ಕರ್ನಾಟಕ

ಜುಲೈ 14ರ್ದ್ ಪಿಲಿಕುಳ ನಿಸರ್ಗಧಾಮಗ್ ಸಾರ್ವಜನಿಕೆರೆಗ್ ಪ್ರವೇಶ

ಕುಡ್ಲ, ಜುಲೈ 13: ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರದ ಮೃಗಾಲಯ, ಲೇಕ್‌ಗಾರ್ಡನ್, ಹರ್ಬೇರಿಯಂ ಬೊಕ್ಕ ಬೊಟಾನಿಕಲ್ ಮ್ಯೂಸಿಯಂ, ಸಂಸ್ಕೃತಿ ಗ್ರಾಮ ಬೊಕ್ಕ ವಿಜ್ಞಾನಕೇಂದ್ರ ವಿಭಾಗಲೆನ್ (ತಾರಾಲಯ ಬುರ್ದು ) ಸಾರ್ವಜನಿಕರ ವೀಕ್ಷಣೆಗಾದ್ ಜು.14ರ್ದ್ ಸುರು ಮಲ್ಪುವೆರ್ .

ಸರಕಾರದ ಆದೇಶದ ಪ್ರಕಾರ ವೀಕ್ಷಕೆರ್ ಕಡ್ಡಾಯವಾದ್ ಸುರಕ್ಷಿತ ಅಂತರ ಕಾತೊಂದು , ಮಾಸ್ಕ್ ಪಾರ್ದ್ ತೂವೊಲಿ ಪಂದ್ ಪಿಲಿಕುಳ ಅಭಿವೃದ್ದಿ ಪ್ರಾಧಿಕಾರದ ಆಯುಕ್ತ ವೆಂಕಟೇಶ್ ಜಿ. ಪ್ರಕಟನೆಡ್ ತೆರಿಪಾದೆರ್.

ಜೋಕ್ಲೆಗ್ ಉಚಿತ ಸಿಇಟಿ ತರಬೇತಿ

ಬೆಂಗ್ಳೂರು, ಜುಲೈ 11 :ದಯಾನಂದಸಾಗರ್‌ ಸಂಸ್ಥೆರ್ದ್ ಸಿಇಟಿ ಜೋಕ್ಲೆಗಾದ್ ಅಟ್ಟನೆ ಮಲ್ತಿನ ಉಚಿತ ಆನ್‌ಲೈನ್‌ ತರಗತಿಗ್ ಉಪಮುಖ್ಯಮಂತ್ರಿಲಾಯಿನ ಉನ್ನತ ಶಿಕ್ಷಣ ಸಚಿವ ಡಾ.ಸಿ.ಎನ್‌.ಅಶ್ವತ್ಥನಾರಾಯಣ ಚಾಲನೆ ಕೊರಿಯೆರ್ .

ಶುಕ್ರವಾರ ಮಲ್ಲೇಶ್ವರದ 18ನೇ ಅಡ್ಡರಸ್ತೆಡ್ ಉಪ್ಪುನ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರಡ್ ನಡತಿನ ಲೇಸ್ ಡ್ ಪಾತೆರಿನ ಆರ್,ದಯಾನಂದ ಸಾಗರ್‌ ಸಂಸ್ಥೆದ ಈ ಕಾರ್ಯ ಸಿಇಟಿ ಬರೆಯರೆ ಉಪ್ಪುನ ಜೋಕ್ಲೆಗ್ ಎಚ್ಚ ಅನುಕೂಲ ಆಯೆರೆ ಉಂಡು .

ಆನ್‌ಲೈನ್‌ ಮುಖೇನ ಸೂಕ್ತ ಬೊಕ್ಕ ಸಮರ್ಥ ರೀತಿಡ್ ಕೊರಿಯರೆ ಉಂಡು ಪಂದ್ ವಿಶ್ವಾಸ ಕೊರಿಯೆರ್ .ವೃತ್ತಿಪರ ಕೋರ್ಸ್‌ದ ಪ್ರವೇಶಗ್ ಸಿಇಟಿಬರೆಯರೆ ಉಪ್ಪುನ ಜೋಕ್ಲೆಗ್ ಆನ್‌ಲೈನ್ ಮುಖೇನ ನುರಿತ ಉಪನ್ಯಾಸಕೆರ್ನ ಮುಖೇನ ಭೌತಶಾಸ್ತ್ರ, ರಸಾಯನಶಾಸ್ತ್ರ, ಗಣಿತ ಬೊಕ್ಕ ಜೀವಶಾಸ್ತ್ರವಿಷಯದ ತರಗತಿನ್ ಆನ್‌ಲೈನ್‌ ಮುಖೇನ ದಯಾನಂದ ಸಾಗರ್‌ ಸಂಸ್ಥೆ ಕೊರಿಯರೆ ಉಂಡು ಪಂದ್ ಪಂಡೆರ್.