ರಾಜ್ಯ

ಜೂನ್ 21ರ್ದ್ ರಾಜ್ಯಡ್ ಕೇಂದ್ರರ್ದೇ ಉಚಿತ ಲಸಿಕೆ ಪೂರೈಕೆ ಮಲ್ಪರೆ ಮೋದಿ ಘೋಷಣೆ

ನವದೆಹಲಿ, ಜೂನ್ 07: ಭಾರತಡ್ 2014ರ್ದ್ ಜದುಂಬು ಶೇ.60 ದಾತ್ ಲಸಿಕೆ ಉತ್ಪಾದನಾ ಪ್ರಮಾಣ ಇತ್ತುಂಡು , ಆಂಡ 6ವರ್ಷಡ್ ಅವೆನ್ ಶೇ.80-90ಕ್ಕ್ ಜಾಸ್ತಿ ಮಲ್ದೆರ್ ಪಂದ್ ಪ್ರಧಾನಿ ನರೇಂದ್ರ ಮೋದಿ ಪಂಡೆರ್ .

ಕರೊನಾ ನಿಯಂತ್ರಣಡ್ ಲಸಿಕೆದ ಪಾತ್ರ ಪ್ರಮುಖವಾಯಿನವು ಪಂದ್ ಪ್ರತಿಪಾದಿಸಾಯಿನ ಪ್ರಧಾನಿ ನರೇಂದ್ರ ಮೋದಿ, ಇತ್ತೇ ಲಸಿಕೆ ವಿತರಣೆ ಸಂಬಂಧ ಕುಡೊಂಜಿ ಮಹತ್ವದ ಪಜ್ಜೆ ದೀತೆರ್ . ಲಸಿಕೆ ವಿರುದ್ಧ ನಡತೊಂದು ಉಂಡು. ಜೂ. 21ರ್ದ್ ಬೊಕ್ಕ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಉಚಿತವಾದ್ ಲಸಿಕೆ ಕೊರ್ರೆ ಉಲ್ಲೆರ್ ಪಂದ್ ಪಂಡೆರ್.

ಈ ದುಂಬು ಲಸಿಕೆ ವಿತರಣೆ ಸಂಬಂಧ ರಾಜ್ಯಗ್ ಶೇ. 50 ಜವಾಬ್ದಾರಿ ವಹಿಸ್ ದಿತ್ತೆರ್ . ಲಸಿಕೆ ವಿತರಣೆದ ಪೂರ್ತಿ ಜವಾಬ್ದಾರಿನ್ ಕೇಂದ್ರ ಸರ್ಕಾರನೇ ವಹಿಸರೆ ಉಲ್ಲೆರ್ , ನನ ರಡ್ಡ್ ವಾರಡ್ ಆ ಬಗ್ಗೆ ಪೊಸ ಮಾರ್ಗಸೂಚಿನ್ ಕೊರ್ಪೆರ್ ಪಂದ್ ಪಂಡೆರ್.

ಎಸ್ಸೆಸ್ಸೆಫ್ ವತಿರ್ದ್ ಉಸಿರಿಗಾಗಿ ಹಸಿರು ಅಭಿಯಾನ

ಕುಡ್ಲ, ಜೂನ್ :5 : ವಿಶ್ವ ಪರಿಸರ ದಿನತ ಅಂಗವಾದ್ ಎಸ್ಸೆಸ್ಸೆಫ್ ವತಿರ್ದ್ ‘ಉಸಿರಿಗಾಗಿ ಹಸಿರು’ ಪನ್ಪಿನ ಅಭಿಯಾನ ಜೂ.5ಕ್ಕ್ ನಡಪರೇ ಉಂಡು .

ಪ್ರಕೃತಿ, ಪರಿಸರ-ಮರಗಿಡ ಒರಿಪಾವೊಡಾಯಿನ ಅನಿವಾರ್ಯತೆ ಬಗ್ಗೆ ಅರಿವು ಮೂಡಿಸಾಯೆರೆ ವಿಶ್ವ ಪರಿಸರ ದಿನತಾನಿ ಕನಿಷ್ಠ ಒಂಜಿ ದೈನ್ ಆಂಡಲಾ ನಡ್ಪಿನ ಮುಖೇನ ಉಸಿರಿಗಾಗಿ ಹಸಿರು ಪನ್ಪಿನ ಕಾರ್ಯಕ್ರಮ ನಡಪರೇ ಉಂಡು .

ಹವಾಮಾನ ವರದಿ : ಕುಡ್ಲಡ್ ರೆಡ್ ಅಲರ್ಟ್

ಬೆಂಗ್ಳೂರು, ಜೂನ್ 5: ನೈರುತ್ಯ ಮುಂಗಾರು ಕರ್ನಾಟಕನ್ ಪ್ರವೇಶ ಮಲ್ದುಂಡು . ಅಂಚಾದ್ ಇನಿರ್ದ್ ಬರ್ಸ ಜೋರಾಪಿನ ಸಾಧ್ಯತೆ ಉಂಡು , ಮಲೆನಾಡು, ಕರಾವಳಿ, ದಕ್ಷಿಣ ಒಳನಾಡ್ ಡ್ ಅಧಿಕ ಪ್ರಮಾಣದ ಬರ್ಸ ನಿರೀಕ್ಷೆ ಮಲ್ದೆರ್ . ಕರಾವಳಿ ಜಿಲ್ಲೆ ಆಯಿನ ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡಡ್ ಇನಿ ರೆಡ್ ಅಲರ್ಟ್​ ಘೋಷಣೆ ಮಲ್ದೆರ್.

ರಂಗಮೂರ್ತಿಗ್ ಕ್ಯಾoಪ್ಕೋ ಸೊಲ್ಮೆ ಸಂದೈತ

ಕುಡ್ಲ, ಜೂನ್ 4:: ಪ್ರತಿಷ್ಠಿತ ಸಹಕಾರಿ ಸಂಸ್ಥೆ ಇಫ್ಕೊ ‘ಸಹಕಾರಿತಾ ಬಂಧು’ ಪ್ರಶಸ್ತಿ ಪುರಸ್ಕೃತ ಪೆರಿಯ ಸಹಕಾರಿ ಎಸ್.ಆರ್.ರಂಗಮೂರ್ತಿ ಮೆರೆನ್ ಕ್ಯಾಂಪ್ಕೊ ಸದಸ್ಯೆರ್ನ ಬೊಕ್ಕ ಆಡಳಿತ ಮಂಡಳಿದ ಪರವಾದ್ ಕ್ಯಾಂಪ್ಕೊ ಗುರ್ಕಾರ್ಲಾಯಿನ ಅಮಾಸೆಬೈಲು ಕಿಶೋರ್ ಕುಮಾರ್ ಕೊಡ್ಗಿ ಇಲ್ಲಗ್ ಪೋದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು ಕ್ಯಾಂಪ್ಕೊ ವ್ಯವಸ್ಥಾಪಕ ನಿರ್ದೇಶಕ ಎಚ್.ಎಂ.ಕೃಷ್ಣ ಕುಮಾರ್, ನಿರ್ದೇಶಕೆರಾಯಿನ ದಯಾನಂದ ಹೆಗ್ಡೆ ಬೊಕ್ಕ ರಾಘವೇಂದ್ರ ಭಟ್ ಪಾಲ್ ಪಡೆದಿತ್ತೆರ್ .

ಯುವ ಹಾಸ್ಯ ಕಲಾವಿದೆ ಅಕ್ಷಯ್ ಸರಿಪಳ್ಳ

ಕತ್ತಲಾವಂದೆ ನಕ್ಷತ್ರ ತೂಯೆರೆ ಸಾಧ್ಯ ಇಜ್ಜಿ, ಕಷ್ಟ ಇಜ್ಜಂದೆ ಜೀವನ ನಡಪುಜಿ. ಕಲ್ಲ್ ಮುಳ್ಳುದ ನಡುಟುಲಾ ಜೀವನದ ತೇರ್ ಸಾಗೆರೆ ಸಾರ ಮುಳ್ಳು ಇತ್ತ್oಡಲಾ ಐತ ನಡುಟು ಗುಲಾಬಿ ಪುರ್ಪದಲಕ ಮೆನ್ಕೊಡು ಅವ್ವೆ ನಿಜವಾಯಿನ ಸಾಧನೆ . ಕಷ್ಟನೇ ಬರಡ್ ಸುಖನೆ ಉಪ್ಪಡ್ ಈ ರಡ್ಡ್ ಸನ್ನಿವೇಶಡ್ ಲಾ ತಾನ್ ತೆಲ್ತೊಂದು ನನೊರಿಯನ್ ತೆಲ್ಪಾವೊಂದು ಜೀವನ ಸಾಗವುನನೇ ನಿಜವಾಯಿನ ಕಲಾವಿದನ ಬದ್ಕ್. ಅಂಚಿನ ಕಲಾವಿದೆರ್ ನೆಟ್ಟ್ ನಮ್ಮ ಕುಡ್ಲದ ಪೆರ್ಮೆದ ಮಗೆ ಅಕ್ಷಯ್ ಸರಿಪಳ್ಳ ಲಾ ಒರಿಯೇ.ಕಲ್ಲ್ ನ್ ಕೆತ್ತ್oಡ ಮಾತ್ರ ಅವು ಶಿಲ್ಪ ಆಪುಂಡು ಐಕೊಂಜಿ ರೂಪ ತಿಕ್ಕುಂಡು ಅಂಚನೇ ಕಷ್ಟನ್ ಮಾತಾ ಮೀರ್ದ್ ಉಂತುದು ಬಾರಿ ಮಲ್ಲ ಕನ ಕಟ್ಟ್oಡ ಮಾತ್ರ ಅವು ನಿಜ ರೂಪ ಪಡೆದ್ ಸಾಧನೆ ಮಲ್ಪರೆ ತಾದಿ ಆಪುಂಡು.ಇಂಚಿನ ಸಾಧನೆದ ತಾದಿಡ್ ನಡತೊಂದು ಉಪ್ಪುನ ನಮ್ಮ ಪೆರ್ಮೆದ ಕಲಾವಿದೆ ಮೇರ್.

ಬಾಲಕೃಷ್ಣ ಬೊಕ್ಕ ಜಯಲಕ್ಷ್ಮಿ ದಂಪತಿಲೆನ ಮಗೆ ಆಯಿನ ಅಕ್ಷಯ್ ಸರಿಪಳ್ಳ ಯಕ್ಷಗಾನದ ಹಾಸ್ಯ ಕಲಾವಿದೆ ಆಯಿನ ಅಮ್ಮೆರ್ನ ಸ್ಫೂರ್ತಿಡ್ ಅರೆನ ಸಾಕಾರಡ್ ತನ್ನ ಕಿನ್ಯ ಪ್ರಯೋಡೆ ಕಲಾವಿದೆ ಆವೊಡು ಪನ್ಪಿನ ಅಂಗಲ್ಪು ದೀಯೊಂದು ತನ್ನ ಅಮ್ಮೆರ್ ದೀನ ಪಜ್ಜೆನ್ ತಾನ್ಲಾ ಇಲ್ಲಡ್ ಕಲ್ತೊಂದು ತುಳಸಿಜಲಂಧರ ಪನ್ಪಿನ ಯಕ್ಷಗಾನ ಪ್ರಸಂಗಡ್ ಜಲಂಧರನ ಪಾತ್ರ ಮಲ್ದಿನ ಮೆರೆಗ್ ರಂಗಚಾವಡಿಗ್ ಪಜ್ಜೆ ದೀಪಿನ ಆಸಕ್ತಿ ಎಚ್ಚ ಆಂಡ್.

ತನ್ನ ಪ್ರಾಥಮಿಕ ಶಿಕ್ಷಣ ಮಲ್ತೊಂದು ಉಪ್ಪುನಗನೇ ಕಿನ್ಯ ಕಿನ್ಯ ನಾಟಕ ಮಲ್ತೊಂದು ಬತ್ತಿನ ಮೆರೆಗ್ ಶಾಲಾ ಪೊರ್ತುಡು ನಾಟಕ ಕಲ್ಪಾಯೆರೆ ಪಂದೆ ಗುರುಕುಲು ಇತ್ತ್ಜೆರ್ ತಂಕ್ ತೆರಿನ ಇಚಾರೋನು ಜೋಕುಲು ಒಟ್ಟು ಸೇರೊಂದು ಮಲ್ತೊಂದು ಇತ್ತೆರ್. ಇಂಚನೇ ನಾಟಕ ಕ್ಷೇತ್ರಡ್ ನನಾತ್ ಆಸಕ್ತಿ ಜಾಸ್ತಿ ಆಯಿನ ಮೆರೆಗ್ ಊರುದ ಜಾತ್ರೆ ದ ಪೊರ್ತುಡು ಅಭಿನಯ ಮಲ್ಪರೆ ಅವಕಾಶ ತಿಕ್ಕ್oಡ್. ಸ್ವತಂತ್ರ ದಪಗ ವರ್ಷಲಾ ಪ್ರಶಾಂತ್ ಅಂಚನ್ ಯೆಯ್ಯಾಡಿ ಮೆರ್ನ ನಿರ್ದೇಶನಡ್ ನಡಪಾವೊಂದು ಇತ್ತಿನ ನಾಟಕಡ್ ಪಾಲ್ ಪಡೆಯುನ ಅವಕಾಶ ಮೆರೆಗ್ ತಿಕ್ಕoಡ್.ಇಂಚ ತನ್ನ ಶಾಲಾ ಕಾಲೇಜ್ ಕಲ್ಪುನ ಪೊರ್ತುಡು ಮಲ್ತಿನ ನಾಟಕ ಮೆರೆಗ್ ದುಂಬು ಪಜ್ಜೆ ದೀಯೆರೆ ನನಾತ್ ಸ್ಫೂರ್ತಿ ಆಂಡ್. ಅಂಚನೇ ತನ್ನ ಪದವಿ ಶಿಕ್ಷಣಡ್ ಸತೀಶ್ ನಿನಾಸಂ ಮೇರ್ ನಿರ್ದೇಶನ ಮಲ್ತಿನ ರಾಜ್ಯ ಮಟ್ಟಡ್ ಪಾಲ್ ಪಡೆಯಿನ ” ಮದರ್ ಕರೇಜ್” ಪನ್ಪಿನ ನಾಟಕಡ್ಲಾ ಅಕ್ಷಯ್ ಪಾಲ್ ಪಡೆದಿತ್ತೆರ್. ತನ್ನನೇ ಆಯಿನ ಕೂಟ ಕಟ್ಟೊಂದು ಪ್ರತಿ ಕಾಲೇಜ್ ಡ್ ನಡಪುನ ನಾಟಕ ಪಂಥೋಡು ಪಾಲ್ ಪಡೆಯೊಂದು ತನ್ನನೇ ವಿದ್ಯಾ ಸಂಸ್ಥೆಡ್ ನಡಪುನ ನಾಟಕೋತ್ಸವಡ್ ” ಇಂಚ ದಾಯೆ ” ಪನ್ಪಿನ ನಾಟಕಡ್ ಪಾಲ್ ಪಡೆಯಿನ ಪುಗಾರ್ತೆ ಮೆರೆಗ್ ಉಂಡು.

ತಾನ್ ಕಡೆತ ವರ್ಷದ ಪದವಿ ವ್ಯಾಸಂಗ ಮಲ್ಪುನಗ “ಬಲೆ ತೆಲಿಪಾಲೆ ” ಬೊಕ್ಕ ” V4 ನ್ಯೂಸ್ ಕಾಮಿಡಿ ಪ್ರೇಮಿಯರ್ ಲೀಗ್ ಡ್ ಪಾಲ್ ಪಡೆಯುನ ಅವಕಾಶ ಮೆರೆಗ್ ತಿಕ್ಕoಡ್. ಬಲೆ ತೆಲಿಪಾಲೆದ ಕಡೆತ ಸುತ್ತುಡು ಮೂಜನೆ ಇನಾಮು ಗೆಂದಿನ ಪೆರ್ಮೆ ಮೆರ್ನವು. ಅಂಚನೇ ಸಿಪಿಎಲ್ ರಡ್ಡ್ನೇ ಸುತ್ತುಡು ರಾಜಶ್ರೀ ಕುಡ್ಲ ತಂಡದ ” ಮ್ಯಾನ್ ಆಫ್ ದ ಮ್ಯಾಚ್ ” ಪನ್ಪಿನ ಮಾನದಿಗೆಲಾ ಮೆರೆಗ್ ಬೈದುಂಡು. ಇತ್ತೇ ಕುಡ್ಲದ ಪುಗಾರ್ತೆದ ಕೂಟ ಆಯಿನ ” ಶಾರದಾ ಆರ್ಟ್ಸ್ ಐಸಿರಿ ” ಕೂಟಡ್ ” ಮಲ್ಲ ಸಂಗತಿಯೇ ಅತ್ತ್ ಪನ್ಪಿ ನಾಟಕಡ್ ಅಭಿನಯ ಮಲ್ತೊಂದು ಉಪ್ಪುನ ಪುಗಾರ್ತೆ ಮೆರೆಗ್ ಉಂಡು.

ಪರಿಶ್ರಮ ಇತ್ತ್oಡ ಮಾತ್ರ ಪೊಸ ಅಧ್ಯಾಯ ಸುರು ಆಯೆರೆ ಸಾಧ್ಯ ನೆಕ್ಕ್ ಮಾಮಲ್ಲ ಉದಾರ್ಮೆ ಅಕ್ಷಯ್ ಸರಿಪಳ್ಳ ಪಂಡ ತಪ್ಪಾವಂದ್. ” ಬೇನೆ ಶಾಶ್ವತ ಅತ್ತ್ ಅವೆನ್ ಎದುರಿಸಾದ್ ದುಂಬರಿಯೊಡು, ಖುಷಿ ಪರ್ಬದಲಕ ಬತ್ತಿನ ಕ್ಷಣಕ್ಲೆನ್ ಅನುಭವಿಸಾವೊಡು ಪನ್ಪಿ ಪಾತೆರ ಪನೊಂದು. ಸಾಧನೆದ ಶಿಖರ ಏರಿನ ಇರೆನ ತಾದಿ ಸುಖಕರವಾದ್ ಉಪ್ಪಡ್ ಪನೊಂದು, ಈ ನಮ್ಮ ಪೆರ್ಮೆದ ಕಲಾವಿದನ ಸಾಧನೆ ನನಾತ್ ಮಿನ್ಕಡ್, ಕಲಾಮಾತೆನ ಸೇವೆ ಮಲ್ಪರೆ ಅಪ್ಪೆ ಇರೆಗ್ ಏಪೊಗ್ಲಾ ಬೆರಿಸಹಾಯ ಕೊರಡ್ ಪನ್ಪಿನವು ನಮ್ಮ ಆಶಯ.

✍️ಶ್ರೀನಿಧಿ ಶೆಟ್ಟಿ

ರಾಜ್ಯಗ್ ಮಾದರಿ ಆಯಿನ ಬಾಂಜಾರುಮಲೆ ಗ್ರಾಮ

ಕುಡ್ಲ , ಜೂನ್ 4: ಕೊರೊನಾ ಸೋಂಕುದ ವಿರುದ್ಧ ದಕ್ಷಿಣ ಕನ್ನಡ ಜಿಲ್ಲೆದ ಹಳ್ಳಿದ ಜನ ಒಟ್ಟುಗೆ ಹೋರಾಟ ಮಲ್ತ್ ಮಾದರಿಯಾತೆರ್.ಕೊರೊನಾ ವಿಶ್ವನ್ ಬಾಧಿಸಾಂಡಲ ಕುಗ್ರಾಮಗ್ ಕೊರೊನಾ ಸೋಂಕುಗು ಪ್ರವೇಶ ನನಲ ತಿಕ್ಕಿಜ್ಜಿ .

ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ ತಾಲೂಕುದ ಬಾಂಜಾರುಮಲೆ ಕೊರೊನಾ ಮುಕ್ತ ಆತುಂಡು , ಬಾಂಜಾರುಮಲೆ ಗ್ರಾಮಡ್ ರಡ್ಡ್ ಕೊರೊನಾ ಅಲೆಟ್ ಲಾ ಒಂಜೇ ಒಂಜಿ ಕೊರೊನಾ ಪ್ರಕರಣ ದಾಖಲಾತುಜಿ.

ಬಂಜಾರುಮಲೆ ಗ್ರಾಮಡ್ 40ರ್ದ್ ಲಾ ಜಾಸ್ತಿ ಕುಟುಂಬದ 170ರ್ದ್ ಜಾಸ್ತಿ ಜನಕುಲು ಉಲ್ಲೆರ್.

ಬೆಳ್ತಂಗಡಿ ಅರಣ್ಯ ವೀಕ್ಷಕ ಆತ್ಮಹತ್ಯೆ

ಬೆಳ್ತಂಗಡಿ, ಜೂನ್ 4: ಬೆಳ್ತಂಗಡಿ ಸಾಮಾಜಿಕ ಅರಣ್ಯ ವಲಯದ ಸಿಬ್ಬಂದಿಯೊರಿ ಬಲ್ಲ್ ಪಾರ್ದ್ ಆತ್ಮಹತ್ಯೆಗ್ ಶರಣಾಯಿನ ಘಟನೆ ನಡತುದುಂಡು . ಮೃತರೆನ್ ಕಳಿಯ ಗ್ರಾಮದ ಗೇರುಕಟ್ಟೆ ಪಲ್ಲಿದಳಿಕೆ ನಿವಾಸಿ ಬೆಳ್ತಂಗಡಿ ಸಾಮಾಜಿಕ ಅರಣ್ಯ ವಲಯದ ಅರಣ್ಯ ವೀಕ್ಷಕ ಬಾಲಕೃಷ್ಣ ಗೌಡ ಪಂದ್ ಗುರ್ತಿಸಾದೆರ್ .

ಇಂಚೋಗು ಮದಿಮೆ ಆಯಿನ
ಬಾಲಕೃಷ್ನೆರ್ನ ಪುನ ಇನಿ ಆರ್ನ ಇಲ್ಲದ ಕೈತಲ್ ಬಲ್ಲ್ ಪಾರ್ದಿನ ಸ್ಥಿತಿಿಟ್ತ್ತೆ ಯಾತುಂಡು.ಬೆಳ್ತಂಗಡಿ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ತೆರ್.