ಕಂಬಳ ಕ್ಷೇತ್ರ

ಹುಷಾರ್ ದಾoತೆ ತೀರ್ ಪೋಯಿನ ಕರಿನ ಮುಪ್ಪ ವರ್ಷರ್ದ್ ಕಂಬಳ ಕ್ಷೇತ್ರಡ್ ಗಣನೀಯ ಸಾಧನೆ ಮಲ್ತಿನ ರೆಂಜಾಳ ಎಡ್ಯಾರ ಇಲ್ಲದ ಯುವರಾಜ್ ಜೈನ್

Dec 8, 2021

ಕಾರ್ಲ : ಕರಿನ ಮುಪ್ಪ ವರ್ಷರ್ದ್ ಕಂಬಳ ಕ್ಷೇತ್ರd ಗಣನೀಯ ಸಾಧನೆ ಮಲ್ತಿನ ರೆಂಜಾಳ ಎಡ್ಯಾರ ಇಲ್ಲದ ಯುವರಾಜ್ ಜೈನ್(65) ನ.7 ರ ಅಂಗಾರೆ ಕಾಂಡೆ ತಿಗಲೆ ಬೇನೆ ರ್ದ್ ತೀರ್ ಪೋಯೆರ್ . ಕುಡ್ಲದ ಒಡಿಪು, ಕಾಸ್ರೋಡು ಪೇಂಟೆದ ಜೋಡುಕರೆ ಕಂಬಳಡ್ ಅಡ್ಡ ಪಲಾಯಿದ ವಿಭಾಗಡ್ ಅವ್ವೆತೋ ಮಾನದಿಗೆ ಪಡೆದ್ ಇತ್ತೆರ್ . ಪ್ರಸಕ್ತ ವರ್ಷದ ಸುರುತ ಜೋಡುಕರೆ ಕಂಬಳವಾಯಿನ ಬಂಟ್ವಾಳ ಪೇಂಟೆದ ಹೊಕ್ಕಾಡಿ ಗೋಳಿಡ್ ನಡತಿನ ಜೋಡುಕರೆ ಕಂಬಳಡ್ ಬಲ್ಲ್ ದ ಎಲ್ಯ ವಿಭಾಗಡ್ ರಡ್ಡ ನೆ ಮಾನದಿಗೆ ಕಂದೆರ್.

Senior Kambla entusiast Ranjala Yuvraj Jain no more :

Karkala : Ranjala Yadyar house Yuvraj Jain (65) a senior Kambla entusiast expired on December 7 th. He had been participating and working in the field of the Kambla sport from the past 30 years. He had won many awards in various sub sections of the sport in Mangalore, Udupi and Kasaragod.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಎಲ್ಯ ಪ್ರಾಯೊಡೇ ಕಂಬಳ ಕ್ಷೇತ್ರಡ್ ವಿಶೇಷ ಸಾಧನೆ ಮಲ್ತಿನ ಜವನೆ ತ್ರಿಷಾಲ್ ಪೂಜಾರಿ ಬೋಳಾರ್

Mar 28, 2021

ತನ್ನ ಕಿನ್ಯ ಪ್ರಾಯೊಡೇ ಎರುತ ಪಿರವು ಪೋದು ಇತ್ತೆದ ಯುವ ಪೀಳಿಗೆಗ್ ಸ್ಫೂರ್ತಿ ಆಯಿನ ಕುಡ್ಲದ ಜವನೆ ತ್ರಿಷಾಲ್ ಪೂಜಾರಿ ಬೋಳಾರ್.

ಕುಡ್ಲದ ಮಂಗಳಾದೇವಿ ದ ಕೈತಲ್ ಬೋಳಾರ್ ಡ್ ಉಪ್ಪುನ ಮೇರ್ ಎಲ್ಯ ಪ್ರಾಯಡೆ ಎರುತ ಮಿತ್ತ್, ಕಂಬಳ ಕ್ರೀಡೆದ ಮಿತ್ತ್ ಆಕರ್ಷಣೆ ಪಡೆದ್ ತನ್ನ 16 ವರ್ಷ ಪ್ರಾಯೋಡೆ ಈ ಕಲೊಕ್ಕು ಬೈದೆರ್.

ತನ್ನ ಪಿಯುಸಿ ವ್ಯಾಸಂಗನ್ ಕುಡ್ಲದ ಸಂತ ಅಲೋಶಿಯಸ್ ಕಾಲೇಜ್ ಡ್ ಮಲ್ತಿನ ಮೇರ್, ಎಸ್.ಡಿ.ಎಂ ಕಾಲೇಜ್ ಡ್ ಡಿಗ್ರಿ ಮಲ್ದೆರ್ ಅಂಚನೇ ಫೈನಾನ್ಸ್ ಬೊಕ ಎಚ್ಆರ್ ಡ್ ಎಂ.ಬಿ.ಎ ಮಲ್ತ್ ದ್ ತನ್ನ ಸ್ವಂತ ಉದ್ಯೋಗ ಮಲ್ತೊಂದು ಕಂಬಳ ಕ್ಷೇತ್ರಗ್ ಜತ್ತೆರ್. “ಎಂಕ್ ಲಾ ಎರು ಬೋಡು ತಾನ್ ಲಾ ಕಂಬಳ ಗ್ ಪೋವೊಡು ” ಪನ್ಪಿನ ಅಂಗಲ್ಪುಡು ತಾನ್ ದ್ವಿತೀಯ ಪಿಯುಸಿ ವ್ಯಾಸಂಗ ಮಲ್ಪುನಗನೇ ಸುರುತ ಅಡ್ಡಪಲಯಿ ಎರು ಕಟ್ಟಿಯೆರ್ ಅವ್ವೆ ವರ್ಷ ಕಂಬಳಡ್ ಪಾಲ್ ಪಡೆದ್ ಅವ್ವೆ ವರ್ಷಡ್ ಕಂಬಳಡ್ 11 ಮೆಡಲ್ ಕಂತಿನ ಪುಗಾರ್ತೆ ಮೆರೆಗ್ ಉಂಡು. ಏಳ್ ವರ್ಷ ಎರು ಗಿಡದಿನ ಮೆರ್ನ ಈ ಕೂಟ ಗ್ ಮೂಜಿ ವರ್ಷ ಚಾಂಪಿಯನ್ ಶಿಪ್ ಲಾ ಪಡೆತ್oಡ್.ಇಲ್ಲಡ್ ಇತ್ತೆ 5 ಎರು ಸಾಂಕೊಂದು ಉಲ್ಲೆರ್ ಎರುಕುಲ್ಲಾ ಬೇತೆ ಬೇತೆ ವಿಭಾಗಡ್ ಇನಾಮು ಗೆಂದ್ ದ್ ಪುದರ್ಲಾ ಮಲ್ದುಂಡು.ದಕ್ಷಿಣ ಕನ್ನಡ, ಉಡುಪಿ, ಕಾಸ್ರೋಡುಡು ನಡಪುನ ಮಾತಾ ಕಂಬಳಡ್ ಲಾ ತ್ರಿಷಾಲ್ ಪೂಜಾರ್ಲೆನ ಎರುಕುಲು ಪಾಲ್ ಪಡೆದ್ ಪುಗಾರ್ತೆ ಪಡೆದ್oಡ್.2021 ನೇ ಇಸವಿಡ್ ಆಯಿನ 8 ಕಂಬಳಡ್ 7 ಕಂಬಳಡ್ ಮೆರ್ನ ಎರು ಇನಾಮು ಪಡೆತ್oಡ್. ಕರಿನ 8 ವರ್ಷ ರ್ದ್ ಈ ಕಲೊಕು ಜೈದಿನ ಮೇರ್ನ ಎರುಕುಲು ಇನಿ ಮುಟ ಸರಿ ಸುಮಾರ್ 60 ರ್ದ್ 70 ಮುಟ ಇನಾಮುಲ ಪಡೆತ .

ಪೊಸ ಜವಣ್ಯೆರ್ ,ಪೊಸ ಜೋಕುಲು ನನಾತ್ ಕಂಬಳ ಕ್ಷೇತ್ರಗ್ ಬರೊಡು, ಎರು ಕಟ್ಟೊಡು, ಕಂಬಳಡ್ ಪಾಲ್ ಪಡೆಯೊಡು ನನಾತ್ ಈ ಕ್ಷೇತ್ರಡ್ ಸಾಧನೆ ಮಲ್ಪೊಡು ಪನ್ಪಿನವು ತ್ರಿಷಾಲ್ ಪೂಜಾರ್ಲೆನ ಆಶಯ.

ಬಾರಿ ಸೌಮ್ಯ ಸ್ವಭಾವದ, ಮಾತೆರ್ಡಲ ಮೋಕೆಡ್ ಪಾತೆರುನ, ಗೌರವ ಸ್ವಭಾವದ ಎಲ್ಯ ಪ್ರಾಯದ ತ್ರಿಷಾಲ್ ಪೂಜೆರ್ಲೆಗ್ ಕಂಬಳ ಕ್ಷೇತ್ರಡ್ ನನಾತ್ ಅವಕಾಶೊಲು ತಿಕ್ಕಡ್, ಆರ್ನ ಭವಿಷ್ಯ ನನಾತ್ ಉಜ್ವಲ ಆವಡ್, ದುಂಬುದ ಯುವ ಪೀಳಿಗೆಗ್ ಮೆರ್ನ ಸಾಧನೆ ಸ್ಫೂರ್ತಿ ಆವಡ್ ಪನ್ಪಿನವು ಆಶಯ.

ಕಂಬಳ ಕ್ಷೇತ್ರಡ್ ಸಾಧನೆ ಮಲ್ತಿನ ಯುವ ಪ್ರತಿಭೆ ರಾಜೇಶ್ ಆಚಾರ್ಯ ಮಾಂಟ್ರಾಡಿ ಮೆರೆಗ್ ಜೈ ತುಳುನಾಡ್ ರಿ. ಕಾರ್ಲ ಯುನಿಟ್, ವತಿರ್ದ್ ಮಾನದಿಗೆ

Mar 9, 2021

ಮಾರ್ಚ್ 09: ಕಂಬಳ ಕ್ಷೇತ್ರಡ್ ಸಾಧನೆ ಮಲ್ತಿನ ಯುವ ಪ್ರತಿಭೆ ರಾಜೇಶ್ ಆಚಾರ್ಯ ಮಾಂಟ್ರಾಡಿ ಮೆರೆಗ್ ಜೈ ತುಳುನಾಡ್ ರಿ. ಕಾರ್ಲ ಯುನಿಟ್, ಯಕ್ಷತೀರ್ಥ ಕಲಾಸೇವೆ ನೂರಾಳ್‌ಬೆಟ್ಟು, ಹಿಂದೂ ಜಾಗರಣ ವೇದಿಕೆ ಹೊಸ್ಮಾರು ವಲಯದ ಕಾರ್ಯಂತೆರೆರ್ದ್ ಮಾನಾದಿಗೆ ಲೇಸ್ ನಡತ್ಂಡ್.

ಈ ಪೊರ್ತುಡು ವಿಶು ಶ್ರೀಕೇರ, ಸದಾನಂದ ನೂರಾಳ್‌ಬೆಟ್ಟು, ಶೇಖರ್ ಶ್ರೀಗಂಗೆ, ಪವನ್ ಕರ್ಕೇರ, ಅಶೋಕ್ ಎಂ.ಕೆ., ಪ್ರಶಾಂತ್ ಆಚಾರ್ಯ, ಪ್ರಶಾಂತ್ ಶ್ರೀನಿಧಿ, ಸವಿತ್ ರಾಜ್, ರಾಜೇಶ್ ಆಚಾರ್ಯ ನೂರಾಳ್‌ಬೆಟ್ಟು ಮಾ.ವಿರಾಟ್ ರಾಜೇಶ್ ಆಚಾರ್ಯ ಪಾಲ್ ಪಡೆದ್ ಇತ್ತೆರ್.