ಸೇವಾ

ಚಲನಚಿತ್ರ,ಕಿರುತೆರೆ ರಂಗದಕ್ಲೆಗ್ ಆರ್ಥಿಕ ಸಾಕಾರ : ಸೇವಾ ಸಿಂಧು ಪೋರ್ಟಲ್ ಡ್ ಅರ್ಜಿ

ಬೆಂಗ್ಳೂರು, ಜೂನ್ 24: ಕೋವಿಡ್ -19 ದ ರಡ್ಡನೆ ಅಲೆ ನೆಲೆಟ್ಟ್ ಜಾರಿಯಾಯಿನ ಲಾಕ್ಡೌನ್ರ್ದ್ ಕಷ್ಟಡ್ ಇತ್ತಿನ ಚಲನಚಿತ್ರ ಬೊಕ್ಕ ಕಿರುತೆರೆ ಕಲಾವಿದೆರ್ ಅಂಚನೇ ತಂತ್ರಜ್ಞರು ಬೊಕ್ಕ ಚಲನಚಿತ್ರ ಮಂದಿರದ ಕಾರ್ಮಿಕೆರೆಗ್ ಮುಖ್ಯಮಂತ್ರಿ ಘೋಷಣೆ ಮಲ್ತಿನ ಮೂಜಿ ಸಾರ ರೂ. ಮೊತ್ತದ ವಿಶೇಷ ಆರ್ಥಿಕ ಪ್ಯಾಕೇಜ್ದ ಸಾಕಾರ ಗಾದ್ ಸೇವಾಸಿಂಧು ಪೋರ್ಟಲ್ ಮುಖೇನ ವಾರ್ತಾ ಬೊಕ್ಕ ಸಾರ್ವಜನಿಕ ಸಂಪರ್ಕ ಇಲಾಖೆ ಆನ್ಲೈನ್ ಅರ್ಜಿ ಲೆಪ್ಪೋಲೆ ಕೊರ್ತೆರ್ .

ರಾಜ್ಯಡ್ ರಡ್ಡನೇ ಅಲೆತ ಪೊರ್ತು ಸರ್ಕಾರ ಕೊರ್ತಿನ ನಿರ್ಬಂಧರ್ದಾವರ ಬಾಧಿತೇರಾಯಿನ ಸಮಾಜ ವಿವಿಧ ವರ್ಗದಕ್ಲೆಗ್ ಮುಖ್ಯಮಂತ್ರಿ 2021ನೇ ಜೂನ್ 3 ಕ್ಕ್ ವಿಶೇಷ ಪರಿಹಾರದ ರಡ್ಡನೇ ಪ್ಯಾಕೇಜ್ ಘೋಷಣೆ ಮಲ್ತಿತ್ತೆರ್ . ನೆಟ್ಟ್ ಚಲನಚಿತ್ರೋದ್ಯಮ ಬೊಕ್ಕ ಕಿರುತೆರೆ ಮಾಧ್ಯಮಡ್ ಉಪ್ಪುನ ನೋಂದಾಯಿತ ಅಸಂಘಟಿತ ಕಾರ್ಮಿಕೆರೆಗ್ ತಲಾ ಮೂಜಿ ಸಾರದ ಪ್ಯಾಕೇಜ್ ಘೋಷಣೆ ಮಲ್ದೆರ್ .

ಕಾಪು ಸಮಾಜ ಸೇವಾ ವೇದಿಕೆರ್ದ್ ಅಶಕ್ತೆರೆಗ್ ರೇಷನ್

ಕಾಪು, ಜೂನ್ 12: ಸಮಾಜ ಸೇವಾ ವೇದಿಕೆ ಕಳತ್ತೂರು-ಕಾಪು ವತಿರ್ದ್ ಕೊರೋನ 2 ನೇ ಅಲೆಟ್ ದಾನಿಲೆನ ಸಾಕಾರಡ್ ಕಳತ್ತೂರು ಗ್ರಾಮ ಬೊಕ್ಕ ಮಜೂರು ಗ್ರಾಮಡ್ 300ರ್ದ್ ಲಾ ಜಾಸ್ತಿ ಅಶಕ್ತ ಕುಟುಂಬದಕ್ಲೆಗ್ ಬೊಕ್ಕ ಕೊರೋನ ಪೀಡಿತೆರ್ನ ಇಲ್ಲಗ್ ರೇಷನ್ ಕಿಟ್ ಕೊರಿಯೆರ್.

ಸಮಾಜ ಸೇವಾ ವೇದಿಕೆ ಗುರ್ಕಾರ್ಲಾಯಿನ ಮೊಹಮ್ಮದ್ ಫಾರೂಕ್ ಚಂದ್ರನಗರ,ಗೌರವಾಧ್ಯಕ್ಷ ದಿವಾಕರ ಬಿ ಶೆಟ್ಟಿ ಕಳತ್ತೂರು, ಸಂಚಾಲಕೆರಾಯಿನ ದಿವಾಕರ ಡಿ ಶೆಟ್ಟಿ ಕಳತ್ತೂರು ಶರ್ಫುದ್ದಿನ್ ಶೇಖ್ ಮಜೂರು ಪಾಲ್ ಪಡೆದಿತ್ತೆರ್ .

ಸಮಾಜ ಸೇವಾ ವೇದಿಕೆರ್ದ್ ಪೊಲೀಸ್ ವೃತ್ತ ನಿರೀಕ್ಷೆಕೆರ್ನ ಕಚೇರಿಗ್ ಕೊಡೆ, ಮಾಸ್ಕ್,ಸಾನಿಟೈಸರ್ ಕೊಡುಗೆ

ಕಾಪು, ಜೂನ್ 6 : ಸಮಾಜ ಸೇವಾ ವೇದಿಕೆ ಕಳತ್ತೂರು-ಕಾಪು ವತಿರ್ದ್ ಕಾಪು ಪೊಲೀಸ್ ವೃತ್ತ ನಿರೀಕ್ಷಕೆರ್ನ ಕಚೇರಿಗ್ 30 ಸಾರ ವೆಚ್ಚಡ್ ಉತ್ತಮ ಗುಣಮಟ್ಟದ N95 ಮಾಸ್ಕ್ ಸ್ಯಾನಿಟೈಝರ್ ಕೊಡೆನ್ ಪೊಲೀಸ್ ನಿರೀಕ್ಷಕೆರಾಯಿನ ಪ್ರಕಾಶ್ ಮೆರ್ಡ ಕಾಪು ಸಮಾಜ ಸೇವಾ ವೇದಿಕೆ ಗುರ್ಕಾರ್ಲಾಯಿನ ಮೊಹಮ್ಮದ್ ಫಾರೂಕ್ ಚಂದ್ರನಗರ,ಗೌರವ ಗುರ್ಕಾರ್ಲಾಯಿನ ದಿವಾಕರ ಬಿ ಶೆಟ್ಟಿ ಕಳತ್ತೂರು, ಸಂಚಾಲಕಕೆರಾಯಿನ ದಿವಾಕರ ಡಿ ಶೆಟ್ಟಿ ಕಳತ್ತೂರು ಮೇರ್ ಹಸ್ತಾಂತರ ಮಲ್ತೆರ್. ಈ ಪೊರ್ತುಡು ಪಾತೆರಿನ ಮೇರ್ ಸಮಾಜ ಸೇವಾ ವೇದಿಕೆ ಕೊರೋನ ಪೊರ್ತುಡು ಅವ್ವೆತೋ ರೀತಿದ ಸಮಾಜಮುಖಿ ಬೇಲೆ ನಿಜಗ್ಲಾ ಶ್ಲಾಘನಿಯ ಪಂಡೆರ್.

ಈ ಪೊರ್ತುಡು ಐಶ್ವರ್ಯ ಜೂವೆಲ್ಲರ್ಸ್ ಮಾಲಕೆರಾಯಿನ ದಿನೇಶ್ ಆಚಾರ್ಯ ಶಿರ್ವ, ಉದ್ಯಮಿ ವಿಲ್ಸನ್ ಕುಂದರ್ ಕಳತ್ತೂರು,ಗ್ಲಾಡೀಸ್ ಅಲ್ಮೆಡ ರೈಸ್ ಮಿಲ್, ಭಾರತಿ ಶೆಟ್ಟಿಗಾರ್ ರೈಸ್ ಮಿಲ್,ಕಾಪು ಮೆಡಿಕಲ್ ಮಾಲಕೆರಾಯಿನ ಹಾಫಿಲ್ ಇಬ್ರಾಹಿಂ,ಕಾಪು ಬ್ಲಾಕ್ ಕಾಂಗ್ರೆಸ್ ಅಲ್ಪ ಸಂಖ್ಯಾತ ಗುರ್ಕಾರ್ಲಾಯಿನ ಶರ್ಫುದ್ದಿನ್ ಶೇಖ್ ಮಜೂರು,ಶಿರ್ವ ಸಿ.ಆರ್ ಪ್ರಾಪರ್ಟಿಸ್ ಮಾಲಕೆರಾಯಿನ ಸಂತೋಷ್ ಆಚಾರ್ಯ, ರಾಘವೇಂದ್ರ ಭಟ್ ಕಳತ್ತೂರು, ಲೋಕೇಶ್ ಭಟ್ ಪಾದೂರು, ಸಂತೋಷ್ ಶೆಟ್ಟಿ ಗುರ್ಮೆ, ಗ್ಲಾಡ್ಸನ್ ಡಿ ಅಲ್ಮೆಡಾ ರೈಸ್ ಮಿಲ್,ಲಕ್ಷ್ಮಣ ಶೆಟ್ಟಿ ಇನ್ನಂಜೆ,ರಾಜೇಶ್ ನಾಯ್ಕ್ ಕಾಪು ಚೇತನಾ ನಾಯ್ಕ್ ಕಾಪು,ಬೊಕ್ಕ ಸಿ.ಪಿ.ಐ ಕಚೇರಿ ಸಿಬ್ಬಂದಿನಕುಲು ಪಾಲ್ ಪಡೆದಿತ್ತೆರ್.

ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ ವತಿರ್ದ್ ವನಸ್ ದ ವ್ಯವಸ್ಥೆ

ಬ್ರಹ್ಮ ಶ್ರೀ ನಾರಾಯಣ ಗುರುಕ್ಲೆನ ತತ್ವ‌ದೊಟ್ಟುಗು ಶ್ರೀ ಶ್ರೀ ಶ್ರೀ. ಡಾ: ಶಿವುಕುಮಾರ ಸ್ವಾಮೀಜಿನ ಅಂಚನೆ ಧರ್ಮಾಧೀಕಾರಿ ಪೂಜ್ಯ. ಡಾ: ವೀರೇಂದ್ರ ಹೆಗ್ಗಡೆ ಅಂಚನೆ ಬ್ರಹ್ಮರ್ಷಿ ಆನಂದ್ ಸಿದ್ದ ಪೀಠ ದ ಗುರು ಮಹರ್ಷಿ ಆನಂದ್ ಗುರೂಜಿನ ಶುಭ ಆಶೀರ್ವಾದದೊಟ್ಟುಗು
ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ ವತಿರ್ದ್ 16-05-2021ತಾರೀಖ್ ಗ್ ಲಾಕ್ ಡೌನ್ ಪೊರ್ತುಡು . ಬೆಂಗಳೂರುಡು ಕೆಲವು ಕಡೆಟ್ ವನಸ್ ದ ವ್ಯವಸ್ಥೆ ಮಲ್ದೆರ್.

ಬಡವುದಕ್ಲೆನ ಒಟ್ಟುಗು ಸೇವಾಲಯ ಪನ್ಪಿನ ವನಸ್ ವಿತರಣಾ ಲೇಸ್ ಗ್ ಪೆರಿಯೆರಾಯಿನ ಅಂಚನೆ ಸಮಾಜ ಸೇವಕಿಯಾಯಿನ ಗಂಗಮ್ಮ ರಾಜ್ ಕುಮಾರ್ ಚಾಲನೆ ಕೊರಿಯೆರ್.

ಇಂಚಿನ ಸೇವಾಲಯ ಸ್ಪಂದನೆಗ್ ಸ್ಪಂದನೆ ಕೊರಿನ ಗಂಗಮ್ಮ ರಾಜ್ ಕುಮಾರ್,ಹೇಮಾವತಿ, ಕಾರ್ತಿಕ್ ಬಾಲಾಜಿ, ಅನು, ಸಂತೋಷ್,ಗೀತಾ ವಿನೋದ್, ಸುಜೀತ್ ಕುಮಾರ್,ಮೇಗಾ ದೀಪಾ. ಪಾಲ್ ಪಡೆದ್ ಇತ್ತೆರ್.ಸಾಕಾರ ಕೊರಿನ ಮಾತೆರೆಗ್ಲಾ ಕಾರ್ಕಳ ಸದಾನಂದ್ ಪೂಜಾರಿ ಸೊಲ್ಮೆ ಸಂದೈತ ಮಲ್ತೆರ್.