ಕಚೇರಿಗ್

ಕಾಸ್ರೊಡು : ಬಿಜೆಪಿ ರ್ದ್ ಎಸ್ಪಿ ಕಚೇರಿಗ್ ಪ್ರತಿಭಟನಾ ಜಾಥ

Jul 16, 2021

ಕಾಸ್ರೋಡು,ಜುಲೈ 15: ಬಿಜೆಪಿ ಕೇರಳ ರಾಜ್ಯಾಧ್ಯಕ್ಷ ಕೆ.ಸುರೇಂದ್ರನ್ ಬೊಕ್ಕ ಬಿಜೆಪಿ ನಾಯಕೆರ್ನ ಮಿತ್ತ್ ಸುಳ್ಳು ಮೊಕದ್ದಮೆನ್ ಪಾಡೊಂದು ಉಲ್ಲೆರ್ ಪಂದ್ ಆರೋಪ ಮಲ್ತ್ ಬಿಜೆಪಿ ಕಾಸರಗೋಡು ಜಿಲ್ಲಾ ಸಮಿತಿದ ಮುತಾಲಿಕೆಡ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿಗ್ ಬುಧವಾರ ಪ್ರತಿಭಟನಾ ಜಾಥಾ ನಡತುಂಡು .

ಪ್ರತಿಭಟನೆನ್ ಉದಿಪನ ಮಲ್ತಿನ ಬಿಜೆಜಿ ಜಿಲ್ಲಾಧ್ಯಕ್ಷ ಕೆ.ಶ್ರೀಕಾಂತ್, ಪಾತೆರ್ದ್ , ಸಿಪಿಎಂ ಪಕ್ಷದ ನಾಯಕೆರ್ನ ನಿರ್ದೇಶನದಲಕ ಬಿಜೆಪಿ ನಾಯಕೆರ್ನ ವಿರುದ್ಧ ಮೊಕದ್ದಮೆನ್ ಪಾಡೊಂದು ಉಲ್ಲೆರ್. ಮಂಜೇಶ್ವರದ ಬಿಎಸ್ಪಿ ಅಭ್ಯರ್ಥಿಗ್ ಬಿಜೆಪಿ ನಾಯಕೆರ್ ಕಾಸ್ ಕೊರ್ತುಜೆರ್, ಬೆದರಿಕೆ ಪಾಡ್ದ್ಜೆರ್ ಪಂದ್ ಆರೋಪ ಮಲ್ತೆರ್.

ಸಮಾಜ ಸೇವಾ ವೇದಿಕೆರ್ದ್ ಪೊಲೀಸ್ ವೃತ್ತ ನಿರೀಕ್ಷೆಕೆರ್ನ ಕಚೇರಿಗ್ ಕೊಡೆ, ಮಾಸ್ಕ್,ಸಾನಿಟೈಸರ್ ಕೊಡುಗೆ

Jun 6, 2021

ಕಾಪು, ಜೂನ್ 6 : ಸಮಾಜ ಸೇವಾ ವೇದಿಕೆ ಕಳತ್ತೂರು-ಕಾಪು ವತಿರ್ದ್ ಕಾಪು ಪೊಲೀಸ್ ವೃತ್ತ ನಿರೀಕ್ಷಕೆರ್ನ ಕಚೇರಿಗ್ 30 ಸಾರ ವೆಚ್ಚಡ್ ಉತ್ತಮ ಗುಣಮಟ್ಟದ N95 ಮಾಸ್ಕ್ ಸ್ಯಾನಿಟೈಝರ್ ಕೊಡೆನ್ ಪೊಲೀಸ್ ನಿರೀಕ್ಷಕೆರಾಯಿನ ಪ್ರಕಾಶ್ ಮೆರ್ಡ ಕಾಪು ಸಮಾಜ ಸೇವಾ ವೇದಿಕೆ ಗುರ್ಕಾರ್ಲಾಯಿನ ಮೊಹಮ್ಮದ್ ಫಾರೂಕ್ ಚಂದ್ರನಗರ,ಗೌರವ ಗುರ್ಕಾರ್ಲಾಯಿನ ದಿವಾಕರ ಬಿ ಶೆಟ್ಟಿ ಕಳತ್ತೂರು, ಸಂಚಾಲಕಕೆರಾಯಿನ ದಿವಾಕರ ಡಿ ಶೆಟ್ಟಿ ಕಳತ್ತೂರು ಮೇರ್ ಹಸ್ತಾಂತರ ಮಲ್ತೆರ್. ಈ ಪೊರ್ತುಡು ಪಾತೆರಿನ ಮೇರ್ ಸಮಾಜ ಸೇವಾ ವೇದಿಕೆ ಕೊರೋನ ಪೊರ್ತುಡು ಅವ್ವೆತೋ ರೀತಿದ ಸಮಾಜಮುಖಿ ಬೇಲೆ ನಿಜಗ್ಲಾ ಶ್ಲಾಘನಿಯ ಪಂಡೆರ್.

ಈ ಪೊರ್ತುಡು ಐಶ್ವರ್ಯ ಜೂವೆಲ್ಲರ್ಸ್ ಮಾಲಕೆರಾಯಿನ ದಿನೇಶ್ ಆಚಾರ್ಯ ಶಿರ್ವ, ಉದ್ಯಮಿ ವಿಲ್ಸನ್ ಕುಂದರ್ ಕಳತ್ತೂರು,ಗ್ಲಾಡೀಸ್ ಅಲ್ಮೆಡ ರೈಸ್ ಮಿಲ್, ಭಾರತಿ ಶೆಟ್ಟಿಗಾರ್ ರೈಸ್ ಮಿಲ್,ಕಾಪು ಮೆಡಿಕಲ್ ಮಾಲಕೆರಾಯಿನ ಹಾಫಿಲ್ ಇಬ್ರಾಹಿಂ,ಕಾಪು ಬ್ಲಾಕ್ ಕಾಂಗ್ರೆಸ್ ಅಲ್ಪ ಸಂಖ್ಯಾತ ಗುರ್ಕಾರ್ಲಾಯಿನ ಶರ್ಫುದ್ದಿನ್ ಶೇಖ್ ಮಜೂರು,ಶಿರ್ವ ಸಿ.ಆರ್ ಪ್ರಾಪರ್ಟಿಸ್ ಮಾಲಕೆರಾಯಿನ ಸಂತೋಷ್ ಆಚಾರ್ಯ, ರಾಘವೇಂದ್ರ ಭಟ್ ಕಳತ್ತೂರು, ಲೋಕೇಶ್ ಭಟ್ ಪಾದೂರು, ಸಂತೋಷ್ ಶೆಟ್ಟಿ ಗುರ್ಮೆ, ಗ್ಲಾಡ್ಸನ್ ಡಿ ಅಲ್ಮೆಡಾ ರೈಸ್ ಮಿಲ್,ಲಕ್ಷ್ಮಣ ಶೆಟ್ಟಿ ಇನ್ನಂಜೆ,ರಾಜೇಶ್ ನಾಯ್ಕ್ ಕಾಪು ಚೇತನಾ ನಾಯ್ಕ್ ಕಾಪು,ಬೊಕ್ಕ ಸಿ.ಪಿ.ಐ ಕಚೇರಿ ಸಿಬ್ಬಂದಿನಕುಲು ಪಾಲ್ ಪಡೆದಿತ್ತೆರ್.