ಪರೀಕ್ಷೆ

ತುಮಕೂರು : ಎಸ್ಎಸ್ ಎಲ್ ಸಿ ಪರೀಕ್ಷೆಗ್ ತಯಾರಿ

ತುಮಕೂರು, ಜೂನ್ 12: ಜಿಲ್ಲೆಡ್ ಎಸ್ಸೆಸ್ಸೆಲ್ಸಿ ಪರೀಕ್ಷೆಗ್ ಅವ್ವೆತೋ ಮುನ್ನೆಚ್ಚರಿಕೆ ವಯಿಸೊಂದು ತಯಾರ್ ಮಲ್ತೊಂದು ಉಲ್ಲೆರ್ ಇತ್ತೇ ಮಾತಾ ಚರ್ಚೆಲು ಕಡೆತ ಘಟ್ಟ ಮುಟ್ಟುದುಂಡು .

ಕೋವಿಡ್‌-19ರ್ದ್ ಅಗತ್ಯ ಮುಂಜಾಗ್ರತಾ ಕ್ರಮಕ್ಲೆನ್ ದೆತೊನೊಂದು ಉಲ್ಲೆರ್ . ಕೋವಿಡ್ ಸುರುತ್ತ ಅಲೆಯು ಪ್ರಾಯದಕ್ಲೆನ್ ಜಾಸ್ತಿ ಬತ್ತಿತ್ತುಂಡು. ಎರಡನೇ ಅಲೆ ಮಧ್ಯ ವಯಸ್ಕೆರೆಗ್ ಬೇನೆ ಕೊರ್ತುಂಡು. ನನ ಮೂಜನೆ ಅಲೆ ಬತ್ತುಂಡ ಅವು ಜೋಕ್ಲೆನ ಮಿತ್ತ್ ಪರಿಣಾಮ ಬೂರುಂಡು ಪಂದ್ ತಜ್ನೆರ್ ಪಂಡೆರ್ , ಅಂಚಾದ್ ಪರೀಕ್ಷೆ ನಡಪಾಯೆರೆ ಶಿಕ್ಷಣ ಇಲಾಖೆ ಜಾಸ್ತಿ ಎಚ್ಚರಿಕೆ ವಹಿಸೊಂದು ಉಲ್ಲೆರ್ .

ಸೇನಾ ನೇಮಕಾತಿ ಲಿಖಿತ ಪರೀಕ್ಷೆ ತಾರೀಖ್ ಬದಲ್

ಒಡಿಪು , ಮೇ 29: ಒಡಿಪುಡು ಮಾ.17ರ್ದ್ ಮಾ.30 ಮುಟ ನಡತಿನ ಸೇನಾ ನೇಮಕಾತಿ ರ್ಯಾಲಿಡ್ ಅರ್ಹತೆ ಪಡೆಯಿನ ಅಭ್ಯರ್ಥಿಲೆಗ್ ಲಿಖಿತ ಪರೀಕ್ಷೆನ್ ಮೇ 30 ತಾರೀಖ್ ಗ್ ಕುಡ್ಲಡ್ ನಿಗದಿ ಮಲ್ದೆರ್ , ಕೋವಿಡ್-19ರ ಕಾರಣಗಾದ್ ಈ ಪರೀಕ್ಷೆನ್ ದುಂಬು ಮಲ್ದೆರ್ .

ಪರಿಷ್ಕೃತ ತಾರೀಖ್ ನ್ ನಿಗದಿ ಮಲ್ಪರೆ ಪಂದ್ ಸೈನಿಕ ಕಲ್ಯಾಣ ಪುನರ್ವಸತಿ ಇಲಾಖೆದ ಕುಡ್ಲ ಜಂಟಿ ನಿರ್ದೇಶಕೆರ್ನ ಕಾರ್ಯಾಲಯದ ಪ್ರಕಟಣೆ ತೆರಿಪಾದೆರ್ .

ಲಸಿಕೆ ಕೊರಿಬೊಕ್ಕ ಪರೀಕ್ಷೆ ಮಲ್ಪಾಲೆ : ಎನ್ಎಸ್ ಯುಐ ಆಗ್ರಹ

ಕುಡ್ಲ , ಮೇ 28: ಲಸಿಕೆಇಲ್ಲದೆ ಇಜ್ಜಂದೆ ಪರೀಕ್ಷೆ ಬೊರ್ಚಿ , ಜೋಕ್ಲೆನ ಶುಲ್ಕಡ್ ಶೇ.50 ದಾತ್ ರಿಯಾಯಿತಿ ಕೊರೊಡು . ಕೊರೋನ ಸೋಂಕುರ್ದು ಪೋಷಕೆರೆನ್ ಕಳೆಯೊಂದಿನ ಜೋಕ್ಲೆಗ್ ಉಚಿತ ಶಿಕ್ಷಣ ಕೊರೊಡು ಪಂದ್ ಬೇಡಿಕೆನ್ ಈಡೇರಿಸಾವೊಡು ಎನ್‌ಎಸ್‌ಯುಐ ದ.ಕ. ಜಿಲ್ಲಾಧ್ಯಕ್ಷ ಸವಾದ್ ಸುಳ್ಯ ಪಂಡೆರ್ .

ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಗುರುವಾರ ಸುದ್ದಿಗೋಷ್ಠಿಡ್ ಪಾತೆರಿನ ಮೆರ್ ಕೊರೋನ ಮೂಜನೆ ಅಲೆತ ಮುನ್ಸೂಚನೆ ಉಂಡು , ಜೋಕುಲು ಬೊಕ್ಕ ಪೋಷಕೆರ್ಡ ಪೋಡಿಗೆ ಪುಟ್ಟಾದುಂಡು.

ಸುದ್ದಿಗೋಷ್ಠಿಡ್ ಎನ್‌ಎಸ್‌ಯುಐ ಜಿಲ್ಲಾ ಉಪಾಧ್ಯಕ್ಷೆರಾಯಿನ ಆಸ್ಟನ್ ಸ್ವಿಕ್ವೇರಾ, ಅಂಕುಶ್ ಶೆಟ್ಟಿ, ನಿಕಿಲ್ ಪೂಜಾರಿ, ಮುಖಂಡೆರಾಯಿನ ಪವನ್ ಸಾಲ್ಯಾನ್, ಶಫೀಕ್, ರಿಲ್ವಾನ್ ಪಾಲ್ ಪಡೆದಿತ್ತೆರ್.