ಒಡಿಪು ಪುತ್ತೂರು ಬೊಲ್ತೆರ್

ಗ್ಯಾರೇಜ್ ಮಾಲಕೆರ್ನ ಸಂಘರ್ದ್ ಕೋವಿಡ್ ಕಿಟ್

ಕುಡ್ಲ : ದ.ಕ. ಮತ್ತು ಉಡುಪಿ ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ವತಿರ್ದ್ ಐತಾರ ಕುಡುಪುಡು ನಡತಿನ ಲೇಸ್ ಡ್ ಆಹಾರ ಧಾನ್ಯದ ಕಿಟ್ ಪಟ್ಟಿಯೆರ್ .

ಶಾಸಕ ಡಾ. ಭರತ್ ಶೆಟ್ಟಿ ಲೇಸ್ ಉದಿಪನ ಮಲ್ತೆರ್ . ಜಿಲ್ಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ವಿಜೇತರಾಯಿನ ವಾಸುದೇವ ರಾವ್ ಕುಡುಪು ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದಿತ್ತೆರ್.

ಸಂಘದ ಗುರ್ಕರ್ಲಾಯಿನ ಜನಾರ್ದನ ಎ. ಅತ್ತಾವರ, ದಿನೇಶ್ ಕುಮಾರ್ ಪಾತೆರಿಯೆರ್ . ವೇದಿಕೆಯಲ್ಲಿ ದ. ಕ. ಜಿಲ್ಲಾ ಗ್ಯಾರೇಜ್ ಮಾಲಕೆರ್ನ ಸಂಘದ ಕೋಶಧಿಕಾರಿ ರಾಜಗೋಪಾಲ್ ಪಾಲ್ ಪಡೆದಿತ್ತೆರ್ . ಮಂಗಳೂರು ಉತ್ತರ ವಲಯ ಬಿಜೆಪಿ ಪ್ರಧಾನ ಕಾರ್ಯಂತೆರಾಯಿನ ಸಂದೀಪ್ ಪಚ್ಚನಾಡಿ, ಅಜಯ್ ಕುಡುಪು, ಸುಜನ್‌ ದಾಸ್ ಕುಡುಪು, ಗಿರೀಶ್ ಕುಮಾರ್ ಪಂಪ್‌ವೆಲ್, ಸಂಘದ ನಿರ್ದೇಶಕೆರಾಯಿನ ಪುಂಡಲೀಕ ಸುವರ್ಣ, ರುಕ್ಮಯ್ಯ ಗೌಡ ಪಾಲ್ ಪಡೆದಿತ್ತೆರ್.

ಪ್ರಧಾನಮಂತ್ರಿ ಜೀವನ ಜ್ಯೋತಿ ವಿಮಾ ಯೋಜನೆ ಬೊಕ್ಕ ಪ್ರಧಾನಮಂತ್ರಿ ಸುರಕ್ಷಾ ವಿಮ ಯೋಜನೆ: ಗಾಡಿ ಚಾಲಕೆರೆಗ್ ಇಸೇಸ ಸೌಲಭ್ಯ

ಕುಡ್ಲ : ಮಾತಾ ರಾಷ್ಟ್ರೀಕೃತ ಬ್ಯಾಂಕ್ ಡ್ ಉಪ್ಪುಲಕ , ಅಂಚೆ ಕಛೇರಿಡ್ ಉಳಿತಾಯ ಖಾತೆ ಉಪ್ಪುನ ಗ್ರಾಹಕೆರೆಗ್ಲಾ ಬಾರಿ ಕಮ್ಮಿ ಪ್ರೀಮಿಯಂಡ್ ರಡ್ಡ್ ವಿಮಾ ಸೌಲಭ್ಯ ಲಭ್ಯಉಂಡು . ಪ್ರಧಾನಮಂತ್ರಿ ಸುರಕ್ಷಾ ವಿಮ ಯೋಜನೆದಡಿ ಕೇವಲ ರೂ 12/- ವಾರ್ಷಿಕ ಪ್ರೀಮಿಯಂ ಕಟ್ಟುoಡ ರೂ. 2 ಲಕ್ಷದ ಅಪಘಾತ ವಿಮ ತಿಕ್ಕುಂಡು . ಅಂಚನೇ , ಪ್ರಧಾನ ಮಂತ್ರಿ ಜೀವನ ಜೋಡಿ ವಿಮಾ ಯೋಜನೆದಡಿ, ರೂ. 330/- ವರ್ಷದ ಪ್ರೀಮಿಯಂಗ್ ರೂ.2 ಲಕ್ಷದ ಸಾಮಾನ್ಯ ವಿಮ ತಿಕ್ಕುಂಡು .

ಅಪಘಾತ ವಿಮದಡಿ ಪಾಲಿಸಿದಾರೆರ್ ಒವ್ವೆ ಅಪಘಾತರ್ದ್ ತೀರ್ ಪೋಂಡ ರೂ. 2 ಲಕ್ಷವಿಮಾ ಪರಿಹಾರ ತಿಕ್ಕುಂಡು . ವಾಹನ ಅವಘಾತ ಮಾತ್ರ ಅತ್ತoದೆ ದುರ್ದೈವಶಾತ್ ಪಾಲಿಸಿದಾರೆರ್ ಬೇತೆ ಒವ್ವೆ ರೀತಿದ ಆಕಸ್ಮಿಕ / ಅಸಹಜ ಮರಣ ಆಂಡ ಅತ್ತುಂಡ ಒವ್ವೆ ಅಪಘಾತ ಆಂಡ ಕುಟುಂಬಗ್ ರೂ. 2 ಲಕ್ಷ ವಿಮಾ ಮೊತ್ತ ತಿಕ್ಕುಂಡು.
ಎಚ್ಚದ ಮಾಹಿತಿಗಾದ್ ಶ್ರೀ ಸುಭಾಷ್ ಸಾಲಿಯಾನ್,
ಮಾರುಕಟ್ಟೆ ಅಧಿಕಾರಿ (ಮೊಬೈಲ್ ನಂಬರ್ 9964024230) .ಮೆರೆಗ್ ಲೆಪ್ಪು ಕೊರೋಲಿ.

ಡಿವೈಎಫ್‌ಐ ಉಳ್ಳಾಲ ವಲಯ ಸಮಿತಿದ ಪದುಕೆರ್ನ ಆಯ್ಕೆ

ಕುಡ್ಲ : ಡಿವೈಎಫ್‌ಐ ಉಳ್ಳಾಲ ವಲಯ ಸಮಿತಿದ ಸಭೆ ಜಿಲ್ಲಾ ಒತ್ತು ಗುರ್ಕಾರ್ಲಾಯಿನ ಡಾ.ಜೀವನ್‌ರಾಜ್ ಕುತ್ತಾರ್‌ರ ಮೆರ್ನ ಗುರ್ಕಾರ್ಮೆಡ್ ನಡತುಂಡು.

ಪೊಸ ಸಮಿತಿದ ಗುರ್ಕಾರ್ಲದ್ ರಫೀಕ್ ಹರೇಕಳ ಮೆರೆನ್ ಆಯ್ಕೆ ಮಲ್ತೆರ್ . ಸಭೆಟ್ ಡಿವೈಎಫ್‌ಐ ಜಿಲ್ಲಾಧ್ಯಕ್ಷ ಬಿ.ಕೆ ಇಮ್ತಿಯಾಝ್, ಜಿಲ್ಲಾ ಕಾರ್ಯದರ್ಶಿ ಸಂತೋಷ್ ಬಜಾಲ್ ಪಾಲ್ ಪಡೆದಿತ್ತೆರ್ .

ಶ್ರಮದಾನದ ಮುಖೇನ ಮಾರ್ಗ ಸರಿ ಮಲ್ತಿನ ಜವಣ್ಯೆರ್

ಸುರತ್ಕಲ್, : ಎಸ್‌ವೈಎಸ್ ಬೊಕ್ಕ ಎಸ್ಸೆಸ್ಸೆಫ್ ಜೋಕಟ್ಟೆ ನೆತ್ತ ವತಿರ್ದ್ ಜೋಕಟ್ಟೆ ರ್ದ್ ಕೂಳೂರು ಪೋಪಿನ ಮಾರ್ಗ ಆಯಿಲ್ ಕಂಪೆನಿದ ಕೈತಲ್ ದ ಹಾಳ್ ಆಯಿನ ಮಾರ್ಗನ್ ಐತಾರ ಶ್ರಮದಾನದ ಮುಖೇನ ಸಮ ಮಲ್ತೆರ್ .

ಸಂಘಟನೆದ ಸದಸ್ಯೆರಾಯಿನ ಖಾದರ್ ಎಚ್‌ಪಿಸಿಎಲ್, ಅಲಿ ಸಅದಿ ತೋಕೂರು, ಹಕೀಮ್ ಅರಿಕೆರೆ, ಝುಬೈರ್, ಸಿದ್ದೀಕ್ ಕೆಬಿಎಸ್, ಸಮ್ರಾನ್, ಮುಸ್ತಫಾ ಕೆಬಿಎಸ್, ಶಾಹಿದ್ ನಿಝಾಮಿ, ಶಫೀಕ್ ಉಸ್ತಾದ್, ಶಫೀಕ್ ತೋಕೂರು, ಶಿಹಾಬ್ ಕೆಬಿಎಸ್, ಮುಝಮ್ಮಿಲ್ ಪಾಲ್ ಪಡೆದಿತ್ತೆರ್.

ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರ ಉದಿಪನ

ಕಾರ್ಲ : ಶ್ರೀ ಗುರು ರಾಘವೇಂದ್ರ ಸೇವಾ ಟ್ರಸ್ಟ್ ರಿ. ವತಿರ್ದ್ ಇನಿ ವಿಜೇತ ವಿಶೇಷ ಶಾಲೆಡ್ ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರದ ಉದಿಪನನ್ ಪೆರಿಯ ಯಕ್ಷಗಾನ ಕಲಾವಿದೆರಾಯಿನ ಶ್ರೀ ಎಸ್ ರಾಮ್ ಭಟ್ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್ , ಶ್ರೀ ದುರ್ಗಾ ಯಕ್ಷಗಾನ ತರಬೇತಿ ಕೇಂದ್ರ ಶತಮಾನಡ್ ವಿಮೆನ್ಕಡ್ ಪಂದ್ ಎಡ್ಡೆಪ್ಪುದ ಪಾತೆರ ಪಂಡೆರ್..

ಕಾರ್ಲದ ಉದ್ಯಮಿಲಾಯಿನ ಶ್ರೀ ವಿಜಯ್ ಶೆಟ್ಟಿ ಮೇರ್ ಸಭೆತ ಗುರ್ಕಾರ್ಲಾದ್ ಪಾಲ್ ಪಡೆಯೆರ್ , ಕಾರ್ಲಾಡ್ ಸುರು ಮಲ್ತಿನ ಮಹಿಳಾ ಬೊಕ್ಕ ಜೋಕ್ಲೆನ ಯಕ್ಷಗಾನ ಕೂಟ
ನಿರಂತರವಾದ್ ದುಂಬರಿಯಡ್ ಪಂದ್ ತಮ್ಮ ಸಂಪೂರ್ಣ ಸಾಕಾರ ಕೊರ್ಪಿನ ಬಗ್ಗೆ ಪಂಡೆರ್ .

ಮಲ್ಲ ಬಿನ್ನೆರ್ ಆದ್ ಶ್ರೀ ದುರ್ಗಾ ವಿದ್ಯಾ ಸಂಘದ ಗುರ್ಕಾರ್ಲಾಯಿನ ಶ್ರೀ ಕೆ.ರಾಧಾಕೃಷ್ಣ ಶೆಟ್ಟಿ, ಉದ್ಯಮಿಲಾಯಿನ ಶ್ರೀ ಮಂಜುನಾಥ್ ಪೂಜಾರಿ , ಬೊಕ್ಕ ಯಕ್ಷಗಾನ ತರಬೇತಿ ಕೇಂದ್ರದ ಗುರುಕುಲಾಯಿನ ಶ್ರೀ ಸುಬ್ರಹ್ಮಣ್ಯ ಪ್ರಸಾದ್ ಮುದ್ರಾಡಿ ಪಾ ಪಡೆದಿತ್ತೆರ್ .

ಆಸಕ್ತ ಅನುಭವಿ ಕಲಾವಿದೇರಾಯಿನ ಎಸ್.ವಿ.ಟಿ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಶ್ರೀಮತಿ ಉಷಾ ನಾಯಕ್, ಮುನಿಯಾಲ್ ಕಾಲೇಜ್ದ ಪ್ರಾಂಶುಪಾಲೆರಾಯಿನ ಶ್ರೀಮತಿ ಬೇಬಿ ಆಳ್ವಾ, ರೋಟರಿ ಕ್ಲಬ್ ಮಾಜಿ ಗುರ್ಕಾರ್ದಿ ಶ್ರೀಮತಿ ರಮಿತಾ ಶೈಲೇಂದ್ರ, ವಕೀಲೆರಾಯಿನ ಶ್ರೀಮತಿ ಜ್ಯೋತಿ ಸುನೀಲ್ ಕುಮಾರ್ ಶೆಟ್ಟಿ, ಶ್ರೀಮತಿ ಯಜ್ಞಾ ಶೆಟ್ಟಿ, ಶ್ರೀ ಗುರು ರಾಘವೇಂದ್ರ ಸೇವಾ ಟ್ರಸ್ಟ್ ರಿ. ದ ಗುರ್ಕಾರ್ಲಾಯಿನ ಡಾ. ಕಾಂತಿ ಹರೀಶ್, ಯಕ್ಷಗಾನ ಕೇಂದ್ರದ ಜೋಕುಲು , ವಿಜೇತ ವಿಶೇಷ ಶಾಲಾ ಸಿಬ್ಬಂದಿವರ್ಗ,ಜೋಕುಲು ಪಾಲ್ ಪಡೆದಿತ್ತೆರ್.

ಚಿತ್ರ ವರದಿ: ಕಾರ್ಕಳ ಸದಾನಂದ್

ತುಳುನಾಡ್ ಡ್ ಇತಿಹಾಸ ಸೃಷ್ಟಿ ಮಲ್ತಿನ ಐಪಿಎಸ್ ಶಶಿಕುಮಾರ್

ಕುಡ್ಲ : ಕುಡ್ಲಡ್ ಅವ್ವೆತೋ ಜನ ಬೇತೆ ಬೇತೆ ಊರುದ ಅಧಿಕಾರಿಲು ಬತ್ದ್ ಅಕ್ಲೆನ ಪ್ರಾಮಾಣಿಕ ಆಡಳಿತ ನಡಪಾಯೆರ್ ಇಂಚಿನ ದಕ್ಷ ಆಡಳಿತ ನಡಪಾಯಿನ ಅಧಿಕಾರಿಲ್ನೆಟ್ಟ್ ಶಶಿಕುಮಾರ್ ಲಾ ಒರಿ. ತುಲು ಭಾಸೆ, ತುಲು ಸಂಸ್ಕೃತಿ, ತುಲು ಲಿಪಿಕ್ ಸಾಕಾರ ಕೊರ್ಪಿನ ಮುಖೇನ ಅವೆನ್ ಪೋಷಣೆ ಮಲ್ಪರೆ ಸುರು ಮಲ್ತೆರ್ ಆತೆ ಅತ್ತoದೆ ಪೊಲೀಸ್ ಇಲಾಖೆಡ್ ಮಾತಾ ಸಿಬ್ಬಂದಿಲು ತುಲು ಭಾಸೆ ಕಲ್ಪೊಡು ಪನ್ಪಿ ನೆಲೆಟ್ಟ್ ತುಲು ಕಜ್ಜ ಕೊಟ್ಯ ಲಾ ಸುರು ಮಲ್ತೆರ್.

ಇತ್ತೆ ತುಳುನಾಡ್ ದಕ್ಲೆನ್ ಪೊಲೀಸ್ ಇಲಾಖೆಗ್ ಸೇರಾಯೆರೆ ಬೋಡಾದ್ ಮಾಮಲ್ಲ ಯೋಜನೆ ಪಾರ್ದೆರ್ ಈ ಮಲ್ಲ ಯೋಜನೆ ಪೊಲೀಸ್ ಆಕಾಂಕ್ಷಿಲೆನ ಕಜ್ಜಕೊಟ್ಯ ದ ಉದಿಪನ ತಾರೀಖ್ 21/8/2021 ನೆ ಶನಿವಾರ ಕುಡ್ಲದ ಕೊಡಿಯಾಲ ಬೈಲ್ ದ ಸಂತ ಅಲೋಶಿಯಸ್ ಗೊನ್ಝಗ ಶಾಲೆಡ್ ನಡತುಂಡು.

ಈ ಕಜ್ಜಡ್ 600 ರ್ದ್ ಜಾಸ್ತಿ ಅಭ್ಯರ್ಥಿಲು ಪಾಲ್ ಪಡೆದ್ ಈ ಲೇಸ್ ನ್ ಪೊರ್ಲುಡೆ ನಡಪಾದ್ ಕೊರಿಯೆರ್.

ಈ ವಿಚಾರಡ್ ತುಳುನಾಡ್ದ ಜನಕುಲು, ಸಂಘ ಸಂಸ್ಥೆಲು ನಮ್ಮ ಊರುದ ಐಪಿಎಸ್ ಪೊಲೀಸ್ ಕಮಿಷ್ನರ್ ಶಶಿಕುಮಾರ್ ಮೆರೆಗ್ ಏಪಲಾ ಚಿರಋಣಿ ಸಂದಾವೊಂದು ಉಲ್ಲೆರ್ ಆತೆ ಅತ್ತoದೆ ತುಲು ಮಣ್ಣ್ ಬತ್ದ್ ತುಲು ಜನತ ಪರವಾದ್ ಬೇಲೆ ಮಲ್ಪುನವು ತುಳುವೆರ್ನ ಭಾಗ್ಯನೇ ಸರಿ.

ದೇವೆರೆ ಪಾದ ಸೇರಿನ ರಾಜ್ಯ ಪ್ರಶಸ್ತಿ ವಿಜೇತೆರಾಯಿನ‌ ಡೋಲು ಕಲಾವಿದೆರಾಯಿನ ಬೊಮ್ಮಾರಬೆಟ್ಟು ಗ್ರಾಮದ ಗುರುವಜ್ಜೆ

ಕುಡ್ಲ :ರಾಜ್ಯ ಪ್ರಶಸ್ತಿ ವಿಜೇತೆರಾಯಿನ‌ ಡೋಲು ಕಲಾವಿದೆರಾಯಿನ 103. ವರ್ಷದ ಹಿರಿಯಡಕ ಬೊಮ್ಮಾರಬೆಟ್ಟು ಗ್ರಾಮದ ಗುರುವಜ್ಜೆ  ಮೇರ್ ದೇವೆರ್ನ ಪಾದ ಸೇರಿಯೆರ್..ಮೆರೆನ ಸೇವೆನ್ ಮೆಚ್ಚಿದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ತುಳು ಅಕಾಡೆಮಿ ಪ್ರಶಸ್ತಿ ನ್ ಕೊರ್ತುಂಡ್.

ಅಫ್ಘಾನಿಸ್ಥಾನದ ಜೋಕ್ಲೆಗ್ ಸುರಕ್ಷತೆದ ಭರವಸೆ ಕೊರಿನ ಪೊಲೀಸ್‌ ಆಯುಕ್ತ ಎನ್‌. ಶಶಿಕುಮಾರ್‌

ಕುಡ್ಲ : ಕುಡ್ಲ ವಿಶ್ವವಿದ್ಯಾನಿಲಯ ಸಹಿತ ದಕ್ಷಿಣ ಕನ್ನಡ ಜಿಲ್ಲೆದ ಬೇತೆ ಬೇತೆ ಶಿಕ್ಷಣ ಸಂಸ್ಥೆಡ್ ಉನ್ನತ ವ್ಯಾಸಂಗ ಮಲ್ತೊಂದು ಉಪ್ಪುನ ಅಫ್ಘಾನಿಸ್ಥಾನದ ಜೋಕ್ಲೆಗ್ ಅಂಚನೇ ಅಕ್ಲೆನ ಕುಟುಂಬದಕ್ಲೆಗ್ ಕುಡ್ಲ ಪೊಲೀಸ್‌ ಆಯುಕ್ತ ಎನ್‌. ಶಶಿಕುಮಾರ್‌ ಸುರಕ್ಷೆದ ಭರವಸೆ ಕೊರ್ತೆರ್ .

ಮಂಗಳೂರು ವಿ.ವಿ., ನಿಟ್ಟೆ ಶಿಕ್ಷಣ ಸಂಸ್ಥೆ ಬೊಕ್ಕ ಸಂತ ಅಲೋಶಿಯಸ್‌ ಕಾಲೇಜು ಸೇರಿನಂಚ 3 ವಿದ್ಯಾ ಸಂಸ್ಥೆಡ್ 58 ಜೋಕುಲು (ಪದವಿ, ಸ್ನಾತಕೋತ್ತರ, ಪಿಎಚ್‌ಡಿ) ವ್ಯಾಸಂಗ ಮಲ್ತೊಂದು . ಅಕ್ಲೆನ ಒಟ್ಟುಗು ಕೆಲವೆರ್ನ ಕುಟುಂಬದ ಸದಸ್ಯೆರ್ ಲಾ ಉಲ್ಲೆರ್ .

ಕಲ್ಯಾಣ್ ಸಿಂಗ್ ನಿಧನಗ್ ಕಣ್ಣ ನೀರ ಪನಿತರ್ಪಣ ಮಲ್ತಿನ ಪೇಜಾವರ ಶ್ರೀ

ಒಡಿಪು : ಅಯೋಧ್ಯೆ ಶ್ರೀರಾಮ ಜನ್ಮಭೂಮಿ ಆಂದೋಲನಡ್ ಸದಾ ಸ್ಮರಣೀಯ ಪಾತ್ರ ವಹಿಸೊಂದಿನ ಪೆರಿಯ ಮುತ್ಸದ್ದಿ ಕಲ್ಯಾಣ್ ಸಿಂಗ್ ಜೀ ಮೆರ್ನ ಮರಣ ಬಾರಿ ವಿಷಾದವಾದುಂಡು . ಹಿಂದೂ ಸಿದ್ಧಾಂತಗ್ ಬದ್ಧರಾಯಿನ ಮೇರ್ ನಮ್ಮ ಗುರುಕುಲಾಯಿನ ಶ್ರೀ ವಿಶ್ವೇಶತೀರ್ಥಶ್ರೀಪಾದೆರ್ನ ಒಟ್ಟುಗು ಎಡ್ಡೆ ಬಾಂಧವ್ಯ ಪಡೆದಿತ್ತೆರ್ . ಮೆರ್ನ ಆತ್ಮಗ್ ನಮ್ಮ ಆರಾಧ್ಯಮೂರ್ತಿಯಾಯಿನ ಅಯೋಧ್ಯಾಪತಿ ಶ್ರೀ ರಾಮಚಂದ್ರ ದೇವೆರ್ ಸದ್ಗತಿನ್ ಕರುಣಿಸಾವೊಡು ಪಂದ್ ಅಯೋಧ್ಯಾ ಶ್ರೀ ರಾಮಜನ್ಮಭೂಮಿ ತೀರ್ಥಕ್ಷೇತ್ರ ಟ್ರಸ್ಟ್ ( ರಿ ) ದ ಶ್ರೀ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರ್ ಪ್ರಾರ್ಥನೆ ಮಲ್ತೆರ್.