2023

ತುಳು ಪಿಕ್ಚರ್ ದ ಪದ್ಯಗ್ ಸ್ವರ ಕೊರ್ನ ತೆಲುಗುದ ಗಾಯಕಿ ಮಂಗ್ಲಿ

ಕುಡ್ಲ: ತುಳು ಪಿಕ್ಚರ್ ದ ಪದ್ಯಗ್ ಪುಗರ್ತೆದ ಗಾಯಕಿ ಮಂಗ್ಲಿ ಸ್ವರ ಕೊರ್ತೆರ್.

ಮೇರ್ ಎ.ಆರ್ ಪ್ರೊಡಕ್ಷನ್ಸ್ ಬ್ಯಾನರ್‌ದಡಿಟ್ ಅರುಣ್ ರೈ ತೋಡಾರ್ ನಿರ್ಮಾಣದ, ಎಸ್.ವಿ.ಬಾಬು ರಾಜೇಂದ್ರ ಸಿಂಗ್ ನಿರ್ದೇಶನದ ‘ಬಿರ್ದ್‌ದ ಕಂಬುಲ’ ಬೊಕ್ಕ ‘ಕನ್ನಡದ ವೀರ ಕಂಬುಲ’ ಪಿಕ್ಚರ್ ಗ್ ಪದ ಪಂತೆರ್. ತುಳುತ ಕೆ.ಕೆ.ಪೇಜಾವರ, ಕನ್ನಡದ ರಘು ಶಾಸ್ತ್ರಿ ಮೆರೆನ ಸಾಹಿತ್ಯಗ್ ಕದ್ರಿ ಮಣಿಕಾಂತ್ ಸಂಗೀತ ಕೊರ್ತೆರ್. ತುಳುನಾಡ್ ದ ಪುಗರ್ತೆದ ಜಾನಪದ ಕ್ರೀಡೆ ಕಂಬುಲದ ಬಗೆಟ್ ತುಳು ಬೊಕ್ಕ ಕನ್ನಡಡ್ ಈ ಪಿಕ್ಚರ್ ನಿರ್ಮಾಣ ಆತ್ಂಡ್. ಈ ಪಿಕ್ಚರ್ ಸಂಪೂರ್ಣ ತುಳುನಾಡ್ ದ ಜಾನಪದ ಕಲೆ ಕಂಬುಲದ ಬಗೆಟ್ ಉಂಡು. ಚಿತ್ರೀಕರಣದ ಪೊರ್ತುಡು ಸುಮಾರ್ 20 ಜತೆ ಎರ್ಲು ಬೊಕ್ಕ 500ಕ್ ಎಚ್ಚ ಕಲಾವಿದೆರ್ ಇತ್ತೆರ್.

ಜ.15: ಅಮ್ಮೆಂಬಳ ಬಾಳಪ್ಪ ಜನ್ಮ ಶತಾಬ್ದಿ ಲೇಸ್ ದ ಸಮಿತಿ ಸಭೆ

ಸ್ವಾತಂತ್ರ್ಯ ಪೊರ್ಂಬಾಟಗಾರೆ ಡಾ. ಅಮ್ಮೆಂಬಳ ಬಾಳಪ್ಪ ಜನ್ಮ ಶತಾಬ್ದಿ ಲೇಸ್ ದ ಸಮಿತಿ ಸಭೆ ಬಿ.ಸಿ.ರೋಡ್ ಸಂಚಯಗಿರಿತ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರಡ್ ಜ.15 ಐತಾರ ಬೊಲ್ಪುಗು 10:30 ಕ್ಕ್ ಪ್ರೊ.ತುಕಾರಾಮ ಪೂಜಾರಿ ಮೆರೆನ ಗುರ್ಕಾರ್ಮೆಡ್ ನಡಪರೆ ಉಂಡು.

ಗೌರವಾನ್ವಿತ ಡಾ. ಅಮ್ಮೆಂಬಳ ಬಾಳಪ್ಪ ಮೆರೆನ ಅಭಿಮಾನಿಲು ಮಾತ ಎಚ್ಚದ ಸಂಖ್ಯೆಡ್ ಬತ್ತ್ ದ್, ಸೂಕ್ತ ಸಲಹೆಲೆನ್ ಕೊರ್ದು, ಬೇತೆ ಬೇತೆ ಸಮಿತಿಲೆಡ್ ಪಾಲ್ ಪಡೆದ್ ಲೇಸ್ ದ ಯಶಸ್ವಿಗ್ ಸಕಾಯ ಮಲ್ಪೊಡು ಪಂದ್ ಜನ್ಮ ಶತಾಬ್ದಿ ಲೇಸ್ ಸಮಿತಿದ ಪ್ರಧಾನ ಕಾರ್ಯದರ್ಶಿ ಪುಂಡಾರಿಕ್ಷಾ ಯು. ಪ್ರಕಟಣೆಡ್ ತೆರಿಪಾದೆರ್.

ಎಸ್‌.ಎಸ್‌.ಪಿ.ಯು. ಕಾಲೇಜ್ ಡ್ ರಾಷ್ಟ್ರೀಯ ಯುವ ದಿನಾಚರಣೆ

ಸುಬ್ರಹ್ಮಣ್ಯ: ಯುವ ಜನಾಂಗದ ವಿಕಾಸಗ್ ವಿವೇಕ ಬೊಕ್ಕ ಆನಂದಲೆನ್ ತೆರಿವೊಂಡ ಯುವ ಜನಾಂಗದ ವಿಕಾಸ ಸಾಧ್ಯ. ನೆರ್ದ್ ರಾಷ್ಟ್ರದ ಏಳಿಗೆ ಸಾಧ್ಯ ಆಪುಂಡು ಪಂದ್ ಎಸ್‌ಎಸ್‌ಪಿಯು ಕಾಲೇಜ್ ದ ಪ್ರಾಂಶುಪಾಲೆರ್ ಸೋಮಶೇಖರ ನಾಯಕ್‌ ಪಂಡೆರ್.

ಮೇರ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಆಡಳಿತದ ಎಸ್‌ಎಸ್‌ಪಿಯು ಕಾಲೇಜ್ ಡ್ ಗುರುವಾರ ನಡತಿನ ವಿವೇಕಾನಂದ ಜಯಂತಿ ಬೊಕ್ಕ ರಾಷ್ಟ್ರೀಯ ಯುವ ದಿನಾಚರಣೆ ಲೇಸ್ ದ ಗುರ್ಕಾರ್ಮೆನ್ ಒಯಿಸೊಂದು ಪಾತೆರಿಯೆರ್. ಬೊಕ್ಕ ಸಂಸ್ಕೃತ ಉಪನ್ಯಾಸಕೆರ್ ಡಾ.ಪ್ರಜ್ವಲ್.ಜೆ ಪಾತೆರ್ದ್, ಯುವ ಜನಾಂಗಗ್ ದೇಶ ಪ್ರೇಮದ ಭಾವನೆಲೆನ್ ತೆರಿಪಾಯಿನ ವಿವೇಕಾನಂದೆರೆನ ಕೊಡುಗೆ ಅಪಾರ. ಅರೆನ ಬೋಧನೆಲು ಜವನೆರೆಗ್ ಸ್ಫೂರ್ತಿ ಕೊರ್ಪುಂಡು ಪಂದ್ ಪಂಡೆರ್. ಲೇಸ್ ನ್ ಗ್ರಾ.ಪಂ.ಸದಸ್ಯೆ ಭಾರತಿ ದಿನೇಶ್‌ ಉದಿಪನ ಮಲ್ತೆರ್. ಬೊಕ್ಕ ಇಂಚಿಪ್ಪ ಡಾಕ್ಟರೇಟ್ ಪದವಿ ಪಡೆಯಿನ ಎಸ್‌ಎಸ್‌ಪಿಯು ಕಾಲೇಜ್ ದ ಸಂಸ್ಕೃತ ಉಪನ್ಯಾಸಕೆರ್ ಡಾ.ಪ್ರಜ್ವಲ್.ಜೆ ಮೆರೆಗ್ ತಮ್ಮನ ಮಲ್ತೆರ್. ಈ ಪೊರ್ತುಡು ಸಾಂಸ್ಕೃತಿಕ ಬೊಕ್ಕ ಕ್ರೀಡಾ ಪಂತೊಡು ತಾಲೂಕ್, ಜಿಲ್ಲೆ ಬೊಕ್ಕ ರಾಜ್ಯ ಮಟ್ಟಡ್ ಪ್ರಶಸ್ತಿ ಪಡೆಯಿನ ಪ್ರತಿಭಾನ್ವಿತ ಕಲ್ಪಾರ್ಥಿಲೆಗ್ ಪ್ರಮಾಣ ಪತ್ರ ಬೊಕ್ಕ ಇನಾಮು ಕೊರಿಯೆರ್. ಅಂತರಾಷ್ಟ್ರೀಯ ಸಾಂಸ್ಕೃತಿಕ ಜಾಂಬೂರಿಡ್ ಪಾಲ್ ಪಡೆಯಿನ ಕಾಲೇಜ್ ದ ಉಪನ್ಯಾಸಕೆರೆಗ್ ಬೊಕ್ಕ ಕಲ್ಪಾರ್ಥಿಲೆಗ್ ಪ್ರಮಾಣ ಪತ್ರ ಕೊರಿಯೆರ್. ಕಾಲೇಜ್ ದ ಕಲ್ಪಾರ್ಥಿ ನಾಯಕಿ ಸಂಜನಾ ಲೇಸ್ ದ ಸುಧಾರಿಕೆ ಮಲ್ತೆರ್. ಸಂಖ್ಯಾ ಎದ್ಕೊನಿಯೆರ್.

ಹಳೆಯಂಗಡಿ : ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ (ರಿ) , ಕಿಶೋರ ಕಿಶೋರಿ ಸಂಘದ ಒಟ್ಟುಸೇರಿಗೆಡ್ ಸ್ವಾಮಿ ವಿವೇಕಾನಂದೆರೆನ ಪುಟ್ಟು ದಿನತ ಆಚರಣೆ

ಹಳೆಯಂಗಡಿ : ಶ್ರೀ ವಿದ್ಯಾ ವಿನಾಯಕ ಯುವಕ ಮಂಡಲ (ರಿ) ಬೊಕ್ಕ ಕಿಶೋರ ಕಿಶೋರಿ ಸಂಘ ನೆತ್ತ ಒಟ್ಟುಸೇರಿಗೆಡ್ ಸ್ವಾಮಿ ವಿವೇಕಾನಂದೆರೆನ ಪುಟ್ಟು ದಿನತ ಆಚರಣೆ ಜ. 12 ಗುರುವಾರ ಬಯ್ಯಗ್ ನಡತ್ಂಡ್.

ಯುವಕ ಮಂಡಲದ ಕಾನೂನು ಸಲಹೆಗಾರೆರ್ ಬೊಕ್ಕ ವಕೀಲೆರಾಯಿನ ಚಂದ್ರಶೇಖರ್ ಜಿ ಮೇರ್ ವಿವೇಕಾನಂದೆರೆನ ಮೂರ್ತಿಗ್ ಮಾಲೆ ಪಾಡಿಯೆರ್.

ಈ ಪೊರ್ತುಡು ಯುವಕ ಮಂಡಲದ ಅಧ್ಯಕ್ಷೆರ್ ಯತೀಶ್ ಕೋಟ್ಯಾನ್, ಸುವರ್ಣ ಉಚ್ಚಯ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಧಾಕರ ಆರ್ ಅಮೀನ್, ಸಲಹಾ ಸಮಿತಿದ ಅಧ್ಯಕ್ಷೆರ್ ಮೋಹನ್ ಬಂಗೇರ, ಯುವಕ ಮಂಡಲದ ಉಪಾಧ್ಯಕ್ಷೆರ್ ನಾಗೇಶ್ ಟಿ ಜಿ, ಮಹಿಳಾ ಮಂಡಲದ ಅಧ್ಯಕ್ಷೆರ್ ರೇಷ್ಮಾ ಅಶ್ರಫ್, ಯುವತಿ ಮಂಡಲದ ಕಾರ್ಯದರ್ಶಿ ದಿವ್ಯಶ್ರೀ ರಮೇಶ್ ಕೋಟ್ಯಾನ್, ಪ್ರಾಣೇಶ್ ರಾವ್, ಸುಂದರ ಕರಿತೋಟ, ಹನುಮಂತ ಡಿ, ಮಹಾಬಲ ಅಂಚನ್, ಲೋಕೇಶ್ ಚಿಲಿಂಬಿ, ನಾರಾಯಣ್ ರಾವ್, ಯುವತಿ ಮಂಡಲದ ಕೋಶಾಧಿಕಾರಿ ನಿರ್ಮಿತ, ತೇಜಸ್ವಿನಿ, ನೇಹಾ, ಧನ್ಯ, ಮಹಿಳಾ ಮಂಡಲದ ಉಪಾಧ್ಯಕ್ಷೆರ್ ಮಮತಾ ಎಂ, ಕೋಶಾಧಿಕಾರಿ ರಾಜೇಶ್ವರಿ ರಾಮನಗರ, ಸುಜಾತ ವಾಸುದೇವ ಬೊಕ್ಕ ಕಿಶೋರ ಕಿಶೋರಿ ಸಂಘದ ಕಲ್ಪಾರ್ಥಿಲು ಇತ್ತೆರ್.

ದೇವೆರೆ ಪಾದ ಸೇರಿಯೆರ್ ಜೆಡಿಎಸ್ ಮುಖಂಡೆರ್ ಸುಶೀಲ್ ನೊರೊನ್ಹಾ

ಕುಡ್ಲ: ಪುಗರ್ತೆದ ಉದ್ಯಮಿ ಬೊಕ್ಕ ಜನತಾದಳ (ಜಾತ್ಯತೀತ) ಮುಖಂಡೆರ್ ಸುಶೀಲ್ ನೊರೊನ್ಹಾ (60) ಜ.13 ಶುಕ್ರಾರ ತಿಗಲೆ ಬೇನೆಡ್ ತೀರ್ ಪೋಯೆರ್.

ಮೇರ್ ಎಲೆಕ್ಟ್ರಿಕಲ್ ಸೊತ್ತುಲೆನ ಪುಗರ್ತೆದ ಸೇವಾ ಪೂರೈಕೆ ಮಲ್ತೊಂದು ಇತ್ತಿನ ಸುಶೀಲ್ ಇಲೆಕ್ಟ್ರಿಕಲ್ಸ್ ದ ಮಾಲೀಕೆರಾದ್, ಜಿಲ್ಲಾ ಜೆಡಿ(ಎಸ್) ಪ್ರಧಾನ ಕಾರ್ಯದರ್ಶಿ ಬೊಕ್ಕ ವಕ್ತಾರೆರಾದಿತ್ತೆರ್. 2012ಟ್ ಜೆಡಿಎಸ್‌ದ ರಾಜ್ಯ ಉಪಾಧ್ಯಕ್ಷರಾದ್ ನೇಮಕ ಆದಿತ್ತೆರ್. ಸಮುದಾಯದ ಮುಖಂಡೆರಾದ್ ಬೊಕ್ಕ ಧರ್ಮಪ್ರಾಂತ್ಯದ ಪಾಲನಾ ಪರಿಷತ್ತ್ ದ ಕಾರ್ಯದರ್ಶಿಯಾದ್, ಕ್ರಿಸ್ಟೋಫರ್ ಅಸೋಸಿಯೇಷನ್ ಅಧ್ಯಕ್ಷೆರಾದ್ ಸೇವೆ ಸಂದಾದೆರ್. ಮೆರೆಗ್ ಅಪ್ಪೆ ಸ್ಟೆಲ್ಲಾ ನೊರೊನ್ಹಾ, ಬೊಡೆದಿ ಎಡ್ನಾ ನೊರೊನ್ಹಾ, ಮಗೆ ಏಂಜೆಲೊ ನೊರೊನ್ಹಾ ಬೊಕ್ಕ ಸಹೋದರೆ ವಕೀಲೆರ್ ಎಂಪಿ ನೊರೊನ್ಹಾ ಉಲ್ಲೆರ್.

JD(S) leader and entrepreneur Sushil Noranha no more

Mangalore: Well known entrepreneur and JD(S) leader Sushil Noranha (60) expired on the 13th of January.

He was the proprietor of Sushil electricals and chief secretary of district JD(S).H had been appointed as state vice president of JD (S) in 2012.
He was also the honorary president of St Christopher Association and past secretary of Mangalore Dicosian Parishad and was active in many social and religious activities.
He leaves behind his mother Stella Noranha, wife Edna Noranha,son Angelo Noranha and brother advocate M P Noranha.