ಪರೀಕ್ಷೆ

ಎಸೆಸ್ಸೆಲ್ಸಿ ಪರೀಕ್ಷೆ : ನಿಷೇದಾಜ್ಞೆ ಜಾರಿ

ಒಡಿಪು, ಜುಲೈ 20: ಕರ್ನಾಟಕ ಪ್ರೌಢ ಶಿಕ್ಷಣ ಮಂಡಳಿ ವತಿರ್ದ್ ಜು.19 ಬೊಕ್ಕ 22ಕ್ಕ್ ಈ ಸಲದ ಎಸೆಸ್ಸೆಲ್ಸಿ ಪರೀಕ್ಷೆಲು ಜಿಲ್ಲೆದ ಒಟ್ಟು 77 ಪರೀಕ್ಷಾ ಕೇಂದ್ರಡ್ ನಡಪರೆ ಉಂಡು, ಪರೀಕ್ಷೆಲೆನ್ ಸುಸೂತ್ರವಾದ್ ಬೊಕ್ಕ ದೋಷರಹಿತವಾದ್ ನಡಪಾಯೆರೆ ಮಲ್ಪೋಡಾಯಿನ ಮಾತಾ ರೀತಿದ ಅವ್ಯವಹಾರಲೆನ್ ಉಂತಾಯೆರೆ ಮಾತಾ ಪರೀಕ್ಷಾ ಕೇಂದ್ರದ ಕೈತಲ್ ಪರೀಕ್ಷೆ ನಡಪುನ ದಿನತನಿ ನಡೆಯುವ ಕಾಂಡೆ 8 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ಜೆರಾಕ್ಸ್ ಅಂಗಡಿಲೆನ್ ಮುಚ್ಚರೆ ಬೊಕ್ಕ 200 ಮೀ. ಕೈತಲ್ ದ ಪ್ರದೇಶನ್ ನಿಷೇಧಿತ ಪ್ರದೇಶ ಪಂದ್ ಘೋಷನೆ ಮಲ್ತ್ , ಸೆಕ್ಷನ್ 144(1) ದಲಕ ನಿಷೇಧಾಜ್ಞೆ ಜಾರಿ ಮಲ್ಪರೆ ಜಿಲ್ಲಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

ಕುಡ್ಲ, ಜುಲೈ 28: ಎಸೆಸೆಲ್ಸಿ ಪರೀಕ್ಷೆಗ್ ದ.ಕ. ಜಿಲ್ಲೆಡ್ ಸಕಲ ಸಿದ್ಧತೆನ್ ಮಲ್ದೆರ್ ಇತ್ತೇ , 9 ಜನ ಕೊರೋನ ಸೋಂಕಿತ ಜೋಕುಲು ನೋಂದಾವಣೆ ಮಲ್ದೆರ್ ಅಕ್ಲೆಗ್ ಕೋವಿಡ್ ಕೇರ್ ಸೆಂಟರ್‌ಡ್ ಸಕಲ ವ್ಯವಸ್ಥೆದೊಟ್ಟುಗು ಪರೀಕ್ಷೆಗ್ ತಯಾರಿ ಮಲ್ದೆರ್ .

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಕೋಡೆ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಡಿಡಿಪಿಐ ಮಲ್ಲೇಸ್ವಾಮಿ ಈ ಮಾಹಿತಿ ಕೊರಿಯೆರ್ .

ದ.ಕ. ಜಿಲ್ಲೆಡ್ ಈ ಸಲ 179 ಪರೀಕ್ಷಾ ಕೇಂದ್ರಡ್ 29351 ರೆಗ್ಯುಲರ್, 694 ಖಾಸಗಿ, 2050 ಶಾಲಾ ಪುನರಾವರ್ತಿತ ಅಭ್ಯರ್ಥಿಲು , 538 ಖಾಸಗಿ ಪುನರಾವರ್ತಿತ ಸೇರಿನಂಚ ಒಟ್ಟು 32636 ಜೋಕುಲು ಎಸೆಸೆಲ್ಸಿ ಪರೀಕ್ಷೆ ಬರೆಯರೆ ಉಲ್ಲೆರ್ .

ಎಸ್ಸೆಸ್ಸೆಲ್ಸಿ ಪರೀಕ್ಷೆಡ್ ಜೋಕ್ಲೆಗ್ ಸ್ಯಾನಿಟೈಸರ್ : ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಎಸ್. ಸುರೇಶ್

ಬೆಂಗ್ಳೂರು, ಜುಲೈ 11: : ಈ ಸಲದ ಎಸ್ಸೆಸ್ಸೆಲ್ಲಿ ಪರೀಕ್ಷೆ ಸುರಕ್ಷಿತ ವಾತಾವರಣಡ್ ನಡಪಾವುನ ನೆಲೆಟ್ಟ್ ಅವ್ವೆತೋ ಸಂಘ ಸಂಸ್ಥೆಲು ಮಾಸ್ಕ್, ಸ್ಯಾನಿಟೈಸರ್ ಲೆನ್ ಕರ್ನಾಟಕ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿಗ್ ಕೊರ್ತೆರ್ .

ಈ ಸಂಘ ಸಂಸ್ಥೆದಕುಲು ತಾವು ಪರೀಕ್ಷಾ‌ರ್ಥಿಲೆಗ್ ಕೊರ್ಪಿನ ಪರಿಕರಲೆನ್ ಶುಕ್ರವಾರ ಡಿ.ಎಸ್‍.ಇ.ಆರ್.ಟಿ.ಡ್ ನಡತಿನ ಸರಳ ಸಮಾರಂಭಡ್ ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಎಸ್. ಸುರೇಶ್ ಕುಮಾರ್ ಮೆರೆಗ್ ಕೊರಿಯೆರ್

ಕೊರೋನ ಪರೀಕ್ಷೆ ಜಾಸ್ತಿ ಮಲ್ಪರೆ ಜಿಲ್ಲಾಧಿಕಾರಿ ಸೂಚನೆ

ಕುಡ್ಲ, ಜೂನ್ 14 : ದಕ್ಷಿಣ ಕನ್ನಡ ಜಿಲ್ಲೆಡ್ ಪಾಸಿಟಿವಿಟಿ ಪ್ರಮಾಣ ಕಮ್ಮಿ ಆವಂದಿನ ನೆಲೆಟ್ಟ್ ಜಿಲ್ಲೆಡ್ ಟೆಸ್ಟಿಂಗ್ ಪ್ರಮಾಣ ಜಾಸ್ತಿ ಮಲ್ಪರೆ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ಜಿಲ್ಲಾಧಿಕಾರಿ ಕಚೇರಿಡ್ ನಡತಿನ ನಡತಿನ ಅಧಿಕಾರಿಲೆನ ಸಭೆಟ್ ಡಿಸಿ ಈ ಸೂಚನೆನ್ ಕಟ್ಟುನಿಟ್ಟಾದ್ ಪಾಲನೆ ಮಲ್ಪರೆ ಸೂಚನೆ ಕೊರ್ತೆರ್ . ಜಿಲ್ಲೆಡ್ ನನ ಪಾಸಿಟಿವ್ ಬತ್ತಿನ ಸೋಂಕಿತೆರ್ನ ಇಲ್ಲದ ಕೈತಲ್ ಉಪ್ಪುನ 50 ಇಲ್ಲಡ್ ಮಾತೆರೆಗ್ಲಾ ಖಾಡ್ಡಾಯವಾದ್ ಕೊರೊನಾ ಟೆಸ್ಟ್ ನಡಪಾವೊಡು ಪಂದ್ ಪಂಡೆರ್.