ಒಡಿಪು ಪುತ್ತೂರು ಬೊಲ್ತೆರ್

ಜೋಕುಲೆಗ್ ಜೀವನಡ್ ಬದುಕುನ ವಿದ್ಯೆ ಕಲ್ಪಾಂಡ ಮಾತ್ರ ಸಾಧಕರಾವರೆ ಸಾಧ್ಯ :- ಉಮಾನಾಥ ಕೋಟ್ಯಾನ್

ಮುಲ್ಕಿ: ಜೋಕುಲೆಗ್ ಜೀವನಡ್ ಬದುಕುನ ವಿದ್ಯೆ ಕಲ್ಪಾಂಡ ಮಾತ್ರ ಸಾಧಕರಾವರೆ ಸಾಧ್ಯ ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್. ಆರ್ ಮಾನಂಪಾಡಿ ದ.ಕ.ಜಿ.ಪಂ. ಹಿರಿಯ ಪ್ರಾಥಮಿಕ ಶಾಲೆದ ಶತಮಾನೋತ್ಸವ ಸಮಾರಂಭದ ಚಾವಡಿ ಲೇಸ್ ಡ್ ಗುರ್ಕಾರ್ಮೆ ವಹಿಸೊಂದು ಪಾತೆರ್ದ್ ಶಾಲೆಡ್ ರಾಷ್ಟ್ರೀಯ ಶಿಕ್ಷಣ ನೀತಿ ಅಗತ್ಯವಾದುಂಡು ಹಳೆ ವಿದ್ಯಾರ್ಥಿ ಸಂಘದ ಒರುಟು ಶಾಲೆದ ಅಭಿವೃದ್ಧಿಗ್ ಪ್ರಯತ್ನ ಪುಗಾರ್ತೆದ ವಿಚಾರ ಪಂಡೆರ್.
ಲೇಸ್ ನ್ ಉದಿಪನ ಮಲ್ತಿನ ಕಸಾಪ ಮಾಜೀ ರಾಜ್ಯಾಧ್ಯಕ್ಷ ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ಪಾತೆರ್ದ್ ಆಂಗ್ಲ ಮಾಧ್ಯಮದ ಒಟ್ಟುಗು ಕನ್ನಡನ್ ಪ್ರೋತ್ಸಾಹ ಮಲ್ತ್ ದ್ ಬೊಲ್ಪು ಅರ್ಲಾಯೀಲೆಕ್ಕ ಶಾಲೆ ಬೆಳಗಡ್ ಪಂಡೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ಆನಂದ ಜೆ ಸನಿಲ್ ಮಸ್ಕತ್,ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷ ಸತೀಶ್ ಅಂಚನ್, ಸದಸ್ಯರಾಯಿನ ಸುಭಾಷ್ ಶೆಟ್ಟಿ, ವಂದನಾ ಕಾಮತ್, ಮುಲ್ಕಿ ಬಂಟರ ಸಂಘದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ಟಿ, ಶಾಲಾ ಶತಮಾನೋತ್ಸವ ಸಮಿತಿಯ ಗುರ್ಕಾರ್ಲು ನವೀನ್ ಶೆಟ್ಟಿ ಪೆರ್ಮಾರ್ ಗುತ್ತು ಗೌರವಾಧ್ಯಕ್ಷೆರ್ ದಿನೇಶ್ ಹೆಗ್ಡೆ, ಗುತ್ತಿನಾರ್ ಬೋಜ ಶೆಟ್ಟಿ, ಹಳೆ ವಿದ್ಯಾರ್ಥಿ ಸಂಘದ ಗುರ್ಕಾರ್ಲು ನಾರಾಯಣ ಶೆಣೈ
ಎಸ್ ಡಿ ಎಂ ಸಿ ಗುರ್ಕಾರ್ಲು ಸುಧೇಶ್ ಶೆಟ್ಟಿ, ಸಮಿತಿದ ಸತೀಶ್ ಕಿಲ್ಪಾಡಿ, ಶಾಲಾ ಮುಖ್ಯೋಪಾಧ್ಯಾಯಿನಿ ಅನಿತಾ ಪಿಂಟೋ, ಬೊಕ್ಕ ಕೆಲವೆರ್ ಉಪಸ್ಥಿತರಿತ್ತೆರ್.
ಕಾರ್ಯಕ್ರಮಡ್ ಸಾಧಕೆರೆನ ನಿಲೆಟ್ ಸುರತ್ಕಲ್ ಮಧ್ಯ ಉದ್ಯಮಿ ಕೆಎಂ ಶೆಟ್ಟಿ ಬೊಕ್ಕ ಇಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಜೈ ಕೃಷ್ಣ ಕೋಟ್ಯಾನ್ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್ ಅಂಚೆನೆ ಸಾಧಕ ಹಳೆ ವಿದ್ಯಾರ್ಥಿಲೆಗ್ ಬೊಕ್ಕ ಸೇವೆ ಸಂದಾಯಿನ ಗುರುಕ್ಲೆಗ್ ಗೌರವಾರ್ಪಣೆ, ಶಾಲಾ ಸ್ಮರಣ ಸಂಚಿಕೆ ಬುಡುಗಡೆ ಕಾರ್ಯಕ್ರಮ ನಡತ್ಂಡ್.
ಶಿಕ್ಷಕಿ ಶೋಭಾ ಎದ್ಕೊಂಡೆರ್, ಸಮಿತಿದ ಉಮೇಶ್ ಮಾನಂಪಾಡಿ ಸೊಲ್ಮೆ ಸಂದಾಯ ಮಲ್ತೆರ್.
ಶ್ರೀನಿವಾಸ ಕೊಲಕಾಡಿ ನಿರೂಪಣೆ ಮಲ್ತೆರ್. ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.