ಹರಿಕೃಷ್ಣ ಪುನರೂರು

ಗೌರವ ಡಾಕ್ಟರೇಟ್ ಪಡೆಯಿನ ಹೇಮಾವತಿ. ವಿ. ಹೆಗ್ಗಡೆ, ದೇವದಾಸ್ ಕಾಪಿಕಾಡ್ ಬೊಕ್ಕ ಹರಿಕೃಷ್ಣ ಪುನರೂರು

Apr 21, 2022

ಕುಡ್ಲ : ಶ್ರೀ ಕ್ಷೇತ್ರ ಧರ್ಮಸ್ಥಳದ ಜ್ಞಾನ ವಿಕಾಸ ಯೋಜನೆದ ಅಧ್ಯಕ್ಷೆ ಹೇಮಾವತಿ ವಿ. ಹೆಗ್ಗಡೆ, ಸಾಮಾಜಿಕ ಕಾರ್ಯಂತೆರಾಯಿನ ಹರಿಕೃಷ್ಣ ಪುನರೂರು, ರಂಗಕರ್ಮಿ ದೇವದಾಸ್ ಕಾಪಿಕಾಡ್ ಮೆಕ್ಲೆಗ್ ಕುಡ್ಲ ವಿಶ್ವವಿದ್ಯಾಲಯ ಗೌರವ ಡಾಕ್ಟರೇಟ್ ಪ್ರಕಟ ಮಲ್ದುಂಡು .

ಏ.23ಕ್ಕ್ ನಡಪರೆ ಉಪ್ಪುನ ವಿಶ್ವವಿದ್ಯಾಲಯದ 40ನೇ ಘಟಿಕೋಚ್ಚಯಡ್ ರಾಜ್ಯಪಾಲೆರಾಯಿನ ಥಾವರಚಂದ್ ಗೆಹ್ಲೊಟ್ ಮೇರ್ ಈ ಮೂಜಿ ಜನಕ್ ಡಿ.ಲಿಟ್. ಬೊಕ್ಕ ವೈದ್ಯಕೀಯ ಕ್ಷೇತ್ರದ ಸೇವೆಗಾದ್ ಶಿವಾನಂದ ನಾಯಕ್ ಮೆರೆಗ್ ಡಿ.ಎಸ್ಸಿ ಪದವಿ ಪ್ರದಾನ ಮಲ್ಪರೆ ಉಲ್ಲೆರ್ ಪಂದ್ ಕುಲಪತಿ ಪ್ರೊ. ಪಿ.ಎಸ್.ಯಡಪಡಿತ್ತಾಯ ಪಂಡೆರ್.

ಸಮಾಜಸೇವೆ ಮಲ್ಪುನಕಲೆಗ್ ಸಕಾಯ ಕೊರ್ಲೆ : ಹರಿಕೃಷ್ಣ ಪುನರೂರು ಮುಲ್ಕಿಡ್ ಆಪದ್ಬಾಂಧವ ಆಸಿಫೆರೆ ಗ್ ಮಾನಾದಿಗೆ

Dec 29, 2020

ಮುಲ್ಕಿ : ಇತ್ತೆದ ಸಮಾಜೊಡು ಸ್ವಂತ ಜೋಕಲೇ ತನ್ನ ಅಪ್ಪ ಅಮ್ಮನ್ ಸಾದಿಡ್ ಪಾಡುನ ಕಾಲ ಉಂದು ಇಂಚಿನ ಪೊರ್ತುಡು ತಾದಿಗ್ ಬೂರಿನ ಏರೆರ್ನ ಅಪ್ಪ ಅಮ್ಮರೆನ್ ಲೆತೊಂದು ಬತ್ತ್ದ್ ತಾಂಕುನವು ಎಲ್ಯ ಕೆಲಸ ಅತ್ತ್. ಅಂಚಿನ ಕೆಲಸ ನ್ ಮೈಮುನಾ ಫೌಂಡೇಶನ್‌ದ ಆಪದ್ಭಾಂಧವ ಆಸಿಫೆ ರೆಗ್ ಮಾತರ್ಲಾ ಬೆರಿಸಕಾಯ ಕೊರೊಡು , ಸಮಾಜಸೇವೆ ಮಲುನಕ್ಲೆನ್ ಕಾಲಿ ಪುಗರ್ನ್ ಡ ಯಾವಂದ್, ಆಕಲೆಗ್ ಏಪಲಾ ಬೆರಿಬಲ ಕೊರೊಡು ಪಂದ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್.

ಆರ್ ಮುಲ್ಕಿಡ್ ಅಂಗಾರೆ ನಡತಿನ ಹೊಸ ಅಂಗಣ ಪತ್ರಿಕೆದ 65ನೇ ಸಂಚಿಕೆ ಬುಡುಗಡೆ ಬೊಕ್ಕ ಮುಲ್ಕಿ ಕಾರ್ನಾಡ್ದ ಮೈಮುನಾ ಫೌಂಡೇಶನ್‌ದ ಮೊಹಮ್ಮದ್ ಆಸೀಫ್ ರೆಗ್ ಮಾನಾದಿಗೆದ ಲೇಸ್ಡ್ ಪಾತೆರಿಯರ್.

ಮಾನಾದಿಗೆ ದೆತೊಂದು ಪಾತೆರಿನ ಆಸೀಫ್ ಮೇರ್ ಎನನ್ ಕೆಲವು ಕಡೆಟ್ ಮಸ್ತ್ ಮಾನಾದಿಗೆ ಮಲ್ತೆರ್ ಆಂಡ ಇನಿ ಧರ್ಮದರ್ಶಿ ಹರಿಕೃಷ್ಣ
ಪುನರೂರು ಮೆರೆರ್ದ್ ಮಾನಾದಿಗೆ ದೆತೊನ್ನಗ ಮಸ್ತ್ ಕುಶಿ ಆದ್ ಕಣ್ಣೀರ್ ಬರೊಂದುಂಡು, ತನ್ನ ಕೆಲಸೊಡು ಅರೆನ ಆಶೀರ್ವಾದ ಬೊಕ್ಕ ಸಕಾಯ ಏಪಲಾ ಉಪ್ಪೊಡು ಪಂಡೆರ್.

ಮುಲ್ಕಿ ಶಾಂಭವಿ ಜೇಸಿಐ ದ ಪೊಸ ಗುರ್ಕಾರ್ಲು ದಿನೇಶ್ ಶೆಟ್ಟಿ, ಡಾ.ಅಚ್ಯುತ ಕುಡ್ಲ , ಹೊಸ ಅಂಗಣ ಪತ್ರಿಕೆದ ಸಂಪಾದಕೆರ್ ಡಾ. ಹರಿಶ್ಚಂದ್ರ ಸಾಲ್ಯಾನ್ ಮೊಕುಲು ಮಿತ್ತರ್ಮೆಡ್ ಇತ್ತೆರ್. ಮುಲ್ಕಿ ಬಿರುವೆರ್ ಸಂಘದ ಗುರ್ಕಾರ್ಲು ರಮೇಶ್ ಕೊಕ್ಕರಕಲ್, ಮುಲ್ಕಿ ರೋಟರಿದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ, ಸಮಾಜಸೇವಕರ್ ಅಬ್ದುಲ್ ರಜಾಕ್ ಉದ್ಯಮಿ ವಾಸು ಪೂಜಾರ್ಲು ಮೊಕುಲ್ ಮಾತಾ ಇತ್ತೆರ್.

ಡಾ.ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದುಕೊಂಡೆರ್ . ಹೊಸ ಅಂಗಣದ ಗೌರವ ಸಲಹೆಗಾರರ್ ವಿಜಯಕುಮಾರ್ ಕುಬೆವೂರು ಮಾನಾದಿಗೆ ಪತ್ರ ಓದು ಪಂಡೆರ್, ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದಾಯೆರ್. ರವಿಚಂದ್ರ ಮುಲ್ಕಿ ಲೇಸ್ ನಡಪಾದ್ ಕೊರಿಯೆರ್.

ಅಟಿಲ್ದ ಬೇಲೆದಕ್ಲೆನ್ ತಾತ್ಸಾರ ಮಲ್ಪರೆ ಬಲ್ಲಿ: ಹರಿಕೃಷ್ಣ ಪುನರೂರು – ಪಾಕ ಪ್ರವೀಣೆ ಪಾವಂಜೆ ವೆಂಕಟೇಶ್ ಭಟ್ರೆಗ್ ಹೊಸ ಅಂಗಣದ ಮಾನಾದಿಗೆ

Nov 28, 2020

ಬ್ರಹ್ಮಕಲಶ, ನಾಗಮಂಡಲ ಇಂಚಿನ ಮಲ್ಲ ಮಲ್ಲ ಲೇಸ್ಡ್ ಸಾರ ಸಾರ ಜನತ್ತ ಅಟಿಲ್ ಮಲ್ತ್ ಪಾಡುನವು ಸುಲಭದ ಬೇಲೆ ಅತ್ತ್ ಅಟಿಲ್ ಮಲ್ಪುನವುಲಾ ಒಂಜಿ ವಿದ್ಯೆ. ಅಟಿಲ್ ಮಲ್ಪುನಕಲೆನ್ ಏರ್ಲ ತಾತ್ಸಾರ ಮಲ್ಪರೆ ಬಲ್ಲಿ. ಅಕಲೆನ್ ಸಮಾಜೊಡು ಗೊತ್ತು ಮಲ್ತ್‌ದ್ ಮಾನಾದಿಗೆ ಮಲ್ಪೊಡು ಪಂಡ್ ದ್ ಕನ್ನಡ ಸಾಹಿತ್ಯ ಪರಿಷತ್‌ದ ದುಂಬದು ಗುರ್ಕಾರ್ಲು ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್ .

ಹೊಸ ಅಂಗಣ ಪತ್ರಿಕೆರ್ದ್ ಮುಲ್ಕಿಡ್ ಶನಿಯಾರ ನಡತಿನ ಹೊಸ ಅಂಗಣ ಪತ್ರಿಕೆದ ಇಸೇಸ ಸಂಚಿಕೆ ಬುಡುಗಡೆ ಬೊಕ್ಕ ಕಟೀಲ್ದ ಬ್ರಹ್ಮಕಲಶೊಡು ಲಕ್ಷಗಟ್ಟಲೆ ಜನಕ್ಲೆಗ್ ಅಟಿಲ್ ಮಲ್ತ್ ಪಾರ್ದಿನ ಮಾಮಲ್ಲ ಪಾಕ ಪ್ರವೀಣೆ ಪಾವಂಜೆ ವೆಂಕಟೇಶ್ ಭಟ್ರೆನ ಮಾನಾದಿಗೆ ಲೇಸ್ಡ್ ಆರ್ ಗುರ್ಕಾರ್ಲೆನ ಕುರ್ಸುಡು ಕುಲ್ದು ಆರ್ ಪಾತೆರ್ಯೆರ್.

ಮಲ್ಲ ಬಿನ್ನೆರಾದ್ ಕೆನರಾ ಬ್ಯಾಂಕ್ದ ನಿವೃತ್ತ ಮ್ಯಾನೇಜರ್ ಸತೀಶ್ ಭಂಡಾರಿ, ಮುಲ್ಕಿ ನಗರ ಪಂಚಾಯ್ತಿದ ಪದುಕೆರ್ ಪುತ್ತು ಬಾವ , ಬಪ್ಪನಾಡು ಯುವಕ ವೃಂದದ ಗುರ್ಕಾರ್ಲು ಕೃಷ್ಣ ಶೆಟ್ಟಿ ಕುಬೆವೂರು, ಮುಲ್ಕಿ ರೋಟರಿ ಕ್ಲಬ್ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ, ವಾಸು ಪೂಜಾರಿ ಚಿತ್ರಾಪು ಮೊಕುಲು ಮಾತಾ ಬತ್ತಿತ್ತೆರ್.

ನೆರ್ದ್ ದುಂಬು ಹೊಸ ಅಂಗಣ ಸತ್ತಿರದ ರುದ್ರ ನರಸಿಂಹ ದೇವರ್ನ ಪ್ರತಿಷ್ಟಾ ಪುಣ್ಣಮೆದ ವಿಶೇಷ ಸಂಚಿಕೆ ಬುಡುಗಡೆ ಮಲ್ತೆರ್.

ಅಟಿಲ್ದ ಮಲ್ಪ ಕಾಂಟ್ಯಾಕ್ಟರ್, ಕ್ರೀಡಾಪಟು,ಪಿಲಿ ನಲಿಕೆದ ತೀರ್ಪುಗಾರೆರ್ ಆತೇ ಅತ್ತಂದೆ ಕಲಾವಿದೆರಾಯಿನ ಪಾವಂಜೆ ವೆಂಕಟೇಶ್ ಭಟ್ರೆನ್ ಬಿನ್ನೆರ್ ಸಾಲ್ ಪೊದೆತ್ ದ್ ಪೂತ್ತ ಮಾಲೆ ಪಾರ್ದ್ ಮಾನದಿಗೆ ಮಲ್ತೆರ್.

ಹೊಸ ಅಂಗಣದ ಸಂಪಾದಕೆರ್ ಡಾ.ಹರಿಶ್ಚಂದ್ರ ಸಾಲ್ಯಾನ್ ಮಾತರೆನ್ಲಾ ಎದ್ಕೊಂಡೆರ್. ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಮಲ್ಲ
ಕಾರ್ಯಂತೆರ್ ವಿಜಯಕುಮಾರ್ ಕುಬೆವೂರು ಮಾನದಿಗೆ ಪತ್ರ ಓದುದು ಪಂಡೆರ್.ವಾಮನ ಕೋಟ್ಯಾನ್ ನಡಿಕುದ್ರು ಸೊಲ್ಮೆ ಸಂದೈತ ಮಲ್ತೆರ್.ರವಿಚಂದ್ರ ಲೇಸ್ ನಡಪಾದ್ ಕೊರಿಯೆರ್.

ಯಕ್ಷಾಂಗಣ ರಾಜ್ಯೋತ್ಸವ ಪುರಸ್ಕಾರಗ್ ಹರಿಕೃಷ್ಣ ಪುನರೂರು ಆಯ್ಕೆ

Nov 27, 2020

ಕುಡ್ಲ : ಕನ್ನಡ ರಾಜ್ಯೋತ್ಸವ ಕಲಾ ಸಂಭ್ರಮದ ‘ಯಕ್ಷಾಂಗಣ’ ಕುಡ್ಲ , ಯಕ್ಷಗಾನ ಚಿಂತನ-ಮಂಥನ ಬೊಕ್ಕ ಪ್ರದರ್ಶನ ವೇದಿಕೆದ 8ನೇ ಕನ್ನಡ ನುಡಿ ಪರ್ಬೊದ ಪ್ರಯುಕ್ತ ನಡಪರೆ ಉಪ್ಪುನ ‘ಯಕ್ಷಗಾನ ತಾಳಮದ್ದಳೆ ಪರ್ವ’ ದ ಶ್ರೇಷ್ಠ ಸಾಧಕೆರೆಗ್ ಕೊರ್ಪಿನ 2019-20ನೆ ಸಾಲ್ದ ‘ಯಕ್ಷಾಂಗಣ ರಾಜ್ಯೋತ್ಸವ ಪುರಸ್ಕಾರ ಗ್ ಅವಿಭಜಿತ ದ.ಕ. ಜಿಲ್ಲೆದ ಧಾರ್ಮಿಕ, ಸಾಮಾಜಿಕ ನೇತಾರ, ಉದ್ಯಮಿ ಬೊಕ್ಕ ಕನ್ನಡ ಸಾಹಿತ್ಯ ಪರಿಷತ್ದ ಮಾಜಿ ರಾಜ್ಯಾಧ್ಯಕ್ಷ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಆಯ್ಕೆಆತೆರ್ ಪಂದ್ ಯಕ್ಷಾಂಗಣದ ಕಾರ್ಯಾಧ್ಯಕ್ಷ ಭಾಸ್ಕರ ರೈ ಕುಕ್ಕುವಳ್ಳಿ ತೆರಿಪಾದೆರ್. ನವೆಂಬರ್ 29ನೇ ತಾರಿಕ್ ಗ್ ಪೇಂಟೆದ ಶಕ್ತಿನಗರ ಶ್ರೀಗೋಪಾಲಕೃಷ್ಣ ದೇವಸ್ಥಾನದ ಪೊಸ ‘ಪಾರಿಜಾತ’ ಸಭಾಂಗಣಡ್ ನಡಪುನ ಯಕ್ಷಾಂಗಣದ ಎನ್ಮನೆ ನುಡಿ ಪರ್ಬಡ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಮೆರೆಗ್ ಶಾಸಕ ವೇದವ್ಯಾಸ ಕಾಮತ್ ಮಾನದಿಗೆ ಮಲ್ಪರೆ ಉಲ್ಲೆರ್.

Mangalore : Anniversary of ‘Yakshagana Rajyotsava Puraskaram’ awarded to the best performers of ‘Yakshagana Talamaddal Parva’ organized by the 8th Kannada Nidhi Festival. Bhaskara Rai Kukkavalli, President of the Yarnsalaya, has been selected as the religious, social leader,businessman and former President of Kannada Sahitya Sabha.