಶಿವಾಷ್ಟೋತರ ಶತನಾಮಾವಳಿ ಪಠಣ ಅಂಚನೆ ಪುಷ್ಪಾರ್ ಚನೆ ಕದಿರೆದ ಶ್ರೀ ಮಂಜುನಾಥ ದೇವಸ್ಥಾನ, ಶ್ರೀ ಸಹಸ್ರಲಿಂಗೇಶ್ವರ ದೇವಸ್ಥಾನ ಉಪ್ಪಿನಂಗಡಿ ಅಂಚನೆ ಸದಾಶಿವ ಪರಿವಾರ ಪಂಚಲಿಂಗೇಶ್ವರ ದೇವಸ್ಥಾನ ಪಂಜ ಡ್ ತಾರಿಕ್ 27/2/2022 ನೇ ಐತಾರದಾನಿ ಕಾಂಡೆ 5 ಗಂಟೆರ್ದ್ 7 ಗಂಟೆ ಮುಟ ನಡಪೆರೆ ಉಂಡು.

Sri Patanjali Yoga Shikshana foundation (R) Mangalore.
Mass Shiva Namaskar program.

Mangalore: ACPY S S Karnataka Netravathi zone ; Mangalore; Sri Patanjali Yoga Shikshana foundation ( R) Mangalore; have arranged for a mass Shivnamaskar and chanting of prayers on the occasion of Shivratri at Sri Manjunatheshwara temple Kadri , Sri Sahasralingeswara temple Uppinangadi and Sadashiv Parivaar Panchalingeshwara temple Punja on Sunday, 27-02-2022 from 5 a.m to 7p.m

ಪ್ರಧಾನಿ ಸಂಕಲ್ಪದಲಕ ಯೋಗ ವಿಶ್ವ ವ್ಯಾಪ್ತಿ : ನಳಿನ್ ಕುಮಾರ್ ಕಟೀಲ್

Feb 8, 2022

ಕುಡ್ಲ : ಸ್ವಾತಂತ್ರ್ಯದ ಅಮೃತ ಉಚ್ಚಯದ ಪರವಾದ್ ಬೇತೆ ಬೇತೆ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞದ ಕುಡ್ಲ ಲೇಸ್ ಪೇಂಟೆದ ಮಂಗಳಾ ಕ್ರೀಡಾಂಗಣಡ್ ಐತಾರ ನಡತುಂಡು.

ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್‌ ಕುಮಾರ್‌ ಕಟೀಲು ಈ ಲೇಸ್ ನ್ ಉದಿಪನ ಮಲ್ತೆರ್ .
ಆರೋಗ್ಯ ಕಾಪಾಡೆರೆ ಯೋಗನೇ ಮಾರ್ಗ. ಪ್ರಧಾನಿ ಮೋದಿ ಯೋಗಗ್ ಸ್ಥಾನಮಾನ ಕೊರಿಯೆರೆ ಸಂಕಲ್ಪ ಮಲ್ತಿಲಕ ಯೋಗ ಇನಿ ವಿಶ್ವವ್ಯಾಪಿ ಆತುಂಡು.ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞ ಅಟ್ಟನೆ ಮಲ್ದಿನವು ಶ್ಲಾಘನೀಯ ಪಂದ್ ಪಂಡೆರ್ .

ಕುಟುಂಬ ಪ್ರಬೋಧನ್‌ ಮಂಗಳೂರು ವಿಭಾಗ ಸಂಯೋಜಕ ಗಜಾನನ ಪೈ ಯೋಗದ ಮಹತ್ವ ತೆರಿಪಾಯೆರ್ . ಆರೆಸ್ಸೆಸ್‌ದ ಕುಡ್ಲ ಮಹಾನಗರ ಸಂಘಚಾಲಕ್‌ ಡಾ| ಸತೀಶ್‌ ರಾವ್‌, ಶಾಸಕೆರಾಯಿನ ವೇದವ್ಯಾಸ ಕಾಮತ್‌, ಡಾ| ಭರತ್‌ ಶೆಟ್ಟಿ, ಮೇಯರ್‌ ಪ್ರೇಮಾನಂದ ಶೆಟ್ಟಿ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಉಪನಿರ್ದೇಶಕ ಪ್ರದೀಪ್‌ ಡಿ’ಸೋಜ, ಪೆರಿಯ ಯೋಗಗುರು ಗೋಪಾಲಕೃಷ್ಣ ದೇಲಂಪಾಡಿ, ಕ್ರೀಡಾಭಾರತಿ ರಾಜ್ಯ ಕಾರ್ಯಕಾರಿಣಿ ಸದಸ್ಯ ಬೋಜರಾಜ್‌ ಕಲ್ಲಡ್ಕ, ಕುಡ್ಲದ ಪತಂಜಲಿ ಯೋಗಪೀಠದ ಡಾ| ಜ್ಞಾನೇಶ್‌, ಸುಜಾತಾ ಮಾರ್ಲ, ಕುಡ್ಲದ ಪತಂಜಲಿ ಶಿಕ್ಷಣ ಪ್ರತಿಷ್ಠಾನದ ಏಕನಾಥ ಬಾಳಿಗ, ಹಿಂದೂ ಜಾಗರಣ ವೇದಿಕೆದ ಅಮಿತ್‌, ಕುಡ್ಲ ಆವಿಷ್ಕಾರ ಯೋಗ ಸಂಸ್ಥೆದ ಕುಶಾಲಪ್ಪ ಗೌಡ ಪಾಲ್ ಪಡೆದಿತ್ತೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಶಿಕ್ಷಣ, ಯೋಗ ಬೊಕ್ಕ ನೃತ್ಯ ಕ್ಷೇತ್ರಡ್ ಬೆನ್ನಿ ಬೆಂತಿನ ಶಿಕ್ಷಕ ,ಶಿಕ್ಷಕಿಯೆರೆಗ್ ಮಾನದಿಗೆ

Sep 6, 2021

ಬೆಂಗ್ಳೂರು : ರಾಜರಾಜೇಶ್ವರಿ ನಗರಡ್ ಕರ್ನಾಟಕ ರಾಜ್ಯ ವಿಪ್ರ ಪೋಟೋ ಬೊಕ್ಕ ವಿಡಿಯೋಗ್ರಾಫರ್ ಅಸೋಸಿಯೇಷನ್ ವತಿರ್ದ್ ಶಿಕ್ಷಕರ ದಿನಾಚರಣೆ ಪ್ರಯುಕ್ತ ಶಿಕ್ಷಣ ,ಯೋಗ ಬೊಕ್ಕ ನೃತ್ಯ ಕ್ಷೇತ್ರಡ್ ಬೆನ್ನಿ ಬೆಂತಿನ ಶಿಕ್ಷಕ ,ಶಿಕ್ಷಕಿಯೆರೆಗ್ ಮಾನದಿಗೆ ಮಲ್ಪುನ ಲೇಸ್ ಅಟ್ಟನೆ ಮಲ್ತಿತ್ತೆರ್.

ತುಡರ್ ಅರ್ಲಾದ್ ಲೇಸ್ ನ್ ಶ್ರೀ ಯೋಗ ಬೊಕ್ಕ ಸಾಂಸ್ಕೃತಿಕ ಅಕಾಡೆಮಿ ಸಂಸ್ಥಾಪಕ ಬಿ.ಕೆ.ರಮೇಶ್ ಬೊಕ್ಕ ಶಿಕ್ಷಕ ವೃಂದದಕುಲು ಉದಿಪನ ಮಲ್ತೆರ್.

ಮುಂಬಯಿ ಬಂಟರ ಸಂಘದ ವತಿರ್ದ್ ಯೋಗ ವೆಬಿನಾರ್

Jun 21, 2021

ಮುಂಬಯಿ, ಜೂನ್ 21: ಬಂಟರ ಸಂಘ ಮುಂಬಯಿ ನೆತ್ತ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿರ್ದ್ ಮಹಿಳಾ ವಿಭಾಗದ ಒಟ್ಟು ಸೇರಿಗೆಡ್ ಯೋಗ ದಿನಾಚರಣೆ ಪರವಾದ್ ಜೂ. 21ಕ್ಕ್ ಬೈಯ್ಯ 5 ಗಂಟೆಗ್ ಯೋಗ ತರಬೇತಿನ್ ಅಟ್ಟನೆ ಮಲ್ದೆರ್.

ಎಚ್ಚದ ಮಾಹಿತಿಗಾದ್ https://chat.whatsapp.com/GgZtfDV4lHm8NLtK8RqRDq ವಾಟ್ಸ್‌ಆಯಪ್‌ ಗ್ರೂಪ್‌ ಅನ್ನು ಸೇರರೇ ಬಿನ್ನಾಪು ಮಲ್ದೆರ್.ವೆಬಿನಾರ್‌ ಮುಖೇನ ನಡಪರೇ ಉಪ್ಪುನ ಈ ಲೇಸ್ ಡ್ ಆರ್ಟ್‌ ಆಫ್‌ ಲಿವಿಂಗ್‌ ಬಗ್ಗೆ ಅರುಣ್‌ ಶೆಣೈ ಪಾತೆರೆರೆ ಉಲ್ಲೆರ್ .ರವಿಶಂಕರ್‌ ಗುರೂಜಿನ ಆಶೀರ್ವಾದಡ್ ಬಂಟರ ಸಂಘ ಮುಂಬಯಿ ಗುರ್ಕಾರ್ಲಾಯಿನ ಚಂದ್ರಹಾಸ ಕೆ. ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ನಡಪರೇ ಉಪ್ಪುನ ಈ ಲೇಸ್ ಡ್ ಮಾತೆರ್ಲ ಪಾಲ್ ಪಡೆಯೋಡು ಪಂದ್ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿದ ಪರವಾದ್ ಕಾರ್ಯಾಧ್ಯಕ್ಷ ಹರೀಶ್‌ ಪಾಂಡು ಶೆಟ್ಟಿ, ಸಂಘದ ಪ್ರಾದೇಶಿಕ ಸಮಿತಿದ ಪಶ್ಚಿಮ ವಲಯದ ಸಮನ್ವಯಕರೆರಾಯಿನ ಶಶಿಧರ ಕೆ. ಶೆಟ್ಟಿ ಇನ್ನಂಜೆ, ಸಮಿತಿದ ಸಂಚಾಲಕೆರಾಯಿನ ಜಯಂತ ಆರ್‌. ಪಕ್ಕಳ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಉಷಾ ಎಸ್‌. ಶೆಟ್ಟಿ, ಯುವ ವಿಭಾಗದ ಕಾರ್ಯಾಧ್ಯಕ್ಷ ಪ್ರಖ್ಯಾತ್‌ ಶೆಟ್ಟಿ ಬೊಕ್ಕ ಸಮಿತಿದ ಮತ್ತು ಮಾತಾ ಉಪಸಮಿತಿದ ಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.

ಯೋಗ

ಎಸ್ ಪಿ ವೈ ಎಸ್ ಎಸ್ ಯೋಗ ಸಮಿತಿರ್ದ್ ಅಂತರಾಷ್ಟ್ರೀಯ ಯೋಗ ದಿನಾಚರಣೆ

ಯೋಗ ದಿನಾಚರಣೆ ನೆಲೆಟ್ಟ್ ಇನಿ ಶಾಲೆಗ್ ಅರ್ಧ ದಿನ ರಜೆ

ವಿಶ್ವ ಯೋಗ ದಿನಾಚರಣೆ,ಯೋಗ ಲೇಸ್ಗ್ 12 ಸಾರ ನೋಂದಣಿ: ಸಚಿವ ಸೋಮಶೇಖರ್‌

ಜೂನ್ 21ಕ್ಕ್ 75 ಸಾರ ಯೋಗಪಟುನಕ್ಲೆನ ಒಟ್ಟುಗು ಮೈಸೂರ್ದ ಅರಮನೆಡ್ ಯೋಗ ಮಲ್ಪರೆ ಉಲ್ಲೆರ್ ಪ್ರಧಾನಿ ಮೋದಿ

ಜೂನ್ 21ಕ್ಕ್ ಮೈಸೂರುಡು ನಡಪರೆ ಉಪ್ಪುನ ಅಂತರಾಷ್ಟ್ರೀಯ ಯೋಗ ದಿನಾಚರಣೆಡ್ , ಪ್ರಧಾನಮಂತ್ರಿ ಪಾಲ್ ಪಡೆಯುನ ಸಾಧ್ಯತೆ

ಶ್ರೀ ಪತಂಜಲಿ ಯೋಗ ಶಿಕ್ಷಣ ಫೌಂಡೇಶನ್ (ರಿ.) ಕುಡ್ಲ : ಸಾಮೂಹಿಕ ಶಿವ ನಮಸ್ಕಾರ

ಪ್ರಧಾನಿ ಸಂಕಲ್ಪದಲಕ ಯೋಗ ವಿಶ್ವ ವ್ಯಾಪ್ತಿ : ನಳಿನ್ ಕುಮಾರ್ ಕಟೀಲ್

ಶಿಕ್ಷಣ, ಯೋಗ ಬೊಕ್ಕ ನೃತ್ಯ ಕ್ಷೇತ್ರಡ್ ಬೆನ್ನಿ ಬೆಂತಿನ ಶಿಕ್ಷಕ ,ಶಿಕ್ಷಕಿಯೆರೆಗ್ ಮಾನದಿಗೆ

ಮುಂಬಯಿ ಬಂಟರ ಸಂಘದ ವತಿರ್ದ್ ಯೋಗ ವೆಬಿನಾರ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ