ಲಸಿಕಾ

ಒಡಿಪು ಮೆಗಾ ಲಸಿಕಾ ಅಭಿಯಾನಡ್ 49,699 ಜನಕ್ ಕೋವಿಡ್ ಮರ್ದ್

ಒಡಿಪು , ಸೆ.18: ಪೇಂಟೆಡ್ ಶುಕ್ರವಾರ ನಡತಿನ ಮೆಗಾ ಲಸಿಕಾ ಮೇಳಡ್ ಜಿಲ್ಲೆದ ಒಟ್ಟು 308 ಲಸಿಕಾ ಕೇಂದ್ರಡ್ 18 ವರ್ಷ ಮಿತ್ತ್ ದ ಒಟ್ಟು 49699 ಜನಕ್ ಲಸಿಕೆ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಕೂರ್ಮಾ ರಾವ್ ಎಂ. ಮೇರ್ ಪಂಡೆರ್.

ದಿನಟ್ ಒಟ್ಟು 80,000 ಡೋಸ್ ಲಸಿಕೆನ್ ಕೊರ್ಪಿನ ಗುರಿ ಇತ್ತುಂಡು, ರಾತ್ರಿ 8:00ಗಂಟೆ ಮುಟ ಸುಮಾರು 49,699 ಜನಕ್ ಲಸಿಕೆ ಕೊರ್ದು ಶೇ.62 ದಾತ್ ಸಾಧನೆ ಮಲ್ದೆರ್ .

ಒಡಿಪುಡು ಅಂಗಾರೆ ಕೋವಿಡ್ ಲಸಿಕಾ ಲಭ್ಯತೆದ ವಿವರ

ಒಡಿಪು, ಜುಲೈ 13: ಒಡಿಪುಡು ಜು.13ಕ್ಕ್ ಪೇಂಟೆದ ಸರಕಾರಿ ತಾಯಿ ಬೊಕ್ಕ ಜೋಕ್ಲೆನ (ಬಿಆರ್‌ಎಸ್) ಆಸ್ಪತ್ರೆಡ್ ಜುಲೈ 20 ದುಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ಪಡೆದ್ 28 ದಿನ ಆಯಿನಕ್ಲೆಗ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್ ಲಸಿಕೆ ಲಭ್ಯ ಉಂಡು .

ಒಡಿಪು ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದ ಅಲಂಕಾರ್ ಥಿಯೇಟರ್ ಕೈತಲ್ ಉಪ್ಪುನ ಪರ ಕಟ್ಟಡಡ್ ಕೊರೋನ ಮುಂಚೂಣಿ ಕಾರ್ಯಂತೆರ್ , ದುರ್ಬಲ ಗುಂಪುದ ಫಲಾನುಭವಿಲು , ಆದ್ಯತಾ ಕೂಟ ದಕುಲು , ಆರೋಗ್ಯ ಕಾರ್ಯಂತೆರ್ , ಕೇಂದ್ರ ಸರಕಾರ ಗುರ್ತಿಸಾಯಿನ ಮುಂಚೂಣಿ ಕಾರ್ಯಂತೆರ್ ಬೊಕ್ಕ 45 ವರ್ಷ ಮಿತ್ತ್ ದ ಸಾರ್ವಜನಿಕೆರೆಗ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್ ಲಸಿಕೆ ಉಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ನಾಗಭೂಷಣ ಉಡುಪ ಹೆಚ್ ತೆರಿಪಾದೆರ್.

ಮೂಡುಬಿದಿರೆ: ಮೆಗಾ ಲಸಿಕಾ ಅಭಿಯಾನನ್ ಉದಿಪನ ಮಲ್ತಿನ ಶಾಸಕ ಉಮಾನಾಥ ಕೋಟ್ಯಾನ್

ಮೂಡುಬಿದಿರೆ, ಜೂನ್ 21: ಮುಲ್ಪದ ಸಮುದಾಯ ಆರೋಗ್ಯ ಕೇಂದ್ರಡ್ ನಡತಿನ ಕೊರೊನಾ ಮೆಗಾ ವ್ಯಾಕ್ಸೀನ್ ಡ್ರೈವ್ ಗ್ ಶಾಸಕ ಉಮಾನಾಥ ಕೋಟ್ಯಾನ್ ಉದಿಪನ ಮಲ್ತೆರ್.ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮೇರ್ ಘೋಷಣೆ ಮಲ್ತಿನ ಪ್ರಕಾರ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ಪಿನ ಪ್ರಕ್ರಿಯೆ ಜು. 21ರ್ದ್ ಸುರು ಆಯೆರೆ ಉಂಡು . ಖಾಸಗಿಯಾದ್ ರೂ. 150 ಶುಲ್ಕಡ್ ಈ ಲಸಿಕೆ ಪಡೆಯೋಲಿ . ಮಾತೆರ್ಲ ಈ ಲಸಿಕೆ ಪಡೆದ್ ಭಾರತನ್ ಕೊರೊನ ಮುಕ್ತ ದೇಶ ಮಲ್ಪುನಲ್ಪ ಪ್ರಾಮಾಣಿಕವಾದ್ ಬೇಲೆ ಮಲ್ಪೊಡು ಪಂದ್ ಪಂಡೆರ್.

ತಹಶೀಲ್ದಾರ್ ಪುಟ್ಟರಾಜು, ಪುರಸಭಾ ಗುರ್ಲಾಯಿನ ಪ್ರಸಾದ್ ಕುಮಾರ್, ಸಮುದಾಯ ಆರೋಗ್ಯಕೇಂದ್ರದ ಆಡಳಿತ ವೈದ್ಯಾಧಿಕಾರಿ ಡಾ. ಶಶಿಕಲಾ,ಆರೋಗ್ಯ ರಕ್ಷಾ ಸಮಿತಿಯ ಸದಸ್ಯೆರಾಯಿನ ಎಂ. ಬಾಹುಬಲಿಪ್ರಸಾದ್, ಗೀತಾ ಆಚಾರ್ಯ, ಆರೋಗ್ಯ ಶಿಕ್ಷಣಾಧಿಕಾರಿ ಸುಶೀಲಾ, ಪ್ರಮುಖೆರಾಯಿನ ಹರೀಶ್ ಎಂ.ಕೆ, ಗಿರೀಶ್ ಕುಮಾರ್ ಪಾಲ್ ಪಡೆದಿತ್ತೆರ್ .

ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಭೇಟಿ

ಶಿರ್ವ, ಮೇ 29: ಶಿರ್ವ ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ಗ್ ಸ್ಥಳಾಂತರ ಮಲ್ತಿನ ಶಿರ್ವ ಸಮುದಾಯ ಆರೋಗ್ಯ ಕೇಂದ್ರದ ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಕೋಡೆ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್ .

ಆರೋಗ್ಯ ಕೇಂದ್ರಡ್ ಕೊರೋನಾ ಸೋಂಕು ಪರಡಂದಿ ಲಕ ಸುರಕ್ಷತೆ ಬೊಕ್ಕ ಸಾರ್ವಜನಿಕ ಆರೋಗ್ಯ ಕಾಪಾಡುನ ಹಿತದೃಷ್ಟಿ ರ್ದ್ ಶುಕ್ರವಾರ ಸಮು ದಾಯ ಕೇಂದ್ರಡ್ ಇತ್ತಿನ ಲಸಿಕಾ ಕೇಂದ್ರನ್ ಆಸ್ಪತ್ರೆದ ದುಂಬು ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ದ ತರಗತಿ ಕೋಣೆಗ್ ಸ್ಥಳಾಂತರ ಮಲ್ದೆರ್ , ಮುಲ್ಪ 45 ವರ್ಷ ಮಿತ್ತ್ ದ ನಾಗರಿಕೆರೆಗ್ ಸುರುತ್ತ ಹಂತದ ಲಸಿಕೆ ಕೊರ್ಪಿನ ವ್ಯವಸ್ಥೆ ನಡತುಂಡು .

ಕೇಂದ್ರಗ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯಿನ ಜಿಲ್ಲಾಧಿಕಾರಿ, ಜಿಲ್ಲೆಡ್ ಸದ್ಯದ ಮಟ್ಟಿಗ್ ಲಸಿಕೆದ ಕೊರತೆ ಇಜ್ಜಿ . ಕೋಡೆ 200 ಜನಕ್ಲೆಗ್ ಮುಲ್ಪ ಲಸಿಕೆ ಕೊರೊಂದು ಉಲ್ಲೆರ್ , ಸುರುತ್ತ ಲಸಿಕೆದ ಲಭ್ಯತೆದ ಬಗ್ಗೆ ಮಾಧ್ಯಮದ ಮುಖೇನ ಮಾಹಿತಿ ಕೊರ್ತೆರ್ .