ಚಾಲನೆ

ಜೋಕ್ಲೆನ ಶೈಕ್ಷಣಿಕ ಭವಿಷ್ಯದ ಹಿತದೃಷ್ಟಿರ್ದ್ ಬೆಗೋಡೆ ಶಾಲೆ ಸುರು ಮಲ್ಪೊಡು ಪಂದ್ ಆಗ್ರಹ : ಪೋಸ್ಟ್ ಕಾರ್ಡ್ ಅಭಿಯಾನಗ್ ಚಾಲನೆ

ಕಲ್ಲಡ್ಕ,ಜುಲೈ 11: ಸರಕಾರಿ ಶಾಲೆ ಒರಿಪಾದ್ ಬುಳೆಪಾಲೆ ರಾಜ್ಯ ಸಮಿತಿದ ಲೆಪ್ಪೋಲೆ ದ ಮಿತ್ತ್ ಜೋಕ್ಲೆನ ಶೈಕ್ಷಣಿಕ ಭವಿಷ್ಯದ ಹಿತದೃಷ್ಟಿರ್ದ್ ಮುನ್ನೆಚ್ಚರಿಕೆ ಕ್ರಮಕ್ಲೆನ್ ದೆತೊನ್ದು ಶೀಘ್ರ ಶಾಲೆ ಸುರು ಮಲ್ಪೊಡು ಪಂದ್ ಆಗ್ರಹ ಮಲ್ತ್ ಕಾರ್ಡ್ಅಭಿಯಾನಗ್ ಮಾಜಿ ಸರಕಾರಿ ಪ್ರಾಥಮಿಕ ಶಾಲೆಡ್ ವೀರಕಂಭ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಯುತ ದಿನೇಶ್ ಸುರುತ್ತ ಪತ್ರ ಬರೆಪಿನ ಮುಖೇನ ಚಾಲನೆ ಕೊರಿಯೆರ್ .

ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವ ಸುರೇಶ್ ಕುಮಾರ್ ಮೆರೆಗ್ ಪೋಷಕೆರ್ ಸ್ವಯಂ ಪ್ರೇರಿತೆರಾದ್ ಅಂಚೆ ಕಾರ್ಡ್ ಬರೆದ್ ಕಡಪಾವುನ ಬಗ್ಗೆ ಅಭಿಯಾನಡ್ ಕೈ ಜೋಡಾಯೆರ್ .
ಸರಕಾರ ಆನ್‌ಲೈನ್ ಬೊಕ್ಕ ಟಿವಿ ಮಾಧ್ಯಮದ ಮುಖೇನ ಕೊರ್ಪಿನ ಶಿಕ್ಷಣ ಹಳ್ಳಿ ಪ್ರದೇಶಡ್ ವಿದ್ಯುತ್ ಬೊಕ್ಕ ನೆಟ್ವರ್ಕ್ ಸಮಸ್ಯೆರ್ದ್ ಜೋಕ್ಲೆಗ್ ಸರಿಯಾದ್ ಶಿಕ್ಷಣ ಮುಟ್ಟೊಂದು ಇಜ್ಜಿ ಐರ್ದಾವರ ವಿದ್ಯಾಗಮ ಶಿಕ್ಷಣ ವ್ಯವಸ್ಥೆನ್ ಅವಲಂಭಿಸುನ ಬಗ್ಗೆ ಮುಖಾಮುಖಿ ಸುರು ಮಲ್ಪೊಡು ಪಂದ್ ಪೋಷಕೆರ್ನ ಒತ್ತಾಯ ಕೇಂದ್ ಬತ್ತಿ ನೆಲೆಟ್ಟ್ ಈ ಬಗ್ಗೆ ಸರಕಾರದ ಗಮನ ಸೆಳೆಯರೇ ಜೋಕ್ಲೆನ ಮಕ್ಕಳ ಸುರಕ್ಷತೆ ಬೊಕ್ಕ ಶೈಕ್ಷಣಿಕ ಭವಿಷ್ಯದ ನೆಲೆಟ್ಟ್ ಶಾಲೆ ಸುರು ಮಲ್ಪೊಡು ಪಂದ್ ಪೋಷಕೆರ್ ಕಾರ್ಡ್ ಅಭಿಯಾನಡ್ ಪಾಲ್ ಪಡೆಯೋಡು ಪಂದ್ ರಾಜ್ಯ ಸಮಿತಿ ಕಾರ್ಡ್ ಅಭಿಯಾನಗ್ ಕರೆ ಕೊರ್ತೆರ್.

ಈ ಲೇಸ್ ಡ್ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಸಂಜೀವ ಮೂಲ್ಯ ,ಶ್ರೀ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ವೀರಕಂಭ ಒಕ್ಕೂಟದ ಗುರ್ಕಾರ್ಲಾಯಿನ ಕೊರಗಪ್ಪ ನಾಯ್ಕ, ಮಜಿ ಶಾಲಾ ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ರಮೇಶ್ ಮೈರ ಬೊಕ್ಕ ಜೋಕ್ಲೆನ ಪೋಷಕೆರ್ ಪಾಲ್ ಪಡೆದಿತ್ತೆರ್.

ಬಡಾನಿಡಿಯೂರು ಗ್ರಾಮ ಪಡಿಲು ಭೂಮಿ ಕೃಷಿ ನಾಟಿಗ್ ಚಾಲನೆ

ಒಡಿಪು, ಜುಲೈ 7: “ಹಡಿಲು ಭೂಮಿ ಕೃಷಿ ಅಂದೋಲನ”ದಡಿ ಕೇದಾರೋತ್ಥಾನ ಟ್ರಸ್ಟ್ ಮುಖೇನ ಬಡಾನಿಡಿಯೂರು ಗ್ರಾಮ ಪಂಚಾಯತ್ ವ್ಯಾಪ್ತಿಡ್ 5 ಎಕರೆ ಹಡಿಲು ಭೂಮಿನ್ ಸಾವಯುವ ಕೃಷಿ ಮಲ್ತೊಂದು ಉಲ್ಲೆರ್ , ಇನಿ ತಾರೀಖ್ 07-07-2021 ಕ್ಕ್ ಆರ್ಯನ್ ಹೋಟೆಲ್ ಕೈತಲ್ ಪಡಿಲು ಭೂಮಿ ಕೃಷಿ ನಾಟಿ ಲೇಸ್ ನ್ ಉದಿಪನ ಮಲ್ತೆರ್ .

ಶ್ರೀ ಆನಂದ್ ಪಿ. ಸುವರ್ಣ ಮತ್ಸ್ಯೋದ್ಯಮಿ ಬೊಕ್ಕ ಶ್ರೀ ಟಿ. ರಫೀಕ್ ಸಾಹೇಬ್ ಗುರ್ಕಾರ್ಲು ಓ.ಪಿ.ಎಫ್ ಗುಜ್ಜರಬೆಟ್ಟು ಮೆಕ್ಲೆನೊಟ್ಟುಗು ಶಾಸಕ ಶ್ರೀ ಕೆ. ರಘುಪತಿ ಭಟ್ ಮೇರ್ ಭೂಮಿಯಪ್ಪೆಗ್ ಪೇರ್ ಪಾರ್ದ್ ನೇಜಿ ನಡ್ಪಿನ ಮುಖೆನ ಕೈ ನಾಟಿಗ್ ಚಾಲನೆ ಕೊರಿಯೆರ್.

ಈ ಭಾಗಡ್ ಪಡಿಲು ಭೂಮಿ ಆಂದೋಲನಗ್ ಸಾಕಾರ ಕೊರಿನ ಸಂಘ – ಸಂಸ್ಥೆದಕ್ಲೆಗ್ , ಭೂ ಮಾಲಕೆರೆಗ್ , ಕೈತಲ್ ದ ಶಾಸಕೆರಾಯಿನ ಶ್ರೀ ಕೆ. ರಘುಪತಿ ಭಟ್ ಮೇರ್ ಸೊಲ್ಮೆ ಸಂದೈತ ಮಲ್ತೆರ್.

ಈ ಪೊರ್ತುಡು ಬಡಾನಿಡಿಯೂರು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಭಾಕರ್ ತಿಂಗಳಾಯ, ಒತ್ತು ಗುರ್ಕಾರ್ಲಾಯಿನ ಶೀಲಾ, ಪೆರಿಯ ಕೃಷಿಕೆರಾಯಿನ ಬಿ.ಪಿ ರಮೇಶ್ ಪೂಜಾರಿ, ಬಡಾನಿಡಿಯೂರು ಗ್ರಾಮ ಪಂಚಾಯತ್ ಮಾಜಿ ಗುರ್ಕಾರ್ಲಾಯಿನ ಉಮೇಶ್ ಪೂಜಾರಿ, ಕೈತಲ್ ದಕುಲಾಯಿನ ದಿನಕರ್ ಮಾಸ್ಟರ್, ಸಂಜೀವಿನಿ ತಂಡದ ಗುರ್ಕಾರ್ಲಾಯಿನ ಲತಾ, ಕೇದಾರೋತ್ಥಾನ ಟ್ರಸ್ಟ್ ದ ಪ್ರಧಾನ ಕಾಯಂತೆರಾಯಿನ ಮುರಳಿ ಕಡೆಕಾರ್, ಕೋಶಾಧಿಕಾರಿಲಾಯಿನ ರಾಘವೇಂದ್ರ ಕಿಣಿ, ಸದಸ್ಯೆರಾಯಿನ ದಿನಕರ್ ಬಾಬು, ಬಡಾನಿಡಿಯೂರು ಗ್ರಾಮ ಪಂಚಾಯತ್ ಸದಸ್ಯೆರ್ , ಸಂಜೀವಿನಿ ತಂಡದ ಸದಸ್ಯೆರ್ , ಸ್ಥಳೀಯ ಕೃಷಿಕೆರ್ , ಪ್ರಮುಖೆರ್ , ಪಕ್ಷದ ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್.ಬಡಾನಿಡಿಯೂರು ಸಂಜೀವಿನಿ ತಂಡದ ಸದಸ್ಯೆರ್ 3 ಕೊಯ್ಲು ಕಂಡೊಡ್ ನಟ್ಟಿ ನಡಿಯೆರ್.

ಬಡಾನಿಡಿಯೂರು ಗ್ರಾಮ ಪಂಚಾಯತ್ ಡ್ ವಿಮಾ ಸಪ್ತಾಹಗ್ ಚಾಲನೆ

ಒಡಿಪು, ಜೂನ್ 25:ವಿಮಾ ಸಪ್ತಾಹದ ಅಂಗವಾದ್‌ ಜಿಲ್ಲಾ ಪಂಚಾಯತ್ ರಾಷ್ಟ್ರೀಯ ಗ್ರಾಮೀಣ ಜೀವನೋಪಾಯ ಸಂಜೀವಿನಿದ ಸದಸ್ಯೆರೆಗ್ ‌ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಆಯಿನ ಶ್ರೀಮತಿ ಮಾಲತಿ ಮೇರ್ ಪ್ರಧಾನಮಂತ್ರಿ ಜೀವನ ಜ್ಯೋತಿ ಬೊಕ್ಕ ಸುರಕ್ಷಾ ವಿಮಾ ಯೋಜನೆದ ಸದುಪಯೋಗ ಮಲ್ತೊನರೆಗ್ ಮಾಹಿತಿ ಕೊರಿಯೆರ್.

ನವಶಕ್ತಿ ಸಂಜೀವಿನಿ ಬಡಾನಿಡಿಯೂರುದ ಮಾತಾ ಪದಾಧಿಕಾರಿಲು ಈ ಯೋಜನೆಗ್ ಅರ್ಜಿ ಪಾಡಿಯೆರ್..ಪಂಚಾಯತ್ ದ ಸದಸ್ಯೆರಾಯಿನ ಶ್ರೀ ಮತಿ ಯಶೋದ ಆಚಾರ್ಯ ವಿಮಾ ಯೋಜನೆ ದ ಅರ್ಜಿನ್‌ ಸಂಜೀವಿನಿದ ಪದಾಧಿಕಾರಿಲೆಗ್ ಹಸ್ತಾಂತರ ಮಲ್ತೆರ್.

ಈ ಪೊರ್ತುಡ್ ನವಶಕ್ತಿ ಸಂಜೀವಿನಿ ಸಂಘದ ಗ್ರಾಮ ಒಕ್ಕೂಟದ ಅಧ್ಯಕ್ಷೆರಾಯಿನ ಶ್ರೀ ಮತಿ ಲತಾ ಅಶೋಕ್, ಉಪಾಧ್ಯಕ್ಷೆರಾಯಿನ ಶ್ರೀ ಮತಿ ತಾರಾ ಪ್ರಭಾಕರ್, ಕಾರ್ಂತೆರಾಯಿನ ಶ್ರೀ ಮತಿ ವತ್ಸಲಾ, ಅಂಚೆನೆ ಬಾಕಿದ ಪದಾಧಿಕಾರಿಲು ಉಪಸ್ಥಿತರಿತ್ತೆರ್..ನವಶಕ್ತಿ ಸಂಜೀವಿನಿ ಬಡಾನಿಡಿಯೂರು ಗ್ರಾಮೊಡ್ ಒಟ್ಟುಗ್ 60 ಸಂಘೊಲೆಡ್ 600 ಜನ ಪೊಂಜೊವುನಕುಲು ಸದಸ್ಯೆರಾದುಲ್ಲೆರ್.ಮಾತಾ ಸದಸ್ಯೆರ್ ಲಾ ಸರಕಾರದ ಯೋಜನೆಲೆನ ಸದುಪಯೋಗ ಪಡೆತೊನೊಡ್ ,ಪೊಂಜೊವುನಕುಲು ಎರೆನಲಾ ಹಂಗ್ ದಾಂತೆ ಸ್ವಾಭಿಮಾನಿಯಾದ್ ಬದುಕೊಡ್ ಪಂಡುದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಶ್ರೀಮತಿ ಮಾಲತಿ ಈ ಪೊರ್ತುಡ್ ತೆರಿಪಾಯೆರ್..

ವಿವಿ ಕಾಲೇಜ್ : ಸಂಚಾರಿ ಲಸಿಕಾ ಕೇಂದ್ರಗ್ ಚಾಲನೆ

ಕುಡ್ಲ, ಜೂನ್ 20: ದಕ್ಷಿಣ ಕನ್ನಡ ಜಿಲ್ಲಾಡಳಿತ, ಕುಡ್ಲ ವಿಶ್ವವಿದ್ಯಾನಿಲಯದ ಯುವ ರೆಡ್‌ ಕ್ರಾಸ್‌ ಘಟಕ ಬೊಕ್ಕ ವಿಶ್ವವಿದ್ಯಾನಿಲಯ ಕಾಲೇಜು ಕುಡ್ಲ , ಮೆಕ್ಲೆನ ಒಟ್ಟು ಸೇರಿಗೆಡ್ ಬಸ್‌ ಸಿಬ್ಬಂದಿ ಬೊಕ್ಕ ಆಟೋ ಚಾಲಕೆರೆಗಾದ್ ಕೊವಿಡ್‌- 19 ಲಸಿಕಾ ಅಭಿಯಾನನ್ ಕಾಲೇಜಿನ ರವೀಂದ್ರ ಕಲಾಭವನಡ್ ಶನಿವಾರ ಅಟ್ಟನೆ ಮಲ್ತಿತ್ತೆರ್ .

ಕಾಲೇಜ್ ದ ಪ್ರಾಂಶುಪಾಲೆ ಆಯಿನ ಡಾ. ಅನಸೂಯ ರೈ ಬೊಕ್ಕ ಬ್ಯಾಂಕ್‌ ಆಫ್‌ ಬರೋಡಾದ ಪ್ರಧಾನ ವ್ಯವಸ್ಥಾಪಕಿ ಅಂಚನೇ ವಲಯ ಮುಖ್ಯಸ್ಥೆ ಗಾಯತ್ರಿ ಆರ್‌ ಲೇಸ್ ದ ಉದಿಪನ ಮಲ್ತೆರ್ . ಬತ್ತಿ ಬಿನ್ನೆರೆನ್ ಎದುಕೋನಿನ ಭಾರತೀಯ ರೆಡ್‌ ಕ್ರಾಸ್‌ ಸೊಸೈಟಿದ ಜಿಲ್ಲಾ ಗೌರವ ಕಾರ್ಯದರ್ಶಿ ಎಸ್‌ ಎ ಪ್ರಭಾಕರ ಶರ್ಮ, ಕ್ಯಾಂಪ್‌ದ ಉದ್ದೇಶನ್ ಪಂಡೆರ್ . ದಕ್ಷಿಣ ಕನ್ನಡ ಜಿಲ್ಲಾ ಭಾರತೀಯ ರೆಡ್‌ ಕ್ರಾಸ್‌ ಸೊಸೈಟಿದ ಗುರ್ಕಾರ್ಲಾಯಿನ ಸಿ ಎ ಶಾಂತಾರಾಮ ಶೆಟ್ಟಿ, ಜಿಲ್ಲಾ ಬಸ್‌ ಮಾಲಕರ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್‌ ಆಳ್ವ, ಕುಡ್ಲ ವಿಶ್ವವಿದ್ಯಾನಿಲಯದ ಯುವ ರೆಡ್‌ ಕ್ರಾಸ್‌ ಘಟಕದ ನೋಡಲ್‌ ಅಧಿಕಾರಿ ಪಾಲ್ ಪಡೆದಿತ್ತೆರ್.