ಪ್ರಶಸ್ತಿ ಪ್ರಕಟ

ಅಪ್ರಕಟಿತ ತುಳು ನಾಟಕ ಹಸ್ತಪ್ರತಿ ಸ್ಪರ್ಧೆ 2020’ಡ್ ತುಳು ಸಾಹಿತಿ ಅಕ್ಷತಾ ರಾಜ್ ಪೆರ್ಲ ಮೇರ್ನ ಸಾಪೊದ ಕಣ್ಣ್ ನಾಟಕೊಗು ಸುರುತ್ತ ತಾನೊ

ಕುಡ್ಲ, ಮಾರ್ಚ್ 30 : ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆ ಪ್ರಾಯೋಜಕತ್ವಡ್ ತುಳುಕೂಟ ಕೊರ್ಪಿನ ರತ್ನವರ್ಮ ಹೆಗ್ಗಡೆ ಪ್ರಶಸ್ತಿ -2020ಕ್ಕ್ ‘ಅಕ್ಷತಾರಾಜ್ ಪೆರ್ಲ ಮೆರ್ನ ‘ಸಾಪೊದ ಕಣ್ಣ್ ‘ ಪ್ರಥಮ, ರಾಜಶ್ರೀ ಟಿ.ರೈ ಪೆರ್ಲ ಮೆರ್ನ” ತತ್ತ್ ಮೋಸದ ಬಾಲೆ “‘ ದ್ವಿತೀಯ ಬೊಕ್ಕ ಶಶಿರಾಜ್ ರಾವ್ ಕಾವೂರು ಮೆರ್ನ ಬಿಂಬೋದ ಬೊಲ್ಪು ಮೂಜನೆ ಇನಾಮುಗು ಆಯ್ಕೆ ಆತ್oಡ್.

ತನ್ನ ಅಮ್ಮೆರ್ನ ನೆಂಪುಗು ಡಾ.ಹೆಗ್ಗಡೆ ಕರಿನ 45 ವರ್ಷರ್ದ್ ಈ ಮಾನದಿಗೆ ಕೊರೊಂದು ಉಲ್ಲೆರ್ . ಪ್ರಶಸ್ತಿ ಕ್ರಮವಾದ್ 10, 8, 6 ಸಾವಿರ ರೂ. ಪನವು , ಪ್ರಶಸ್ತಿ ಪತ್ರ ಬೊಕ್ಕ ಸ್ಮರಣಿಕೆ ಉಂಡು . ವಿಶ್ರಾಂತ ಪೆರಿಯ ಪತ್ರಕರ್ತ ಮನೋಹರ ಪ್ರಸಾದ್, ಸಾಹಿತಿ ಕದ್ರಿ ನವನೀತ ಶೆಟ್ಟಿ ಬೊಕ್ಕ ಉಡಲ್ ಪತ್ರಿಕೆ ಸಂಪಾದಕಿ ಜಯಂತಿ ಎಸ್. ಬಂಗೇರ ಮೆಕುಲು ಇತ್ತಿನ ಸಮಿತಿ ಕೃತಿಲೆನ್ ಆಯ್ಕೆ ಮಲ್ದುಂಡು . ಮಂಗಳಾದೇವಿ ದೇವಸ್ಥಾನ ವಠಾರಡ್ ತುಳುಕೂಟ ಕುಡ್ಲ ವತಿರ್ದ್ ಎಪ್ರಿಲ್ .14 ತಾರೀಖ್ ಗ್ ನಡಪುನ ಬಿಸು ಪರ್ಬ ಲೇಸ್ ಡ್ ಮಾನದಿಗೆ ಮಲ್ಪರೆ ಉಲ್ಲೆರ್ ಪಂದ್ ಬಿ.ದಾಮೋದರ ಪ್ರಕಟಣೆಡ್ ತೆರಿಪಾದೆರ್ .