ಕಾಂಗ್ರೆಸ್

ಕಾರ್ಲಾಗ್ ಬಲೆ ನಾಯಕೆರೇ : ಕಾಂಗ್ರೆಸ್ ಕಾರ್ಯಂತೆರೆರ್ದ್ ಟ್ವಿಟ್ಟರ್ ಅಭಿಯಾನ

ಕಾರ್ಕಳ : ಕೆಪಿಸಿಸಿ ಗುರ್ಕಾರ್ಲಾಯಿನ ಡಿಕೆ ಶಿವಕುಮಾರ್ ಬೊಕ್ಕ ಮಾಜಿ ಸಿಎಂ ಸಿದ್ದರಾಮಯ್ಯನ್ ಉಲ್ಲೇಖಿಸಾದ್ ಕಾರ್ಕಳದ ಕಾಂಗ್ರೆಸ್ ಕಾರ್ಯಂತೆರ್ ಕಾರ್ಕಳಗ್ ಬನ್ನಿ ಪನ್ಪಿನ ಟ್ವಿಟ್ಟರ್ ಅಭಿಯಾನ ಆ. 27ಕ್ಕ್ ಶುರು ಮಲ್ದೆರ್ .

ಮಾಜಿ ಶಾಸಕ ಗೋಪಾಲ ಭಂಡಾರಿಲು ತೀರ್ ಪೋಯಿ ಬೊಕ್ಕ ಕಾಂಗ್ರೆಸ್ ಕಾರ್ಯಂತೆರ್ ಅನಾಥರಾತೆರ್ . ಅವ್ವೆತೋ ಕಾರ್ಯಂತೆರ್ ಪಕ್ಷರ್ದ್ ದೂರ ಪೋತೆರ್ . ಕೆಲವೆರ್ ಬಿಜೆಪಿದ ಕಡೆ ಪೋತೆರ್ . ಇಂಚಾದ್ ಕಾಂಗ್ರೆಸ್ ಕಾರ್ಯಂತೆರ್ಡ ಧೈರ್ಯ ಜಿಂಜಾವುನ ನೆಲೆಟ್ಟ್ ಕಾರ್ಕಳಗ್ ನಾಯಕೆರ್ ಬರೊಡು ಪಂದ್ ಅವ್ವೆತೋ ಜನ ಟ್ವಿಟ್ಟರ್‌ಡ್ ಅಗ್ರಹ ಮಲ್ದೆರ್.

ಯುವ ಕಾಂಗ್ರೆಸ್ ವತಿರ್ದ್ ಬ್ರಹ್ಮ ಶ್ರೀ ನಾರಾಯಣ ಗುರುಜಯಂತಿ

ಕುಡ್ಲ, ಆಗಸ್ಟ್ 5 : ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ವತಿರ್ದ್ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿನ್ ಆ. 23ಕ್ಕ್ ನಡಪಾಯೆರೆ ಅಟ್ಟನೆ ಮಲ್ದೆರ್. ಈ ಪ್ರಯುಕ್ತ ‘ಧಾರ್ಮಿಕ, ಸಾಮಾಜಿಕ ಬೊಕ್ಕ ಶೈಕ್ಷಣಿಕ ಸುಧಾರಣೆಡ್ ನಾರಾಯಣ ಗುರುಕ್ಲೆನ ಚಿಂತನೆದ ಪಾತ್ರ’ ಪನ್ಪಿನ ವಿಷಯಡ್ ಜಿಲ್ಲಾ ಬೊಕ್ಕ 16 ಬ್ಲಾಕ್ ಮಟ್ಟಡ್ ಪ್ರಬಂಧ ಪಂಥೋನು ಅಟ್ಟನೆ ಮಲ್ದೆರ್.

ಸುದ್ದಿಗೋಷ್ಠಿಡ್ ಈ ಬಗ್ಗೆ ಮಾಹಿತಿ ಕೊರಿನ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ, 8ನೆ ತರಗತಿರ್ದ್ ಪಿಯುಸಿ, ದ್ವಿತೀಯ ಪಿಯುಸಿರ್ದ್ ಪದವೀಧರ, ಸ್ನಾತಕೋತ್ತರ ಜೋಕ್ಲೆಗ್ ಬೊಕ್ಕ ಮುಕ್ತ ವಿಭಾಗ ಸೇರ್ದ್ ಮೂಜಿ ವಿಭಾಗಡ್ ಪಂಥ ನಡಪರೆ ಉಂಡು ಪಂದ್ ಪಂಡೆರ್.

ಜಿಲ್ಲಾ ಬೊಕ್ಕ ಪ್ರತಿ ಬ್ಲಾಕ್ ಮಟ್ಟಡ್ ಪ್ರತ್ಯೇಕವಾದ್ ಸುರುತ ಬೊಕ ರಡ್ಡನೇ ಇನಾಮು ಪಡೆಯಿನಕ್ಲೆಗ್ ಪಣವುದ ಮಾನದಿಗೆ ಉಂಡು.

ಕಾರ್ಕಳ ಬ್ಲಾಕ್ ಮಹಿಳಾ ಕಾಂಗ್ರೆಸ್ ಪದಗ್ರಹಣ

ಕಾರ್ಕಳ ಜುಲೈ 17: ಕಾರ್ಕಳ ಬ್ಲಾಕ್ ಮಹಿಳಾ ಕಾಂಗ್ರೆಸ್ ಕಾರ್ಕಳ ನೆತ್ತ ಪೊಸತಾದ್ ಮಹಿಳಾ ಕಾಂಗ್ರೆಸ್ ಗುರ್ಕಾರ್ಲಾದ್ ಆಯ್ಕೆಯಾಯಿನ ಅನಿತಾ ಡಿಸೋಜಾ ಮೆರ್ನ ಪದಗ್ರಹಣ ಲೇಸ್ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ನಡತುಂಡು.

ನಿಕಟಪೂರ್ವ ಮಹಿಳಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ನಳಿನಾಕ್ಷಿ ಆಚಾರ್ಯ ಮೇರ್ ತನ್ನ ಗುರ್ಕಾರ್ಮೆದ ಪೊರ್ತುಡು ತಂಕ್ ಸಾಕಾರ ಕೊರಿನ ಮಾಜಿ ಶಾಸಕ ಗೋಪಾಲ ಭಂಡಾರಿಲೆಗ್ ಅಂಚನೇ ಒಟ್ಟುಗು ಸಾಕಾರ ಕೊರಿನ ಪಕ್ಷದ ಬೇತೆ ಬೇತೆ ಘಟಕದ ಗುರ್ಕಾರ್ಲು ಬೊಕ್ಕ ಪದಾಧಿಕಾರಿಲೆಗ್ ಬೊಕ್ಕ ಮಹಿಳಾ ಕಾಂಗ್ರೆಸ್ ಪದಾಧಿಕಾರಿಲು ಕೊರಿನ ಸಾಕರಾಗ್ ಸೊಲ್ಮೆ ಸಂದೈತ ಮಲ್ತೆರ್.

ಕಾಂಗ್ರೆಸ್ ಅಲ್ಪ ಸಂಖ್ಯಾತೆರ್ನ ಘಟಕದ ಕಾರ್ಯದರ್ಶಿಯಾದ್ ಮೊಹಮ್ಮದ್ ಅಝರುದ್ದೀನ್

ಕುಡ್ಲ ,ಜುಲೈ 15: : ದ.ಕ. ಜಿಲ್ಲಾ ಕಾಂಗ್ರೆಸ್ ಸಮಿತಿದ ಅಲ್ಪಸಂಖ್ಯಾತ ಘಟಕದ ಕಾರ್ಯದರ್ಶಿಯಾದ್ ಕೊಡಿಜಾಲ್‌ದ ಮುಹಮ್ಮದ್ ಅಝರುದ್ದೀನ್ ಮೆರೆನ್ ಅಲ್ಪಸಂಖ್ಯಾತೆರ್ನ ಘಟಕದ ಜಿಲ್ಲಾಧ್ಯಕ್ಷ ಶಾಹುಲ್ ಹಮೀದ್ ನೇಮಕ ಮಲ್ದೆರ್.

ಕಾಂಗ್ರೆಸ್ ಪಕ್ಷದ ಸಿದ್ಧಾಂತ ಬೊಕ್ಕ ಕಾರ್ಯಕ್ರಮದ ಅನುಷ್ಠಾನಡ್ ಸಕ್ರಿಯವಾದ್ ಉಪ್ಪುನ ಪಕ್ಷದ ಸಂಘಟನೆ ಬೊಕ್ಕ ಬಲವರ್ಧನೆಗ್ ಕಾರ್ಯೋನ್ಮುಕೇರಾವೊಡು ಪಂದ್ ಆದೇಶಡ್ ಪಂಡೆರ್.

ಯುವ ಕಾಂಗ್ರೆಸ್ ರ್ದ್ ಕೋವಿಡ್ ವಾರಿಯರ್ಸ್ ಗ್ ಮಾನದಿಗೆ

ಕುಡ್ಲ, ಜುಲೈ 15: ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಕ್ಷಾ ರಾಮಯ್ಯ ಭೇಟಿ ನೆಲೆಟ್ಟ್ ದ.ಕ.ಜಿಲ್ಲಾ ಯುವ ಕಾಂಗ್ರೆಸ್‌ರ್ದ್ ಕೋವಿಡ್ ವಾರಿಯರ್ಸ್‌ಲೆಗ್ ಮಾನದಿಗೆ ಮಲ್ಪುನ ಲೇಸ್ ನ್ ಕುಡ್ಲದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ಅಂಗಾರೆ ಅಟ್ಟನೆ ಮಲ್ತೆರ್.

ಈ ಪೊರ್ತು ರಾಜ್ಯ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ರಕ್ಷಾ ರಾಮಯ್ಯ ಮೇರ್ ಕೋವಿಡ್ ಪೊರ್ತುಡು ಬೆಂತಿನ ಯುವ ಕಾಂಗ್ರೆಸ್‌ದ ಕೊರೋನ ವಾರಿಯರ್ಸ್ಲೆಗ್ ಪ್ರಮಾಣ ಪತ್ರ ಕೊರ್ದು ಮಾನದಿಗೆ ಮಲ್ತೆರ್ .

ಲೇಸ್ ಡ್ ದ.ಕ. ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಕೆ.ಹರೀಶ್ ಕುಮಾರ್, ರಾಷ್ಟ್ರೀಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿಲಾಯಿನ ಅನಿಲ್ ಕುಮಾರ್ ಯಾದವ್, ಸುರಾಭಿ ದಿವೇದಿ, ರಾಷ್ಟ್ರೀಯ ಯುವ ಕಾಂಗ್ರೆಸ್ ಕಾರ್ಯದರ್ಶಿ ವಿದ್ಯಾ ಬಾಲಕೃಷ್ಣನ್, ಜಿಲ್ಲಾ ಕಾಂಗ್ರೆಸ್ ಅಲ್ಪಸಂಖ್ಯಾತ ಘಟಕಾಧ್ಯಕ್ಷ ಶಾಹುಲ್ ಹಮೀದ್, ರಾಜ್ಯ ಯುವ ಕಾಂಗ್ರೆಸ್ ಉಪಾಧ್ಯಕ್ಷೆ ಭವ್ಯ, ರಾಜ್ಯ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿಲಾಯಿನ ದೀಪಿಕ ರೆಡ್ಡಿ, ಮೆರಿಲ್ ರೇಗೊ, ರಾಜ್ಯ ಯುವ ಕಾಂಗ್ರೆಸ್ ಕಾರ್ಯದರ್ಶಿಲಾಯಿನ ಮನ್ನಾರ್ ಮನ್ನಾನ್, ಆಶಿತ್ ಪಿರೇರಾ, ಸರ್ಫಾಝ್ ನವಾಝ್, ಮಾಜಿ ಜಿಲ್ಲಾ ಯುವ ಕಾಂಗ್ರೆಸ್ ಗುರ್ಕಾರ್ಲಾಯಿನ ಮಿಥುನ್ ರೈ, ಬ್ಲಾಕ್ ಯುವ ಕಾಂಗ್ರೆಸ್ ಗುರ್ಕಾರ್ಲು , ಪಾಲ್ ಪಡೆದಿತ್ತೆರ್.

ಮಾಜಿ ಶಾಸಕೆರಾಯಿನ ದಿ.ಗೋಪಾಲ ಭಂಡಾರಿ ಸ್ಮರಣೆ

ಕಾರ್ಕಳ, ಜುಲೈ 8: ರಾಜಧರ್ಮ ಪರಿಪಾಲನೆಗ್ ಅನುಗುಣವಾದ್ ನಡತ್ ಬತ್ತಿನ ಮಾಜಿ ಶಾಸಕ ದಿ ಗೋಪಾಲ ಭಂಡಾರಿ ಜಾತಿ- ಧರ್ಮ ಮೀರ್ದ್ ಬುಳೆಯಿನ ದಾರ್ಶನಿಕೆರ್ . ಆರ್ನ ಮಾನವೀಯತೆ, ತ್ಯಾಗ ಸೇವೆಗ್ ಬಿಲೆ ಕಟ್ಟೆರೆ ಸಾಧ್ಯ ಇಜ್ಜಿ ಪಂದ್ ಎಂದು ಮಾಜಿ ಸಚಿವ ವಿನಯಕುಮಾರ್ ಸೊರಕೆ ಪಂಡೆರ್ .

ಕಾರ್ಕಳ ಬೊಕ್ಕ ಹೆಬ್ರಿ ಬ್ಲಾಕ್ ಕಾಂಗ್ರೆಸ್ ಅಂಚನೇ ಕಾಂಗ್ರೆಸ್‌ದ ಇತರೆ ಕಾಂಗ್ರೆಸ್ ಘಟಕರ್ದ್ ಕಾರ್ಕಳದ ಪೆರ್ವಾಜೆ ಶ್ರೀ ನಾರಾಯಣ ಗುರು ಸಭಾಂಗಣಡ್ ಐತಾರ ನಡತಿನ ಮಾಜಿ ಶಾಸಕ ದಿ ಎಚ್ ಗೋಪಾಲ ಭಂಡಾರಿಲೆನ ರಡ್ಡನೆ ವರ್ಷದ ಪುಣ್ಯತಿಥಿದ ನುಡಿನಮನ ಲೇಸ್ ಡ್ ನುಡಿನಮನ ಸಲ್ಲಿಸಾದ್ ಆರ್ ಪಾತೆರಿಯೆರ್.

ದಕ್ಷಿಣ ಕನ್ನಡ ಜಿಲ್ಲಾ ಕಾಂಗ್ರೆಸ್ ವತಿರ್ದ್ ಸತತ 60 ದಿನರ್ದ್ ವನಸ್

ಕುಡ್ಲ, ಜೂನ್ 28: ದ.ಕ. ಜಿಲ್ಲಾ ಯುವ ಕಾಂಗ್ರೆಸ್ ಸಮಿತಿದ ಗುರ್ಕಾರ್ಲಾಯಿನ ಲುಕ್ಮಾನ್ ಬಂಟ್ವಾಳ್ ಮುತಾಲಿಕೆಡ್ ರವಿವಾರ ಪೇಂಟೆದ ನಿರ್ಗತಿಕೆರ್ , ಭಿಕ್ಷುಕೆರ್ ಅಂಚನೇ ಆಸ್ಪತ್ರೆಡ್ ಉಪ್ಪುನ ಕೋವಿಡ್ ರೋಗಿಲೆನ ಸಂಬಂಧಿಕೆರ್ ಸೇರಿನಂಚ ಸುಮಾರ್ 500ರ್ದ್ ಜಾಸ್ತಿ ಜನಕ್ ಧರ್ಮದ ವನಸ್ ಕೊರ್ಪಿನ ಲೇಸ್ ಸತತ 60 ದಿನರ್ದ್ ವನಸ್ ಕೊರ್ಪಿನ ಲೇಸ್ ನಡತುಂಡು.

ಈ ಪೊರ್ತುಡು ಮನಪಾ ಸದಸ್ಯೆರಾಯಿನ ಅಬ್ದುಲ್ ರವೂಫ್, ನವೀನ್ ಡಿಸೋಜ, ಜಿಲ್ಲಾ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಟಿ.ಕೆ. ಸುಧೀರ್, ಗಣೇಶ್ ಪೂಜಾರಿ, ರಮಾನಂದ ಪೂಜಾರಿ, ಜಿಲ್ಲಾ ಕಚೇರಿ ಕಾರ್ಯದರ್ಶಿ ನಝೀರ್ ಬಜಾಲ್, ಆಶಿತ್ ಜಿ. ಪಿರೇರಾ, ಆರೀಫ್ ಬಾವ ಬಂದರ್, ಸಿ.ಎಂ. ಮುಸ್ತಫ, ಸೌಹಾನ್ ಎಸ್.ಕೆ., ಸಂಜನಾ ಚಲವಾದಿ, ಹಸನ್ ಪಳ್ನಿರ್, ರಾಜೇಶ್ ಬೆಂಗ್ರೆ, ಅಲ್ಫಾಝ್ ಪಾಂಡೇಶ್ವರ, ಮೀನಾ ಟೆಲ್ಲೀಸ್, ಅಸೀಫ್ ಜಪ್ಪು, ಯೂಸುಫ್ ಉಚ್ಚಿಲ್, ಫಯಾಝ್ ಅಮ್ಮೆಮ್ಮಾರ್ ಪಾಲ್ ಪಡೆದಿತ್ತೆರ್ .