ಫೈನಲಿಸ್ಟ್ ನಿಹಾಲ್ ತಾವ್ರೋ ಗ

ಒಡಿಪು ಧರ್ಮಪ್ರಾಂತ್ಯದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಗು ಮಾನದಿಗೆ

ಒಡಿಪು : ನಿಹಾಲ್ ತಾವ್ರೋ ತಂಕ್ ತಿಕ್ಕಿನ ಅವಕಾಶನ್ ಸದುಪಯೋಗ ಪಡಿಸಾದ್ ಇಂಡಿಯನ್ ಐಡಲ್‌ನ ಫೈನಲ್ ಹಂತ ಮುಟ್ಟುನ ಮುಖೇನ ಇಡೀ ರಾಜ್ಯಗೆ ಕೀರ್ತಿ ಕನಯ್ದೆರ್ ಪಂದ್ ಒಡಿಪು ಕೆಥೊಲಿಕ್ ಧರ್ಮಪ್ರಾಂತದ ಧರ್ಮಾಧ್ಯಕ್ಷ ಅತಿ ವಂ. ಡಾ. ಜೆರಾಲ್ಡ್ ಐಸಾಕ್ ಲೋಬೊ ಪಂಡೆರ್ .

ಐತಾರ ಒಡಿಪುಡು ಧರ್ಮಪ್ರಾಂತದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಮೆರೆಗ್ ಮಾನದಿಗೆ ಮಲ್ತ್ ಬಿಷಪ್ ಪಾತೆರಯೇರ್.

ಈ ಪೊರ್ತುಡು ಧರ್ಮಪ್ರಾಂತದ ಬೇತೆ ಬೇತೆ ಸಂಘಟನೆಲು , ಧರ್ಮಗುರುಕುಲು ನಿಹಾಲ್ ಮೆರೆಗ್ ಮಾನದಿಗೆ ಮಲ್ತೆರ್ . ಮತ್ತರ್ಮೆಡ್ ನಿಹಾಲ್ ಮೇರ್ಣ ಪೊಪ್ಪ ಹೆರಾಲ್ಡ್ ತಾವ್ರೋ, ತಾಯಿ ಪ್ರೆಸಿಲ್ಲಾ ತಾವ್ರೋ, ತಗೆ ನಿಶಾನ್ ತಾವ್ರೋ, ಕೆಥೊಲಿಕ್ ಸಭಾ ಉಡುಪಿ ಪ್ರದೇಶ ನೆತ್ತ ಆಧ್ಯಾತ್ಮಿಕ ನಿರ್ದೇಶಕೆರಾಯಿನ ವಂ. ಫರ್ಡಿನಾಂಡ್ ಗೊನ್ಸಾಲ್ವಿಸ್, ನಿವೃತ್ತ ಧರ್ಮಗುರು ವಂ.ವಿಲಿಯಂ ಮಾರ್ಟಿಸ್ ಪಾಲ್ ಪಡೆದಿತ್ತೆರ್ .