ಮನವಿ

ಸುಬ್ರಹ್ಮಣ್ಯದ ಅತ್ಯಾಚಾರ ಆರೋಪಿ ಮಾಸ್ಟ್ರೆನ ಬಗ್ಗೆ ತನಿಖೆ ಮಲ್ಪರೆ ಮನವಿ

ಸುಬ್ರಹ್ಮಣ್ಯ: ಸುಬ್ರಹ್ಮಣ್ಯ ಕಾಲೇಜ್ದ ಆರೋಪಿ ಮಾಸ್ಟ್ರೆನ ಬಗ್ಗೆ ತನಿಖೆ ಮಲ್ಪೊಡು ಪಂದ್ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಸುಬ್ರಹ್ಮಣ್ಯ ಘಟಕ ಆಗ್ರಹ ಮಲ್ದುಂಡು .

ಆತೆ ಅತ್ತoದೆ ಆ.16 ಕ್ಕ್ ಎಸ್ ಎಸ್ ಪಿ ಯು ಕಾಲೇಜ್ದ ಎದುರು ಸಾಂಕೇತಿಕ ಪ್ರತಿಭಟನೆ ಮಲ್ಪುವ ಪಂದ್ ಎಬಿವಿಪಿ ಜಿಲ್ಲಾ ಸಂಚಾಲಕ ಹಿತೇಶ್ ಕಟ್ರಮನೆ ಪಂಡೆರ್ .

ನೆತ್ತ ಬಗ್ಗೆ ಸೂಕ್ತ ತನಿಖೆ ನಡಪಾದ್ ಆರೋಪಿನ ಮಿತ್ತ್ ಸೂಕ್ತ ಕ್ರಮ ದೆತೊoದು ವಿದ್ಯಾಸಂಸ್ಥೆದ ಘನತೆ,ಗೌರವ,ವಿಶ್ವಾಸ,ಜೋಕ್ಲೆನ ಭವಿಷ್ಯ,ಹಿತಾಸಕ್ತಿನ್ ಕಾಪೋಡು ಪಂದ್ ಕ್ಷೇತ್ರದ ಆಡಳಿತ ಮಂಡಳಿಗ್ ಪೆರಿಯ ವಿದ್ಯಾಥಿ೯ಸಂಘ,ಅಖಿಲ ಭಾರತತ ವಿಧ್ಯಾಥಿ೯ಪರಿಷತ್,ಊರ್ದ ಸಮಸ್ತ ನಾಗರಿಕೆರ್ನ ಪರವಾದ್ ಮನವಿ ಮಲ್ತೆರ್..

ತುಳು ಭಾಷೆ ಕೇರಳದ ಅಧಿಕೃತ ಭಾಷೆಯಾವಡ್ : ಜೈ ತುಲುನಾಡ್ (ರಿ ) ಕಾಸ್ರೋಡು ಎಗ್ಗೆರ್ದ್ ಮಂಜೇಶ್ವರ ಶಾಸಕೆರೆಗ್ ಮನವಿ

ಕಾಸ್ರೊಡು, ಜುಲೈ 5: ತುಳು ಭಾಷೆಗ್ ಕೇರಳ ರಾಜ್ಯದ ಅಧಿಕೃತ ಭಾಷಾ ಸ್ಥಾನಮಾನ ಕೊರ್ಪಾವೊಡೊಂದು ಜೈ ತುಲುನಾಡ್ (ರಿ) ಸಂಘಟನೆದ ಕಾಸ್ರೋಡ್ (ಕಾಸರಗೋಡ್) ಎಗ್ಗೆರ್ದ್ ಮಂಜೇಶ್ವರದ ಶಾಸಕೆರಾಯಿನ ಎ.ಕೆ.ಎಮ್ ಅಶ್ರಫ್ ಮೆರೆಗ್ ದಾಖಲೆ ಸಮೇತ ಬಿನ್ನಂತೋಲೆದ ಮುಖೇನ ಬಿನ್ನೈತೊಂಡೆರ್.

ಈ ಪೊರ್ತುಡು ಜೈ ತುಲುನಾಡ್ ಕಾಸ್ರೋಡು ಎಗ್ಗೆದ ಗುರ್ಕಾರೆರ್ ಹರಿಕಾಂತ್ ಕಾಸರಗೋಡ್, ಕಾರ್ಯಂತೆರ್ ಕಾರ್ತಿಕ್ ಪೆರ್ಲ ಕೋಶಾಧಿಕಾರಿ ಪ್ರಶಾಂತ್ ರೈ ಬಂದಡ್ಕ, ಮುಖ್ಯ ಸಂಚಾಲಕೆರ್ ಪ್ರವೀಶ್ ಕುಲಾಲ್ ಬೊಕ್ಕ ಪದುಕೆರಾಯಿನ ದೇವಿಪ್ರಸಾದ್ ರೈ ಪಾಲ್ ಪಡೆಯೆರ್. ಮನವಿ ಸ್ವೀಕರಿತ್‌ದ್ ಈ ವಿಷಯೊನು ಸದನೊಡು ಮಂಡನೆ ಮಲ್ಪವೆಂದ್ ಶಾಸಕೆರ್ ಅಶ್ರಫ್ ಪಂಡೆರ್.

ಬಿಲ್ಲವ ಜನಾಂಗದಕ್ಲೆಗ್ ಪರಿಹಾರ ಕೊರ್ರೆ ಸಂಸದೆರೆಗ್ ಮನವಿ

ಒಡಿಪು , ಜೂ.6: ಜನಪ್ರತಿನಿಧಿಲು ಬಿಲ್ಲವ ಜನಾಂಗದ ಬಗ್ಗೆ ಗೇನ ಕೊರ್ದು , ಮುಖ್ಯ ಮಂತ್ರಿಲೆನ ಮಿತ್ತ್ ಒತ್ತಡ ಕಂತ್ , ಬಿಲ್ಲವ ಜನಾಂಗಗ್ ನ್ಯಾಯ ಒದಗಿಸಾದ್ ಕೂಡಲೇ ಪರಿಹಾರ ಘೋಷಣೆ ಮಲ್ಪೊಡು ಪಂದ್ ಕಟಪಾಡಿ ವಿಶ್ವನಾಥ ಕ್ಷೇತ್ರದ ಗುರ್ಕಾರ್ಲಾಯಿನ ಬಿ.ಎನ್.ಶಂಕರ ಪೂಜಾರಿ ಅವಿಭಜಿತ ದ.ಕ. ಜಿಲ್ಲೆದ ಶಾಸಕೆರ್, ಸಂಸದೆರ್ ಪತ್ರ ಬರೆದ್ ಮನವಿ ಸಲ್ಲಿಸಾಯೆರ್ .

ಶೇಂದಿ ದೆತ್ದ್ ಬದುಕುವ ಬಿಲ್ಲವ/ಈಡಿಗ ಜನಾಂಗದ ಮೂರ್ತೆದಾರಿಕೆ ಕಸುಬು ಲಾಕ್‌ಡೌನ್‌ರ್ದಾವರ ಸಂಪೂರ್ಣ ಉಂಟುದುಂಡು , ಮೂರ್ತೆದಾರೆರ್ನ ಕುಟುಂಬ ಅನಾಥ ಆತುಂಡು.ಬಿಲ್ಲವ ಜನಾಂಗದ ಆರಾಧ್ಯ ದೇವೇರಾಯಿನ ಕೋಟಿ-ಚೆನ್ನಯ್ಯ ಗರಡಿಡ್ ಪೂಜೆ ಮಲ್ಪುನ ಗರಡಿ ಅರ್ಚಕೆರ್.ದರ್ಶನ ಪಾತ್ರಿಲು, ಸಿಬ್ಬಂದಿಲು, ದೇವಸ್ಥಾನದ ಸಿಬ್ಬಂದಿಲಕ ಸಂಕಷ್ಟಡ್ ಉಲ್ಲೆರ್ , ರಾಜ್ಯ ಸರಕಾರ ಮೆಕ್ಲೆನ ಸಾಕಾರಗ್ ಬರೊಡು ಪಂದ್ ಒತ್ತಾಯ ಮಲ್ದೆರ್.

ಸವಿತಾ ಸಮಾಜರ್ದ್ ಕಾರ್ಮಿಕ ಅಧಿಕಾರಿಲೆಗ್ ಮನವಿ

ಒಡಿಪು , ಜೂ.6: ಸರಕಾರದ ಸಹಾಯಧನ ವಿಚಾರಡ್ ಕ್ಷೌರಿಕ ಬಂಧುಲೆಗ್ ಸಾಕಷ್ಟು ಅನಾನುಕೂಲತೆ ಉಂಡು ಎಚ್ಚದ ರೀತಿಡ್ ನಮ್ಮ ಬಂಧುಲು ಫಲಾನುಭವಿಲೆಗ್ ಇಲಾಖಾ ವತಿರ್ದ್ ಸಾಕಾರ ಕೊರೊಡು ಒಡಿಪು ಜಿಲ್ಲಾ ಸವಿತಾ ಸಮಾಜದ ಗೌರವ ಗುರ್ಕಾರ್ಲಾಯಿನ ಗೋವಿಂದ ಭಂಡಾರಿ ಬೊಕ್ಕ ಪ್ರಧಾನ ಕಾರ್ಯದರ್ಶಿ ಸದಾಶಿವ ಬಂಗೇರ ಕುರ್ಕಾಲು ಒಡಿಪು ಜಿಲ್ಲಾ ಕಾರ್ಮಿಕ ಅಧಿಕಾರಿಲೆನ್ ಭೇಟಿ ಮಲ್ತ್ ಬಿನ್ನಾಪು ಮಲ್ತೆರ್.

ಸಹಕಾರಿ ನೌಕರೆರೆನ್ ಫ್ರಂಟ್ ಲೈನ್ ವಾರಿಯರ್ಸ್ ಆದ್ ಘೋಷಣೆ ಮಲ್ಪರೆ ಮನವಿ

ಒಡಿಪು, ಮೇ 19: ಕೊರೋನದ ಸಂಕಷ್ಟದ ಪೊರ್ತುಡು ಸೇವೆ ಮಲ್ತೊಂದು ಉಪ್ಪುನ ಸಹಕಾರ ಸಂಘದ ನೌಕರೆರೆನ್ ಫ್ರಂಟ್‌ಲೈನ್ ವಾರಿಯರ್ಸ್ ಪಂದ್ ಪರಿಗಣಿಸಾವೊಡು ಅಂಚನೆ ಸುರುತ್ತ ಪ್ರಾಶಸ್ಯ ಕೊರ್ದು ವ್ಯಾಕ್ಸಿನೇಷನ್ ಬೊಕ್ಕ ವಿಮಾ ಭದ್ರತೆ ಕೊರೊಡು ಪಂದ್ ಸಂಬಂಧಪಟ್ಟಿನ ಸಚಿವೆರ್ , ಅಧಿಕಾರಿಲೆಗ್ ಒಡಿಪು ಜಿಲ್ಲಾ ಸಹಕಾರಿ ಯೂನಿಯನ್ ಗುರ್ಕಾರ್ಲು ಬೊಕ್ಕ ರಾಜ್ಯ ಸಹಕಾರ ಮಹಾಮಂಡಳದ ನಿರ್ದೇಶಕ ಜಯಕರ ಶೆಟ್ಟಿ ಇಂದ್ರಾಳಿ ಮನವಿ ಮಲ್ತೆರ್ .

ಒಡಿಪು ಜಲ್ಲೆದ ಸಮಸ್ತ ಸಹಕಾರಿಲೆನ ಪರವಾದ್ ಸಹಕಾರ ಸಚಿವ ಎಸ್. ಟಿ.ಸೋಮಶೇಖರ್, ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ, ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ಗುರ್ಕಾರ್ಲಾಯಿನ ಜಿ.ಟಿ.ದೇವೇಗೌಡ, ಒಡಿಪು ಶಾಸಕ ರಘುಪತಿ ಭಟ್, ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ದ ಗುರ್ಕಾರ್ಲಾಯಿನ ಎಂ.ಎನ್.ರಾಜೇಂದ್ರಕುಮಾರ್, ಜಿಲ್ಲಾಧಿಕಾರಿ ಜಿ. ಜಗದೀಶ್ ಮೆಕ್ಲೆಗ್ ಬಿನ್ನಾಪು ಮಲ್ದೆರ್.