ಮಣಿಪಾಲದ ರಾಜೀವ ನಗರಡ್ D3 ಸ್ಟುಡಿಯೋ ಉದಿಪನ
ಮಣಿಪಾಲ :ತೇದಿ 31/7/2022 ನೇ ಐಯಿತಾರದಾನಿ ಮಣಿಪಾಲದ ರಾಜೀವ ನಗರಡ್ ಉದಿಪನ ಆಯಿನ ಪೊಸ D3 STUDIO ನೆತ್ತ ಉದಿಪನನ್ ಕರಿಯಜ್ಜೆ ಖ್ಯಾತಿದ , ಪುಗಾರ್ತೆದ ಗಾಯಕಿ ಕುಮಾರಿ ಚೈತ್ರಾ ಗಾಣಿಗ ಕಲ್ಲಡ್ಕ ಮೇರ್ ಚಾಲನೆ ಕೊರಿಯೆರ್ . ಈ ಲೇಸ್ ಡ್ ಕೃಷ್ಣ ಶೆಟ್ಟಿ, ಸುಮತಿ ಶೇರಿಗಾರ್,ಚೈತ್ರ ಅಮರ್ ಬೊಕ್ಕ ಚೈತ್ರ ಗಾಣಿಗ ಕಲ್ಲಡ್ಕ ಪಾಲ್ ಪಡೆದಿತ್ತೆರ್ .
ಈ ಲೇಸ್ ಡ್ ಕುಮಾರಿ ಚೈತ್ರಾ ಗಾಣಿಗ ಮೆರೆಗ್ “ತುಳುನಾಡ ಕೋಗಿಲೆ” ಪನ್ಪಿನ ಬಿರುದು ಕೊರ್ದು ಬತ್ತಿ ಬಿನ್ನೆರೆ ಮುತಾಲಿಕೆಡ್ ಮಾನದಿಗೆ ಮಲ್ತೆರ್.
ಬಂಟ್ವಾಳ : ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ.) ಬೊಕ್ಕ ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳ ಮೆಕ್ಲೆನ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನದ ಲೇಸ್ ನಡತುಂಡು .
ಅಂಬೇಡ್ಕರ್ ನಗರದ ಪೆರಿಯೆರಾಯಿನ ಜಾನು, ಬೆಲ್ಚಡ , ಅಣ್ಣು ತುಲು ಲಿಪಿ ಕಲ್ಪುನ ಕಜ್ಜ ಕೊಟ್ಯನ್ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್ . ತುಲು ಲಿಪಿ ಕಲ್ಪಾರ್ತಿಲಾಯಿನ ಪೂರ್ಣಿಮಾ ಬಂಟ್ವಾಳ ಬೊಕ್ಕ ಪೃಥ್ವಿ ತುಲುವೆ ಮೆಕುಲು ತುಲು ಲಿಪಿ ಬರೆಪುನ ಮುಖೇನ ಕಾರ್ಯಾಗಾರಗ್ ಚಾಲನೆ ಕೊರಿಯೆರ್ .
ಮುಲ್ಕಿ : ಮುಲ್ಕಿ ನಗರ ಪಂಚಾಯತಿದ ವ್ಯಾಪ್ತಿಡ್ 2021-22 ನೇ ವರ್ಷೊಗು 15 ನೇ ಹಣಕಾಸು ಯೋಜನೆದ 86 ಲಕ್ಷ ರೂ. ಅನುದಾನದ ಕ್ರಿಯಾ ಯೋಜನೆಗ್ ಒಪ್ಪಿಗೆ ತಿಕ್ ದ್ಂಡ್.
ಮುಲ್ಕಿ ನಗರ ಪಂಚಾಯ್ತಿ ಗುರ್ಕಾರ್ಲು ಸುಭಾಷ್ ಶೆಟ್ರೆನ ಗುರ್ಕಾರ್ಮೆಡ್ ಶನಿಯಾರ ನಡತಿನ ಸಾಮಾನ್ಯ ಸಭೆಟ್ಟ್ ಕ್ರಿಯಾ ಯೋಜನೆಗ್ ಅನುಮೋದನೆ ತಿಕ್ಂಡ್.
ಉಂದುವೇ ಪೊರ್ತುಡು ಕರಿನ ವರ್ಷದ 15 ನೇ ಹಣಕಾಸು ಅನುದಾನೊಡು ಒರಿನ ಅನುದಾನದ 15.18 ಲಕ್ಷ ರೂ. ದ ಕ್ರಿಯಾ ಯೋಜನೆಗ್ ಲ ಅನುಮೋದನೆ ಕೊರಿಯೆರ್.
ಪ್ರಧಾನ ಮಂತ್ರಿ ಆವಾಸ್ ಯೋಜನೆ ದ ಫಲಾನುಭವಿಲೆಗ್ ಆಜಿ ವರ್ಷ ಆಂಡಲಾ ಸಬ್ಸಿಡಿದ ದುಡ್ಡು ನನಲಾ ಬೈದಿಜಿ ಪಂಡ್ ದ್ ನಗರಸಭೆ ಸದಸ್ಯೆರಾಯಿನ ಯೋಗೀಶ್ ಕೋಟ್ಯಾನ್, ಇಂದಿರಾ ಪೂಜಾರಿ ಬೊಕ್ಕ ಪುತ್ತು ಬಾವ ಪಂಡೆರ್.
ಪೊಲೀಸ್ ಇಲಾಖೆದ ಪರವಾದ್ ಸುರೇಶ್ ಕುಂದರ್ , ನಗರ ಮೂಲಸೌಕರ್ಯ ಬೊಕ್ಕ ಹಣಕಾಸು ನಿಯಮಿತದ ರವಿಕುಮಾರ್ ಬತ್ತಿತ್ತೆರ್.
ನಗರ ಪಂಚಾಯ್ತಿ ಒತ್ತು ಗುರ್ಕಾರ್ಲು ಸತೀಶ್ ಅಂಚನ್, ಸ್ಥಾಯಿ ಸಮಿತಿದ ಗುರ್ಕಾರೆ ಶೈಲೇಶ್, ಮುಖ್ಯಾಧಿಕಾರಿ ಚಂದ್ರ ಪೂಜಾರಿ ಮೊಕುಲು ಸಭೆಟ್ಟ್ ಇತ್ತೆರ್.
ಸದಸ್ಯೆರಾಯಿನ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್, ವಿಮಲಾ ಪೂಜಾರಿ, ಬಾಲಚಂದ್ರ ಕಾಮತ್, ದಯಾವತಿ ಅಂಚನ್, ರಾಧಿಕಾ ಯಾದವ ಕೋಟ್ಯಾನ್, ಸಂದೀಪ್ ಕುಮಾರ್, ಶಾಂತ ಕಿರೋಡಿಯನ್, ಲಕ್ಷ್ಮಿ, ವಹೀದಾ ಬಾನು, ದಾವೂದ್ ಹಕೀಂ, ಮಂಜುನಾಥ ಕಂಬಾರ ಮೊಕುಲು ಸಭೆಟ್ಟ್ ಪಾಲ್ ಪಡೆದಿತ್ತೆರ್.
ಕುಡ್ಲ, ಜುಲೈ 16: ಕುಡ್ಲ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಕೋವಿಡ್-19 ಸಾಂಕ್ರಾಮಿಕ ರೋಗದ ಪ್ರಯುಕ್ತ ಪಾಡಿನ ಲಾಕ್ಡೌನ್’ ಮುಗಿಬೊಕ್ಕ , ಸೊತ್ತುಕಳವು ಪ್ರಕರಣ ವರದಿಯಾತುಂಡು ನೆತ್ತ ಬಗ್ಗೆ ಸೂಕ್ತ ಕ್ರಮ ದೆತೊನುನ ನೆಲೆಟ್ಟ್ ಕುಡ್ಲ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಈ ದುಂಬು ಗಾಡಿ ಕಳವು, ಮನೆಕಳ್ಳತನ, ಸರಕಳ್ಳತನ, ದೇವಸ್ಥಾನ ಕಳವು ಪೆತ್ತ ಕಳವು ಇಂಚಿನ ಪ್ರಕಾರಣಡ್ ಭಾಗಿಯಾಯಿನ ವ್ಯಕ್ತಿಲೆನ್ ಇನಿ ಕಾಂಡೆ ವಶಕ್ ಪಡೆದ್ ಅಕುಲು ಸಧ್ಯ ಜೀವನೋಪಾಯಗಾದ್ ದಾದ ಮಾತಾ ವೃತ್ತಿ ಮಲ್ತೊಂದು ಇತ್ತೆರ್ ಪಂದ್ ಮಾಹಿತಿ ಕಲೆ ಪಾಡೊಂದು ಮಾಹಿತಿದ ಬಗ್ಗೆ ವಿಚಾರಣೆ ನಡಪಾದೆರ್.
ಕುಡ್ಲ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಒಟ್ಟು 252 ಆಸಾಮಿಲೆನ್ ವಶಕ್ ಪಡೆದ್ ಅಕ್ಲೆನೆರ್ದ್ 179 ಮೊಬೈಲ್ ಫೋನ್, 57 ಗಾಡಿ ವಶಕ್ ಪಡೆದ್ 120 ಆಸಾಮಿಲೆನ ಮಿತ್ತ್ ಕಲಂ: 110 ಪಿ.ಆರ್.ಪಿ.ಸಿ. 97 ಆಸಾಮಿನ ಮೇಲೆ ಕಲಂ: 107 ಪಿಆರ್ಪಿಸಿ, ಬೊಕ್ಕ 35 ಆಸಾಮಿಲೆನ ಮಿತ್ತ್ ಕಲಂ: 27(ಬಿ) ಎನ್.ಡಿ.ಪಿ.ಎಸ್. ಪ್ರಕರಣದಲಕ ಮಾತಾ ಎಂ.ಓ.ಬಿ. ಆಸಾಮಿಲೆನ ಮಿತ್ತ್ ಪ್ರಕರಣ ದಾಖಲ್ ಮಲ್ದೆರ್.
ಕುಡ್ಲ, ಜೂನ್ 1: ಕುಡ್ಲ ನಗರ ಪೊಲೀಸ್ ವತಿರ್ದ್ ಇನಿ ಕೋವಿಡ್ ವಾರಿಯರ್ಸ್ಲೆಗ್ ಪ್ರೋತ್ಸಾಹ ಮಲ್ಪುನ ನೆಲೆಟ್ಟ್ ‘ಗಾನಸುಧೆ’ ಸಂಗೀತ ಕಾರ್ಯಕ್ರಮ ಅಟ್ಟನೆ ಮಲ್ದೆರ್ .
ಇನಿ ಮಧ್ಯಾಹ್ನ ಫೇಸ್ ಬುಕ್ ಲೈವ್ ಡ್ ಕುಡ್ಲ ನಗರ ಪೊಲೀಸ್ ಅಧಿಕಾರಿ ಬೊಕ್ಕ ಸಿಬ್ಬಂದಿಲು ನಡಪಾದ್ ಕೊರ್ಪಿನ ಸಂಗೀತ ಕಾರ್ಯಕ್ರಮ ಪ್ರಸಾರ ಆಯೆರೆ . ಕೇನೆರೆ ಇಚ್ಛೆ ಮಲ್ಪುನಕುಲು Arvind Vivek’s ಫೇಸ್ಬುಕ್ ಪೇಜ್ ಡ್ ತೂಯೆರೆ ಸೂಚನೆ ಕೊರ್ತೆರ್ .
ಕುಡ್ಲ : ಕಂಕನಾಡಿ ಬೈಪಾಸ್ ಮಾರ್ಗಡ್ ಆತಿನ ಕಣಚೂರು ನಗರ ಆರೋಗ್ಯ ಕೇಂದ್ರ(ಕಣಚೂರು ಅರ್ಬನ್ ಹೆಲ್ತ್ ಸೆಂಟರ್)ದ ಉದಿಪನ ದ ಲೇಸ್ ನ್ ಎಸ್ಸಿಡಿಸಿಸಿ ಬ್ಯಾಂಕ್ದ ಗುರ್ಕರ್ಲಾಯಿನ ಡಾ.ಎಂ.ಎನ್. ರಾಜೇಂದ್ರ ಕುಮಾರ್ ಉದಿಪನ ಮಲ್ತೆರ್.
ಕೋವಿಡ್ ಹಿನ್ನೆಲೆಡ್ ಆರೋಗ್ಯ ಕ್ಷೇತ್ರ ಪಿರಾಕ್ರ್ದ್ ಲಾ ಬಾರಿ ಎಚ್ಚದ ಮಹತ್ವ ಪಡೆದುಂಡು . ಕಣಚೂರು ಪೇಂಟೆ ಬೊಕ್ಕ ಗ್ರಾಮೀಣ ಪ್ರದೇಶದ ಜನಕ್ಲೆಗ್ ಅಕ್ಲೆನ ವೈದ್ಯಕೀಯ ಸಂಸ್ಥೆದ ಸೇವೆನ್ ಕೊರ್ಪಿಲಕ ಆವಡ್ ಪಂದ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಎಡ್ಡೆಪುದ ಪಾತೆರ ಪಂಡೆರ್ .
ಈ ಕಜ್ಜಡು ಮಲ್ಲ ಬಿನ್ನೆರಾಯಿನ ಕೆ.ಎಂ.ಸಿ ಯ ಪೆರಿಯ ವೈದ್ಯರಾಯಿನ ಡಾ. ಚಕ್ರಪಾಣಿ ಪಾತೆರ್ದ್ , ಜನಸಾಮಾನ್ಯರೆಗ್ ಉತ್ತಮ ವೈದ್ಯಕೀಯ ಸೇವೆ ಕೈಕ್ ತಿಕ್ಕುನ ಬಿಲೆಟ್ ತಿಕ್ಕೊಡು ಪಂದ್ ಪಂಡೆರ್.
Mangalore: In the wake of Kovid, the healthcare sector is more important than ever. May Dakshina Kannada Central Co-operative Bank Chairman Dr. MN Rajendra Kumar wishes to give maximum service to the people of Kanchur and rural areas.
He was speaking at the inauguration of Kanchaur Urban Health Center (Kanachoor Urban Health Center) at the Kanachur complex near the city’s Kankanady Bypass Road.
The Chief Guest at the event was Dr. KMC, Senior Physician, KMC. Chakrapani said the best medical care for the masses should be made available locally.
