ಪತ್ರಕರ್ತೆರ್ನ

ಕಾರ್ಕಳ ಪತ್ರಕರ್ತೆರ್ನ ಸಂಘರ್ದ್ ಪತ್ರಿಕಾ ದಿನಾಚರಣೆ

Jul 15, 2021

ಕಾರ್ಲ, ಜುಲೈ 15: ತಾಲೂಕು ಕಾರ್ಯನಿರತ ಪತ್ರಕರ್ತರ ಸಂಘದ ವತಿರ್ದ್ ಪತ್ರಿಕಾ ದಿನಾಚರಣೆ ಲೇಸ್ ಕಾರ್ಕಳ ರೋಟರಿ ಬಾಲವನಡ್ ಕೋಡೆ ನಡತುಂಡು.

ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ಕಾಪು ಪತ್ರಕರ್ತ ಸಂಘದ ಸದಸ್ಯೆರಾಯಿನ ಸಾಹಿತಿ ಪುಂಡಲೀಕ ಮರಾಠೆ ಪಾತೆರ್ದ್ , ಪತ್ರಿಕೆ ಪಂಡ ಮಿನಿ ವಿಶ್ವಕೋಶ ಇತ್ತಿಲಕ . ಪತ್ರಿಕೆಲು ಪಾರದರ್ಶಕವಾದುಂಡು ವಸ್ತುನಿಷ್ಠ, ನಿಖರ ಮಾಹಿತಿ ಕೊರ್ಪಿನ ಮುಖೇನ ಜನಸಾಮಾನ್ಯೆರೆಗ್ ಜಾಗೃತಿ ಮೂಡವುಂಡು ಪಂದ್ ಪಂಡೆರ್ .

ಕಾ.ತಾ. ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಮುಹಮ್ಮದ್ ಶರೀಫ್ ಗುರ್ಕಾರ್ಮೆ ವಹಿಸಿಯೆರ್.

ಪತ್ರಿಕಾ ದಿನಾಚರಣೆ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣೆ

Jul 2, 2021

ಒಡಿಪು , ಜು.2: ಒಡಿಪು ಜಿಲ್ಲಾ ಕಾರ್ಯತೆರ್ ಆಯಿನ ಪತ್ರಕರ್ತರ ಸಂಘದ ಆಶ್ರಯಡ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಸಹ ಯೋಗಡ್ ಪತ್ರಿಕಾ ದಿನಾಚರಣೆದ ಪ್ರಯುಕ್ತ ಪತ್ರಕರ್ತೆರ್ನ ಆರೋಗ್ಯ ತಪಾಸಣಾ ಶಿಬಿರಡ್ ಗುರುವಾರ ಒಡಿಪು ಪ್ರೆಸ್ ಕ್ಲಬ್ ಅಟ್ಟನೆ ಮಲ್ತಿತ್ತೆರ್.

ಈ ಲೇಸ್ ಗ್ ಚಾಲನೆ ಕೊರಿನ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ ಉಡುಪ ಪಾತೆರ್ದ್ , ಇತ್ತೆದ ಕೊರೋನಾ ಕಾಲಘಟ್ಟಡ್ ಮಾನವೀಯ ವೌಲ್ಯ ಬೊಕ್ಕ ಸಂಬಂಧದೊಟ್ಟುಗು ನನಾತ್ ಜನಪರ ಬೇಲೆಲು ವೈದ್ಯೆರ್ ಬೊಕ್ಕ ಪತ್ರಕರ್ತೆರೆರ್ದ್ ಆವೊಡು. ಕೋವಿಡ್ ಸಂಕಷ್ಟ ಪೊರ್ತುಡು ಜನಕ್ಲೆನ್ ಜಾಗೃತಿ ಮಲ್ಪುನ ನೆಲೆಟ್ಟ್ ಪತ್ರಕರ್ತೆರ್ನ ಸೇವೆ ಅಭಿನಂದನೀಯ ಪಂದ್ ಪಂಡೆರ್ .

ಈ ಪೊರ್ತುಡು ಜಿಲ್ಲಾಸ್ಪತ್ರೆದ ವೈದ್ಯೆ ಡಾ.ರೋಶಿನಿ ಪೂಂಜಾ, ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ ಅಲೆವೂರು, ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ, ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಪಾಲ್ ಪಡೆದಿತ್ತೆರ್.ಶಿಬಿರಡ್ ಒಡಿಪುದ 50ರ್ದ್ ಜಾಸ್ತಿ ಪತ್ರಕರ್ತೆರ್ನ ಸಾಮಾನ್ಯ ಆರೋಗ್ಯ ತಪಾಸಣೆ ನಡಪಾದ್ ಅಗತ್ಯ ಸಲಹೆನ್ ವೈದ್ಯೆರ್ ಕೊರಿಯೆರ್ .

ಪತ್ರಕರ್ತೆರ್ ದಿ. ಯಶವಂತ್ ಐಕಳ ಮೆರೆಗ್ ಮುಲ್ಕಿ ಪತ್ರಕರ್ತೆರ್ನ ಸಂಘದ ಶ್ರದ್ಧಾಂಜಲಿ, ಪುರ್ಪ ಸಂದಾಯ

Jun 7, 2021

ಮುಲ್ಕಿ : ಹಿರಿಯ ಪತ್ರಕರ್ತೆರ್ , ಸಮಾಜಸೇವಕೆ ಬೊಕ್ಕ ಛಾಯಾಚಿತ್ರಗ್ರಾಹಕೆರ್ ಆದಿತ್ತಿನ ದಿವಂಗತ ಯಶವಂತ ಐಕಳ ಮೆರೆಗ್ ಸೋಮಾರ ಮುಲ್ಕಿ ತಾಲೂಕು ಪತ್ರಕರ್ತೆರ್ನ ಸಂಘೊರ್ದು ಶ್ರದ್ಧಾಂಜಲಿ ಸಭೆ ಮುಲ್ಕಿದ ಸ್ವಾಗತ ಸಭಾಂಗಣೊಡು ನಡತ್ಂಡ್.

ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೇರ್ ದಿ.ಯಶವಂತ್ ಮೆರೆನ ಭಾವಚಿತ್ರೊಗು ಪುರ್ಪ ಪಾಡ್ದ್ ಗೌರವ ಸಂದಾಯೆರ್. ಅಂಚೆನೆ ಮಾತೆರ್ಲ ಮೌನ ಪ್ರಾರ್ಥನೆ ಮಲ್ತ್ ದ್ ಯಶವಂತೆರ್ನ ಆತ್ಮೊಗು ಶಾಂತಿ ತಿಕ್ಕೊಡು ಪಂಡ್ ದ್ ಎನ್ನಿಯೆರ್.
ಈ ಪೊರ್ತುಡು ಪಾತೆರಿನ ಹರಿಕೃಷ್ಣ ಪುನರೂರು , ಯಶವಂತ್ ಒರಿ ಸಮಾಜಮುಖಿ ಪತ್ರಕರ್ತೆರ್. ಅರೆನ ಕುಟುಮೊಗು ಸರಕಾರದ ವತಿರ್ದ್ ತಿಕ್ಕುನ ಪರಿಹಾರ ತಿಕ್ಕೊಡು ಪಂಡೆರ್.
ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಡಾ.ಪಿ.ಹರಿಶ್ಚಂದ್ರ ಸಾಲ್ಯಾನ್ ಪಾತೆರ್ದ್, ಯಶವಂತೆರ್ ಬೇತೆ ಬೇತೆ ಸಂಘೊಡು ಇತ್ತ್ ದ್ ಸಮಾಜದ ಅಭಿವೃದ್ಧಿ ಗ್ ಎಡ್ಡೆ ಬೇಲೆ ಮಲ್ದೆರ್ ಪಂಡೆರ್.
ಹಿರಿಯ ಪತ್ರಕರ್ತೆರ್ ಹರೀಶ್ ಹೆಜ್ಮಾಡಿ ಪಾತೆರ್ದ್, ಯಶವಂತೆರ್ ಒರಿ ನಿಷ್ಠುರವಾದಿ ಪತ್ರಕರ್ತೆರ್. ಆರ್ ಎಚ್ಚಾದ್ ಸುದ್ದಿದ ಬೆರಿ ಪತ್ ದಿನಾರ್. ಅರೆನ ನಿಧನ ಮಾತ ಪತ್ರಕರ್ತೆರ್ ಗ್ ಲ ಎಚ್ಚೆರ್ಗೆದ ಪಾಠ. ಮಾತೆರ್ಲ ಜಾಗೃತೆಡ್ ಉಪ್ಪುಲೆ ಪಂಡೆರ್.ಹಿರಿಯ ಪತ್ರಕರ್ತೆರಾಯಿನ ಸರ್ವೋತ್ತಮ ಅಂಚನ್ ಪಾತೆರ್ದ್ , ಯಶವಂತೆರ್ ಒವ್ವೇ ವಿಷಯೊಡು ನೇರವಾದ್ ಪಾತೆರುನಾರ್. ಆಂಡ ಅರೆನ ಮನಸ್ ಎಡ್ಡೆ ಪಂಡೆರ್.ಕಾಪು ತಾಲೂಕು ಪತ್ರಕರ್ತೆರ್ನ ಸಂಘದ ಅಧ್ಯಕ್ಷೆರ್ ರಾಕೇಶ್ ಕುಂಜೂರು ಪಾತೆರ್ದ್ ಯಶವಂತೆರ್ ಒರಿ ರೆಬೆಲ್ ಪತ್ರಕರ್ತೆ.ಅರೆನ ನಿಧನ ಸಮಾಜೊಗ್ಲ ಮಲ್ಲ ನಷ್ಟ ಪಂಡೆರ್.
ಕುಡೊರಿ ಪತ್ರಕರ್ತೆ ರಘುನಾಥ ಕಾಮತ್ ಪಾತೆರ್ದ್, ಯಶವಂತೆರ್ ನಿಷ್ಠುರವಾದಿ ಪತ್ರಕರ್ತೆರ್ ಪಂಡ್ ದ್ ಅರೆನೊಟ್ಟುದ ಒಡನಾಟೊನು ನೆನೆತೆರ್.
ಯುವ ಪತ್ರಕರ್ತೆರ್ ನರೇಂದ್ರ ಕೆರೆಕಾಡು ಪಾತೆರ್ದ್, ಯಶವಂತೆರ್ ನಮಕ್ ಎಚ್ಚೆರ್ಗೆ ಕೊರ್ದು ಪೋತೆರ್. ನಮ ಮಾತೆರ್ಲ ಜಾಗೃತೆಡ್ ಉಪ್ಪೊಡು ಪಂಡೆರ್.ಮುಲ್ಕಿ ತಾಲೂಕು ಪತ್ರಕರ್ತೆರ್ನ ಸಂಘದ ಅಧ್ಯಕ್ಷೆರ್ ನಿಶಾಂತ್ ಕಿಲೆಂಜೂರು ಪಾತೆರ್ದ್, ಯಶವಂತೆರ್ನ ಕುಟೊಮೊಗು ಸರಕಾರದ ಪರಿಹಾರ ತಿಕ್ಕುಲೆಕ್ಕ ಪ್ರಯತ್ನ ಮಲ್ಪುವ ಪಂಡೆರ್.ದಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಸದಸ್ಯೆರ್ ಶರತ್ ಶೆಟ್ಟಿ ಕಿನ್ನಿಗೋಳಿ ಸಭೆತ್ತ ನಿರೂಪಣೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್.

ಪತ್ರಕರ್ತೆರೆಗ್ ಸಾಕರ ಕೊರಿನ ಪತ್ರಕರ್ತೆರ್ನ ಸಂಘ

Jun 7, 2021

ಕಡಬ, ಜೂ.07: ಕೊರೋನಾ ರಡ್ಡನೇ ಅಲೆತ್ತ ನೆಲೆಟ್ಟ್ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ಸದಸ್ಯೆರೆಗ್ ಜಿಲ್ಲಾ ಸಂಘರ್ದ್ ಬೊಕ್ಕ ಕಡಬ ತಾಲೂಕು ಪತ್ರಕರ್ತೆರ್ನ ಸಂಘದ ವತಿರ್ದ್ ದಾನಿಲೆನ ಸಾಕಾರಡ್ ಕೊರಿನoಚಿನ ದಿನಸಿ ಸಾಮಾಗ್ರಿದ ಕಿಟ್ ನ್ ಗುರುವಾರದಾನಿ ಕಡಬ ಪ್ರೆಸ್ ಕ್ಲಬ್ ಡ್ ಪಟ್ಟಿಯೆರ್.

ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘರ್ದ್ ಮಾತಾ ಸದಸ್ಯೆರೆಗ್ ಕೊರಿನ ತಲಾ 20 ಕೆಜಿ ಅರಿ ಐತ ಒಟ್ಟುಗು ಕಡಬ ತಾಲೂಕು ಪತ್ರಕರ್ತೆರ್ನ ಸಂಘರ್ದ್ ದಿನಸಿ ಸಾಮಾಗ್ರಿದ ಕಿಟ್ ನ್ ಪಟ್ಟಿಯೆರ್ . ಈ ಪೊರ್ತುಡು ಕಡಬ ತಾಲೂಕು ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ನಾಗರಾಜ್ ಎನ್.ಕೆ.ಕಾರ್ಯದರ್ಶಿ ವಿಜಯ ಕುಮಾರ್ ಕಡಬ ಬೊಕ್ಕ ಸಂಘದ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

Apr 28, 2021

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆದ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಮುತಾಲಿಕೆಡ್ ಪೊಸತಾದ್ ಉದಿಪನ ಆದಿತ್ತಿನ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಪೊಸ ಆಡಳಿತ ಮಂಡಳಿ ನಿರ್ದೇಶಕೆರ್ನ ಸ್ಥಾನೊಗು ಕುಡ್ಲದ ಪತ್ರಿಕಾ ಭವನೊಡು ಅಂಗಾರೆ ನಡತಿನ ಓಟುಡು ಶ್ರೀನಿವಾಸ ನಾಯಕ್ ಇಂದಾಜೆ , ಮುಹಮ್ಮದ್ ಆರಿಫ್ ಸೇರ್ದ್ 15 ಜನ ನಿರ್ದೇಶಕೆರಾದ್ ಆಯ್ಕೆ ಆಯೆರ್.

ಒಟ್ಟು 15 ಸ್ಥಾನೊಡು 9 ಸಾಮಾನ್ಯ ಸ್ಥಾನೊಗು 12 ಅಭ್ಯರ್ಥಿಲು ಓಟುದ ಕಲಟ್ಟ್ ಇತ್ತೆರ್.
ಬಯ್ಯಡ್ ಓಟು ಗೆನ್ಪುನ ಕಜ್ಜ ನಡತಿ ಬೊಕ್ಕ ದಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲು ಶ್ರೀನಿವಾಸ್ ನಾಯಕ್ ಇಂದಾಜೆ (177), ಆತ್ಮಭೂಷಣ್ ಭಟ್ (118), ಇಬ್ರಾಹಿಂ ಅಡ್ಕಸ್ಥಳ (139), ಜಿತೇಂದ್ರ ಭಟ್ (127), ಸುಖ್ ಪಾಲ್ ಪೊಳಲಿ (146), ಭಾಸ್ಕರ ರೈ ಕಟ್ಟ (167), ಪುಷ್ಪರಾಜ್ ಬಿ.ಎನ್. (157), ಕೇಶವ ಕುಂದರ್ (115) ಅಂಚೆನೇ ವಿಲ್ಫ್ರೆಡ್ ಡಿಸೋಜ (127) ಆಯ್ಕೆಆಯೆರ್.ಬಾಕಿದ ಸ್ಪರ್ಧಿಲು ಆದಿತ್ತಿನ ಅಶೋಕ್ ಶೆಟ್ಟಿ (48), ಎಸ್.ಜಯರಾಮ್ (57), ರವಿಚಂದ್ರ ಬಿ (88) ಓಟು ಪಡೆತೆರ್.
ಹಿಂದುಳಿದ ವರ್ಗ ಪ್ರವರ್ಗ ಎ ಮೀಸಲು ಕ್ಷೇತ್ರೊರ್ದು ಮುಹಮ್ಮದ್ ಆರಿಫ್ (91) ಬೊಕ್ಕ ವಿಜಯ ಕೋಟ್ಯಾನ್ (67) ಆಯ್ಕೆ ಆತೆರ್. ಈ ವಿಭಾಗೊಡು 2 ಸ್ಥಾನೊಗು 7 ಅಭ್ಯರ್ಥಿಲು ಕಲಟ್ಟ್ ಇತ್ತೆರ್. ನರೇಂದ್ರ ಎಂ.ಪೂಜಾರಿ (27), ಮನೋಹರ ಬಳಂಜ (34), ರಾಜೇಶ್ ಪೂಜಾರಿ (60), ಮೊಹಮ್ಮದ್ ಅನ್ಸಾರ್ ಇನೋಳಿ (49) ಹಾಗೂ ಸಿದ್ದಿಕ್ ನೀರಾಜೆ (42) ಓಟು ದೆತೊಂದೆರ್.ಎಸ್ ಸಿ ಮತ್ತು ಎಸ್ ಟಿ ಸ್ಥಾನೊಗು ಸುರೇಶ್ ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ , ಮಹಿಳಾ ಕ್ಷೇತ್ರೊಗು ಸತ್ಯವತಿ ಬೊಕ್ಕ ಶಿಲ್ಪಾ ಅವಿರೋಧ ಆಯ್ಕೆ ಆದಿತ್ತೆರ್.
ಒಟ್ಟು 209 ಷೇರುದಾರೆರ್ನ ಪೈಕಿ 198 ಸದಸ್ಯೆರ್ ಓಟು ಪಾಡ್ದಿತ್ತೆರ್. ಒಟ್ಟಾರೆ ಶೇ.94.98 ಮತದಾನ ಆತ್ಂಡ್.

ದ.ಕ. ಜಿಲ್ಲೆದ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರಿ ಸಂಘದ ಓಟುಡು ಶೇ.95 ಮತದಾನ

Apr 27, 2021

ಕುಡ್ಲ : ಪೊಸತ್ತಾದ್ ಉದಿಪನ ಆಯಿನ ದ.ಕ. ಜಿಲ್ಲಾ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘೊದ ಆಡಳಿತ ಮಂಡಳಿಗ್ ಏ.27 ಅಂಗಾರೆ ನಡತಿನ ಓಟುಡು ಶೇ.94.73 ಮತದಾನ ಆತ್ಂಡ್.ಸಾಮಾನ್ಯ ವಿಭಾಗೊಡು 12 ಸದಸ್ಯೆರ್ ಅಭ್ಯರ್ಥಿ ಲಾದಿತ್ತೆರ್. ಅಯಿಟ್ಟ್ ಮತದಾರೆರ್ 7 ಜನಕ್ಕ್ ಓಟು ಪಾಡರೆ ಇತ್ತ್ಂಡ್.

ಹಿಂದುಳಿದ ವರ್ಗದ ವಿಭಾಗೊಡು 7 ಅಭ್ಯರ್ಥಿಲು ಸ್ಪರ್ಧೆ ದ ಕಲೊಟ್ಟು ಇತ್ತೆರ್. ಅಯಿಟ್ಟ್ ರಡ್ಡ್ ಜನನ್ ಆಯ್ಕೆ ಮಲ್ಪರೆ ಅವಕಾಶ ಇತ್ತ್ಂಡ್.
ಪರಿಶಿಷ್ಟ ಜಾತಿ ಬೊಕ್ಕ ವಿಭಾಗೊಡು ಸುರೇಶ್ ಡಿ.ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ ಅವಿರೋಧ ಆಯ್ಕೆ ಆದಿತ್ತೆರ್.ಮಹಿಳಾ ವಿಭಾಗೊಡು ಸತ್ಯ , ಶಿಲ್ಪ ಅವಿರೋಧ ಆಯ್ಕೆ ಆತೆರ್.ಪತ್ರಿಕಾ ಭವನದ ಸಭಾಂಗಣೊಡು ಅಂಗಾರೆ ಕಾಂಡೆ 9 ಗಂಟೆರ್ದ್ ಬಯ್ಯ 4 ಗಂಟೆ ಮುಟ್ಟ ಓಟು ನಡತ್ಂಡ್.