ಅಯೋಧ್ಯೆ

ಶ್ರೀರಾಮ ಮಂದಿರ ನಿರ್ಮಾಣಗ್ ಕುಡ್ಲ ವಿಭಾಗರ್ದ್ 20 ಕೋಟಿ ದೇಣಿಗೆ ಸಂಗ್ರಹ

Mar 17, 2021

ಕುಡ್ಲ , ಮಾ.17: ಅಯೋಧ್ಯೆಡ್ ನಿರ್ಮಾಣ ಆಪಿನ ಶ್ರೀರಾಮ ಮಂದಿರಗ್ ದಕ್ಷಿಣ ಕನ್ನಡ, ಉಡುಪಿ, ಕಾಸರಗೋಡು ಬೊಕ್ಕ ಕೊಡಗು ಜಿಲ್ಲೆಡ್ ಕುಡ್ಲ ವಿಭಾಗಡ್ 20 ಕೋಟಿ ದೇಣಿಗೆ ಸಂಗ್ರಹ ಆತ್oಡ್ ಪಂದ್ ವಿಶ್ವ ಹಿಂದೂ ಪರಿಷತ್ ವಿಭಾಗದ ಕಾರ್ಯದರ್ಶಿ ಶರಣ್ ಪಂಪ್‌ವೆಲ್ ತೆರಿಪಾದೆರ್.

ನಗರದ ವಿಶ್ವ ಹಿಂದೂ ಪರಿಷತ್ ಕಾರ್ಯಾಲಯಡ್ ಅಂಗಾರೆ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಕರ್ನಾಟಕರ್ದ್ 250 ಕೋಟಿ ರೂ. ಸಂಗ್ರಹ ಆತ್oಡ್ ಪಂದ್ ಪಂಡೆರ್.

Mangalore, March 17 : Around 20 crore donations have been collected from the Mangalore section, which includes Dakshina Kannada, Udupi, Kasargod and Kodagu districts for the construction of the Sri Rama Mandiraya in Ayodhya, said Sharan Pumpwell, secretary of the VHP.

Speaking at a news conference on Monday at the Vishwa Hindu Hindu Parishad, he said that Rs 250 crore has been allocated from Karnataka. There is information in the cache.

ಅಯೋಧ್ಯೆ ರಾಮಮಂದಿರ ನಿರ್ಮಾಣಗಾದ್ ಎಸ್‌ಸಿಡಿಸಿಸಿ ಬ್ಯಾಂಕ್‌ ವತಿರ್ದ್ 1 ಕೋಟಿ ನಿಧಿ ದೇಣಿಗೆ

Feb 25, 2021

ಕುಡ್ಲ : ಅಯೋಧ್ಯೆ ರಾಮಮಂದಿರ ನಿರ್ಮಾಣಗಾದ್ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ (ಎಸ್‌ಸಿಡಿಸಿಸಿ) ಬ್ಯಾಂಕ್‌ ವತಿರ್ದ್ 1,01,11,072 ರೂಪಾಯಿದ ನಿಧಿನ್ ಬುಧವಾರ ಮಂದಿರ ನಿರ್ಮಾಣ ಟ್ರಸ್ಟ್‌ ವಿಶ್ವಸ್ತರಾದುಪ್ಪುನ ಉಡುಪಿ ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರೆಗ್ ಸಮರ್ಪಣೆ ಮಲ್ತೆರ್.

ಬ್ಯಾಂಕ್‌ ಗುರ್ಕಾರ್ಲಾಯಿನ ಡಾ| ಎಂ.ಎನ್‌. ರಾಜೇಂದ್ರ ಕುಮಾರ್‌ ಮೆರ್ನ 72ನೇ ಪುಟ್ಟು ಪರ್ಬದ ಪ್ರಯುಕ್ತ ಮಾನದಿಗೆ ಬೊಕ್ಕ ಪೇಜಾವರ ಶ್ರೀಲೆಗ್ ಗುರುವಂದನೆ ಲೇಸ್ ದ ಪ್ರಯುಕ್ತ ಪೇಂಟೆಡ್ ಅಟ್ಟನೆ ಮಲ್ದಿನ ಲೇಸ್ ಡ್ ನಿಧಿತ ಚೆಕ್‌ ಹಸ್ತಾಂತರ ಮಲ್ತೆರ್ . ಈ ಪಣವು ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆದ ಮಾತಾ ಸಹಕಾರ ಸಂಘ, ಎಲ್ಲ ಸಹಕಾರಿಲು ಬೊಕ್ಕ ಎಸ್‌ಸಿಡಿಸಿಸಿ ಬ್ಯಾಂಕ್‌ದ ನೌಕರೆರ್ನ ಒಂಜಿ ದಿನತ ಸಂಬಳ ಸಹಿತ ಆದುಂಡು.

ಶ್ರೀ ವಿಶ್ವೇಶತೀರ್ಥೆರ್ನ 82 ನೇ ಪೀಠಾರೋಹಣ ವರ್ಧಂತಿ ಸಂಸ್ಮರಣೆ,ಅಯೋಧ್ಯೆಡ್ ರಾಮಲಲ್ಲಾ ಪ್ರತಿಷ್ಠೆ ಸಮಯ ಶ್ರೀ ವಿಶ್ವೇಶತೀರ್ಥೆರ್ ನೊಟ್ಟಿಗೆ ಯಾನಿತ್ತಿನವು ಎನ್ನ ಜನ್ಮದ ಭಾಗ್ಯ :ಮುಖ್ಯಮಂತ್ರಿ

Dec 25, 2020

1992 ಟ್ಟ್ ಅಯೋಧ್ಯೆಡ್ ವಿವಾದಿತ ಕಟ್ಟಡ ಧ್ವಂಸಆಯಿನ ಬೊಕ್ಕ ಅವ್ವೆ ಜಾಗೆ ಡ್ ತಾತ್ಕಾಲಿಕ ಶೆಡ್ ಮಲ್ತ್ ದ್ ಅವ್ವೆತೋ ಸಾಧು ಸಂತೆರ್ ಲಕ್ಷಾಂತರ ಕರಸೇವಕೆರ್ನ ಒಟ್ಟು ಸೇರಿಗೆಡ್ ಆ ಶೆಡ್ ಡ್ ಶ್ರೀ ರಾಮಲಲ್ಲಾನ ವಿಗ್ರಹನ್ ಶ್ರೀ ವಿಶ್ವೇಶತೀರ್ಥ ಶ್ರೀಪಾದೆರ್ ಪ್ರತಿಷ್ಠೆ ಮಲ್ಪುನ ಪೊರ್ತುಡು ಯಾನ್ ಅಲ್ಪ ಇತ್ತ್ ದ್ ಐಕ್ ಸಾಕ್ಷಿ ಆಯಿನವು ಎನ್ನ ಈ ಜನ್ಮದ ಪುಣ್ಯ ಪಂದ್ ಮುಖ್ಯಮಂತ್ರಿ ಬಿ‌ಎಸ್ ಯಡ್ಯೂರಪ್ಪ ಪಂಡೆರ್.

ಶ್ರೀ ಪೇಜಾವರ ಮಠದ ಕೀರ್ತಿಶೇಷ *ಶ್ರೀ ಶ್ರೀ ವಿಶ್ವೇಶತೀರ್ಥ ಶ್ರೀಪಾದೆರ್ನ 82 ನೇ ಸನ್ಯಾಸ ಪೀಠಾರೋಹಣ ವರ್ಧಂತಿ ಸಂಸ್ಮರಣಾರ್ಥ* ಬೆಂಗಳೂರು ಕತ್ರಿಗುಪ್ಪೆದ ಶ್ರೀ ಪೂರ್ಣಪ್ರಜ್ಞ ವಿದ್ಯಾಪೀಠಡ್ ಉಪ್ಪುನ ಶ್ರೀಕುಲ್ನ ವೃಂದಾವನ ಸನ್ನಿಧಿಡ್ ಗುರುವಾರ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರ್ನ ಸಾನ್ನಿಧ್ಯಡ್ ನಡತಿನ ಕಾರ್ಯಕ್ರಮಡ್ ಆರ್ ಪಾಲ್ ಪಡೆದ್ ಪಾತೆರ್ಯೆರ್. 8 ವರ್ಷದ ಎಲ್ಯ ಪ್ರಾಯೋಡೆ ಸನ್ಯಾಸ ಸ್ವೀಕಾರ ಮಲ್ತ್ ದ್ 80 ವರ್ಷದ ಸುದೀರ್ಘ ಅವಧಿಗ್ ದ್ವೈತ ವೇದಾಂತ ಸಾಮ್ರಾಜ್ಯ ನ್ ಪರಿಶುದ್ಧ ಚಾರಿತ್ರ್ಯ , ಕಠಿಣ ತಪಸ್ಸು ಸ್ವಾಧ್ಯಾಯ , ವಿದ್ವತ್ತು ಬೊಕ್ಕ ಮಾನವೀಯ ಕಳಕಳಿಯ ಅಸಂಖ್ಯ ಸೇವಾಕಾರ್ಯರ್ದ್ ಯಶಸ್ವಿಯಾದ್ ದುಂಬು ಕೊನೊಂದು ಕೋಟ್ಯಂತರ ಭಕ್ತೆರ್ನ ಶ್ರದ್ಧೆ ನಂಬಿಕೆಗ್ ಪಾತ್ರೆರಾಯಿನ ಶ್ರೀ ವಿಶ್ವೇಶತೀರ್ಥೆರ್ ಈ ದೇಶ ತೂಯಿನ ಮಹಾನ್ ಯೋಗಿ , ಸಾಧಕೆ ಯತಿ ಪಂದ್ ಪುಗರ್ಯೆರ್ . ಪೇಜಾವರ
ಸಭಾಕಾರ್ಯಕ್ರಮರ್ದ್ ದುಂಬು ವಿದ್ಯಾಪೀಠ ಆವರಣಡ್ ಉಪ್ಪುನ ಶ್ರೀ ವಿಶ್ವೇಶತೀರ್ಥ ಶ್ರೀಪಾದೆರ್ನ ನೂತನ ವೃಂದಾವನ ದರ್ಶನ ಪಡೆದ್ ಶ್ರೀ ವಿಶ್ವಪ್ರಸನ್ನತೀರ್ಥೆರ್ ಮಲ್ತಿನ ಮಂಗಳಾರತಿನ್ ತೂದು ಭಕ್ತಿ ಸಮರ್ಪಣೆ ಮಲ್ತೆರ್ .

ಈ ಪೊರ್ತುಡು ಪೇಜಾವರ ಶ್ರೀ ಪಾತೆರ್ದ್ ಗುರುಕುಲ್ನೊಟ್ಟಿಗೆ ಯಡ್ಯೂರಪ್ಪಗ್ ಇತ್ತಿನ ಸುದೀರ್ಘ ಒಡನಾಟ ಬಾಂಧವ್ಯ , ರಾಮಜನ್ಮಭೂಮಿ ಆಂದೋಲನಡ್ ಅಕುಲು ರಡ್ಡ್ ಜನ ಪಾಲ್ ಪಡೆಯಿನ ಅಂಚನೇ ಅಧಿಕಾರಡ್ ಉಪ್ಪುನಗ ಉಡುಪಿದ ಅಭಿವೃದ್ಧಿಗ್ ಬೊಕ್ಕ ಉಡುಪಿ ಮಠಕ್ ವಿಶೇಷ ಸಹಕಾರ ಕೊರ್ತಿನೆನ್ ನೆಂಪು ಮಲ್ತೆರ್.
ಕರಿನ ವರ್ಷ ಗುರುಕುಲ್ನ ಅನಾರೋಗ್ಯದ ಪೊರ್ತುಡು ಉಡುಪಿಡೇ ಇತ್ತುದು, ಗುರುಕುಲು ತೀರ್ ಪೋದು ಬೊಕ್ಕ ಬಳಿಕ ಉಡುಪಿಡ್ ಬೊಕ್ಕ ಬೆಂಗಳೂರ್ ಡ್ ನಡತಿನ ಆರ್ನ ಅಂತ್ಯಕ್ರಿಯೆನ್ ಬಾರಿ ಪೊರ್ಲುಡೆ ಸರಕಾರಿ ಗೌರವದ ಸಹಿತ ನಡಪಾವುನಲ್ಪ ಮುಖ್ಯಮಂತ್ರಿ ಕೊರಿನ ಸಹಕಾರನ್ ನೆಂಪು ಮಲ್ತೆರ್.

ಇಂಚಗು ರಾಜ್ಯಡ್ ಗೋಹತ್ಯಾ ನಿಷೇಧ ಕಾನೂನ್ ಗ್ ಶಾಸನಸಭೆಟ್ ಅಂಗೀಕಾರ ದೆತೊಂದು ಕೋಟ್ಯಂತರ ಹಿಂದೂಲೆನ, ಗೋಪ್ರೇಮಿಲೆನ ಆಗ್ರಹಗ್ ಮನ್ನಣೆ ಕೊರ್ತಿನೆಕ್ಕ್ ಸೊಲ್ಮೆ ಸಂದಾಯಿತ ಮಲ್ತೆರ್. ಈ ಕಾನೂನ್ ನು ಬಾರಿ ಪರಿಣಾಮ ಕಾರಿಯಾದ್ ಅನುಷ್ಟಾನಗ್ ಕನವೊಡು ಪಂದ್ ಒತ್ತಾಯ ಮಲ್ಪುವ ಬೊಕ್ಕ ಗೋಹತ್ಯಾ ನಿಷೇಧದಾತೆ ಗೋರಕ್ಷಣೆ ದ ಕಾರ್ಯಗ್ ಲಾ ಬಲ ಜಿಂಜಾವೊಡು ಪಂದ್ ಒತ್ತಾಯ ಮಲ್ತಿನ ಶ್ರೀಕುಲು
ಕೋವಿಡ್ ವಿಪತ್ದ ಪೊರ್ತುಡು ಬಾರಿ ತಾಳ್ಮೆ ಡ್ ಇಡೀ ರಾಜ್ಯ ಆ ವಿಪರೀತ ಪರಿಸ್ಥಿತಿ ನ್ ಸಮರ್ಥವಾದ್ ಎದುರಿಸಾಯರೇ ಬೊಕ್ಕ ರಾಜ್ಯಡ್ ಪರಿಸ್ಥಿತಿನ್ ಸರಿ ಮಲ್ಪರೆ ಬಾರಿ ಕಷ್ಟ ಬತ್ದ್ ಬೇಲೆ ಮಳ್ತೊಂದುಪ್ಪುನ ಮುಖ್ಯಮಂತ್ರಿಲೆನ್ ವಿಶೇಷವಾದ್ ಮಾನದಿಗೆ ಮಲ್ತೆರ್. ಮುಖ್ಯಮಂತ್ರಿಲೆಗ್ ಶಾಲ್ ಫಲಪುಷ್ಪ ಪ್ರಸಾದ ಕೊರ್ದು ಮಾನದಿಗೆ ಮಲ್ತೆರ್ .

ಅಯೋಧ್ಯೆ ರಾಮಮಂದಿರ ನಿರ್ಮಾಣ ಕಾರ್ಯಡ್ ಮಾತಾ ರೀತಿದ ಸಹಕಾರ ಕೊರೊಡು ಪಂದ್ ಶ್ರೀಕುಲು ಮುಖ್ಯಮಂತ್ರಿಲೆಗ್ ಪತ್ರಕ ಕೊರಿಯೆರ್ .

ಶಾಸಕರಾಯಿನ ರವಿಸುಬ್ರಹ್ಮಣ್ಯ , ಕೆ ರಘುಪತಿ ಭಟ್ ಪಾಲ್ ಪಡೆದಿತ್ತೆರ್ .ವಿದ್ವಾನ್ ಪ್ರಭಂಜನಾಚಾರ್ಯ ಪ್ರಸ್ತಾವನೆ ಮಲ್ತೆರ್.ವಿದ್ಯಾಪೀಠದ ಪರವಾದ್ ವ್ಯವಸ್ಥಾಪಕೆರಾಯಿನ ಕೇಶವಾಚಾರ್ಯ , ವಿದ್ವಾಂಸೆರಾಯಿನ ಆನಂದತೀರ್ಥ ಆಚಾರ್ ನಾಗಸಂಪಿಗೆ , ಸತ್ಯನಾರಾಯಣಾಚಾರ್ಯ , ಬದರೀನಾಥಾಚಾರ್ಯ , ಗುರುರಾಜ ಕಲ್ಕೂರ್ ಬೊಕ್ಕ ಶ್ರೀಕುಲ್ನ ಆಪ್ತರಾಯಿನ ಕೃಷ್ಣ ಭಟ್ ವಿಷ್ಣುಮೂರ್ತಿ ಆಚಾರ್ಯ ಪೂರ ಮುಖ್ಯಮಂತ್ರಿಲೆನ್ ಸಾಂಪ್ರದಾಯಿಕ ಗೌರವದೊಟ್ಟುಗು ಎದ್ಕೊಂಡೆರ್ .

ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು – ಪೇಜಾವರ ಶ್ರೀ

Dec 20, 2020

ಅಯೋಧ್ಯೆಡ್ ಶ್ರೀ ರಾಮಮಂದಿರದ ನಿರ್ಮಾಣೊಗ್ ಒಡಿಪುದ ಗ್ರಾಮ ಗ್ರಾಮೊಡ್ ನಿಧಿ ಸಮರ್ಪಣಾ ಅಭಿಯಾನ ನಡಪರೆಗುಂಡ್..ನೆತ್ತ ವತಿಡ್ದ್ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನೊಡ್ ನಡತಿನ ಪೂರ್ವ ಭಾವಿ ಸಭೆಟ್ ಪೇಜಾವರ ಮಠದ ಶ್ರೀ ಕುಲು ಪಾತೆರ್ದ್ ರಾಮಮಂದಿರ ಟ್ರಸ್ಟ್ ದ ಸೊತ್ತು ಅತ್ತ್,ಇಡೀ ದೇಶದ ಸೊತ್ತು.ಏರ್ ಮಾತಾ ರಾಮದೇವೆರೆನ್ ನಂಬುವೆರಾ ಅಕಲ್ನ ಸೊತ್ತು.ಅಭಿವೃದ್ಧಿ ಮಲ್ಪುನ ಜಬಾದಾರಿ ಮಾತ್ರ ಟ್ರಸ್ಟ್ ದವ್ವ್ ಪಂಡುದ್ ಪಂಡೆರ್.ನಮ್ಮ ಮಾತೆರ್ನ ರಾಮಮಂದಿರ ಆವೊಡಾಂಡ ರಾಮಭಕ್ತೆರ್ನ ಮಾತೆರ್ನ ಸಹಕಾರ ಬೋಡು.ಐಕ್ ಮಾತೆರ್ಲ ಕೈಜೋಡಿಸಾಂಡ ಮಾತ್ರ ಪೊರ್ಲುದ ರಾಮಮಂದಿರ ಅವರೆಗ್ ಸಾಧ್ಯ ಪಂಡೆರ್.ವಿಶ್ವ ಹಿಂದೂ ಪರಿಷತ್ ದ ಕಾರ್ಯಕರ್ತೆರ್ ಇಲ್ಲ ಇಲ್ಲಗ್ ರಶೀದಿ ಪಸೊಂದ್ ಬರ್ಪೆರ್ ನಿಕಲ್ಡ ಆಪಿನಾತ್ ಸಹಕಾರ ಮಲ್ಪುಲೆ ಪಂಡುದ್ ಈ ಪೊರ್ತುಡ್ ಬಿನ್ನಪ ಮಲ್ತೆರ್.

ವೇದಿಕೆಡ್ ರಾಷ್ಟ್ರೀಯ ಸ್ವಯಂ ಸೇವಾ ಸಂಘದ ನಗರ ಸಂಘ ಸಂಚಾಲಕೆರಾಯಿನ ರಾಮಚಂದ್ರ ಸನಿಲ್,ಕೊಡವೂರು ಕೇಂದ್ರ ಪ್ರಮುಖ್ ಚಂದ್ರಕಾಂತ್,ಕೊಡವೂರು ವಸತಿ ಪ್ರಮುಖ್ ರಾಜೇಶ್ ಖಾನಂಗಿ,ವಾಸುದೇವ ಭಟ್ ಉಪಸ್ಥಿತರಿತ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಅಯೋಧ್ಯೆ ರಾಮಮಂದಿರ ನಿಧಿ ಸಂಗ್ರಹ ಚೆನ್ನೈಡ್ ಉದ್ಯಮಿಲೆನ ಸಮಾವೇಶ – ಕೆ ರಾಜೇಶ್ ರಾವ್

Dec 12, 2020

ಅಯೋಧ್ಯೆಡ್ ನಿರ್ಮಾಣ ಆಯೆರೆ ಉಪ್ಪುನ ಭವ್ಯ ಶ್ರೀ ರಾಮಮಂದಿರ ನಿರ್ಮಾಣ ಗ್ ದೇಶದ ಸಮಸ್ತ ಜನತೆದ ಸಾಕಾರ ದೆತೊನುನ ಉದ್ದೇಶಡು ಜನವರಿ 15 ರ್ದ್ ದೇಶಡ್ ನಿಧಿ ಸಂಗ್ರಹ ಅಭಿಯಾನ ನಡಪರೆ ಉಂಡು . ಈ ನಿಟ್ಟ್ ಡ್ ತಮಿಳುನಾಡ್ ದ ಉದ್ಯಮಿಲೆನ ಸಮಾವೇಶನ್ ಚೆನ್ನೈ ಡ್ ನಡಪರೆ ಉಂಡು ಪಂದ್ ಜಗತ್ಪ್ರಸಿದ್ಧ ವುಡ್ ಲ್ಯಾಂಡ್ಸ್ ಹೋಟೆಲ್ ದ ಪಾಲಪಾಲ್ ದಾರೆರಾಯಿನ ಯುವ ಉದ್ಯಮಿ ಕೆ ರಾಜೇಶ್ ರಾವ್ ( ಕುಡ್ಲ ದ ಕಡಂದಲೆ ದಾರ್ ) .

ಚೆನ್ನೈ ಮೈಲಾಪುರಡ್ ಉಪ್ಪುನ ವುಡ್ ಲ್ಯಾಂಡ್ಸ್ ಹೋಟೆಲ್ ಅತಿಥಿ ಗೃಹಡ್ ಅಯೋಧ್ಯೆ ಶ್ರೀ ರಾಮಮಂದಿರ ತೀರ್ಥ ಕ್ಷೇತ್ರ ಟ್ರಸ್ಟ್ ದ ವಿಶ್ವಸ್ಥರಾಯಿನ ಪೇಜಾವರ ಮಠಾಧೀಶ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದದೆರ್ನೊಟ್ಟಿಗೆ ನಡತಿನ ಸಮಾಲೋಚನೆಡ್ ಈ ವಿಷಯ ಪ್ರಸ್ತಾವನೆ ಮಲ್ತಿನ ಶ್ರೀ ರಾವ್ , ತಮಿಳುನಾಡಿನ ಸ್ವರ್ಣ , ವಸ್ತ್ರ , ಹೋಟೆಲ್ , ರಿಯಲ್ ಎಸ್ಟೇಟ್ , ಸಾಫ್ಟ್ ವೇರ್ , ಇಂಚ ಬೇತೆ ಬೇತೆ ಉದ್ಯಮಿಲೆನ ಮಲ್ಲ ಸಮೂಹ ಮೆಕ್ಲೆನ ಒಟ್ಟು ಸೇರಿಗೆಡ್ ಒಂಜಿ ಮಲ್ಲ ಸಮಾವೇಶ ನಡಪರೆ ಉಂಡು . ನೆಟ್ಟ್ ಪೇಜಾವರ ಶ್ರೀಕುಲು ಪಾಲ್ ಪಡೆ ದ್ ಮಾರ್ಗದರ್ಶನ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್ ಆರ್ ಆರ್ನ ಒಪ್ಪಿಗೆನ್ ಲಾ ಕೊರ್ತೆರ್. ಈ ಸಮಾವೇಶಡ್ ಪ್ರತೀ ಉದ್ಯಮಿಲು ಅಕ್ಲೆನ ದೇಣಿಗೆನ್ ಶ್ರೀಕುಲ್ನ ಮುಖೇನ ಅಯೋಧ್ಯೆ ಮಂದಿರ ಟ್ರಸ್ಟ್ ಗ್ ಹಸ್ತಾಂತರ ಮಲ್ಪರೆ ಉಲ್ಲೆರ್ ಪಂದ್ ಉಡುಪಿ ಕೃಷ್ಣ ಮಠ ಬೊಕ್ಕ ಅಷ್ಟ ಮಠತ ವಿಶೇಷ ಭಕ್ತೆರ್ ಆದುಪ್ಪುನ ರಾಜೇಶ್ ರಾವ್ ತೆರಿಪಾದೆರ್ .
ಈ ಸಮಾಲೋಚನಾ ಸಭೆಟ್ ವುಡ್ ಲ್ಯಾಂಡ್ಸ್ ಸಮೂಹದ ನನೊರಿ ಪೆರಿಯರಾಯಿನ ಕೆ ಮುರಳಿ ರಾವ್ ತಮಿಳುನಾಡ್ ದ ಸಂಘ ಪರಿವಾರದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್ .

Ayodhya Ram Mandir fund raising campaign

Businesspeople conference in Chennai soon: K Rajesh Rao *

A fund-raising campaign will be held across the country from January 15th with the aim of getting the support of all the people of the country for the construction of the majestic Shri Ram Mandir in Ayodhya. “For this purpose, Tamil Nadu businessmen’s convention will be held in Chennai,” said K Rajesh Rao (Mangalore Kadandale), a business partner of world renowned Woodlands Hotels.

Mr. Rao, in his consultation with Tirtha Sripada of Paivavar Mathdheesha Shri Vishva Prasanna, the trustee of the Sri Ramamandir Pilgrimage Trust, at the Woodlands Hotel Guest House in Chennai, Mylapura A large convention will be held. It was requested that the Shrijans of the Pageavar participate and guide them and they have consented. Every entrepreneur will hand over their donations to the Ayodhya Mandir Trust through Shri. ”
K Murali Rao, another senior member of the Woodlands group, was also present at the conference.

Srinivasan, the President of Tamil Nadu’s North Hindu World Council, has been told that the conference will be held in January with hundreds of saints, pontiffs and religious leaders in Chennai for the same purpose.