ಓಟು

ರಾಜ್ಯಸಭಾ ಓಟುಡು ಹಠಸಾಧಿಸಾದ್ ಗೆಂದಿನ ಸಿದ್ದರಾಮಯ್ಯ

Jun 10, 2022

ರಾಜ್ಯಸಭಾ ಓಟುಡು ಹಠಸಾಧಿಸಾದ್ ಗೆಂದಿನ ಸಿದ್ದರಾಮಯ್ಯ

ಬೆಂಗ್ಳೂರು: ಬಾರಿ ಕುತೂಹಲ ಪುಟ್ಟಾಯಿನ ರಾಜ್ಯಸಭಾ ಓಟುಡು( Rajya Sabha election ) ಕಾಂಗ್ರೆಸ್ ಒಂಜಿ ತಾನೋ ಗೆಂದುನಲ್ಪ ಯಶಸ್ವಿ ಆತುಂಡು . 2ನೇ ಅಭ್ಯರ್ಥಯಾದ್ ಕಣಕ್ ಜತ್ತಿನ ಮನ್ಸೂರ್ ಖಾನ್ ಗೆಂದುನಾತ್ ಓಟು ಬೂರ್ದಿಜಿ . ಅಂಚಿಡ್ ಜೆಡಿಎಸ್ ಅಭ್ಯರ್ಥಿ ಕುಪೇಂದ್ರ ರೆಡ್ಡಲಾ ಸೋತೆರ್ . ಕಾಂಗ್ರೆಸ್-‌ ಜೆಡಿಎಸ್ ಜಿದ್ದಾಜಿದ್ದಿದ ಲಾಭ ಬಿಜೆಪಿದ ಮೂಜೆ ಅಭ್ಯರ್ಥಿಗ್ ಆತುಂಡು.

ಕಾಂಗ್ರೆಸ್‌ದ 2ನೇ ಅಭ್ಯರ್ಥಿ ಸೋತುಂಡಲ ಹಠ ಸಾಧನೆ ಮಲ್ತ್ ಗೆಂದುನಲ್ಪ ಸಿದ್ದರಾಮಯ್ಯ (Siddaramaiah ) ಯಶಸ್ವಿ ಆತೆರ್ . ಕಾಂಗ್ರೆಸ್ ಬೆಂಬಲಡ್ ಅಭ್ಯರ್ಥಿ ಗೆಂದುನ ಸಿದ್ದರಾಮಯ್ಯನಕ್ಲೆಗ್ ಸುತಾರಾಂ ಇಷ್ಟ ಇತ್ತೀಜೆರ್ .

ಭುವನೇಂದ್ರ ಪ್ರೌಢಶಾಲೆಡ್ ಶಾಲಾ ವಿದ್ಯಾರ್ಥಿ ಸಂಸತ್ತು ಓಟು

Jun 9, 2022

ಭುವನೇಂದ್ರ ಪ್ರೌಢಶಾಲೆಡ್ ಶಾಲಾ ವಿದ್ಯಾರ್ಥಿ ಸಂಸತ್ತು ಓಟು

ಕಾರ್ಲ : ಕಾರ್ಲದ ಶ್ರೀಮದ್ ಭುವನೇಂದ್ರ ಪ್ರೌಢ ಶಾಲೆಡ್ ಶಾಲಾ ವಿದ್ಯಾರ್ಥಿ ಸಂಸತ್ಗ್ ಓಟು ನಡತುಂಡು . ಮತದಾರರ ಸಾಕ್ಷರತಾ ಸಂಘದ ನೋಡೆಲ್ ಶಿಕ್ಷಕ ದಿವ್ಯಾಕುಮಾರ್ ಸಿ ಕೆ ಮೇರ್ ಓಟುಡು ಮತದಾನದ ಮಹತ್ವನ್ ಪಂದ್ ಭಾರತದ ಪ್ರಜಾಪ್ರಭುತ್ವಡ್ ಪ್ರಜೆಕುಲೇ ಪ್ರಭು ಆದ್ ಉಲ್ಲೆರ್ . ಅಂಚನೆ ಓಟುಡು ಆಯೆ ಮತದಾರಪ್ರಭುಲಾ ಅಂದ್ ಪಂದ್ ಪಂಡೆರ್

ಶಾಲಾ ಮುಖ್ಯ ಶಿಕ್ಷಕಿ ಶ್ರೀಮತಿ ವೃಂದಾ ಶೆಣೈ ಮೆರೆನ ಮಾರ್ಗದರ್ಶನಡ್ ಕನ್ನಡ ಹಾಗೂ ಆಂಗ್ಲ ಮಾಧ್ಯಮ ಕ್ಷೇತ್ರಡ್ ಶಾಲಾ ನಾಯಕೆರ್ನ ತಾನೋಗು ಪ್ರತ್ಯೇಕವಾದ್ ಓಟು ನಡತುಂಡು ಪ್ರತ್ಯೇಕ ಮತಗಟ್ಟೆನ್ ಸುರು ಮಲ್ದೆರ್ . ಶಿಕ್ಷಕೆರ್ ಚುನಾವಣಾಧಿಕಾರಿಲಾದ್ ಪೋಲಿಂಗ್ ಅಧಿಕಾರಿಲಾದ್ ಅಂಚನೆ ಮಸ್ಟರಿಂಗ್ ಡಿ ಮಸ್ಟರಿಂಗ್ ಕೇಂದ್ರದ ಅಧಿಕಾರಿಲಾದ್ ಜವಾಬ್ದಾರಿನ್ ಪಂಡೆರ್.

ಕನ್ನಡ ಮಾಧ್ಯಮ ವಿಭಾಗಡ್ ರಂಗನಾಥ ಬೊಕ್ಕ ಅನ್ನಪೂರ್ಣ ಕಾಮತ್ ಮೆಕ್ಲೆನ ನಡುಟು ನೇರ ಸ್ಧರ್ಧೆ ನಡತ್ ದ್ ರಂಗನಾಥ್ ಗೆಂದಿಯೆರ್ . ಆಂಗ್ಲ ಮಾಧ್ಯಮಡ್ ಜೇಸನ್ ವಿದ್ಯಾರ್ಥಿ ನಾಯಕೆ ಆದ್
ಆಯ್ಕೆ ಆಯೆರ್ .

ಮಂಜೇಶ್ವರ ಓಟು ರ್ದು ಪಿರ ದೆಪ್ಪೆರೆ ಲಂಚ ಪ್ರಕರಣ : ಕೇರಳ ಬಿಜೆಪಿ ರಾಜ್ಯಾಧ್ಯಕ್ಷ ಸುರೇಂದ್ರನ್ ವಿರುದ್ಧ ಜಾಮೀನುದೊಟ್ಟುಗು ವಾರಂಟ್

Jun 8, 2022

ಮಂಜೇಶ್ವರ ಓಟು ರ್ದು ಪಿರ ದೆಪ್ಪೆರೆ ಲಂಚ ಪ್ರಕರಣ : ಕೇರಳ ಬಿಜೆಪಿ ರಾಜ್ಯಾಧ್ಯಕ್ಷ ಸುರೇಂದ್ರನ್ ವಿರುದ್ಧ ಜಾಮೀನುದೊಟ್ಟುಗು ವಾರಂಟ್

ಮಂಜೇಶ್ವರ : ದೇಶದ ರಾಜಕೀಯಡ್ ಅಪರೂಪದ ಪ್ರಕರಣವಾಯಿನ ಮಂಜೇಶ್ವರ ವಿಧಾನಸಭೆ ಓಟುದ ಪೊರ್ತುಡು ಭಾರಿ ಸುದ್ದಿಯಾಯಿನ ಓಟು ರ್ದು ಪಿರ ಬರೊಡು ಪಂದ್ ಲಂಚ ಪ್ರಕರಣಡ್ ಕೇರಳ ಬಿಜೆಪಿ ರಾಜ್ಯಾಧ್ಯಕ್ಷ ಕೆ. ಸುರೇಂದ್ರನ್ ವಿರುದ್ಧ ಕ್ರೈಂ ಬ್ರಾಂಚ್ ಜಾಮೀನು ರಹಿತ ವಾರೆಂಟ್ ಜಾರಿ ಮಲ್ದೆರ್ .

ಕೆ. ಸುರೇಂದ್ರನ್ ವಿರುದ್ಧ ಪರಿಶಿಷ್ಟ ಜಾತಿ ಬೊಕ್ಕ ಪರಿಶಿಷ್ಟ ಪಂಗಡದ ದೌರ್ಜನ್ಯ ತಡೆ ಇಲಾಖೆ ಆರೋಪ ಜಾಸ್ತಿ ಆತುಂಡು . ಉಂದು ಜಾಮೀನು ರಹಿತ ಸೆಕ್ಷನ್ ಪ್ರಕರಣ ಆದ್ ಉಂಡು , ಕೆ ಸುರೇಂದ್ರನ್ ಸೇರಿನಂಚ ಆಜಿ ಜನ ಆರೋಪಿಲೆನ್ ಪತ್ತ್ದೆರ್ .

ಮಂಜೇಶ್ವರ ವಿಧಾನಸಭಾ ಕ್ಷೇತ್ರದ ಬಿಎಸ್‌ಪಿ ಅಭ್ಯರ್ಥಿ ಕೆ. ಸುಂದರ ಮೆರ್ನ ಉಮೇದುವಾರಿಕೆನ್ ಪಿರ ದೆಪ್ಪರೆ 2.5 ಲಕ್ಷ ರೂ. ಬೊಕ್ಕ ಸ್ಮಾರ್ಟ್‌ಫೋನ್ ಕೊರ್ದು ಕುಡ್ಲಡ್ ಬಾರ್ ಮಲ್ದಿನ ಆಶ್ವಾಸನೆ ಬಗ್ಗೆ ಪ್ರಕರಣಡ್ ದೂರು ಮಲ್ದೆರ್ .

ಪೊಸ ಸೆಕ್ಷನ್ ಜಾರಿರ್ದ್ ಪ್ರಕರಣದ ಮಹತ್ವ ಜಾಸ್ತಿ ಆಯರೇ ಉಂಡು . ಪ್ರಕರಣ ದಾಖಲಾಯಿನ ಒಂಜಿ ವರ್ಷರ್ದ್ ಬೊಕ್ಕ ಕ್ರೈಂ ಬ್ರಾಂಚ್ ಮಧ್ಯಂತರ ವರದಿನ್ ನ್ಯಾಯಾಲಯಗ್ ಕೊರ್ದು ಇತ್ತೆರ್ ಪಂದ್ ಮಾಹಿತಿ ತೆರಿದ್ ಬೈದುಂಡು.

ಕೊರಂಗ್ರಪಾಡಿ ಓಟುಡು ಗೆಂದಿನ ಶಂಕರ್ ಪಾಲನ್

May 23, 2022

ಕೊರಂಗ್ರಪಾಡಿ ಓಟುಡು ಗೆಂದಿನ ಶಂಕರ್ ಪಾಲನ್

ಒಡಿಪು : ಅಲೆವೂರು ಗ್ರಾಮ ಪಂಚಾಯತ್‌ದ ಕೊರಂಗ್ರಪಾಡಿ -೩ ವಾರ್ಡ್‌ಡ್ ನಡತಿನ ಓಟುಡು ಬಿಜೆಪಿ ಬೆಂಬಲಿತ ಶಂಕರ್ ಪಾಲನ್ ೬೭ ಓಟುಡ್ ಗೆಂದಿಯೆರ್.

ದುಂಬುಡು ಸದಸ್ಯೆರಾದ್ ಇತ್ತಿನ ಕಾಂಗ್ರೆಸ್ ಮುಖಂಡ ಪ್ರವೀಣ್ ಶೆಟ್ಟಿ ತೀರ್ ಪೋಯಿಬೊಕ್ಕ ತೆರವಾಯಿನ ತಾನೊಗು ಉಪಚುನಾವಣೆ ನಡತ್ದಿತ್ತುಂಡು .

ಓಟುಡು ಒಟ್ಟು ೭೪೦ ಓಟು ಪಡೆದ್ ಶಂಕರ್ ಪಾಲನ್ ೪೦೦ ಬೊಕ್ಕ ಎದುರಾಳಿ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ, ಪ್ರವೀಣ್ ಶೆಟ್ಟಿ ಸಹೋದರ ಪ್ರಸಾದ್ ಜೆ.ಶೆಟ್ಟಿ ೩೩೩ ಮತ ಪಡೆತೆರ್.

ಕೋಟೆಕಾರ್ ಪಟ್ಟಣ ಪಂಚಾಯಿತಿಡ್ ನಡಪುನ ಓಟುಡು ಪಂಥಗ್ ಉಂತಿನ ಶ್ರೀ ಧೀರಜ್

Dec 19, 2021

ಕೋಟೆಕಾರ್ ಪಟ್ಟಣ ಪಂಚಾಯಿತಿಗ್ ನಡಪುನ ಚುನಾವಣೆಗ್ 10ನೇ ವಾರ್ಡ್ ರ್ದ್ ಅಭ್ಯರ್ಥಿಯಾದ್ ಶ್ರೀ ಧೀರಜ್ ಇಂಬೆರ್ ಸ್ಪರ್ಥಿಸೊಂದು ಉಲ್ಲೆರ್.ಕೋಟೆಕಾರ್ : ದಿ! ರಾಮಚಂದ್ರ ಬುಕ್ಕ, ಕೋಟೆಕಾರ್ ಪಟ್ಟಣ ಪಂಚಾಯಿತಿಡ್ ನಡಪುನ ಓಟುಡ್ 10ನೇ ವಾರ್ಡ್ ರ್ದ್ ಅಭ್ಯರ್ಥಿಯಾದ್ ಶ್ರೀ ಧೀರಜ್ ಇಂಬೆರ್ ಸ್ಪರ್ಥಿಸೊಂದು ಉಲ್ಲೆರ್.

ದಿ! ರಾಮಚಂದ್ರ ಬುಕ್ಕ ಶಾಂತ ದಂಪತಿಲೆನ ಮಗೆಯಾಯಿನ ಇಂಬೆರ್ ಸೇವಾ ಮನೋಭಾವಣನೆ ಬೊಕ್ಕ ಸಾಮಾಜಿಕ ಕಳಕಳಿಡ್ ತನನ್ ತಾನ್ ತೊಡಗಿಸಾವೊಂದು ಜನಕ್ಲೆನ ಉಡಲ್ ಗೆಂದ್ ದೆರ್.ಕೋಟೆಕಾರ್ ಪಟ್ಟಣ ಪಂಚಾಯಿತಿ 10ನೇ ವಾರ್ಡ್ ದ ಕೌನ್ಸಿಲರ್ ಆದ್ 5 ವರ್ಷೊಲೆಡ್,ಸಾದಿ, ಚರಂಡಿ. ಗುವೆಲ್,ಪೈಪ್‌ಲೈನ್ ಪಾಡುನು,ಇಂಟರ್ಲಾಕ್ ಪಾಡುನು,ಡಾಮರಿಕರಣ ವ್ಯವಸ್ಥೆ, ಸೇತುವೆ,ಇಂಜಿನ ಅವೆತೊ ಅಭಿವೃದ್ಧಿಕಾರ್ಯ ಬುಕ್ಕ ಸರ್ಕಾರದ ಕೆಲವು ಯೋಜನೆಲೆನ್ ಜನ ಸಾಮಾನ್ಯರೆಗ್ ತಿಕ್ಕುಲೆಕ ಮನ್ಪೆರೆ ಅವೇತೊ ಶ್ರಮ ವಯಿಸಿದ್ ಯಶಸ್ವಿಯಾತೆರ್. 5 ವರ್ಷೊಲೆದ ಪೊರ್ತುಡು ಬೇತೆ ಬೇತೆ ರೀತಿದ ಅನುದಾನೊಲೆನ್ ಸಮರ್ಪಕವಾದ್ ಜನಸಾಮಾನ್ಯರೆಗ್ ತಿಕ್ಕುಲೆಕ ಮಂತ್ದ್. ಮಾತೆರ್ನಲ ಶ್ಲಾಘನೆಗ್ ಪಾತ್ರಾರಾತೆರ್.
ಸರ್ವಜನಿಕೆರೆನ ಅವೆತೊ ಸಮಸ್ಯೆಲೆಗ್ ಸದಾ ಸ್ಪಂದಿಸೊಂದು ಉಪ್ಪುನ ಇಂಬೆರ್ ನನೊರ 10ನೇ ವಾರ್ಡ್ ರ್ದ್ ಅಯ್ಕೆಯಾದ್ ಈ ಚುನಾವಣೆಡ್ ಸ್ಪರ್ಥಿಸೊಂದು ಉಲ್ಲೆರ್. ಇಂಬೆರ್ ಮಸ್ತ್ ಓಟುಲೆಡ್ ಓಟು ಡು ಗೆಂದ್ ದ್ ಬರಡ್ . ನನಲಾತ್ ಜನ ಸೇವೆ ಮನ್ಪೆರೆ ಅವಕಾಶ ತಿಕ್ಕಡ್ ಪಂದ್ ಎಡ್ಡೆಪು ಬಯಕುನ ಸಾರ್ವಜನಿಕೆರ್ 10ನೇ ವಾರ್ಡ್.

✒️ಕಿಶೋರ್ ಕುಸಲ್ ನಗರ (ಮತದಾರೆರ್ 10ನೇ ವಾರ್ಡ್ ಕೋಟೆಕಾರ್)

ಓಟು ಪಾಡುನ ಕೇಂದ್ರ ದ ಸುತ್ತ ನಿಶೇದಾಜ್ಞೆ ಜಾರಿ : ಜಿಲ್ಲಾಧಿಕಾರಿ ಕೂರ್ಮಾ ರಾವ್

Dec 7, 2021

ಒಡಿಪು : ಕುಡ್ಲದ ಕೈತಲ್ ದ ಪ್ರಾಧಿಕಾರಿ ವಿಧಾನ ಪರಿಷತ್ತು ದ ಓಟುದ ನೆಲೆಟ್ಟ್ ಒಡಿಪುದ ಓಟುದ ಬೂತು ದ ಕೈತಲ್ 200 ಮೀಟರ್ ವ್ಯಾಪ್ತಿಡ್ ಡಿ.9 ತಾರೀಖ್ ಗ್ ಬೈಯ್ಯಗ್ 5ಗಂಟೆರ್ದ್ ಡಿ.10 ತಾರೀಖ್ ಬೈಯ್ಯಗ್ 5 ಗಂಟೆ ಮುಟ ನಿಷೇಧಾಜ್ಞೆ ಪಾರ್ದ್ ಒಡಿಪು ಜಿಲ್ಲಾಧಿಕಾರಿ ಕೂರ್ಮಾ ರಾವ್ ಆದೇಶ ಕೊರ್ತೆರ್ .

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಓಟುಡು ಶ್ರೀನಿವಾಸ ನಾಯಕ್, ಆರಿಫ್ ಮುಹಮ್ಮದ್ ಸೇರ್ದ್ 15 ಜನ ನಿರ್ದೇಶಕೆರ್ ಆಯ್ಕೆ

Apr 28, 2021

ಕುಡ್ಲ : ದಕ್ಷಿಣ ಕನ್ನಡ ಜಿಲ್ಲೆದ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಮುತಾಲಿಕೆಡ್ ಪೊಸತಾದ್ ಉದಿಪನ ಆದಿತ್ತಿನ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘದ ಪೊಸ ಆಡಳಿತ ಮಂಡಳಿ ನಿರ್ದೇಶಕೆರ್ನ ಸ್ಥಾನೊಗು ಕುಡ್ಲದ ಪತ್ರಿಕಾ ಭವನೊಡು ಅಂಗಾರೆ ನಡತಿನ ಓಟುಡು ಶ್ರೀನಿವಾಸ ನಾಯಕ್ ಇಂದಾಜೆ , ಮುಹಮ್ಮದ್ ಆರಿಫ್ ಸೇರ್ದ್ 15 ಜನ ನಿರ್ದೇಶಕೆರಾದ್ ಆಯ್ಕೆ ಆಯೆರ್.

ಒಟ್ಟು 15 ಸ್ಥಾನೊಡು 9 ಸಾಮಾನ್ಯ ಸ್ಥಾನೊಗು 12 ಅಭ್ಯರ್ಥಿಲು ಓಟುದ ಕಲಟ್ಟ್ ಇತ್ತೆರ್.
ಬಯ್ಯಡ್ ಓಟು ಗೆನ್ಪುನ ಕಜ್ಜ ನಡತಿ ಬೊಕ್ಕ ದಕ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲು ಶ್ರೀನಿವಾಸ್ ನಾಯಕ್ ಇಂದಾಜೆ (177), ಆತ್ಮಭೂಷಣ್ ಭಟ್ (118), ಇಬ್ರಾಹಿಂ ಅಡ್ಕಸ್ಥಳ (139), ಜಿತೇಂದ್ರ ಭಟ್ (127), ಸುಖ್ ಪಾಲ್ ಪೊಳಲಿ (146), ಭಾಸ್ಕರ ರೈ ಕಟ್ಟ (167), ಪುಷ್ಪರಾಜ್ ಬಿ.ಎನ್. (157), ಕೇಶವ ಕುಂದರ್ (115) ಅಂಚೆನೇ ವಿಲ್ಫ್ರೆಡ್ ಡಿಸೋಜ (127) ಆಯ್ಕೆಆಯೆರ್.ಬಾಕಿದ ಸ್ಪರ್ಧಿಲು ಆದಿತ್ತಿನ ಅಶೋಕ್ ಶೆಟ್ಟಿ (48), ಎಸ್.ಜಯರಾಮ್ (57), ರವಿಚಂದ್ರ ಬಿ (88) ಓಟು ಪಡೆತೆರ್.
ಹಿಂದುಳಿದ ವರ್ಗ ಪ್ರವರ್ಗ ಎ ಮೀಸಲು ಕ್ಷೇತ್ರೊರ್ದು ಮುಹಮ್ಮದ್ ಆರಿಫ್ (91) ಬೊಕ್ಕ ವಿಜಯ ಕೋಟ್ಯಾನ್ (67) ಆಯ್ಕೆ ಆತೆರ್. ಈ ವಿಭಾಗೊಡು 2 ಸ್ಥಾನೊಗು 7 ಅಭ್ಯರ್ಥಿಲು ಕಲಟ್ಟ್ ಇತ್ತೆರ್. ನರೇಂದ್ರ ಎಂ.ಪೂಜಾರಿ (27), ಮನೋಹರ ಬಳಂಜ (34), ರಾಜೇಶ್ ಪೂಜಾರಿ (60), ಮೊಹಮ್ಮದ್ ಅನ್ಸಾರ್ ಇನೋಳಿ (49) ಹಾಗೂ ಸಿದ್ದಿಕ್ ನೀರಾಜೆ (42) ಓಟು ದೆತೊಂದೆರ್.ಎಸ್ ಸಿ ಮತ್ತು ಎಸ್ ಟಿ ಸ್ಥಾನೊಗು ಸುರೇಶ್ ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ , ಮಹಿಳಾ ಕ್ಷೇತ್ರೊಗು ಸತ್ಯವತಿ ಬೊಕ್ಕ ಶಿಲ್ಪಾ ಅವಿರೋಧ ಆಯ್ಕೆ ಆದಿತ್ತೆರ್.
ಒಟ್ಟು 209 ಷೇರುದಾರೆರ್ನ ಪೈಕಿ 198 ಸದಸ್ಯೆರ್ ಓಟು ಪಾಡ್ದಿತ್ತೆರ್. ಒಟ್ಟಾರೆ ಶೇ.94.98 ಮತದಾನ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದ.ಕ. ಜಿಲ್ಲೆದ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರಿ ಸಂಘದ ಓಟುಡು ಶೇ.95 ಮತದಾನ

Apr 27, 2021

ಕುಡ್ಲ : ಪೊಸತ್ತಾದ್ ಉದಿಪನ ಆಯಿನ ದ.ಕ. ಜಿಲ್ಲಾ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘೊದ ಆಡಳಿತ ಮಂಡಳಿಗ್ ಏ.27 ಅಂಗಾರೆ ನಡತಿನ ಓಟುಡು ಶೇ.94.73 ಮತದಾನ ಆತ್ಂಡ್.ಸಾಮಾನ್ಯ ವಿಭಾಗೊಡು 12 ಸದಸ್ಯೆರ್ ಅಭ್ಯರ್ಥಿ ಲಾದಿತ್ತೆರ್. ಅಯಿಟ್ಟ್ ಮತದಾರೆರ್ 7 ಜನಕ್ಕ್ ಓಟು ಪಾಡರೆ ಇತ್ತ್ಂಡ್.

ಹಿಂದುಳಿದ ವರ್ಗದ ವಿಭಾಗೊಡು 7 ಅಭ್ಯರ್ಥಿಲು ಸ್ಪರ್ಧೆ ದ ಕಲೊಟ್ಟು ಇತ್ತೆರ್. ಅಯಿಟ್ಟ್ ರಡ್ಡ್ ಜನನ್ ಆಯ್ಕೆ ಮಲ್ಪರೆ ಅವಕಾಶ ಇತ್ತ್ಂಡ್.
ಪರಿಶಿಷ್ಟ ಜಾತಿ ಬೊಕ್ಕ ವಿಭಾಗೊಡು ಸುರೇಶ್ ಡಿ.ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ ಅವಿರೋಧ ಆಯ್ಕೆ ಆದಿತ್ತೆರ್.ಮಹಿಳಾ ವಿಭಾಗೊಡು ಸತ್ಯ , ಶಿಲ್ಪ ಅವಿರೋಧ ಆಯ್ಕೆ ಆತೆರ್.ಪತ್ರಿಕಾ ಭವನದ ಸಭಾಂಗಣೊಡು ಅಂಗಾರೆ ಕಾಂಡೆ 9 ಗಂಟೆರ್ದ್ ಬಯ್ಯ 4 ಗಂಟೆ ಮುಟ್ಟ ಓಟು ನಡತ್ಂಡ್.