ಐಸಿಯು

ಹಳ್ಳಿ ಹಳ್ಳಿಗ್ ಪೋದು ಆರೋಗ್ಯ ಸೇವೆ ಕೊರ್ರೆ ಉಪ್ಪುನ ಸಂಚಾರಿ ಐಸಿಯು

ಬಂಟ್ವಾಳ, ಜು.12: ಕೋವಿಡ್ ನಿಯಂತ್ರಣ ಕಾರ್ಯಡ್ ಕೈ ಜೋಡಾವುನ ನೆಲೆಟ್ಟ್ ಕೆಎಸ್‌ಆರ್‌ಟಿಸಿ ಸಾರಿಗೆ ಸುರಕ್ಷಾ-ಐಸಿಯು ಬಸ್ನ್ ವಿನ್ಯಾಸ ಮಲ್ದುಂಡು , ಬಂಟ್ವಾಳದ ಜನತೆಗ್ ಆರೋಗ್ಯ ಸೇವೆ ಕೊರ್ಪಿನ ನೆಲೆಟ್ಟ್ ಒಂಜಿ ಐಸಿಯು ಬಸ್ ಇತ್ತೇ ಬಿ.ಸಿ.ರೋಡು ಕೆಎಸ್‌ಆರ್‌ಟಿಸಿ ಘಟಕನ್ ಮುಟ್ಟುದುಂಡು.

ಕುಡ್ಲ, ಒಡಿಪು,ಕೊಡುಗು ಜಿಲ್ಲೆ ಉಪ್ಪುನ ಕುಡ್ಲ ಬೊಕ್ಕ ಪುತ್ತೂರು ಕೆಎಸ್‌ಆರ್‌ಟಿಸಿ ವಿಭಾಗ ವ್ಯಾಪ್ತಿಡ್ ಇಂದುವೆ ಸುರುತ್ತ ಸಲ ಕೆಎಸ್‌ಆರ್‌ಟಿಸಿ ಐಸಿಯು ಬಸ್ಸು ಬಂಟ್ವಾಳಗ್ ಬೈದುಂಡು.

ಬಂಟ್ವಾಳ ಶಾಸಕ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಮೇರ್ ಜೂ. 17 ಕ್ಕ್ ಉಪಮುಖ್ಯಮಂತ್ರಿಯಾಯಿನ ಸಾರಿಗೆ ಸಚಿವ ಲಕ್ಷ್ಮಣ ಸವದಿ ಮೆರೆನ್ ಭೇಟಿಯಾದ್ ಐಸಿಯು ಬಸ್ಸು ಕೊರ್ಪಿನ ಬಗ್ಗೆ ಚರ್ಚೆ ಮಲ್ತಿತ್ತೆರ್.