ಇಂಡಿಯನ್

ಇಂಡಿಯನ್ ಪ್ರೀಮಿಯರ್ ಲೀಗ್ ದ ಹೈವೋಲ್ವೇಜ್ ಗೊಬ್ಬುಗು ಮೆರಗು ಕೊರಿನ ತುಳುನಾಡ್ದ ಪಿಲಿನಲಿಕೆ !!ಆರ್ ಸಿಬಿ – ಸಿಎಸ್ ಕೆ ಗೊಬ್ಬುದ ಪೊರ್ತುಡು ಪಿಲಿ ನಲ್ತಿನ ಆರ್ ಸಿಬಿ ಅಭಿಮಾನಿಲು

ಬೆಂಗ್ಳೂರು : ಇಂಡಿಯನ್ ಪ್ರೀಮಿಯರ್ ಲೀಗ್ ದ ಹೈವೋಲ್ವೇಜ್ ಗೊಬ್ಬುಡು ಒಂಜಾಯಿನ ಚೆನ್ನೈ ಸೂಪರ್ ಕಿಂಗ್ಸ್ ಬೊಕ್ಕ ರಾಯಲ್ ಚಾಲೆಂಜರ್ಸ್ ಬೆಂಗ್ಳೂರು ನಡುಟು ಕೋಡೆ ನಡತಿನ ಪಂದ್ಯಡ್ ಕ್ರೀಡಾಂಗಣಡ್ ನಮ್ಮ ತುಳುನಾಡ್ದ ಪಿಲಿನಲಿಕೆ ಭಾರೀ ಸದ್ದು ಮಲ್ದುಂಡು .

ಅಂದ್ , ಈ ಸಲದ ಐಪಿಎಲ್ ತೂಯರೇ ಮೈದಾನಡ್ ಪ್ರೇಕ್ಷಕೆರೆಗ್ ಸೀಮಿತ ಸಂಖ್ಯೆಡ್ ಮಾತ್ರ ಅವಕಾಶ ಕೊರ್ತೆರ್ . ತಮ್ಮ ಇಷ್ಟದ ಫ್ರಾಂಚೈಸಿನ್ ಬೆಂಬಲ ಕೊರ್ದು ಅಭಿಮಾನಿಲು ಪಂದ್ಯನ್ ಖುಷಿಟ್ ಆಚರಣೆ ಮಲ್ದೆರ್ . ಅಂಚನೇ  ಶಾರ್ಜಾದ ಮೈದಾನಡ್ ಕರಾವಳಿದ ಅಭಿಮಾನಿಲು ತಮ್ಮ ಇಷ್ಟದ ಕೂಟಗ್ ಹುರಿದುಂಬಿಸಾವೊಂದು ಪಿಲಿನಲಿಕೆಗೆಗ್ ಪಜ್ಜೆ ಪಾಡಿನ ವಿಡಿಯೋ ವೈರಲ್ ಆತುಂಡು .

ಒಡಿಪು ಧರ್ಮಪ್ರಾಂತ್ಯದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಗು ಮಾನದಿಗೆ

ಒಡಿಪು : ನಿಹಾಲ್ ತಾವ್ರೋ ತಂಕ್ ತಿಕ್ಕಿನ ಅವಕಾಶನ್ ಸದುಪಯೋಗ ಪಡಿಸಾದ್ ಇಂಡಿಯನ್ ಐಡಲ್‌ನ ಫೈನಲ್ ಹಂತ ಮುಟ್ಟುನ ಮುಖೇನ ಇಡೀ ರಾಜ್ಯಗೆ ಕೀರ್ತಿ ಕನಯ್ದೆರ್ ಪಂದ್ ಒಡಿಪು ಕೆಥೊಲಿಕ್ ಧರ್ಮಪ್ರಾಂತದ ಧರ್ಮಾಧ್ಯಕ್ಷ ಅತಿ ವಂ. ಡಾ. ಜೆರಾಲ್ಡ್ ಐಸಾಕ್ ಲೋಬೊ ಪಂಡೆರ್ .

ಐತಾರ ಒಡಿಪುಡು ಧರ್ಮಪ್ರಾಂತದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಮೆರೆಗ್ ಮಾನದಿಗೆ ಮಲ್ತ್ ಬಿಷಪ್ ಪಾತೆರಯೇರ್.

ಈ ಪೊರ್ತುಡು ಧರ್ಮಪ್ರಾಂತದ ಬೇತೆ ಬೇತೆ ಸಂಘಟನೆಲು , ಧರ್ಮಗುರುಕುಲು ನಿಹಾಲ್ ಮೆರೆಗ್ ಮಾನದಿಗೆ ಮಲ್ತೆರ್ . ಮತ್ತರ್ಮೆಡ್ ನಿಹಾಲ್ ಮೇರ್ಣ ಪೊಪ್ಪ ಹೆರಾಲ್ಡ್ ತಾವ್ರೋ, ತಾಯಿ ಪ್ರೆಸಿಲ್ಲಾ ತಾವ್ರೋ, ತಗೆ ನಿಶಾನ್ ತಾವ್ರೋ, ಕೆಥೊಲಿಕ್ ಸಭಾ ಉಡುಪಿ ಪ್ರದೇಶ ನೆತ್ತ ಆಧ್ಯಾತ್ಮಿಕ ನಿರ್ದೇಶಕೆರಾಯಿನ ವಂ. ಫರ್ಡಿನಾಂಡ್ ಗೊನ್ಸಾಲ್ವಿಸ್, ನಿವೃತ್ತ ಧರ್ಮಗುರು ವಂ.ವಿಲಿಯಂ ಮಾರ್ಟಿಸ್ ಪಾಲ್ ಪಡೆದಿತ್ತೆರ್ .

ಉತ್ತರಾಖಂಡ್ದ ಬ್ರಾಂಡ್ ಅಂಬಾಸಿಡರ್ ಆಯಿನ ಇಂಡಿಯನ್ ಐಡಲ್ದ ವಿನ್ನರ್ ಪವನ್ ದೀಪ್ ರಾಜನ್

ನವದೆಹಲಿ: ಇಂಡಿಯನ್ ಐಡಲ್ದ 12ನೇ ಆವೃತ್ತಿದ ರಿಯಾಲಿಟಿ ಶೋದ ವಿನ್ನರ್ ಪವನ್ ದೀಪ್ ರಾಜನ್ ಮೆರೆನ್ ಉತ್ತರಾಖಂಡ್ದ ಕಲೆ, ಪ್ರವಾಸೋದ್ಯಮ ಬೊಕ್ಕ ಸಂಸ್ಕೃತಿದ ಬ್ರಾಂಡ್ ಅಂಬಾಸಿಡರ್ ಆದ್ ನೇಮಕ ಮಲ್ದೆರ್ ಪಂದ್ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಾಮಿ ಪಂಡೆರ್.

ಪವನ್ ದೀಪ್ ರಾಜನ್ ಕೋಡೆ ಮುಖ್ಯಮಂತ್ರಿ ಪುಷ್ಕರ್ ಮೆರ್ನ ಇಲ್ಲಡ್ ಭೇಟಿ ಆದ್ ಪಾತೆರಕತೆ ನಡಪಾಯಿ ಬೊಕ್ಕ ಈ ಘೋಷಣೆ ಮಲ್ತೆರ್.