ಬೆದ್ರದ ಶ್ರೀ ಮಹಾವೀರ ಕಾಲೇಜ್ಡ್ ಸಿ. ಎ. ಫೌಂಡೇಶನ್ ಕೋರ್ಸ್ ಉದಿಪನ
ಬೆದ್ರ : ಜೋಕುಲು ಕಠಿಣ ಪರಿಶ್ರಮರ್ದ್ ತಮ್ಮ ಭವಿಷ್ಯನ್ ಕಟ್ಟೋಡು . ಇನಿ ಜೋಕುಲು ಬರ್ಪಿನ ಬಂಗ ನನ ದುಂಬುದ ಅಕ್ಲೆನ ಉಜ್ವಲ ಬದ್ಕ್ ಗ್ ಸಾಕಾರ ಆಪುಂಡು , ಆ ನೆಲೆಟ್ಟ್ ಕಾಲೇಜ್ ಡ್ ಸುರು ಆಯಿನ ಸಿ.ಎ. ಫೌಂಡೇಶನ್ ಕೋರ್ಸ್ ದ ಉಪಯೋಗ ನ್ ಜೋಕುಲು ಪಡೆಯೊಡು ಪಂದ್ ಶ್ರೀ ಮಹಾವೀರ ಕಾಲೇಜ್ ದ ಹಳೆವಿದ್ಯಾರ್ಥಿ ಸಿಎ ಆದರ್ಶ ಶೆಣೈ ಪಂಡೆರ್ . ಮೇರ್ ಕಾಲೇಜ್ ಡ್ ಸುರು ಆಯಿನ ಸಿ. ಎ. ಫೌಂಡೇಶನ್ ಕೋರ್ಸನ್ ಉದಿಪನ ಮಲ್ತ್ ಪಾತೆರಿಯೆರ್ . ಲೇಸ್ ದ ಗುರ್ಕಾರ್ಮೆನ್ ವಹಿಸಿನ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ರಾಧಾಕೃಷ್ಣ ಶೆಟ್ಟಿ ಪಾತೆರ್ದ್ ಸಿ. ಎ. ಫೌಂಡೇಶನ್ ಕೋರ್ಸ್ ಜೋಕ್ಲೆಗ್ ಸಿ.ಎ. ಪದವಿ ಪಡೆಯೆರೆ ಸಾಕಾರ ಆಯರೇ ಉಂಡು ಪಂದ್ ಪಂಡೆರ್ . ಈ ಪೊರ್ತುಡು ಶ್ರೀಮಹಾವೀರ ಪದವಿಪೂರ್ವ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಪ್ರೊ.ರಮೇಶ್ ಭಟ್ ಬೊಕ್ಕ ಕಾಲೇಜ್ ದ ಜೋಕುಲು ಕ್ಷೇಮಪಾಲನಾಧಿಕಾರಿ ಬೊಕ್ಕ ವಾಣಿಜ್ಯಶಾಸ್ತ್ರ ವಿಭಾಗದ ಗುರ್ಕಾರ್ಲಾಯಿನ ಪ್ರೊ.ಹರೀಶ್ ಪಾಲ್ ಪಡೆದಿತ್ತೆರ್ . ಸಿ.ಎ. ಫೌಂಡೇಶನ್ ಕೋರ್ಸ್ ದ ಸಂಯೋಜಕಿ ಶ್ರೀಮತಿ ಶ್ರುತಿ ಎಸ್. ಡಾಂಗೆ ಪ್ರಾಸ್ತಾವಿಕವಾದ್ ಪಾತೆರಿಯೆರ್.
ಜೋಕುಲು ಅಕ್ಷತಾ, ಶ್ರೇಯ, ಭಾಗ್ಯಲಕ್ಷ್ಮಿ ದೇವೆರೆ ಪದ ಪಂಡೆರ್ . ಕು.ಕೃತಿಕ ನಾಯಕ್ ಎದುಕೊಂಡೆರ್ , ಕು.ಶ್ರುತಿ ಎಸ್. ಪೇರಿ ಸೊಲ್ಮೆ ಸಂದೈತ ಮಲ್ತೆರ್ . ಕು.ಮೋನಿಶ ಬಿನ್ನೆರ್ನ ಪರಿಚಯ ಮಲ್ತೆರ್ . ಕು.ರಿಯೋನ ಪಿಂಟೊ ಲೇಸ್ ನಡಪಾದ್ ಕೊರಿಯೆರ್ . ಉಪನ್ಯಾಸಕೆರಾಯಿನ ಶ್ರೀಮತಿ ಪದ್ಮಶ್ರೀ, ಶ್ರೀ ಬಸನಗೌಡ ಪಾಟೀಲ್, ಶ್ರೀಮತಿ ಚಿತ್ರಲೇಖಾ ಬೊಕ್ಕ ಶ್ರೀ ಶಿವಪ್ರಸಾದ್ ಪಾಲ್ ಪಡೆದಿತ್ತೆರ್ .
