ಒಡಿಪು

ಇನಿ ಭಟ್ಕಳಡ್ 2500 ಕೋವಿಡ್ ಲಸಿಕೆ : ಡಾ.ಮೂರ್ತಿರಾಜ್ ಭಟ್

Jun 21, 2021

ಭಟ್ಕಳ ಜೂನ್ 21: ಜೂನ್ 21ರ ಸೋಮವಾರ ಭಟ್ಕಳ ತಾಲ್ಲೂಕುದ ಜಿಲ್ಲಾ ಆಡಳಿತರ್ದ್ ಸುಮಾರ್ 2500 ಕೋವಿಶೀಲ್ಡ್ ಡೋಸ್‍ಲೆನ್ ಕೊರೊಂದು ಉಲ್ಲೆರ್ ತಂಝೀಮ್ ಬೊಕ್ಕ ರಾಬಿತಾ ಹಾಲ್ ಡ್ ನಡಪುನ ಲಸಿಕೆ ಕಾರ್ಯಕ್ರಮಗ್ ಪ್ರತಿ ಕೇಂದ್ರಗ್ 200 ಪ್ರಾಕರ 400 ಡೋಸ್ ಲಸಿಕೆ ಕೊರ್ಪ ಪಂದ್ ಭಟ್ಕಳ ತಾಲೂಕು ಆರೋಗ್ಯ ವೈದ್ಯಾಧಿಕಾರಿ ಡಾ. ಮೂರ್ತಿರಾಜ್ ಭಟ್ ಪಂಡೆರ್ .

ಈ ಬಗ್ಗೆ ಐತಾರ ಮಾಧ್ಯಮ ಪ್ರತಿನಿಧಿಲೆಗ್ ಮಾಹಿತಿ ಕೊರ್ದು ಪಾತೆರಿಯೆರ್ .

ರಾಬಿತಾ ಹಾಲ್ ಬೊಕ್ಕ ತಂಝೀಮ್ ಹಾಲ್ ದೊಟ್ಟುಗು ಬೇತೆ ಖಾಸಗಿ ಹಾಲ್‍, ದೇವಸ್ಥಾನ , ಮಂಟಪ ಬೊಕ್ಕ ಪಂಚಾಯತ್ ಹಾಲ್‍ ಸೇರಿನoಚ ಪೇಂಟೆದ 18 ಕೇಂದ್ರಡ್ ಲಸಿಕೆ ಕೊರೊಂದು ಉಲ್ಲ ಪಂದ್ ಮಾಹಿತಿ ಕೊರಿಯೆರ್ .

17 ಜಿಲ್ಲೆ ಇನಿರ್ದ್ ಅನ್ಲಾಕ್ : 54 ದಿನರ್ದ್ ಬೊಕ್ಕ ಸಾರಿಗೆ ಬಸ್ ಸಂಚಾರ

Jun 21, 2021

ಬೆಂಗ್ಳೂರು ಜೂ.21: ಕೊರೋನಾ ರಡ್ಡನೇ ಅಲೆರ್ದ್ ಸ್ತಬ್ಧ ಆದಿತ್ತಿನ ರಾಜ್ಯದ 17 ಜಿಲ್ಲೆಲು 54 ದಿನರ್ದ್ ಬೊಕ್ಕ ಸಹಜ ಚಟುವಟಿಕೆದಂಚಿ ಪೋವೊಂದು ಉಂಡು , ಸೋಮವಾರರ್ದ್ ಅನ್ವಯ ಆಪಿಲಕ ಕಾಂಡೆ 6 ಗಂಟೆರ್ದ್ ಬೈಯ್ಯ 5 ಗಂಟೆ ಮುಟ ಬಹುತೇಕ ವಾಣಿಜ್ಯ ಚಟುವಟಿಕೆಲೆಗ್ ಅವಕಾಶ ಕೊರ್ತೆರ್.

ಇಂಚಾದ್ 54 ದಿನರ್ದ್ ಬೊಕ್ಕ ಬೆಂಗ್ಳೂರು ಮೆಟ್ರೋ, ಬಿಎಂಟಿಸಿ, ಕೆಎಸ್‌ಆರ್‌ಟಿಸಿ ಬಸ್ಸುಲು ಸೇವೆಗ್ ತಯಾರ್ ಆತುಂಡು . 3000 ಕೆಎಸ್‌ಆರ್‌ಟಿಸಿ ಬಸ್ಸುಲು , 2000 ಈಶಾನ್ಯ ಸಾರಿಗೆ ಬಸ್‌ಲು , 1500 ವಾಯವ್ಯ ಸಾರಿಗೆ ಬಸ್‌ 17 ಜಿಲ್ಲೆಗ್ ಸೀಮಿತ ಆವಂದೆ ರಾಜ್ಯಾದ್ಯಂತ (ಮೈಸೂರು, ದಕ್ಷಿಣ ಕನ್ನಡ ಬುರ್ದು ) ಶೇ.50ರಷ್ಟುಸೀಟು ಸಾಮರ್ಥ್ಯದೊಟ್ಟುಗು ಮಾರ್ಗಗ್ ಜತ್ತೊಂದು ಉಂಡು .

ಎಲ್ಯ ಎಲ್ಯ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ಲೆ :ಅಶೋಕ್ ಕುಮಾರ್ ಕೊಡವೂರು

Jun 21, 2021

ಒಡಿಪು , ಜೂ.21: ಕರಿನ 50 ದಿನರ್ದ್ ಕೋವಿಡ್ ನಿಯಂತ್ರಣಗಾದ್ ಜಾರಿಯಾಯಿನ ನಿರ್ಭoಧನೆರ್ದ್ ಪೇಂಟೆಡ್ ವ್ಯಾಪಾರ ವಯಿವಾಟ್ ಕಮ್ಮಿ ಆತುಂಡು. ನೆರ್ದಾವರ ಬೇರ ಮಲ್ಪುನಕ್ಲೆಗ್ ಬಂಗ ಆತುಂಡು ಲ್. ಐರ್ದಾವರ ಆಯ್ದ ಕೆಲವು ಅಗತ್ಯ ವಸ್ತುದ ಅಂಗಡಿಲೆಗ್ ಪರ್ಯಾಯ ದಿನತಲಕ ಬೇರ ಮಲ್ಪರೆ ಅವಕಾಶ ಕೊರೊಡು ಪಂದ್ ಒಡಿಪು ಜಿಲ್ಲಾ ಕಾಂಗ್ರೆಸ್ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್ ಕೊಡ ವೂರು, ಜಿಲ್ಲಾಧಿಕಾರಿಲೆಗ್ ಒತ್ತಾಯ ಮಲ್ದೆರ್.

ಒಡಿಪು ಜಿಲ್ಲೆ ಅನ್ಲಾಕ್ ಮಲ್ಪರೆ ಶಾಸಕ ರಘುಪತಿ ಭಟ್ ಒತ್ತಾಯ

Jun 21, 2021

ಒಡಿಪು, ಜೂನ್ 21: ಶೇ.5ರ್ದ್ ಕಮ್ಮಿ ಪಾಸಿಟಿವಿಟಿ ಕಾರಣಗ್ ಅನ್‌ಲಾಕ್ ಮಲ್ಪರೆ ಕೊರಿನ ಆದೇಶದ ಜಿಲ್ಲೆದ ಪಟ್ಟಿಡ್ ಒಡಿಪುನುಲ ಸೇರ್ಸಾದ್ ಅನ್‌ಲಾಕ್ ಮಲ್ಪೊಡು ಪಂದ್ ಒಡಿಪು ಶಾಸಕ ಕೆ.ರಘುಪತಿ ಭಟ್ ಸರಕಾರಗ್ ಒತ್ತಾಯ ಮಲ್ದೆರ್ .

ಒಡಿಪುಡು ಜಾಸ್ತಿ ಕೊವೀಡ್ ಪರೀಕ್ಷೆ ಮಲ್ದೆರ್ , ಪ್ರಸ್ತುತ ದಿನಕ್ 3000ರ್ದ್ ಜಾಸ್ತಿ ಕೋವಿಡ್ ಪರೀಕ್ಷೆ ಆವೊಂದು ಉಂಡು . ಐಟ್ ಶೇ.5.05 ಪಾಸಿಟಿವಿಟಿ ದರ ಉಪ್ಪುನೆರ್ದಾವರ ಒಡಿಪುಡು ಅನ್ಲಾಕ್ ಮಲ್ಪೊಲಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಬಂಟ್ವಾಳ ಪರ್ಪಿನ ನೀರ್ದ ಟ್ಯಾಂಕ್ ಕೊಡುಗೆ

Jun 20, 2021

ಬಂಟ್ವಾಳ, ಜೂನ್ 20: ಬಂಟ್ವಾಳದ ರಾಯಿ ಸರ್ಕಾರಿ ಪ್ರಾಥಮಿಕ ಆರೋಗ್ಯ ಕೇಂದ್ರಗ್ ಸಿದ್ಧಕಟ್ಟೆ ಸಹಕಾರಿ ವ್ಯವಸಾಯಿಕ ಸಂಘ ಬೊಕ್ಕ ಫಲ್ಗುಣಿ ರೋಟರಿ ಕ್ಲಬ್ ವತಿರ್ದ್ 2,000 ಲೀಟರ್ ಸಾಮರ್ಥ್ಯದ ಪರ್ಪಿನ ನೀರ್ ದ ಸಿಂಟೆಕ್ಸ್ ಟ್ಯಾಂಕ್ ನ್ ಶನಿವಾರ ಕೊಡುಗೆಯಾದ್ ಕೊರಿಯೆರ್.

ರಾಯಿ ಗ್ರಾಮ ಪಂಚಾಯಿತಿ ಒತ್ತುಗುರ್ಕಾರ್ಲಾಯಿನ ರಶ್ಮಿತ್ ಶೆಟ್ಟಿ ಕೈತ್ರೋಡಿ, ಸಿದ್ದಕಟ್ಟೆ ಸಹಕಾರಿ ಸಂಘದ ಗುರ್ಕಾರ್ಲಾಯಿನ ಪ್ರಭಾಕರ ಪ್ರಭು. ರೋಟರಿ ಕ್ಲಬ್ ಗುರ್ಕಾರ್ಲಾಯಿನ ಮೈಕಲ್ ಡಿಕೋಸ್ತ, ವೈದ್ಯಾಧಿಕಾರಿ ಡಾ. ಮನೋನ್ಮಣಿ, ಪ್ರಮುಖೆರಾಯಿನ ಸಂತೋಷ ಗೌಡ, ಹರೀಶ್ ಆಚಾರ್ಯ ರಾಯಿ, ರಾಜೇಶ್ ಶೆಟ್ಟಿ ಕೊನೆರೋಟ್ಟು, ಮಾಧವ ಶೆಟ್ಟಿಗಾರ್, ಮಂದಾರತಿ ಶೆಟ್ಟಿ, ಶಿವಯ್ಯ. ಎಸ್. ಎಲ್., ಮೋಹನ್ ಜಿ.ಮೂಲ್ಯ, ವಾಸುದೇವ ಆಚಾರ್ಯ, ರಾಜೇಶ್ ನೆಲ್ಯಾಡಿ, ದಿನೇಶ್ ಸುವರ್ಣ ರಾಯಿ, ಎಚ್. ಎ. ರೆಹಮಾನ್, ಬಸವರಾಜ್ ಆಲಿಮಟ್ಟಿ ಪಾಲ್ ಪಡೆದಿತ್ತೆರ್ .

ವೀಕೆಂಡ್ ಕರ್ಫ್ಯೂಗು ವಿಟ್ಲ ದ ಜನಕ್ಲೆನೆರ್ದ್ ಸ್ಪಂದನೆ

Jun 20, 2021

ಬಂಟ್ವಾಳ, ಜೂನ್ 20: ವಿಟ್ಲ ಪಟ್ಟಣ ಪಂಚಾಯತ್ ವ್ಯಾಪ್ತಿಡ್ ಶನಿವಾರ ಬೊಕ್ಕ ಐತಾರ ರಡ್ಡ್ ದಿನ ಪಾಡ್ದಿನ ವಾರಾಂತ್ಯ ಕರ್ಫ್ಯೂಗು ಜನಕ್ಲೆನೆರ್ದ್ ಉತ್ತಮ ಸ್ಪಂದನೆ ತಿಕ್ಕ್ದುಂಡು ಸುರುತ್ತ ದಿನವಾಯಿನ ಶನಿವಾರ ವಿಟ್ಲ ಪೇಟೆ ಸಂಪೂರ್ಣ ಸ್ತಬ್ಧ ಆದಿತ್ತುಂಡು .

ವಿಟ್ಲ ವ್ಯಾಪ್ತಿಡ್ ಕೊರೋನ ಸೋಂಕು ವ್ಯಾಪಕವಾದ್ ಪಸರೊಂದು ಉಪ್ಪುನ ನೆಲೆಟ್ಟ್ ವಾರಾಂತ್ಯ ಶನಿವಾರ ಬೊಕ್ಕ ಐತಾರ ಪಟ್ಟಣ ಪಂಚಾಯತ್ ವ್ಯಾಪ್ತಿಡ್ ಸಂಪೂರ್ಣ ಕರ್ಫ್ಯೂ ಪಾರ್ದ್ ಇತ್ತೆರ್.

ದಿನ ಬಳಕೆದ ವಸ್ತುದ ಅಂಗಡಿಲೆನ್ ಬಂದ್ ಮಲ್ಪರೆ ಸೂಚನೆ ಕೊರ್ದಿತ್ತೆರ್ . ಐತ ಪ್ರಕಾರ ಒವ್ವೆ ಅಂಗಡಿಲು ಬಾಕಿಲ್ ದೈದ್ಜಿ . ಜನಕುಲು ಪೇಂಟೆಗ್ ಕಾರ್ ದೀತ್ಜೆರ್ . ಕಾಂಡೆ 6 ಗಂಟೆರ್ದ್ 9 ಗಂಟೆ ಮುಟ ಪೇರ್ದ ಅಂಗಡಿ ಇತ್ತುಂಡು.

ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಒಡಿಪು ಶಾಖೆ ವತಿರ್ದ್ ಪತ್ರಕರ್ತ ಸಂಘದ ರಾಜ್ಯಾಧ್ಯಕ್ಷೇರೆಗ್ ಮಾನಾದಿಗೆ

Jun 20, 2021

ಒಡಿಪು, ಜೂನ್ 20:ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಒಡಿಪು ಶಾಖೆ ವತಿರ್ದ್ ಸುರುತ್ತ ಸಲ ಒಡಿಪು ಜಿಲ್ಲೆಗ್ ಬತ್ತಿನ ಪತ್ರಕರ್ತ ಸಂಘದ ರಾಜ್ಯಾಧ್ಯಕ್ಷೇರಾಯಿನ ಶಿವಾನಂದ ತಗಡೂರು ಮೆರೆಗ್ ಮಾನದಿಗೆ ನಡತುಂಡು.

ಈ ಪೊರ್ತುಡು ಮದನಗೌಡರ್ ಏಷ್ಯನ್ ಪತ್ರಕರ್ತರ ಸಂಘಟನೆ ಪ್ರತಿನಿಧಿ ಬೊಕ್ಕ ಜಿಲ್ಲಾ ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ,ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ,ಕೋಶಾಧಿಕಾರಿ ಉಮೇಶ್ ಮಾರ್ಪಲ್ಲಿ, ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ನ ಜಿ.ಆರ್.ಎಂ ರಾಘವೇಂದ್ರ ನಾಯಕ್,ಚಾರಿಟಿ ಉಸ್ತುವಾರಿ ತಂಝೀಮ್ ಶಿರ್ವ ಪಾಲ್ ಪಡೆದಿತ್ತೆರ್ .

ಮಾಜಿ ಸಚಿವೆರೆರ್ದ್ ಅಂಗಾಗ ದಾನ ಘೋಷಣೆ

Jun 19, 2021

ಕುಡ್ಲ , ಜೂನ್ 19: ಸರಳ ಜೀವನದ ಮುಖೇನ ಮಾದರಿಯಾಯಿನ ನಟ ಸಂಚಾರಿ ವಿಜಯ್ ಮರಣ ಆರ್ ತೀರ್ ಪೋಯಿ ಬೊಕ್ಕಲ ಕೆಲವರ್ನ ಬದ್ಕ್ಗ್ ಜೀವದಾನದ ಮಾದರಿಯಾತೆರ್ ಪಂದ್ ಮಾಜಿ ಸಚಿವ ಅಭಯ ಚಂದ್ರ ಜೈನ್ ತೆರಿಪಾದೆರ್.

.ದ.ಕ. ಜಿಲ್ಲಾ ಕಾಂಗ್ರೆಸ್‌ ಕಚೇರಿಡ್ ಕೋಡೆ ನಡತಿನ ಸಂಚಾರಿ ವಿಜಯ್ ಭಾವಚಿತ್ರಗ್ ಪೂತ ಮಾಲೆ ಪಾರ್ದ್ ಶ್ರದ್ಧಾಂಜಲಿ ಮಲ್ತಿನ ಮೇರ್ , ಮರಣಾ ನಂತರ ತಾನ್ ಲಾ ತನ್ನ ಅಂಗಾಂಗಲೆನ್ ದಾನ ಮಲ್ಪರೆ ತೀರ್ಮಾನ ಮಲ್ದೆ ಪಂಡೆರ್.

ಕೋವಿಡ್ ಗ್ ಬಲಿಯಾಯಿನ ಮಾಜಿ ಅಥ್ಲಿಟ್ ಮಿಲ್ಖಾ ಸಿಂಗ್

Jun 19, 2021

ಚಂಡೀಗಢ, ಜೂನ್ 19: ಪಾರುನ ಸಿಖ್ ಪಂದೆ ಖ್ಯಾತಿ ಪಡೆಯಿನ ಭಾರತದ ಮಾಜಿ ಅಥ್ಲಿಟ್ ಮಿಲ್ಖಾ ಸಿಂಗ್ ಮೇರ್ ಕರಿನ ರಾತ್ರಿ ತೀರ್ ಪೋತೆರ್ . ಕರಿನ ಕೆಲವು ದಿನರ್ದ್ ಕೋವಿಡ್ ಸೋಂಕುಗು ಬಲಿಯಾಯಿನ ಮೇರ್ ಹುಷಾರ್ ಆದ್ ಇಲ್ಲಗ್ ಬತ್ತಿತ್ತೆರ್.

ಶುಕ್ರವಾರ ತಡರಾತ್ರಿ 11.30 ಗಂಟೆಗ್ ಮಿಲ್ಖಾ ಸಿಂಗ್ ತೀರ್ಪೋತೆರ್ ಪಂದ್ ಆರ್ನ ಕುಟುಂಬಸ್ಥರ್ ತೆರಿಪಾದೆರ್.
ಮಿಲ್ಖಾ ಮೆರ್ನ ಬೊಡೆದಿ ತೀರ್ ಪೋದು ಐನ್ ದಿನ ಆಯಿನಾತೆ ಪಂದ್ ಪಂಡೆರ್.

ಟ್ರ್ಯಾಕ್ ಆಂಡ್ ಫೀಲ್ಡ್ ಡ್ ಡ್ ಉನ್ನತ ಸಾಧನೆ ಮಲ್ತಿನ ಮಾಡಿದ್ದ ಮಿಲ್ಖಾ ತನ್ನ ವೇಗರ್ದೇ ಪಾರುನ ಸಿಖ್ ಪಂದ್ ಪುದರ್ ಪಡೆದಿತ್ತೆರ್ . ಏಶ್ಯನ್ ಗೇಮ್ಸ ಡ್ ಪದಕ ಗೆಂದಿ ಬೊಕ್ಕ ಆರ್ 1958ನೆ ಕಾಮನ್ ವೆಲ್ತ್ ಗೇಮ್ಸ್ ಡ್ ಲಾ ಬಂಗಾರ್ದ ಪದಕ ಪಡೆದಿತ್ತೆರ್ .

ಕುಡ್ಲಡ್ ಜಾಸ್ತಿ ಆವೊಂದು ಉಪ್ಪುನ ಕೋವಿಡ್ ಪ್ರಕರಣ : ಲಾಕ್‌ಡೌನ್ ವಿಸ್ತರಣೆ ಮಲ್ಪುನ ಸಾಧ್ಯತೆ

Jun 19, 2021

ಕುಡ್ಲ, ಜೂನ್ 19:: ಜಿಲ್ಲೆಡ್ ಕೊರೊನಾ ರಡ್ಡನೆ ಅಲೆ ನಿಯಂತ್ರಣಗ್ ಬೈದುಜಿ . ಒಂಜರೆ ತಿಂಗೊಲುರ್ದು ಲಾಕ್ ಡೌನ್ ಆಂಡಲಾ ಸೋಂಕುದ ಅರ್ಭಟ ಕಮ್ಮಿ ಆತುಜಿ . ಕೋಡೆ ಈ ಮಹಾಮಾರಿಗ್ 15 ಜನ ಬಲಿಯಾತೆರ್ , ಕುಡ್ಲಡ್ ಲಾಕ್ ಡೌನ್ ದುಂಬರಿಯೂನ ಮಾತಾ ಸಾಧ್ಯತೆ ಉಂಡು.

ಜಿಲ್ಲೆಡ್ ಇತ್ತೇ ಮುಟ ಕೊರೊನಾಗ್ ಬಲಿಯಾಯಿನಕ್ಲೆನ ಸಂಖ್ಯೆ 1,024 ಕ್ಕ್ ಏರ್ದುಂಡು . ಪೇಂಟೆದ ಕೊಡೆದ ಪಾಸಿಟಿವಿಟಿ ರೇಟ್ 10.07% ಆತುಂಡು .

ಒಡಿಪು

ಇನಿ ಭಟ್ಕಳಡ್ 2500 ಕೋವಿಡ್ ಲಸಿಕೆ : ಡಾ.ಮೂರ್ತಿರಾಜ್ ಭಟ್

17 ಜಿಲ್ಲೆ ಇನಿರ್ದ್ ಅನ್ಲಾಕ್ : 54 ದಿನರ್ದ್ ಬೊಕ್ಕ ಸಾರಿಗೆ ಬಸ್ ಸಂಚಾರ

ಎಲ್ಯ ಎಲ್ಯ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ಲೆ :ಅಶೋಕ್ ಕುಮಾರ್ ಕೊಡವೂರು

ಒಡಿಪು ಜಿಲ್ಲೆ ಅನ್ಲಾಕ್ ಮಲ್ಪರೆ ಶಾಸಕ ರಘುಪತಿ ಭಟ್ ಒತ್ತಾಯ

ಬಂಟ್ವಾಳ ಪರ್ಪಿನ ನೀರ್ದ ಟ್ಯಾಂಕ್ ಕೊಡುಗೆ

ವೀಕೆಂಡ್ ಕರ್ಫ್ಯೂಗು ವಿಟ್ಲ ದ ಜನಕ್ಲೆನೆರ್ದ್ ಸ್ಪಂದನೆ

ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಒಡಿಪು ಶಾಖೆ ವತಿರ್ದ್ ಪತ್ರಕರ್ತ ಸಂಘದ ರಾಜ್ಯಾಧ್ಯಕ್ಷೇರೆಗ್ ಮಾನಾದಿಗೆ

ಮಾಜಿ ಸಚಿವೆರೆರ್ದ್ ಅಂಗಾಗ ದಾನ ಘೋಷಣೆ

ಕೋವಿಡ್ ಗ್ ಬಲಿಯಾಯಿನ ಮಾಜಿ ಅಥ್ಲಿಟ್ ಮಿಲ್ಖಾ ಸಿಂಗ್

ಕುಡ್ಲಡ್ ಜಾಸ್ತಿ ಆವೊಂದು ಉಪ್ಪುನ ಕೋವಿಡ್ ಪ್ರಕರಣ : ಲಾಕ್‌ಡೌನ್ ವಿಸ್ತರಣೆ ಮಲ್ಪುನ ಸಾಧ್ಯತೆ

You Missed

ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ಕೊಡಗು ಜಿಲ್ಲೆ ಪೊಸ ಕಾರ್ಯಕಾರಿ ಸಮಿತಿ ರಚನೆ

ಪಾವಂಜೆ ನಂದಾದೀಪ ಸೇವಾ ಬಳಗದ ಗೌರವಾಧ್ಯಕ್ಷೆರಾದ್ ಚಂದ್ರಶೇಖರ್ ಕರ್ಕೆರ ನೇಮಕ

ಆ.7,8: ಬೆದ್ರ ‘ಆಳ್ವಾಸ್ ಪ್ರಗತಿ–2026’ ಬೃಹತ್ ಉದ್ಯೋಗ ಮೇಳ

ಸೂರಾಲು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಅಧ್ಯಕ್ಷೆರಾದ್ ತಾರಾನಾಥ್ ಕೋಟ್ಯಾನ್ ಸೂರಾಲು ಆಯ್ಕೆ