ಅಭಿಯಾನ

ದೇವಸ್ಥಾನಡ್ ಅನ್ನದಾಸೋಹ ಸುರು ಮಲ್ಪರೆ ನಿರ್ಧಾರ : ಸಚಿವ ಕೋಟ

Jul 20, 2021

ಕುಂದಾಪುರ : ದೇವಸ್ಥಾನ ಇತ್ತೇ ಭಕ್ತೆರೆಗ್ ಮುಕ್ತವಾತುಂಡು . ದೂರರ್ದ್ ಬರ್ಪಿನ ಭಕ್ತರ್ಗ್ ಸಮಸ್ಯೆಯಾಯೆರೆ ಬಲ್ಲಿ ಪನ್ಪಿನ ಕಾರಣಗ್ ಸೀಮಿತ ಭಕ್ತೆರೆಗ್ ದೇವಾಲಯಡ್ ಅನ್ನದಾಸೋಹ ನಡಪಾಯೆರೆ ಚರ್ಚೆ ಮಲ್ದೆರ್ . ಇತ್ತೇ ಮುಖ್ಯಮಂತ್ರಿನೊಟ್ಟುಗು ಈ ಬಗ್ಗೆ ಚರ್ಚೆ ನಡಪಾದೆರ್ .

ಕೆಲವೇ ದಿನಟ್ ತೀರ್ಮಾನ ದೆತೊನುವ ಪಂದ್ ಹಿಂದು ಧಾರ್ಮಿಕ ದತ್ತಿ ಇಲಾಖೆ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

Jul 20, 2021

ಕುಡ್ಲ : ಕರಿನ 9 ತಿಂಗೊಲುರ್ದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುಖೇನ ತುಳು ಅಕಾಡೆಮಿದ ಗುರಿಕಾರೆ ದಯಾನಂದ್.ಜಿ.ಕತ್ತಲ್ಸಾರ್ ನ ಬೆರಿತಾಂಗ್ ದೊಟ್ಟುಗು ಅಳುಪ ಅರಸೆರ್ನ ವಂಶಸ್ಥೆರಾಯಿನ ಡಾ. ಆಕಾಶ್ ರಾಜ್ ಜೈನ್ ಮೇರ್ ಇಡೆಬುಡoದೆ ಕರ್ನಾಟಕದ ಮುಖ್ಯ ಮಂತ್ರಿಲೆನ ಡಿಜಿಟಲ್ ಮೀಡಿಯಾದ ಆಡಳಿತ ಅಧಿಕಾರಿ ಆಯಿನ ಸುದರ್ಶನ್ ಬೇಳೂರು ಅರೆನ ಸಾಕಾರ ದೆತೊoದು ಸಚಿವೆರಾಯಿನ ಅರವಿಂದ ಲಿಂಬಾವಳಿದರೆನ ಮೂಲಕ ತುಳು ಲಿಪಿನ್ ರಾಜ್ಯದ ಅಂಚನೇ ಕೇಂದ್ರ ಸರಕಾರದ ಅಧಿಕೃತ ಪಟ್ಟಿಗ್ ಸೇರಾದ್ ತುಳು ಲಿಪಿಕ್ ರಾಜ ಮಾನದಿಗೆ ಕನತ್ ಕೊರಿನವು ಸಮಸ್ತ ತುಳುವೆರೆಗ್ ಮಲ್ಲ ಪೆರ್ಮೆದ ಸಂಗತಿ ಆತ್oಡ್.

9 ತಿಂಗೊಲುರ್ದು ದುಂಬು ತುಳು ಅಕಾಡೆಮಿದ ಮೂಲಕ ಡಾ. ಆಕಾಶ್ ರಾಜ್ ಜೈನ್ ಮೇರ್ ಸರಕಾರಗ್ ತುಳುಲಿಪಿ ಅಧಿಕೃತ ಆಯೆರೆ ಬೋಡಾದ್ ಬಿನ್ನಾಪು ಮಲ್ತಿತ್ತೆರ್. ಈ ಮನವಿನ್ ರಾಜ್ಯಸರಕಾರ ಕೇಂದ್ರ ಸರಕಾರದ ಭಾರತೀಯ ಭಾಷಾ ಸಂಸ್ಥಾನಗ್ ಎತ್ತಾದ್ (ಸಿ. ಐ. ಐ. ಎಲ್ )ಇತ್ತೆ ಅಕುಲು ತುಳು ಲಿಪಿನ್ ಅಧಿಕೃತ ವಾದ್ ಮಲ್ಪರೆ ಒಪ್ಪಿಗೆ ಪತ್ರ ಕೊರ್ತೆರ್.

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

Jul 19, 2021

ಬೆಳ್ತಂಗಡಿ, ಜುಲೈ 19: ತಾಲೂಕುದ ಮಿತ್ತಬಾಗಿಲು ಗ್ರಾಮದ ಕೊಲ್ಲಿ ದುರ್ಗಾದೇವಿ ದೇವಸ್ಥಾನದ ಜೀರ್ಣೋದ್ಧಾರ ಕಾಮಗಾರಿ ಪ್ರಗತಿಡ್ ಉಂಡು . ತೀರ್ಥ ಮಂಟಪ ಬೊಕ್ಕ ಸುತ್ತು ಪೌಳಿದ ಶಿಲಾಪೂಜೆ ಕಾರ್ಯಕ್ರಮ ಶನಿವಾರ ನಡತುಂಡು .

ಉಜಿರೆ ಜನಾರ್ದನ ದೇವಸ್ಥಾನದ ಶರತ್ ಕೃಷ್ಣ ಪಡುವೆಟ್ನಾಯ ಲೇಸ್ ಗ್ ಚಾಲನೆ ಕೊರಿಯೆರ್ . ತಂಡವಾದ್ ಬೇಲೆ ಮಲ್ತುಂಡ ಅವು ಹೊರೆಯಾತುಜಿ . ಊರುದ ದೇವಸ್ಥಾನದ ಅಭಿವೃದ್ಧಿ ಪ್ರತಿಯೊರಿನ ಜವಾಬ್ದಾರಿಯಾತುಂಡು . ಪರಸ್ಪರ ಸಹಕಾರದ ಬೇಲೆ ನಿರ್ವಿಘ್ನವಾದ್ ಸಾಗುಂಡು ಬೊಕ್ಕ ಯೋಜಿತ ಅವಧಿದುಲಯಿ ಪೂರ್ಣ ಆತುಂಡು ಪಂದ್ ಪಂಡೆರ್.

ಜಮಾ ಉಗ್ರಾಣದ ಮುತ್ಸದ್ದಿ ಬಿ. ಭುಜಬಲಿ, ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ವಾಸುದೇವ ರಾವ್ ಕಕ್ಕೆನೇಜಿ, ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ಲೋಕೇಶ್ ರಾವ್, ಮಿತ್ತಬಾಗಿಲು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಲತಾ, ಕಡಿರುದ್ಯಾವರ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್, ನಾವುರು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಗಣೇಶ ಗೌಡ, ಬಂಗಾಡಿ ಸಿಎ ಬ್ಯಾಂಕಿನ ಗುರ್ಕಾರ್ಲಾಯಿನ ಹರೀಶ್ ಸಾಲಿಯಾನ್, ಉದ್ಯಮಿಲಾಯಿನ ಅರುಣ್ ಕುಮಾರ್ ದಿನೇಶ್ ಕುಮಾರ್, ಮುಖಂಡೆರಾಯಿನ ದಿನೇಶ್ ಗೌಡ, ಮೋಹನಗೌಡ, ಕೇಶವ ಫಡ್ಕೆ, ರಾಜಶೇಖರ್ ರಾವ್, ಮೃತ್ಯುಂಜಯ ರಾವ್, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಇತ್ತೆರ್ .

ಕೋವಿಡ್ ನಿಯಮ ಪಾಲಿಸಾಲೆ : ಕಮಿಷ್ನರ್

Jul 19, 2021

ಸುರತ್ಕಲ್, ಜುಲೈ 19 : ಕೋವಿಡ್‍ ಮೂರನೇ ಅಲೆಟ್ ತಡೆಯುನ ನೆಲೆಟ್ಟ್ ದೇವಸ್ಥಾನ, ಚರ್ಚ್, ಮಸೀದಿಡ್ ಸಾಮೂಹಿಕವಾದ್ ಪರ್ಬ ನಡಪಾಯೆರೆ ಅನುಮತಿ ಕೊರ್ತುಜೆರ್ . ನನ ದುಂಬುದ ಬಕ್ರೀದ್ ಪರ್ಬನ್ ಮಾತೆರ್ಲ ನಿಯಮದಲಕ ಆಚರಣೆ ಮಲ್ಪೊಡು ಪಂದ್ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಪಂಡೆರ್ .

ಕೃಷ್ಣಾಪುರ 7ನೇ ಬ್ಲಾಕ್‍ದ ಬದ್ರಿಯಾ ಜುಮ್ಮಾ ಮಸೀದಿ, ಕೇಂದ್ರ ಜಮಾತ್‌ಡ್ ಶನಿವಾರ ಆಡಳಿತ ಮಂಡಳಿದ ಜತೆ ನಡಪಾಯಿನ ಸಭೆಟ್ ಮೇರ್ ಪಾತೆರಿಯೆರ್ .

“ತುಳು ಲಿಪಿ ಮಂದಾರ” ಬುಡುಗಡೆ

Jul 19, 2021

ಒಡಿಪು, ಜುಲೈ 19: ತಾಳೆಗರಿ ಬಳಕೆ ಮಲ್ತೊಂದು ಇತ್ತಿನ ಕಾಲಘಟ್ಟಡ್ ತುಳು ಲಿಪಿ ಬಳಕೆಯಾವೊಂದು ಇತ್ತುಂಡು . ಪುರಾತನವಾಯಿನ ಐತಿಹಾಸಿಕ ಹಿನ್ನೆಲೆ ಉಪ್ಪುನ ತುಳು ಭಾಷೆ, ತುಳು ಲಿಪಿ ಮಧ್ವಾಚಾರ್ಯೇರ್ನ ಕಾಲಘಟ್ಟಡ್ ಬಳಕೆ ಮಲ್ತೊಂದು ಇತ್ತೆರ್ ಪನ್ಪಿನೆಕ್ಕ್ ಅಷ್ಠಮಠಟ್ ಪುರಾವೆಲು ಉಂಡು ಪಂದ್ ಶಾಸಕ ರಘುಪತಿ ಭಟ್ ಪಂಡೆರ್ .

ಒಡಿಪು ಪ್ರೆಸ್ ಕ್ಲಬ್ ಡ್ ಇನಿ ಅಟ್ಟನೆ ಮಲ್ತಿನ ತುಳು ಲಿಪಿ ಮಂದಾರ” ಬುಡುಗಡೆ ಲೇಸ್ ಡ್ ತುಳು ಲಿಪಿ ಮಂದಾರ”ನ್ ಬುಡುಗಡೆ ಮಲ್ತ್ ಆರ್ ಪಾತೆರಿಯೆರ್.

ವಿಧಾನ ಸಭಾ ಅಧಿವೇಶನಡ್ ಕರಾವಳಿ ಭಾಗದ ಶಾಸಕೆರೆಗ್ ತುಳುಟೆ ಪಾತೆರಿಯರೆ ಅವಕಾಶ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್ . ಆಂಡ ಸದನಡ್ ದಾಖಲಾಪಿನ ಮಾಹಿತಿಲೆನ್ ದಾಖಲು ಮಲ್ಪುನಕ್ಲೆಗ್ ತುಳು ಭಾಷೆದ ಅರಿಕೆದ ಕೊರತೆ ಉಪ್ಪುನೆರ್ದಾವರ ದುಂಬುದ ದಿನಟ್ ಈ ಬಗ್ಗೆ ಸೂಕ್ತ ಕ್ರಮ ದೆತೊನುನ ಭರವಸೆನ್ ಸಭಾಧ್ಯಕ್ಶೆರ್ ಕೊರ್ತೆರ್ ಪಂದ್ ಪಂಡಿನ ಆರ್ ತುಳು ಲಿಪಿ, ಭಾಷೆ ಬಗ್ಗೆ ಜೈ ತುಳುನಾಡು ಸಂಘಟನೆದ ಈ ಪ್ರಯತ್ನ ಉತ್ತಮ ಬುಲೆಚ್ಚಿಲ್ ಪಂದ್ ಪಂಡೆರ್ .

ಈ ಪೊರ್ತುಡು ತುಳು ಅಕಾಡೆಮಿಯ ಸದಸ್ಯೆರಾಯಿನ ಡಾ||ಆಕಾಶ್ ರಾಜ್ ಜೈನ್, ತಾರಾ ಆಚಾರ್ಯ, ಜೈ ತುಳುನಾಡು ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್, ಸದಸ್ಯೆರಾಯಿನ ಪ್ರಹ್ಲಾದ್ ಪಿ. ತಂತ್ರಿ ಬೊಕ್ಕ ಬೇತೆ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ಒಡಿಪುಡು ವನಮಹೋತ್ಸವ ಆಚರಣೆ

Jul 18, 2021

ಒಡಿಪು, ಜುಲೈ 18: ಜಿಲ್ಲಾ ನಾಗರಿಕ ಸಮಿತಿ ಟ್ರಸ್ಟ್, ಅರಣ್ಯ ಇಲಾಖೆ, ಬೊಕ್ಕ ಚೌಡೇಶ್ವರಿ ಫ್ರೆಂಡ್ಸ್ ಶಾಂತಿನಗರ ಮೆಕ್ಲೆನ ಒಟ್ಟು ಸೇರಿಗೆಡ್ ಮಣಿಪಾಲದ ಶಾಂತಿನಗರದ ಮಾರ್ಗದ ಸನಿಹಡ್ ಶನಿವಾರ ಸಾಲು ದೈಕ್ಲೆನ್ ನಡ್ಪಿನ ಮುಖೇನ ವನಮೋಹತ್ಸವ ನಡಪಾಯೆರ್ .

ಲೇಸ್ ಗ್ ಚಾಲನೆ ಕೊರಿನ ಉಪವಲಯ ಅರಣ್ಯಾಧಿಕಾರಿ ಸುರೇಶ್ ಜಿ. ಪಾತೆರ್ದ್ , ಭಾರತ ದೇಶಡ್ ಉಪ್ಪುನ ಜನಸಂಖ್ಯೆ ಅನುಗುಣವಾದ್ ಶೇ.33 ದಾತ್ ಅರಣ್ಯ ಉಸಿರ್ ದೆಪ್ಪರೆ ಅವಶ್ಯ ಅಂಚಾದ್ ಮಾತೆರ್ನ ದೈ ನಡೊಡು ಪಂದ್ ಪಂಡೆರ್.

ಮಲಬಾರ್ ಗೋಲ್ಡ್ ದ ಜನಸಂಪರ್ಕ ಅಧಿಕಾರಿ ರಾಘವೇಂದ್ರ ನಾಯಕ್ ಅಜೆಕಾರ್ ಪಾತೆರಿಯೆರ್ .

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

Jul 18, 2021

ಕುಡ್ಲ, ಜುಲೈ 28: ಎಸೆಸೆಲ್ಸಿ ಪರೀಕ್ಷೆಗ್ ದ.ಕ. ಜಿಲ್ಲೆಡ್ ಸಕಲ ಸಿದ್ಧತೆನ್ ಮಲ್ದೆರ್ ಇತ್ತೇ , 9 ಜನ ಕೊರೋನ ಸೋಂಕಿತ ಜೋಕುಲು ನೋಂದಾವಣೆ ಮಲ್ದೆರ್ ಅಕ್ಲೆಗ್ ಕೋವಿಡ್ ಕೇರ್ ಸೆಂಟರ್‌ಡ್ ಸಕಲ ವ್ಯವಸ್ಥೆದೊಟ್ಟುಗು ಪರೀಕ್ಷೆಗ್ ತಯಾರಿ ಮಲ್ದೆರ್ .

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಕೋಡೆ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಡಿಡಿಪಿಐ ಮಲ್ಲೇಸ್ವಾಮಿ ಈ ಮಾಹಿತಿ ಕೊರಿಯೆರ್ .

ದ.ಕ. ಜಿಲ್ಲೆಡ್ ಈ ಸಲ 179 ಪರೀಕ್ಷಾ ಕೇಂದ್ರಡ್ 29351 ರೆಗ್ಯುಲರ್, 694 ಖಾಸಗಿ, 2050 ಶಾಲಾ ಪುನರಾವರ್ತಿತ ಅಭ್ಯರ್ಥಿಲು , 538 ಖಾಸಗಿ ಪುನರಾವರ್ತಿತ ಸೇರಿನಂಚ ಒಟ್ಟು 32636 ಜೋಕುಲು ಎಸೆಸೆಲ್ಸಿ ಪರೀಕ್ಷೆ ಬರೆಯರೆ ಉಲ್ಲೆರ್ .

ಕೋವಿಡ್ ರ್ದ್ ತೀರ್ ಪೋಯಿನ ದಂಪತಿಲು

Jul 18, 2021

ನೆಲ್ಯಾಡಿ(ಉಪ್ಪಿನಂಗಡಿ) ಜುಲೈ 18: : ನೆಲ್ಯಾಡಿ ಕೈತಲ್ ದ ಕೊಕ್ಕಡ ಪನ್ಪಿನ ಜಾಗೆಡ್ ಗುರುವಾರ ಕಂಡನಿ ಬೊಡೆದಿ ಒಂಜೇ ದಿನಟ್ 5 ಗಂಟೆದ ಪೊರ್ತುಡು ತೀರ್ ಪೋಯೆರ್ .

ಕೊಕ್ಕಡ ಗ್ರಾಮದ ಪುನ್ನತ್ತಾನಾತ್ ನಿವಾಸಿ, ಕೃಷಿಕ ವರ್ಗೀಸ್ ಪಿ.ವಿ.(74) ಬೊಕ್ಕ ಆರ್ನ ಬೊಡೆದಿ ಮೇರಿ ವರ್ಗೀಸ್
ಪಿ.ವಿ.(73) ತೀರ್ ಪೋಯಿನಾರ್ . ರಡ್ಡ್ ಜನಕ್ಲ ಕರಿನ ತಿಂಗೊಲು 25ಕ್ಕ್ ಜ್ವರ ಬತ್ತಿತ್ತುಂಡು ಐಕ್ ಮರ್ದ್ ಪಡೆದ್ ಹುಷಾರ್ ಆತೆರ್ ಆಂಡ ರಡ್ಡ್ ಜನಕ್ಲಾ ಕುಡ ಜ್ವರ ಬತ್ತಿನೆರ್ದಾವರ ಅಕ್ಲೆನ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್ .

ಮೆಕ್ಲೆಗ್ ಬೆಳ್ತಂಗಡಿ ಮುಂಡಾಜೆ ಸೇಂಟ್ ಮೇರಿಸ್ ಚರ್ಚ್‌ ಧರ್ಮಗುರು ವಿನೋಯ್ ಸೆಬಾಸ್ಟಿನ್ ಸೇರಿನಂಚ ರಡ್ಡ್ ಆನ್ ಜೋಕುಲು ಬೊಕ್ಕ ಪೊಣ್ಣು ಜೋಕ್ಲೆನೆರ್ದ್ ದೂರ ಆತೆರ್.

ವಿಕಲಚೇತನ ಪದವೀಧರೆರೆಗ್ ನೇಮಕಾತಿ ಅಭಿಯಾನ

Jul 17, 2021

ಒಡಿಪು, ಜುಲೈ 17: ಇನ್‌ಫೋಸಿಸ್ ಬಿಪಿಎಂ ಸಂಸ್ಥೆದ ವತಿರ್ದ್ ಬೆಂಗ್ಳೂರು, ಮೈಸೂರು, ಚೆನ್ನೈ, ಹೈದ್ರಾಬಾದ್ ಬೊಕ್ಕ ಪುಣೆ ನಗರದ ಬಿಪಿಓ ಡ್ ಸಿಎಸ್‌ಆರ್ ಬೊಕ್ಕ ಡೈವರ್ಸಿಟಿ ಯೋಜನೆ ಅಡಿಟ್ ಬೇಲೆ ಮಲ್ಪರೆ ವಿಕಲಚೇತನ ಪದವೀಧರ ಅಭ್ಯರ್ಥಿಲೆಗ್ ನೇಮಕಾತಿ ಡ್ರೈವ್ ಅನ್ನು ಅಟ್ಟನೆ ಮಲ್ದೆರ್ .

ಪದವಿ ಪಡೆತಿನ ಬೊಕ್ಕ 2 ವರ್ಷದ ಅನುಭವ ಉಪ್ಪುನ , ಮೂಳೆ ವೈಫಲ್ಯ, ಕುಬ್ಜ ಬೊಕ್ಕ ಆಸಿಡ್ ದಾಳಿರ್ದ್ ಪಾರಾಯಿನ ವಿಕಲಚೇತನ ಪದವೀಧರ ಅಭ್ಯರ್ಥಿಲು ಡ್ರೈವ್‌ಡ್ ಪಾಲ್ ಪಡೆಯೋಲಿ.

ಎಚ್ಚದ ಮಾಹಿತಿಗಾದ್ ಉದ್ಯೋಗಾಧಿಕಾರಿ, ಜಿಲ್ಲಾ ಉದ್ಯೋಗ ವಿನಿಮಯ ಕಛೇರಿ, ಉಡುಪಿ ದೂರವಾಣಿ ಸಂಖ್ಯೆ:0820-2574869, ಮೊ.ನಂ: 9945856670ಗ್ ಲೆಪ್ಪು ಕೊರ್ರೆ ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದ ಉದ್ಯೋಗಾಧಿಕಾರಿ ಪ್ರಕಟಣೆಡ್ ತೆರಿಪಾದೆರ್ .

ಒಡಿಪುಡು ರಡ್ಡನೆ ಡೋಸ್ ಕೋವಿಡ್ ಲಸಿಕೆ

Jul 17, 2021

ಜುಲೈ 17: ಒಡಿಪುಡು ಜು.17ಕ್ಕ್ ಒಡಿಪುದ ಕೊರೋನ ಮುಂಚೂಣಿ ಕಾರ್ಯಂತೆರ್ , ದುರ್ಬಲ ಗುಂಪಿನ ಫಲಾನುಭವಿಲು , ಆದ್ಯತಾ ಗುಂಪುದಕ್ಲೆಗ್ , ಆರೋಗ್ಯ ಕಾರ್ಯಂತೆರ್ , ಕೇಂದ್ರ ಸರಕಾರ ಗುರ್ತಿಸಾಯಿನ ಮುಂಚೂಣಿ ಕಾರ್ಯಂತೆರೆಗ್ ಅಂಚನೇ 45 ವರ್ಷ ಮಿತ್ತ್ ದ ಸಾರ್ವಜನಿಕೆರೆಗ್ ಕೋವಿಡ್-19 2ನೇ ಡೋಸ್ ಲಸಿಕೆ ಲಭ್ಯ ಉಂಡು .

ಮಣಿಪಾಲದ ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದ ಮಾಧವ ಕೃಪಾ ಶಾಲಾ ಕೇಂದ್ರಡ್ 2ನೇ ಡೋಸ್ ಕೋವಿಶೀಲ್ಡ್ -100 ಡೋಸ್, ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರದ ಅಲಂಕಾರ್ ಥಿಯೇಟರ್ ಕೈತಲ್ ದ ಪರ ಕಟ್ಟಡಡ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್, ಕುಕ್ಕಿಕಟ್ಟೆದ ಎಫ್‌ಪಿಎಐನ ಇಂದಿರಾನಗರ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಡ್ 2ನೇ ಡೋಸ್ ಕೋವಿಶೀಲ್ಡ್ 150 ಡೋಸ್ ಬೊಕ್ಕ ಪೇಂಟೆದ ಸರಕಾರಿ ತಾಯಿ ಬೊಕ್ಕ ಮಕ್ಕಳ ಆಸ್ಪತ್ರೆಡ್ ಜುಲೈ 25ತ್ತ ಉಲಯಿ ವಿದೇಶ ಪ್ರಯಾಣ ಮಲ್ಪುನಕ್ಲೆಗ್ ಕೋವಿಶೀಲ್ಡ್ ಸುರುತ ಡೋಸ್ ಲಸಿಕೆ ಪಡೆದ್ 28 ದಿನ ಆಯಿನಕ್ಲೆಗ್ 2ನೇ ಡೋಸ್ ಕೋವಿಶೀಲ್ಡ್ 100 ಡೋಸ್ ಲಸಿಕೆನ್ ಕಾಂಡೆ 10:30ರ್ದ್ ಮಧ್ಯಾಹ್ನ 3:30 ಮುಟ ಕೊರ್ರೆ ಉಲ್ಲೆರ್ .

ಅಭಿಯಾನ

ದೇವಸ್ಥಾನಡ್ ಅನ್ನದಾಸೋಹ ಸುರು ಮಲ್ಪರೆ ನಿರ್ಧಾರ : ಸಚಿವ ಕೋಟ

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

ಕೋವಿಡ್ ನಿಯಮ ಪಾಲಿಸಾಲೆ : ಕಮಿಷ್ನರ್

“ತುಳು ಲಿಪಿ ಮಂದಾರ” ಬುಡುಗಡೆ

ಒಡಿಪುಡು ವನಮಹೋತ್ಸವ ಆಚರಣೆ

ಎಸೆಸೆಲ್ಸಿ ಪರೀಕ್ಷೆಗ್ ಕುಡ್ಲಡ್ ಮಾತಾ ತಯಾರಿ

ಕೋವಿಡ್ ರ್ದ್ ತೀರ್ ಪೋಯಿನ ದಂಪತಿಲು

ವಿಕಲಚೇತನ ಪದವೀಧರೆರೆಗ್ ನೇಮಕಾತಿ ಅಭಿಯಾನ

ಒಡಿಪುಡು ರಡ್ಡನೆ ಡೋಸ್ ಕೋವಿಡ್ ಲಸಿಕೆ

You Missed

ಮೊಳವಳ್ಳಿ ಶಿವರಾಯೆರ್ ಸಹಕಾರಿ ಸಂಘದ ದಿಗ್ಗಜೆರ್ : ವಸಂತ ಬೆರ್ನಾಡ್

ಯುವವಾಹಿನಿ ಮುಲ್ಕಿ ಎಗ್ಗೆರ್ದ್ ನಿವೃತ್ತ ಯೋಧೆರೆಗ್ ಮಾನಾದಿಗೆ

ತುಳುವ ಮಹಾಸಭೆ ಇಂಟರ್‌ನ್ಯಾಷನಲ್ ಕೊಡಗು ಜಿಲ್ಲೆ ಪೊಸ ಕಾರ್ಯಕಾರಿ ಸಮಿತಿ ರಚನೆ

ಪಾವಂಜೆ ನಂದಾದೀಪ ಸೇವಾ ಬಳಗದ ಗೌರವಾಧ್ಯಕ್ಷೆರಾದ್ ಚಂದ್ರಶೇಖರ್ ಕರ್ಕೆರ ನೇಮಕ