ಅಂಗಣ

ಸಮಾಜಸೇವಕೆ ಗಿರೀಶ್ ಮೆಂಡನ್ ರೆಗ್ ಹೊಸ ಅಂಗಣದ ಮಾನಾದಿಗೆ

Aug 1, 2021

ಮುಲ್ಕಿ : ಸಮಾಜ ಸೇವಕೆರ್, ಧಾರ್ಮಿಕ ಕ್ಷೇತ್ರೊಡು ಪುದರ್ ಪಡೆಯಿನ ಗಿರೀಶ್ ಮೆಂಡನ್ ಮೆರೆಗ್ ಹೊಸ ಅಂಗಣ ಪತ್ರಿಕೆದ ತಿಂಗಳ ಬೆಳಕು ಕಾರ್ಯಕ್ರಮೊಡು ಮಾನಾದಿಗೆ ನಡತ್ಂಡ್.
ಮುಲ್ಕಿ ಸ್ವಾಗತ ಹೋಟೆಲ್ ದ ಸಭಾಂಗಣೊಡು ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೆರೆನ ಗುರ್ಕಾರ್ಮೆಡ್ ಐತಾರ ಕಾಂಡೆ ಹೊಸ ಅಂಗಣ ಪತ್ರಿಕೆದ 72 ನೇ ಸಂಚಿಕೆ ಬುಡುಗಡೆದ ಲೇಸ್ ಡ್ ಈ ಮಾನಾದಿಗೆ ನಡತ್ಂಡ್.ಬಿನ್ನೆರಾದ್ ಮುಲ್ಕಿ ನಾಗರಿಕ ಸಮಿತಿದ ಅಧ್ಯಕ್ಷೆರ್ ಹರೀಶ್ ಪುತ್ರನ್, ಐಎಂಎ ದಕ ಜಿಲ್ಲಾದ್ಯಕ್ಷೆರ್ ಡಾ.ಅಚ್ಯುತ ಕುಡ್ವ, ಮುಲ್ಕಿ ರೋಟರಿ ಕ್ಲಬ್ ಅಧ್ಯಕ್ಷೆರ್ ಜಿ.ಶಿವರಾಮ್ ಅಮೀನ್ ಮಿತ್ತರ್ಮೆಡ್ ಇತ್ತೆರ್.
ಮುಲ್ಕಿ ರೋಟರಿ ಮಾಜಿ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ, ವಾಸು ಪೂಜಾರಿ ಚಿತ್ರಾಪು, ಅಬ್ದುಲ್ ರಜಾಕ್, ಪುರಂದರ, ರಾಘು ಸುವರ್ಣ ಇತ್ತೆರ್.

ಹೊಸ ಅಂಗಣ ಸಂಪಾದಕೆರ್ ಪಿ.ಹರಿಶ್ಚಂದ್ರ ಸಾಲ್ಯಾನ್ ಸ್ವಾಗತ ಮಲ್ತೆರ್. ಮುಲ್ಕಿ ರೋಟರಿ ಕಾರ್ಯದರ್ಶಿ ರವಿಚಂದ್ರ ಲೇಸ್ ಸುಧಾರಿಕೆ ಮಲ್ತೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್.

ಪೌರ ಕಾರ್ಮಿಕೆ ಅರುಣ್ ಕುಮಾರ್ ಗ್ ಹೊಸ ಅಂಗಣದ ಮಾನಾದಿಗೆ

May 27, 2021

ಮುಲ್ಕಿ : ಕೋವಿಡ್ ದಂಚಿನ ಸೀಕ್ ದ ಪೊರ್ತುಡು ತನ್ನ ಜೀವದ ಮಿತ್ತ್ ದ ಆಸೆ ದೀವಂದೆ ಪ್ರಾಮಾಣಿಕವಾದ್ ಸ್ವಚ್ಛತೆದ ಕೆಲಸ ಮಲ್ಪುನ ಪೌರ ಕಾರ್ಮಿಕೆರೆನ್ ನಮ ನಿಜವಾದ್ ಲ ಗುರ್ತಿಸಾದ್ ಗೌರವ ಮಲ್ಪೊಡು ಪಂಡ್ ದ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್.
ಮುಲ್ಕಿಡ್ ಗುರುವಾರ ಕಾಂಡೆ ನಡತಿನ ಹೊಸ ಅಂಗಣ ಪತ್ರಿಕೆದ ಸಂಚಿ ಬುಡುಗಡೆ ಬೊಕ್ಕ “ತಿಂಗೊಲ್ದ ಬೊಲ್ಪು” ಸರಣಿ ಮಾನಾದಿಗೆದ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಆರ್ ಪಾತೆರಿಯೆರ್.
ಮುಲ್ಕಿ ರೋಟರಿ ಕ್ಲಬ್ ದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ರ್ ಪಾತೆರ್ದ್, ಕೊರೊನಾ ವಾರಿಯರ್ಸ್ ನ್ ಮಾನಾದಿಗೆ ಮಲ್ದಿನ ಹೊಸ ಅಂಗಣ ಪತ್ರಿಕೆದ ಕೆಲಸ ಮೆಚ್ಚೊಡಾಯಿನವು ಪಂಡೆರ್.

ಉಂದುವೇ ಪೊರ್ತುಡು ಮುಲ್ಕಿ ನಗರ ಪಂಚಾಯ್ತಿದ ಪೌರ ಕಾರ್ಮಿಕೆ ಅರುಣ್ ಕುಮಾರ್ ಮೆರೆನ ಮಾನಾದಿಗೆ ನಡತ್ಂಡ್.
ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ರಮೇಶ್ ಅಮೀನ್ ಕೊಕ್ಕರಕಲ್, ನಿವೃತ್ತ ಪ್ರಾಚಾರ್ಯೆರ್ ವೈ.ಎನ್.ಸಾಲ್ಯಾನ್, ಪುರಂದರ ಸಾಲ್ಯಾನ್, ಅಬ್ದುಲ್ ರಜಾಕ್ ಮೊಕುಲು ಮಾತ ಬಿನ್ನೆರಾದ್ ಬತ್ತಿತ್ತೆರ್.ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಡಾ.ಹರಿಶ್ಚಂದ್ರ ಪಿ.ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್.ವಿಜಯ ಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್.