ಕದ್ರಿ

ಜು. 28: ಕದ್ರಿ ಪಾರ್ಕ್ ದಲ್ಪ ಆಟಿದ ಮರ್ದ್ ಬೊಕ್ಕ ಮೆತ್ತೆದ ಗಂಜಿ ಪಟ್ಟುನ ಲೇಸ್

Jul 26, 2022

ಜು. 28: ಕದ್ರಿ ಪಾರ್ಕ್ ದಲ್ಪ ಆಟಿದ ಮರ್ದ್ ಬೊಕ್ಕ ಮೆತ್ತೆದ ಗಂಜಿ ಪಟ್ಟುನ ಲೇಸ್

ಕುಡ್ಲ: ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ,ಕುಡ್ಲ ಡಿಂಕಿ ಡೈನ್, ತುಳುವೆರ್ ಕುಡ್ಲ ಅಂಚೆನೆ ತುಳುವ ಬೊಳ್ಳಿ ಪ್ರತಿಷ್ಠಾನದ ಸಂಯೋಜನೆಡ್ ಕದ್ರಿ ಪಾರ್ಕ್‌ ಕೈತಲ್ದ ಡಿಂಕಿ ಡೈನ್ ಆವರಣಡ್ ಜು.28 ಕಾಂಡೆ 6 ಗಂಟೆರ್ದ್ ಆಟಿ ಅಮಾಸೆದ ಕಸಾಯ ಬೊಕ್ಕ ಮೆತ್ತೆದ ಗಂಜಿನ್ ಸಾರ್ವಜನಿಕೆರೆಗ್ ಧರ್ಮಾರ್ಥವಾದ್ ಪಟ್ಟುನ ಲೇಸ್ ನಡಪರೆ ಉಂಡು.ಕರಿನ ಕೆಲವು ವರ್ಸೊರ್ದಿಂಚಿ ತುಳುನಾಡ್ ದ ಈ ವಿಶೇಷ ಲೇಸ್ ನ್ ಆಯೋಜನೆ ಮಲ್ತೊಂದು ಬೈದೆರ್.
ಪಾಲೆದ ಮರತ್ತ ಕೆತ್ತೆದ ಸತ್ವದ ಕಸಾಯ ಮನುಷ್ಯನ ಶರೀರೊಗು ಮಸ್ತ್ ಅಗತ್ಯ.ಅಂಚಾದ್ ಸಾರ್ವಜನಿಕೆರ್ನ ಬೇಡಿಕೆ ಆಧಾರಡ್ ಈ ಲೇಸ್ ಅಟ್ಟಣೆ ಮಲ್ತ್ ದ ಉಂದೆನ್ ಉಚಿತವಾದ್ ಪಟ್ಟೊಂದುಲ್ಲ ಪಂದ್ ಸಂಘಟಕೆರ್ ತೆರಿಪಾದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕದ್ರಿ ನವನೀತ ಶೆಟ್ರೆಗ್ ” ರಂಗ ಕಲಾ ಬಂಧು ” ಪ್ರಶಸ್ತಿ

Apr 15, 2022

ಕುಡ್ಲ : ನಾಟಕಗಾರ , ಹವ್ಯಾಸಿ ಯಕ್ಷಗಾನ ಕಲಾವಿದ , ನಿರೂಪಕ,ಸಂಘಟಕ ಕದ್ರಿ ನವನೀತ ಶೆಟ್ರೆಗ್ ಸೀತಾರಾಮ ಕುಲಾಲ್ ಪ್ರತಿಷ್ಠಾನ ,ಕಡಲನಾಡ ಕಲಾವಿದರ ಟ್ರಸ್ಟ್ ವತಿರ್ದ್ ಕುಡ್ಲದ ಶ್ರೀ ಶರವು ದೇವಲ್ಯೊಡು ” ರಂಗ ಕಲಾ ಬಂಧು ” ಪ್ರಶಸ್ತಿ ಕೊರ್ದು ಮಾನದಿಗೆ ಮಲ್ತೆರ್ .ಶರವು ದೇವಸ್ಥಾನದ ವರ್ಷಾದಿದ ಜಾತ್ರಾ ಉಚ್ಚಯದ ಸಾಂಸ್ಕೃತಿಕ ಚಾವಡಿ ಡ್ ಲೇಸ್ ನಡತುಂಡು.

ಶರವು ದೇವಸ್ಥಾನದ ಶಿಲೆ ಶಿಲೆ ರಾಘವೇಂದ್ರ ಶಾಸ್ತ್ರಿ ಲು ಸ್ವರ್ಗೀಯ ಸೀತಾರಾಮ ಕುಲಾಲರ ಸಂಸ್ಮರಣೆ ಮಲ್ತ್ ಕುಲಾಲೆರ್ ತುಳು ಸಿನೇಮಾ ಸಾಹಿತ್ಯ ಲೋಕಗ್ ಕೊರಿನ ಕೊಡುಗೆ ನೆಂಪು ಮಲ್ತೆರ್.ಪೌರಾಣಿಕ ,ಚಾರಿತ್ರಿಕ ನಾಟಕ ಕೃತಿರಚನೆದ ಮುಖೇನ ಕುಲಾಲೆರ್ನ ತಾದಿಡ್ ಪೋವೊಂದು ಉಪ್ಪುನ ನವನೀತ ಶೆಟ್ರೆಗ್ ಸೊಲ್ಮೆ ಸಂದೈತ ಮಲ್ತೆರ್ .

ಮುನ್ನೂದು ಪ್ರದರ್ಶನ ತೂಯಿನ ಸುರುತ ತುಳು ಪೌರಾಣಿಕ ನಾಟಕ ಪನ್ಪಿನ ಗೌರವಗ್ ಪಾತ್ರರಾಯಿನ ” ಕಟೀಲ್ದಪ್ಪೆ ಉಳ್ಳಾಲ್ದಿ” ನಾಟಕನೇ ಸುರುತ ಮುಪ್ಪರ್ದ್ ಜಾಸ್ತಿ ತುಳು ಕನ್ನಡ ಪೌರಾಣಿಕ ,ಚಾರಿತ್ರಿಕ ,ಜಾನಪದ ನಾಟಕ ಮಲ್ತ್ , ಐನ್ ಸಲ ತುಳುಕೂಟ ಪ್ರಶಸ್ತಿ , ರಡ್ಡ್ ಸಲ ಅಕಾಡಮಿ ಪುಸ್ತಕ ಪ್ರಶಸ್ತಿ ಪಡೆಯಿನ ನವನೀತೆರ್ನ ಕೃತಿದ ಬಗ್ಗೆ
ಕಡಲನಾಡ ಕಲಾವಿದೆರ್ ಸಂಸ್ಥೆದ ಗುರ್ಕಾರ್ಲಾಯಿನ ಕಿಶೋರ್ ಡಿ.ಶೆಟ್ಟಿ ಪಂಡೆರ್ . ಚಿತ್ರನಟ ಮೋಹನ್ ಕೊಪ್ಪಲ ಕದ್ರಿ , ಕುಲಾಲರ ಶಿಷ್ಯೆ ರಂಗನಟಿ ಶೋಭಾ ಶೆಟ್ಟಿ ಪಾಲ್ ಪಡೆದಿತ್ತೆರ್ .ರಮೇಶ ಭಟ್ ಕದ್ರಿ ಬೊಕ್ಕ ಕೂಟರ್ದ್ ಸುಧನ್ವ ಮೋಕ್ಷ ಯಕ್ಷಗಾನ ನಡತ್oಡ್ .

ಕದ್ರಿ ಸ್ಮಾರಕಡ್ ಜುಲೈ 26ಕ್ಕ್ ಕಾರ್ಗಿಲ್ ವಿಜಯೋತ್ಸವ

Jul 24, 2021

ಕುಡ್ಲ, ಜುಲೈ 24 : ಶ್ರೀ ಪತಂಜಲಿ ಯೋಗ ಶಿಕ್ಷಣ ಸಮಿತಿ ನೇತ್ರಾವತಿ ವಲಯ ಕುಡ್ಲ ಬೊಕ್ಕ ಶ್ರೀ ಪತಂಜಲಿ ಯೋಗ ಶಿಕ್ಷಣ ಫೌಂಡೇಶನ್ ವತಿರ್ದ್ ಜು.26ಕ್ಕ್ ಕಾರ್ಗಿಲ್ ವಿಜಯೋತ್ಸವ ಪೇಂಟೆದ ಕದ್ರಿಯ ಹುತಾತ್ಮ ಯೋಧರ ಸ್ಮಾರಕಡ್ ನಡಪರೆ ಉಂಡು.

ಕಾಂಡೆ 6:30ಕ್ ಕಾರ್ಯಕ್ರಮ ಸುರು ಆಯೆರೆ ಉಂಡು , ಕಾರ್ಗಿಲ್ ಕದನಡ್ ಅಪ್ರತಿಮ ಧೈರ್ಯ, ಸಾಹಸ, ಶೌರ್ಯ ಮೆರೆದ್ ಶತ್ರು ಸೈನಿಕೆರೆಗ್ ಸಿಂಹಸ್ವಪ್ನವಾದ್ ಕಾದ್ ದ್ ವೀರ ಮರಣ ಹೊಂದಿನ ಅಮರ ಸೇನಾನಿಲೆನ ವೀರಗಾಥೆ, ವಿಜಯಗಾಥೆಲೆನ್ ಸ್ಮರಣೆ ಮಲ್ಪರೆ ಉಂಡು . ಯೋಧೆರೆಗ್ ಶ್ರದ್ಧಾ ನಮನ ಸಲ್ಲಿಸಾದ್ ದುಂಬುದ ಪೀಳಿಗೆಗ್ ರಾಷ್ಟ್ರಭಕ್ತಿದ ಅಮೃತ ಸಿಂಚನ ಮಲ್ಪುನ ಪ್ರೇರಣಾದಾಯಕ ವಿಚಾರ ಮುಟ್ಟವ . ಸಂಸ್ಥೆದ ಯೂಟ್ಯೂಬ್ ಬೊಕ್ಕ ಫೇಸ್‌ಬುಕ್‌ಡ್ ಕಾರ್ಯಕ್ರಮದ ನೇರಪ್ರಸಾರ ನಡಪರೆ ಉಂಡು ಪಂದ್ ಪತಂಜಲಿ ಯೋಗ ಶಿಕ್ಷಣ ಸಮಿತಿ ಜಿಲ್ಲಾಧ್ಯಕ್ಷ ಅಶೋಕ್ ಕುಮಾರ್ ಜೈನ್ ಸುದ್ದಿಗೋಷ್ಠಿಡ್ ತೆರಿಪಾಯೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಪ್ರಸಾದ್ ಕದ್ರಿ ಮುತಾಲಿಕೆಡ್ ಕೋವಿಡ್ ಕಿಟ್

Jun 21, 2021

ಕುಡ್ಲ, ಜೂನ್ 21: ಕೋವಿಡ್‌ ಲಾಕ್‌ಡೌನ್‌ ಪೊರ್ತುಡು ವಿಶ್ವಕರ್ಮ ಸಮಾಜದ ಆರ್ಥಿಕವಾದ್ ಕಷ್ಟಡ್ ಉಪ್ಪುನ 160 ಜನಕ್ಲೆಗ್ ಪ್ರಸಾದ್ ಕದ್ರಿ ಮುತಾಲಿಕೆಡ್ ಶನಿವಾರ ಇಲ್ಲ ಇಲ್ಲಗ್ ಪೋದು ಅರಿ,ದಿನಸಿ ಸಾಮಗ್ರಿ ಕೊರಿಯೆರ್ .

ಕದ್ರಿ ದೇವಸ್ಥಾನದ ಕೈತಲ್ ಉಪ್ಪುನ ಗೋಕುಲ್ ಹಾಲ್‌ಡ್ ನಡತಿನ ಸಾಂಕೇತಿಕ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಕುಡ್ಲ ಕಾಳಿಕಾಂಬಾ ವಿನಾಯಕ ದೇವಸ್ಥಾನದ ರಡ್ಡನೆ ಮೊಕ್ತೇಸರ ಸುಂದರ ಆಚಾರ್ಯ ಬೆಳುವಾಯಿ ಉದಿಪನ ಮಲ್ತೆರ್.

ಉಗ್ರರ ಪರ ಗೋಡೆ ಬರವು ಒರಿ ಆರೋಪಿ ಪತ್ತೆ

Dec 3, 2020

ಕುಡ್ಲದ ಪೇಂಟೆಡ್ ಉಗ್ರರ ಪರ ಗೋಡೆ ಬರವು ಬರೆತಿನ ಪ್ರಕರಣಗ್ ಸಂಬಂಧಿಸಾಯಿನ ಒರಿ ಆರೋಪಿ ನ್ ಕುಡ್ಲ ದ ನಗರ ಪೊಲೀಸೆರ್ ಪತ್ತ್ದೆರ್.

ಆರೋಪಿನ್ ತೀರ್ಥಹಳ್ಳಿದ ನಝೀರ್ ಮುಹಮ್ಮದ್ (26)ಪಂದ್ ತೆರಿಪಾದೆರ್.

ಕದ್ರಿ ಪೊಲೀಸೆರ್ ಗುರುವಾರ ಕಾಂಡೆ ಆಯೆನ್ ವಶಕ್ ದೆತೊಂದು ವಿಚಾರಣೆ ಮಲ್ತೊಂದು ಉಲ್ಲೆರ್ ಪಂದ್ ತೆರಿದ್ ಬೈದುಂಡು.

ಮೊಬೈಲ್‌ ದಾಖಲೆ ಆಧಾರಡ್ ಆಯೆನ್ ಪತ್ತ್ದೆರ್.

ಕುಡ್ಲದ ಸರ್ಕ್ಯೂಟ್‌‌ ಹೌಸ್‌‌ದ ಮಾರ್ಗಡ್ ಉಪ್ಪುನ ಅಪಾರ್ಟ್‌ಮೆಂಟ್‌‌ ದ ಕೌಂಪೌಂಡ್‌ನ ಮಿತ್ತ್ , ಸಂಘಿಲೆನ್ ಎದುರಿಸಾಯೆರೆ ಲಷ್ಕರ್‌ ಇ ತೋಯ್ಬಾ ಬೊಕ್ಕ ತಾಲಿಬಾನ್‌ಗ್ ಆಹ್ವಾನ ಕೊರ್ಪಿಲಕ ನಮನ್ ಪ್ರೇರೆಪಣೆ ಮಲ್ಪೊಚ್ಚಿ (“Do not force us to invite Lashkar-e-Toiba and Taliban to Deal with Sanghis and Manvedis”) ಪಂದ್ ಬರೆದ್ ಹ್ಯಾಷ್ ಟ್ಯಾಗ್ ಪಾರ್ದ್ , “ಲಷ್ಕರ್‌‌ ಜಿಂದಾಬಾದ್”‌‌‌‌‌ ಪಂದ್ ಲಾ ಬರೆದಿತ್ತೆರ್.

Mangalore: Mangalore city police have arrested an accused in connection with a mock-up of militants in Mangalore city

The accused has been identified as Nazir Muhammad (26) of Tirthahalli.

Kadri police arrested him early Thursday morning and are investigating. He is said to have been arrested based on mobile records.

Do not urge us to invite Lashkar-e-Taiba and the Taliban to face the Sanghi (“Do Not Force Us to Invite Lashkar-e-Toiba and Taliban to Deal with Sanghis and Manvedis”) It was also written as Lashkar Jindabad.