ತಡೆ

ಖಾಸಗಿ ಬಸ್ ಪ್ರಯಾಣ ದರ ಏರಿಕೆಗ್ ತಡೆ : ದ.ಕ ಜಿಲ್ಲಾಧಿಕಾರಿ

Jul 6, 2021

ಕುಡ್ಲ ,ಜುಲೈ 6 : ದ.ಕ.ಜಿಲ್ಲೆದ ಖಾಸಗಿ ಬಸ್ ಮಾಲಕೆರ್ನ ಸಂಘವು ಏರಿಕೆ ಮಲ್ದಿನ ಬಸ್ ಪ್ರಯಾಣ ದರಕ್ ತಾತ್ಕಾಲಿಕ ತಡೆ ಕೊರ್ತೆರ್ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ಸೋಮವಾರ ಬಸ್ ಮಾಲಕೆರ್ನ ಸಂಘದ ಪ್ರತಿನಿಧಿನಕ್ಲೆನೊಟ್ಟುಗು ಸಭೆ ನಡಪಾಯಿ ಬೊಕ್ಕ ಸುದ್ದಿಗಾರೆರೆಗ್ ಮಾಹಿತಿ ಕೊರಿನ ಜಿಲ್ಲಾಧಿಕಾರಿ, ಲಾಕ್‌ ಡೌನ್ ದ ದುಂಬು ಚಾಲ್ತಿಡ್ ಇತ್ತಿನ ಪ್ರಯಾಣ ದರನ್ ದೆತೊನೊಡು ಪಂದ್ ಮಾಲಕೆರೆಗ್ ಸೂಚನೆ ಕೊರ್ತೆರ್ . ಪ್ರಯಾಣ ದರ ಏರಿಕೆಗ್ ಸಂಬಂಧಿ ಈ ವಾರದುಲಯಿ ಆರ್‌ಟಿಎ ಸಭೆ ನಡಪಾವೆರ್ . ಆ ಸಭೆಟ್ ದರ ಜಾಸ್ತಿ ಮಲ್ಪೊಡ ಅತ್ತ್ ಬೊರ್ಚ ಪನ್ಪಿನ ವಿಚಾರದ ಬಗ್ಗೆ ತೀರ್ಮಾನ ದೆತೊನುವ ಪಂದ್ ಜಿಲ್ಲಾಧಿಕಾರಿ ಪಂಡೆರ್ .

ಪುತ್ತೂರುಡು ಮಲೇರಿಯಾ ತಡೆ ಮಾಸಾಚರಣೆ : ಉಪನ್ಯಾಸ

Jun 27, 2021

ಪುತ್ತೂರು ಜೂನ್ 27: ಉಮಿಲ್ ದ ಮುಖೇನ ಪಸರುನ ಕೆಲವು ಸೀಕ್ ಡ್ ಒಂಜಾಯಿನ ಮಲೇರಿಯಾ ಸೀಕ್ ಲ ಒಂಜಿ ಕೈತಲ್ ಡ್ ನೀರ್ ಉಂತಂದಿಲಕ ಮಲ್ತ್ ಸ್ವಚ್ಛ ಪರಿಸರ ನಿರ್ಮಾಣ ಮಲ್ಪುನೆರ್ದಾವರ ಮಲೇರಿಯಾ ನಿಯಂತ್ರಣ ಸಾಧ್ಯ ಪಂದ್ ತಾಲ್ಲೂಕು ಆರೋಗ್ಯಾಧಿಕಾರಿ ಡಾ. ದೀಪಕ್ ರೈ ಪಂಡೆರ್ .

ಜಿಲ್ಲಾ ಪಂಚಾಯಿತಿ, ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ತಾಲ್ಲೂಕು ಆರೋಗ್ಯಾಧಿಕಾರಿ ಕಚೇರಿದ ಒಟ್ಟು ಸೇರಿಗೆಡ್ ಮಲೇರಿಯಾ ತಡೆ ಮಾಸಾಚರಣೆ ಪರವಾದ್ ಶನಿವಾರ ನಡತಿನ ಮಾಹಿತಿ ಕಾರ್ಯಕ್ರಮಟ್ ಆರ್ ‘ಶೂನ್ಯ ಮಲೇರಿಯಾ ಗುರಿ ತಲುಪೋಣ’ ಬಗ್ಗೆ ಪಾತೆರಿಯೆರ್..