ಕೋ ಆಪರೇಟಿವ್

ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್ ಗ್ 5.88 ಕೋಟಿ ಲಾಭ

ಒಡಿಪು , ಜೂ.6: ಕರಾವಳಿ ಭಾಗದ ಪ್ರತಿಷ್ಠಿತ ಪಟ್ಟಣ ಸಹಕಾರಿ ಸಂಸ್ಥೆಡ್ ಒಂಜಾಯಿನ ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್ 2020-21ನೇ ಸಾಲ್ ಡ್ 5.88 ಕೋಟಿ ರೂ. ಲಾಭ ದಾಖಲಿಸಾಯಿನ ಬ್ಯಾಂಕ್ ದ ಗುರ್ಕಾರ್ಲಾಯಿನ ಯಶ್‌ಪಾಲ್ ಸುವರ್ಣ ತೆರಿಪಾಯೆರ್ .

ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್, ಸಹಕಾರಿ ಇಲಾಖೆ ಬೊಕ್ಕ ಭಾರತೀಯ ರಿಸರ್ವ್ ಬ್ಯಾಂಕ್ದ ಪರೀಕ್ಷಣೆಗ್ ಅಭಜಿತ ದಕ್ಷಿಣ ಕನ್ನಡ ಜಿಲ್ಲೆಡ್ 8 ಶಾಖೆದ ಮುಖೇನ ವ್ಯವಹಾರ ನಡಪಾವೊಂದು ಉಂಡು . ಬ್ಯಾಂಕ್ 2020-21ನೇ ಸಾಲ್ ದ 243.37 ಕೋಟಿ ರೂ. ಠೇವಣಿ ಸಂಗ್ರಹ ಬೊಕ್ಕ 177.44 ಕೋಟಿ ರೂ. ಸಾಲ ಬೊಕ್ಕ ಮುಂಗಡದೊಟ್ಟುಗು , ಹಣಕಾಸು ವರ್ಷಡ್ ಠೇವಣಿ ಸಂಗ್ರಹಣೆಡ್ ಶೇ.55.03 ಬೊಕ್ಕ ಸಾಲ ಬೊಕ್ಕ ಮುಂಗಡಡ್ ಶೇ. 35.73ದಾತ್ ಪ್ರಗತಿ ಸಾಧಿಸಾದೆರ್ , 10 ಲಕ್ಷ ರೂ.ಮುಟ ಸದಸ್ಯೆರ್ ಪಾಲ್ ಬಂಡವಾಳ ಹೊಂದಿಸಾಯೆರ್ ಅವಕಾಶ ಕಲ್ಪಿಸಾದೆರ್ ಪಂದ್ ಆರ್ ಪ್ರಕಟಣೆಡ್ ತೆರಿಪಾದೆರ್ .

ಕರಿನ 11 ವರ್ಷರ್ದ್ ನಿರಂತರವಾದ್ ಸದಸ್ಯ ಗ್ರಾಹಕೆರಾಯಿನ ಶೇ.18ದಾತ್ ಡಿವಿಡೆಂಡ್ ಕೊರ್ಪಿನ ಕರಾವಳಿ ಭಾಗದ ಏಕೈಕ ಪಟ್ಟಣ ಸಹಕಾರಿ ಬ್ಯಾಂಕ್ ಪನ್ಪಿನ ಪುಗಾರ್ತೆ ಗ್ ಪಡೆಯಿನ ಮಹಾಲಕ್ಷ್ಮೀ ಕೋ ಆಪರೇಟಿವ್ ಬ್ಯಾಂಕ್, ಶಾಸನಬದ್ಧ ಲೆಕ್ಕಪರಿಶೋಧೆ ನ್ ‘ಎ’ ಶ್ರೇಣಿನ್ ಪಡೆತುಂಡು .