2023

Social worker Sandeep Suvarna Chitrapu honoured ಸಮಾಜಸೇವಕೆರ್ ಸಂದೀಪ್ ಸುವರ್ಣ ಚಿತ್ರಾಪು ಮೆರೆಗ್ ಮಾನಾದಿಗೆ

ಮುಲ್ಕಿ: ಡಾ. ಹರಿಶ್ಚಂದ್ರ ಪಿ.ಸಾಲ್ಯಾನ್ ಸಂಪಾದಕತ್ವದ ಹೊಸ ಅಂಗಣ ಪತ್ರಿಕೆದ 91ನೇ ಸಂಚಿ ಅಂಚೆನೆ ವಿಶೇಷ ಸಂಚಿ ಬುಡುಗಡೆ ಬೊಕ್ಕ
ಸಮಾಜ ಸೇವಕೆರ್ ಸಂದೀಪ್ ಸುವರ್ಣ ಚಿತ್ರಾಪು ಮೆರೆಗ್ “ತಿಂಗಳ ಬೆಳಕು” ಮಾನಾದಿಗೆ ಬುಧಾರ ಸ್ವಾಗತ್ ಹೋಟೆಲ್ ದ ಚಾವಡಿಡ್ ನಡತ್ಂಡ್.

ಲೇಸ್ ದ ಅಧ್ಯಕ್ಷತೆ ಒಯಿಸೊಂದು ಪಾತೆರಿನ ಹೊಸ ಅಂಗಣದ ಪತ್ರಿಕೆದ ಗೌರವಾಧ್ಯಕ್ಷೆರ್ , ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು, ನಮ ಏಪಲ ಸಮಾಜ ಸೇವೆ ಮಲ್ಪುನಕ್ಲೆಗ್ ಗೌರವ ಕೊರೊಡು.ದಾಯೆ ಪಂಡ ಸಮಾಜಸೇವೆ ದೇವೆರ್ನ ಸೇವೆ ಪಂದ್ ಆರ್ ಪಂಡೆರ್.

ಲೇಸ್ ಡ್ ಬಿನ್ನೆರಾದ್ ಎಚ್ ಡಿಎಫ್ ಸಿ ಬ್ಯಾಂಕ್ ಮ್ಯಾನೇಜರ್ ರವಿ, ಮುಲ್ಕಿ ನಗರಪಂಚಾಯತ್ ಮಾಜಿ ಅಧ್ಯಕ್ಷೆರ್ ಪಾಂಡು ಕಾರ್ನಾಡ್, ಸುರಭಿ ಎಲೆಕ್ಟ್ರಾನಿಕ್ಸ್ ದ ಜಾನ್ ಕ್ವಾಡ್ರಸ್ , ಜಯಪಾಲ್ ಶೆಟ್ಟಿ ಐಕಳ, ಮೊಕುಲು ಮಾತ ಇತ್ತೆರ್. ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್ .ಡಾ.ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್.ವೈ.ಎನ್.ಸಾಲ್ಯಾನ್ ಮಾನಾದಿಗೆದ ಓಲೆ ಓದುದು ಕಡೆಕ್ಕ್ ಸೊಲ್ಮೆ ಸಂದಾಯೆರ್. ರವಿಚಂದ್ರ ಸಭೆ ಸುಧಾರಿಕೆ ಮಲ್ತೆರ್.

Social worker Sandeep Suvarna Chitrapu honoured

Mulki: Social worker Sandeep Suvarna Chitrapu was honoured at the ” Tingala Belaku” program organised to release the 91 st edition of ” Hosa Angana” magazine edited by Dr Harish Chandra Salian.

” Gadinada Dwani” State Journalism award to Vijay Kumar Hebbarbail ವಿಜಯಕುಮಾರ್ ಹೆಬ್ಬಾರಬೈಲು ಮೆರೆಗ್ “ಗಡಿನಾಡ ಧ್ವನಿ” ಮಾಧ್ಯಮ ರಾಜ್ಯ ಪ್ರಶಸ್ತಿ

ಪುತ್ತೂರು : “ಪೂವರಿ” ತಿಂಗೊಲ್ದ ತುಳು ಪತ್ರಿಕೆದ ಸಂಪೊಲಿಗೆದಾರ್, ಕವಿ ವಿಜಯಕುಮಾರ್ ಭಂಡಾರಿ ಹೆಬ್ಬಾರಬೈಲು ಮೆರೆಗ್ 6ನೇ ಕರ್ನಾಟಕ ಗಡಿನಾಡ ಸಮ್ಮೇಳನ – 2023ತ್ತ “ಗಡಿನಾಡ ಧ್ವನಿ ಮಾಧ್ಯಮ ರಾಜ್ಯ ಪ್ರಶಸ್ತಿ”ನ್ ಒಡ್ಯ ಸರಕಾರಿ ಶಾಲಾ ವಠಾರಡ್ ನಡತಿನ ಲೇಸ್ ಡ್ ಪ್ರದಾನ ಮಲ್ದೆರ್.

ತುಳುನಾಡ್ ಡ್ ಕರಿನ ಎಂಟು ವರ್ಷರ್ದ್ ಸುದ್ದಿಡ್ ಉಪ್ಪುನ ತಿಂಗೊಲ್ದ ತುಳು ಪತ್ರಿಕೆ “ಪೂವರಿ” ಇಂಚೊಗು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಒಡಿಯೂರು ತುಳು ಸಾಹಿತ್ಯ ಸಮ್ಮೇಳನದ ಪ್ರಶಸ್ತಿ ಸೇರ್ದ್ ಕೆಲವು ಪ್ರಶಸ್ತಿ ಪಡೆದ್ಂಡ್. ಗಡಿನಾಡ ಶ್ರೇಯೋಭಿವೃದ್ಧಿ ಟ್ರಸ್ಟ್ (ರಿ.), ಗಡಿನಾಡ ಧ್ವನಿ ಪತ್ರಿಕೆ ಬೊಕ್ಕ ಹಾಗೂ ಸಂಘ ಸಂಸ್ಥೆಲೆನ ಒಟ್ಟುಸೇರಿಗೆಡ್ ನಡತಿನ ಲೇಸ್ ಡ್ ಸಮ್ಮೇಳನಾಧ್ಯಕ್ಷೆರ್ ಮಲಾರ್ ಜಯರಾಮ ರೈ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಮಿತ್ರಂಪಾಡಿ ಜಯರಾಮ ರೈ ಅಬುಧಾಬಿ, ಸಮ್ಮೇಳನದ ರೂವಾರಿ ಡಾ. ಎಸ್. ಅಬೂಬಕ್ಕರ್ ಆರ್ಲಪದವು, ಕಸಾಪ ಪುತ್ತೂರು ತಾಲೂಕು ಅಧ್ಯಕ್ಷ ಉಮೇಶ್ ನಾಯಕ್, ಡಾ. ಹರ್ಷ ರೈ ಮಾಡಾವು ,ಕೆ. ಈಶ್ಯರ ಭಟ್ ಕಡಂದೇಲು ಸೇರ್ದ್ ಗಣ್ಯೆರ್ ಇತ್ತೆರ್.

” Gadinada Dwani” State Journalism award to Vijay Kumar Hebbarbail

Puttur: Poet and Editor of the monthly magazine
” Poovari ” Vijay Kumar Bandary Hebbarbail has been awarded with
” Gadinada Dwani Madyama Rajya Prasasthi” at the 6 th Karnataka Gadinada Sammelan 2023.

State government employees strike – Leave to all government schools and colleges ಸರ್ಕಾರಿ ನೌಕರೆರೆನ ಪೊರ್ಂಬಾಟದ ನಿಲೆಟ್ಟ್ ರಾಜ್ಯದ ಮಾತ ಸರ್ಕಾರಿ ಶಾಲೆ ಕಾಲೇಜ್ ಗ್ ರಜೆ

ಸರ್ಕಾರಿ ನೌಕರೆರೆನ ಪೊರ್ಂಬಾಟದ ನಿಲೆಟ್ಟ್ ರಾಜ್ಯದ ಮಾತ ಸರ್ಕಾರಿ ಶಾಲೆ ಕಾಲೇಜ್ ಗ್ ಇನಿ ರಜೆ ಕೊರ್ತೆರ್.

ಈ ಪೊರಂಬಾಟಡ್ ಒಂಜಿನೇ ಕ್ಲಾಸ್ ರ್ದ್ ಸೆಕೆಂಡ್ ಪಿಯುಸಿ ಮುಟ್ಟ ಸರ್ಕಾರಿ ಕಾಲೇಜ್ ದ ಶಿಕ್ಷಕೆರ್ ಪಾಲ್ ಪಡೆಯೆರೆ ಉಲ್ಲೆರ್. ವಾರ್ಷಿಕ ಪರೀಕ್ಷೆದ ಪೊರ್ತುಡು ಈ ರೀತಿ ರಜೆ ಆಂಡ ಜೋಕುಲೆನ ಕಲ್ಪುನೆಕ್ಕ್ ತೊಂದರೆ ಆಪುಂಡು ಪಂದ್ ಪೋಷಕೆರ್ ಪೋಡಿಗೆಡ್ ಉಲ್ಲೆರ್. ಪದವಿ ಪಿಜಿ ಕಾಲೇಜ್ ದ ಪ್ರಾಧ್ಯಾಪಕೆರ್ ಯುಜಿಸಿ ವೇತನ ಶ್ರೇಣಿದಡಿಟ್ ಬರ್ಪುನೆರ್ದಾವರ ಅಕುಲು ಪೊರಂಬಾಟಡ್ ಪಾಲ್ ಪಡೆಪುಜೆರ್ ಪಂದ್ ತೆರಿದ್ ಬೈದ್ಂಡ್.

State government employees strike – Leave to all government schools and colleges

Government teachers of all govt schools and puc teachers are also participating in the strike. Hence all govt schools and colleges have declared leave. The degree and post graduate course teachers get their payment under UGC. So they are not participating in the strike said sources.

Shooting of ” Bhakthi Bottu ” devotional song video brought out by Daya creations ends ದಯಾ ಕ್ರಿಯೇಷನ್ ಅರ್ಪಣೆ ಮಲ್ಪುನ “ಭಕ್ತಿ ಬೊಟ್ಟು” ಭಕ್ತಿ ಸುಗಿಪುದ ಶೂಟಿಂಗ್ ಮುಗಿತಲ

ವಿಟ್ಲ: ಕುಕ್ಕಾಜೆ ಶ್ರೀ ಕಾಳಿಕಾಂಬ ಆಂಜನೇಯ ಕ್ಷೇತ್ರಡ್ ಮಾ.5-9 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಉಚ್ಚಯದ ಪೊರ್ತುಡು ಬುಡುಗಡೆ ಆವರೆ ಇಪ್ಪುನ ದಯಾ ಕ್ರಿಯೇಷನ್ಸ್ ಅರ್ಪಣೆ ಮಲ್ಪುನ ಶ್ರೀ ಕ್ಷೇತ್ರ ಕುಕ್ಕಾಜೆದ ಭಕ್ತಿದ ಬೊಟ್ಟು ಪನ್ಪುನ ಭಕ್ತಿ ಸುಗಿಪುದ ಶೂಟಿಂಗ್ ಮುಗಿಂಡ್.

ರೇಣುಕಾ ಕಣಿಯೂರ್ ಸಾಹಿತ್ಯ ಬರೆತೆರ್. ನೆತ್ತ ಶೂಟಿಂಗ್ ಕುಕ್ಕಾಜೆ ಕ್ಷೇತ್ರಡ್ ಬೊಕ್ಕ ಪಿದಯಿ ಚಾವಡಿಡ್ ನಡತ್ಂಡ್. ಕ್ಷೇತ್ರದ ಪೂಜ್ಯ ಧರ್ಮದರ್ಶಿ ಶ್ರೀಕೃಷ್ಣ ಗುರೂಜಿ ಮೇರ್ ಶೂಟಿಂಗ್ ದ ಉದಿಪನ ಮಲ್ತೆರ್.

ಈ ಪೊರ್ತುಡು ಜೀರ್ಣೋದ್ಧಾರ ಸಮಿತಿದ ಪ್ರಧಾನ ಕಾರ್ಯದರ್ಶಿ ಶ್ರೀಧರ ಬಾಳೆಕಲ್ಲ್, ದಯಾನಂದ ಅಮೀನ್ ಬಾಯಾರ್, ಗಾಯಕೆರ್ ಗುಣಪ್ರಸಾದ್ ಗಾಯಕಿ ಗ್ರೀಷ್ಮ ಕಟೀಲ್, ಯಾದವ ಕುಕ್ಕಾಜೆ ಇತ್ತೆರ್.

Elon Musk is again the the World’s richest ಎಲಾನ್ ಮಸ್ಕ್ ಕುಡ ಜಗತ್ತ್ ದ ನಂ.1 ಶ್ರೀಮಂತೆ

ಎಲಾನ್ ಮಸ್ಕ್ ಕುಡ ಜಗತ್ತ್ ದ ನಂ.1 ಶ್ರೀಮಂತನ ಪಟ್ಟ ಏರ್ದೆರ್ ಪಂದ್ ಬ್ಲೂಮ್ ಬರ್ಗ್ ಬಿಲಿಯನೇರ್ಸ್ ಎಕ್ಸ್ ಚೇಂಜ್ ಪಂತ್ಂಡ್.

ಕರಿನ ವರ್ಷ ಡಿಸೆಂಬರ್ ತಿಂಗೊಲ್ಡು ಲೂಯಿ ವಿಟಾನ್ ಸಿಇಒ ಬರ್ನಾರ್ಡ್‌ ಆರ್ನಾಲ್ಟ್ ಮೇರ್, ಎಲಾನ್೯ ಆರೆನ್ ಪಿರ ಪಾಡ್ದಿತ್ತೆರ್. ರಡ್ಡ್ ತಿಂಗೊಲು ಮುಟ್ಟ ರಡ್ಡನೇ ತಾನಡ್ ಇತ್ತಿನ ಎಲಾನ್ ಮೆರೆನ್ ಟೆಸ್ಲಾ ಷೇರ್ಸ್ ದ ಬಿಲೆ ಎಚ್ಚ ಕುಡ ಮಲ್ಲ ತಾನಗ್ ಕನದ್ಂಡ್. ಈ ವರ್ಷ ಟೆಸ್ಲಾ ಷೇರ್ ದ ಬಿಲೆ ಶೇ.70 ದಾತ್ ಎಚ್ಚಾತ್ಂಡ್ ಪಂದ್ ವರದಿ ಪಂತ್ಂಡ್.

Elon Musk is again the the World’s richest

Elon Musk is again the world’s richest man said Bloomberg Billionaires Exchange.
He had slipped to the second place last December , but with the increase in the price of Tesla shares he has regained his number one postion.

March 7 th: Brahmari Artistes Uppala – Annual Program of the Theatre group ಮಾ.7: ಭ್ರಾಮರಿ ಕಲಾವಿದೆರ್ ಉಪ್ಪಳ ನಾಟಕ ಕೂಟದ ವಾರ್ಷಿಕ ಉಚ್ಚಯ

ಮಂಜೇಶ್ವರ: ನವಜ್ಯೋತಿ ಫ್ರೆಂಡ್ಸ್ ಕ್ಲಬ್ ಹೊಸಗದ್ದೆ ಮಜಿಬೈಲ್ ಮೊಕ್ಲೆನ ಮುತಾಲಿಕೆಡ್ ಭ್ರಾಮರಿ ಕಲಾವಿದೆರ್ ಉಪ್ಪಳ ನಾಟಕ ಕೂಟದ ವಾರ್ಷಿಕ ಉಚ್ಚಯ ಮಾ.7 ಕ್ ಬಲ್ಲಂಗುಡೇಲ್ ಡ್ ನಡಪರೆ ಉಂಡು.

ಬಲ್ಲಂಗುಡೇಲು ಶ್ರೀ ಪಾಡಂಗರೆ ಭಗವತಿ ಕ್ಷೇತ್ರದ ಕಳಿಯಾಟ ಉಚ್ಚಯದ ಲೆಕ್ಕೊಡು ರಾತ್ರೆ 7 ಗಂಟೆರ್ದ್ ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ಲೇಸ್ ಬೊಕ್ಕ ಭ್ರಾಮರಿ ಕಲಾವಿದೆರ್ ಉಪ್ಪಳ ಕೂಟದ ಕಲಾವಿದೆರ್ದ್ “ಬೊಕ್ಕದ ಬೊಕ್ಕ ತೂಕ” ತುಳು ನಾಟಕ ನಡಪರೆ ಉಂಡು. ನೆತ್ತ ನಡುಟ್ ನಡಪುನ ಎಲ್ಯ ಸಭಾ ಲೇಸ್ ಡ್ ಆನಂದ ಆಳ್ವ ಮಾಟೆ (ಪೆರಿಯ ಕಲಾವಿದೆರ್), ಕರಿಯಪ್ಪ ಶೆಟ್ಟಿ ಕರಿಬೈಲ್ (ಪೆರಿಯ ನಾಟಕ ಕಲಾವಿದೆರ್), ದಾಮೋದರ ಶೆಟ್ಟಿ ಮಜಿಬೈಲ್ (ಪೆರಿಯ ಯಕ್ಷಗಾನ ಕಲಾವಿದೆರ್), ಸುಕುಮಾರ ಶೆಟ್ಟಿ ಕಂಗುಮೆ (ಪೆರಿಯ ಕಲಾವಿದೆರ್), ಕೃಷ್ಣಪ್ಪ ಕೋರಿಕಾರ್ (ಉತ್ತಮ ಕೃಷಿಕೆರ್), ಅನಿಲ್ ರಾಜ್ ಉಪ್ಪಳ (ಪಿಕ್ಚರ್, ನಾಟಕ ಕಲಾವಿದೆರ್), ಕುಮಾರಿ ತೃಪ್ತಿ ಯು. (ನಲಿಕೆ ಭಜನೆ), ಮೊಕುಲೆನ್ ಊರುದ ಗಣ್ಯೆರೆನ ಎದುರುಡ್ ತಮ್ಮನ ಮಲ್ಪೆರೆ ಉಂಡು.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

ಜೈ ತುಳುನಾಡ್(ರಿ) ಸಂಘಟನೆರ್ದ್ ONLINE ತುಲು ಬಾಸೆ ಕಲ್ಪಾವುನ ಕಜ್ಜಕೊಟ್ಯ

ಪಂಚ ದ್ರಾವಿಡ ಭಾಷೆಲೆಡ್ ಒಂಜಾಯಿನ ತುಳು ಭಾಷೆನ್ ಇನಿತ ದಿನೊಟು ನಿತ್ಯೊದ ಬದುಕ್ ಡ್ ಬೊಕ್ಕ ವ್ಯವಹಾರಲೆಡ್ ಬಾರಿ ಬುಲೆಚ್ಚಿಲ್ನ್ ತೂವೊಂದುಲ್ಲ. ಕರ್ನಾಟಕ ರಡ್ಡನೇ ಅಧಿಕೃತ ತಾನಮಾನದ ಬಾಕಿಲ್ಡ್ ತುಳು ಬಾಸೆ ಕಾತೊಂದುಂಡು. ಸರಕಾರದ ಆದೇಶೊಗು ಸರ್ವ ತುಳುವೆರ್ ಕಾತೊಂದುಲ್ಲೆರ್.

ಕರ್ನಾಟಕ ಬೊಕ್ಕ ಕೇರಳ ರಾಜ್ಯದ ಅಧಿಕೃತ ಭಾಷಾ ತಾನಮಾನ ಬೊಕ್ಕ ಸಂವಿಧಾನದ ಎಡ್ಮನೇ ಪರಿಚ್ಛೇದದ ಮಾನ್ಯತೆ ತಿಕ್ಕೊಡು ಪನ್ಪುನವು ತುಳುವೆರೆನ ಸುಮಾರ್ ವರ್ಷೊಲೆನ ಕನವಾದೆ ಒರಿದ್ಂಡ್. ಅಂಚೆನೆ ತುಳುಕ್ ಯುನಿಕೋಡ್ ತಿಕ್ಕೊಡು, ಶೈಕ್ಷಣಿಕವಾದ್ ಅವಕಾಶ ಒದಗೊಡು ಪನ್ಪುನ ಒತ್ತಾಯ ಕೂಡ ತುಳುವೆರೆನ ಆದುಂಡು. ಸುಮಾರ್ ತುಳು ಸಂಘಟನೆಲು ಅಕಲ್ನನವೇ ರೀತಿಡ್ ಪೊರ್ಂಬಾಟಲೆನ್ ಮಲ್ತೊಂದುಲ್ಲೆರ್. ರಡ್ಡ್ ಸರಕಾರಲ ಈ ದಿಟ್ಟಿಡ್ ಕಣ್ಣ್ ಬುಲವೊಡಾತ್ಂಡ್.

ತುಳು ಭಾಷೆದ ಬಗ್ಗೆ ಸುಮಾರ್ ಪೊರ್ಂರ್ಬಾಟೊನು ಮಲ್ತೊಂದುಪ್ಪುನ, ಜೈ ತುಳುನಾಡ್(ರಿ) ಸಂಘಟನೆ ನಿರಂತರ ಪೊರ್ಂಬಾಟ, ಜನ ಜಾಗೃತಿಲೆನ್ ಮಲ್ತೊಂದು ತುಲು ಲಿಪಿ ಕಲ್ಪಾವುನ ಕಜ್ಜಕೊಟ್ಯ, ತುಳು ಲಿಪಿ ಪುದರ್ ಪಲವೆ ಪಟ್ಟುನು, ತುಳು ಡಿಕ್ಸನರಿ, ತುಳು ಫಾಂಟ್, ತುಳು ಲಿಪಿ ಲಿಪ್ಯಾಂತರ ತಂತ್ರಾಂಶ, ತುಳು ಲಿಪಿಟ್ಟೇ ಮಸ್ತರೆ ಬುಡುಗಡೆ, ಇಂಚ ಸುಮಾರ್ ತುಳು ಪರ ಕೆಲಸೊಲೆನ್ ಮಲ್ತೊಂದುಂಡು.

ತುಳು ಭಾಷೆನ್ ನನಲಾತ್ ಬುಲೆಪಾವುನ ದಿಟ್ಟಿದೊಟ್ಟುಗು, ಸಂಘಟನೆ “ತುಳು ಭಾಷಾ ಕಲ್ಪಾದಿ ಸಮಿತಿ”ನ್ ಕಟ್ಟೊಂದು, ತುಳು ಭಾಷೆನ್ ಕಲ್ಪಾವುನ ಪ್ರಯತ್ನೊನು ಮಲ್ಪೆರೆ ತಯಾರಾತ್ಂಡ್. ಕಡೀರಾದ್ ಕನ್ನಡ ಬೊಕ್ಕ ಇಂಗ್ಲಿಷ್ ತೆರಿನಕಲೆಗ್ ತುಳು ಭಾಷೆನ್ ಕಲ್ಪಾವುನ ದಿಟ್ಟಿಡ್ ತರಗತಿಲು ಉಂದುವೇ ಮಾರ್ಚ್ ತಿಂಗೊಲ್ದ ಒಂಜಿನೇ ತಾರೀಕ್ ರ್ದ್ ಸುರುವಾಯೆರೆ ಉಂಡು. ಈ ಕ್ಲಾಸ್ ಆನ್ಲೈನ್ ಗೂಗಲ್ ಮೀಟ್ ಮುಕೇನ ನಡಪುಂಡು. ಉಮೇದ್ ಇತ್ತಿನಕುಲು QR code ಗಲಸದ್ ಅಕಲೆನ ಪುದರ್ ನ್ ತೆರಿಪಾವೊಲಿ. ದುಂಬುದ ದಿನೊಟು ಹಿಂದಿ ಭಾಷೆಡ್ಲ ಈ ಕಜ್ಜಕೊಟ್ಯನ್ ನಡಪಾವುನ ಯೋಚನೆಡ್ ಉಲ್ಲ ಪಂದ್ ಸಂಘಟನೆದ ಬೆಂಗಳೂರು ವಿಭಾಗದ ಗುರ್ಕಾರ್ಲಾಯಿನ ವಿಶಾಲ್ ಕೊಡಿಯಾಲ್ ತೆರಿಪಾದೆರ್.

ಏರ್ ಬೋಡಾಂಡಲ ತುಳು ಕಲ್ಪೊಲಿ

ತುಳುನಾಡ್ ದ ಸುಮಾರ್ ಜನ ಬೆಂಗಳೂರು, ಬೊಂಬೈ ಅಂಚೆನೆ ಪಿದಯಿ ದೇಸೊಡು ಬೇಲೆ ನಾಡೊಂದು ಪೋದು ಅಲ್ಪನೇ ನೆಲೆ ಊರುದೆರ್. ಅಪ್ಪೆ ಅಮ್ಮಗ್ ತುಳು ಬತ್ತ್ಂಡ ಲ, ಜೋಕುಲೆಗ್ ತುಳು ಪಾತೆರ್ಯೆರೆ ಬರಂದಿನ ಸಾಧ್ಯತೆಲೆನ್ ಎಂಕುಲು ತೆರಿಯೊಂದು ಈ ಒಂಜಿ ಕಜ್ಜಕೊಟ್ಯದ ಬಗೆಟ್ಟ್ ಯೋಚನೆ ಮಲ್ತ್ ದ. ತುಳುವೆರ್ ಮಾತ್ರ ಅತ್ತ್ ತುಳು ಭಾಷೆನ್ ಪಾತೆರಿಯರೆ ಉಮೇದ್ ಇತ್ತಿನ ಏರ್ ಬೋಡಾಂಡಲ ಪುದರ್ ತೆರಿಪಾವೊಲಿ
– ಅನುಷಾ ಸಾಲ್ಯಾನ್
ನಿದಯೆಂತೆರ್,ಜೈ ತುಳುನಾಡ್(ರಿ).
ತುಳು ಭಾಷಾ ಕಲ್ಪಾದಿ ಸಮಿತಿ

ಪರಭಾಷೆದಕ್ಲೆಗ್ ಲ ತುಳು ಕಲ್ಪರೆ ಉಮೇದ್

ತುಳು ಭಾಷೆನ್ ಸುಲಭವಾದ್ ಪಾತೆರ್ರೆ ಕಲ್ಪೊಲಿ. ಪರ ಭಾಷೆದ ಸುಮಾರ್ ಜನ ಎಂಕುಲೆಡ ತುಳು ಭಾಷೆನ್ ಕಲ್ಪಾಯೆರೆ ಕೇನೊಂದಿತ್ತೆರ್. ಸದ್ಯೊಗು ಕನ್ನಡ, ಇಂಗ್ಲಿಷ್ ಡ್ ಕಜ್ಜಕೊಟ್ಯನ್ ಸುರುಮಲ್ತೊಂದುಲ್ಲ. ಬಾರಿ ಎಡ್ಡೆ ಉಮೇದು ಎಂಕಲೆಗ್ ತಿಕ್ಕೊಂದುಂಡು. ಭಾಷೆದ ಬಗ್ಗೆ ತೆರಿಯೊನೆರೆ ಉಂದು ಎಡ್ಡೆ ಅವಕಾಶ ಆದುಂಡು ಮಾತೆರೆಗ್ಲ. ತುಳು ಭಾಷೆದ ಒರಿಪುಗು ಸರ್ವ ಪ್ರಯತ್ನನ್ ಜೈ ತುಳುನಾಡ್ ಸಂಘಟನೆ ಬರೊಂದುಂಡು.
—ಜಯಪ್ರಸಾದ್ ತುಳುನಾಡ್
ನಿದಯಂತೆರ್,
ಜೈ ತುಳುನಾಡ್(ರಿ)
ತುಳು ಭಾಷಾ ಕಲ್ಪಾದಿ ಸಮಿತಿ

Request to include Mulki development Schemes in the election Manifesto ಪಕ್ಷದ ಪ್ರಣಾಳಿಕೆಡ್ ಮುಲ್ಕಿ ಅಭಿವೃದ್ಧಿ ಯೋಜನೆನ್ ಸೇರ್ಸಾವರೆ ಬಿನ್ನಾಪು

ಮುಲ್ಕಿ : ನನ ಬರ್ಪಿನ ವಿಧಾನಸಭೆತ್ತ ವೋಟುಡು ನಿಕಲೆನ ಪಕ್ಷದ ಪ್ರಣಾಳಿಕೆಡ್ ಮುಲ್ಕಿ ತಾಲೂಕ್ ಡ್ ಅವೊಡಾಯಿನ ಕೆಲವೊಂಜಿ ಅಭಿವೃದ್ಧಿ ಯೋಜನೆಲೆನ್ ಸೇರ್ಸಾವೊಡು ಪಂದ್ ಸಮಾಜಸೇವಕೆರ್, ಉದ್ಯಮಿ ಜೀವನ್ ಕೆ. ಶೆಟ್ಟಿ ಮೇರ್ ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಶಾಸಕೆರ್ ಕೆ. ಅಭಯಚಂದ್ರ ಜೈನ್, ಯುವ ನಾಯಕೆರ್ ಮಿಥುನ್ ರೈ, ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ, ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ, ಹೆಚ್ ಡಿ ಕೆ ಕುಮಾರಸ್ವಾಮಿ, ಜೆಡಿಎಸ್ ಮುಖಂಡೆರ್ ಆಮರಶ್ರೀ ಶೆಟ್ಟಿ, ಬಿಜೆಪಿ ರಾಜಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಕೆಪಿಸಿಸಿ ರಾಜ್ಯಾಧ್ಯಕ್ಷೆರ್ ಡಿ.ಕೆ ಶಿವಕುಮಾರ್ ಮೆರೆಗ್ ಪ್ರಣಾಳಿಕೆಡ್ ಬಿನ್ನಾಪು ಮಲ್ತೆರ್.

*ಪ್ರಣಾಳಿಕೆಡ್ ಸೇರ್ಸಾವೊಡಾಯಿನ ಯೋಜನೆ :
ಕೃಷಿ ಸಿರಿ 2022- ಕೊಲ್ನಾಡ್ ಡ್ ನಡತಿನ ರಾಜ್ಯಮಟ್ಟದ ಕೃಷಿ ಮೇಳಡ್ ಠರಾವು ಮಂಡನೆ ಮಲ್ತಿನ ಪ್ರಕಾರ ಮುಲ್ಕಿಡ್ ಕೃಷಿ ವಿಶ್ವವಿದ್ಯಾನಿಲಯ ಸ್ಥಾಪನೆ ಮಲ್ಪೊಡು.
ಮುಲ್ಕಿ ಗಿಡಮೂಲಿಕೆಡ್ ಪುದರ್ ಪಡೆಯಿರ್ನೆದಾವೆರ ಆಯುರ್ವೇದ ಮೆಡಿಕಲ್ ಕಾಲೇಜ್ ಸ್ಥಾಪನೆ ಮಲ್ಪೊಡು.
*ಟೂರಿಸಂ ಕಾರಿಡಾರ್: ಸಸಿಹಿತ್ಲು ಬೀಚ್, ಭಗವತೀ ಕ್ಷೇತ್ರ, ಉಮಾಮಹೇಶ್ವರಿ ದೇವಲ್ಯ, ಚಿತ್ರಾಪು, ಕಲ್ಲ ಸಂಕ, ಪಡುಬೈಲ್ ಕೋರ್ದಬ್ಬು ದೈವೊಲ್ಯ, ಕೊಳಚಿಕಂಬುಲ ಮಂತ್ರ ಸರ್ಫಿಂಗ್ ಬೊಕ್ಕ ಬಪ್ಪನಾಡ್ ದೇವಲ್ಯ ಮುಟ್ಟ ಒಂಜಿ ಟೂರಿಸಂ ಕಾರಿಡಾರ್ ನ್ ಅಭಿವೃದ್ಧಿ ಮಲ್ಪೊಡು.
*ಜಗತ್ತ್ ಡೇ ಪುಗರ್ತೆದ ಪಿರಾಕ್ ದ ದೇವಲ್ಯ ಬೊಕ್ಕ ಬಸದಿಲೆನ್ ಆಧುನಿಕ ಸೌಕರ್ಯದೊಟ್ಟಿಗೆ ಅಭಿವೃದ್ಧಿ ಮಲ್ಪೊಡು.
*ಮಿತ್ತ್ ದ ಈ ನಾಲ್ ಇಸಯಲೆನ್ ಒಟ್ಟು ಮಲ್ತ್ಂಡ Agro tourism, Medical tourism, Temple tourism ಪೂರ ಒಂಜೇ ಕಡೆಟ್ ಆಪುಲೆಕ್ಕ ಮಲ್ಪೊಡು.
*ಇಂಚಿಪ್ಪ ಸುದ್ಧಿ ಮಲ್ತಿನ ಟಾಟಾ ಕನ್ಸಲ್ಟೆನ್ಸಿ ಮೆರೆನ ಐಟಿ ಪಾರ್ಕ್ ಅನುಷ್ಠಾನ ಮಲ್ತ್ ದ್, ತಾಲೂಕ್ ಡ್ ಬೇಲೆ ತಿಕ್ಕುಂಡು.
*ಸರಕಾರಿ ಪಾಲಿಟೆಕ್ನಿಕ್ ಸ್ಥಾಪನೆ ಮಲ್ಪೊಡು ಇಂಚಿನ ಬೇಡಿಕೆಲೆನ್ ಆರ್ ಎದುರು ದೀತೆರ್.

Request to include Mulki development Schemes in the election Manifesto

Mulki: In the forthcoming Vidhana Sabha elections enterpreneur and social worker Jeevan K Shetty has requested that certain development schemes of Mulki taluk be included in the election manifesto.

March 13 th – 14 th: Shri Mayandal Sannidhi, Karkala – Nema and Agal seva rituals ಮಾ‌.13-14: ಕಾರ್ಲದ ನಕ್ರೆ ಪೆತ್ತಾಜೆದ ಶ್ರೀ ಮಾಯಂದಾಲ್ ಸನ್ನಿಧಿಡ್ ಕಾಲಾಧಿದ ನೇಮ, ಅಗೆಲ್ ಸೇವೆ

ಕಾರ್ಲದ ನಕ್ರೆ ಪೆತ್ತಾಜೆದ ಶ್ರೀ ಮಾಯದ ಮಾಣಿಬಾಲೆ ಮಾಯಂದಾಲ್ ಸನ್ನಿಧಿಡ್ ಕಾಲಾಧಿದ ನೇಮ ಬೊಕ್ಕ ಅಗೆಲ್ ಸೇವೆ ಮಾ‌.13 ಬೊಕ್ಕ 14ಕ್ ನಡಪರೆ ಉಂಡು.

ಮಾ‌.13 ಸೋಮಾರ ರಾತ್ರೆ ಅಗೆಲ್ ಸೇವೆ ನಡಪರೆ ಉಂಡು. ಮಾ.14 ಅಂಗಾರೆ ಮಧ್ಯಾಹ್ನ ಶ್ರೀ ಮಾಯಂದಾಲ್ ನೇಮ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು ಶ್ರೀ ಮಾಯಂದಾದಲೆ ದೈವದ ಕೃಪೆಗ್ ಪಾತ್ರರಾವೊಡು ಪೆತ್ತಾಜೆ ಬರ್ಕೆ ಕುಟುಂಬಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್. ಅಂಚೆನೆ ಉಂದು ಸ್ತ್ರೀ ವರಪ್ರದಾನ ಜಾಗೆ ಆಯಿನೆರ್ದಾದವರ ಎಚ್ಚದ ಸಂಖ್ಯೆಡ್ ಪೊಂಜೋವ್ ನಕುಲು ಬತ್ತ್ ದ್ ಪರಕೆ ಸಂದಾವುನವು ಮುಲ್ಪದ ಇಸೇಸ. ಇಡೆಗ್ ಬರ್ಪುನ ಭಕ್ತೆರೆಗ್ ಪೆತ್ತಾಜೆ ಪರಿವಾರರ್ದ್ ಮಧ್ಯಾಹ್ನ ಅನ್ನಸಂತರ್ಪಣೆ ಉಂಡು. ಅಂಚನೆ ಪರಕೆ ರೂಪಡ್ ಪಟ್ಟೆ ಸೀರೆ ಕೊರ್ಪುನಕುಲು ಜಾಗೆಡೇ ದೆತೊಂದು ಕೊರೊಲಿ ಪಂದ್ ಪಂತೆರ್. ಅಂಚನೆ ಎಚ್ಚದ ಪೊಲಬುಗಾದ್ ಡಾ. ಹರೀಶ್ ಪೂಜಾರಿ ಮೆರೆನ್ ಸಂರ್ಪಕ ಮಲ್ಪೊಲಿ ಪಂದ್ ತೆರಿಪಾದೆರ್.

Invitation release of Attur Shri Arasu Kunjiraya Daiva Kalashabisheka and annual Jatra ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವೊಲ್ಯದ ಕಲಶಾಭಿಷೇಕ ಬೊಕ್ಕ ಜಾತ್ರೆದ ಲೆಪ್ಪೋಲೆ ಬುಡುಗಡೆ

ಕಿನ್ನಿಗೋಳಿ : ದೈವ ದೇವಲ್ಯದ ಅಭಿವೃದ್ದಿರ್ದ್ ಜೀವನಡ್ ಶಾಂತಿ ಸುಖ ನೆಮ್ಮದಿ ಸಾಧ್ಯ ಪಂದ್ ಕಟೀಲ್ ದೇವಲ್ಯದ ಪ್ರಧಾನ ಅರ್ಚಕೆರ್ ಲಕ್ಷ್ಮೀನಾರಾಯಣ ಅಸ್ರಣ್ಣೆರ್ ಪಂಡೆರ್.

ಮೇರ್ ಫೆ.26 ಕ್ ಕಿನ್ನಿಗೋಳಿ ಕೈತಲ್ ದ ಅತ್ತೂರು ಶ್ರೀ ಅರಸು ಕುಂಜಿರಾಯ ದೈವೊಲ್ಯಡ್  ಮಾ.24-31 ಮುಟ್ಟ ನಡಪುನ ಕಲಶಾಭಿಷೇಕ ಬೊಕ್ಕ ಜಾತ್ರೆ ಉಚ್ಚಯದ ಲೆಪ್ಪೋಲೆನ್ ಬುಡುಗಡೆ ಮಲ್ತ್ ದ್ ಪಾತೆರಿಯೆರ್.

ಗ್ರಾಮಡ್ ದೈವೊಲ್ಯದ ಅಭಿವೃದ್ಧಿರ್ದ್ ಗ್ರಾಮದ ಅಭಿವೃದ್ಧಿ ಸಾಧ್ಯ ಉಂಡು. ಮುಲ್ಪದ ಕಾರಣಿಕ ಶಕ್ತಿಲೆನ ಅನುಗ್ರಹೊಡು ಭಕ್ತೆರೆನ, ದಾನಿಲೆನ ಸಕಾಯಡ್ ಜೀರ್ಣೋದ್ಧಾರ ಕಜ್ಜೋ ನಡತೊಂದು ಉಂಡು. ಗ್ರಾಮೀಣ ಪ್ರದೇಶದ ಈ ದೈವೊಲ್ಯ ನನಾತ್ ಬೆಳಗೊಡು ಪಂದ್ ಪಂಡೆರ್.

ಕುಂಜಿರಾಯ ದೈವೊಲ್ಯದ ಆಡಳಿತ ಮಂಡಳಿದ ಟ್ರಸ್ಟ್ ಅಧ್ಯಕ್ಷೆರ್ ರಾಜೇಂದ್ರ ಕೆ. ಶೆಟ್ಟಿ ಕುಡ್ತಿಮಾರುಗುತ್ತು ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್. ಈ ಪೊರ್ತುಡು ಅತ್ತೂರ್ ಬೈಲ್ ವೆಂಕಟರಾಜ ಉಡುಪೆರ್, ಯುಗಪುರುಷದ ಭುವನಾಭಿರಾಮ ಉಡುಪೆರ್, ಆಡಳಿತ ಮಂಡಳಿ ಅಧ್ಯಕ್ಷೆರ್ ಚರಣ್ ಶೆಟ್ಟಿ ಕೊಜಪಾಡಿ ಬಾಳಿಕೆ, ಸುರಗಿರಿ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಕೆ. ಸೀತಾರಾಮ ಶೆಟ್ಟಿ, ಧನಂಜಯ ಶೆಟ್ಟಿಗಾರ್ ಸಾಗರಿಕಾ, ಶಂಭು ಮುಕ್ಕಾಲ್ದಿ ಭಂಡಾರ ಮನೆ, ಸುಧಾಕರ ಗುತ್ತಿನಾರ್ ಮೂಡ್ರಗುತ್ತು, ಪ್ರಸನ್ನ ಶೆಟ್ಟಿ ಅತ್ತೂರು ಗುತ್ತು, ಮಹಾಬಲ ಶೆಟ್ಟಿ ಪಡುಮನೆ, ಗಿರೀಶ್ ಶೆಟ್ಟಿ ಕುಡ್ತಿಮಾರುಗುತ್ತು, ಬೇಬಿ ಸುಂದರ್ ಕೋಟ್ಯಾನ್, ಲೀಲಾ ಸುವರ್ಣ, ಜಯಂತಿ ಶೆಟ್ಟಿ, ಲಕ್ಷೀ ಭಂಡಾರಿ, ಶಾಮಲಾ ಆಚಾರ್ಯ, ಸುರಗಿರಿ ಯುವಕ ಮಂಡಲದ ಅಧ್ಯಕ್ಷೆರ್ ಅಜೇಯ್ ಶೆಟ್ಟಿ, ವಿಜಯ ಕೋಟ್ಯಾನ್, ಜಗನ್ನಾಥ ಶೆಟ್ಟಿ ಮಮ್ಮೆಟ್ಟು, ಶಂಭು ಶೆಟ್ಟಿ ಮೂಡ್ರಗುತ್ತು, ಗಂಗಾಧರ ಶೆಟ್ಟಿ ಮೂಡ್ರಗುತ್ತು, ಸತೀಶ್ ಶೆಟ್ಟಿ ಮೂಡ್ರಗುತ್ತು, ಶಶಿಧರ ಶೆಟ್ಟಿ ಕಿಲೆಂಜೂರು, ರಾಜೇಶ್ ಶೆಟ್ಟಿ ಕೊಡೆತ್ತೂರು, ರಂಜನ್ ಶೆಟ್ಟಿ ಕೊಜಪಾಡಿ, ಸಂದೀಪ್ ಶೆಟ್ಟಿ, ದುರ್ಗಾಪ್ರಸಾದ್ ಭಂಡಾರಮನೆ, ತಿಮ್ಮಪ್ಪ ಶೆಟ್ಟಿ ಅತ್ತೂರಗುತ್ತು, ಕೃಷ್ಣರಾಜ ಭಟ್, ಸುರೇಶ್ ರಾಜ್ ಭಟ್, ಅಮರ್ ಶೆಟ್ಟಿ, ಹರಿಶ್ಚಂದ್ರ ಶೆಟ್ಟಿ ಪಡುಬಾಳಿಕೆ, ಅಮರ್ ಶೆಟ್ಟಿ ಹೊಸಲೊಟ್ಟು, ಸುಖಿರಾಜ್ ಶೆಟ್ಟಿ ಕುಡ್ತಿಮಾರಗುತ್ತು, ಜಗ್ಗು ಶೆಟ್ಟಿ ಪಡುಮನೆ, ಬಾಬು ಶೆಟ್ಟಿ ಭಂಡಾರ ಮನೆ, ಕಟೀಲ್ ಕಾಲೇಜ್ ಉಪಾನ್ಯಾಸಕೆರ್ ಗಣಪತಿ ಭಟ್, ಪರಮೇಶ್ವರ್, ಗುತ್ತಿಗೆದಾರೆ ಉಮೇಶ್ ಕಾಮತ್ ಇತ್ತೆರ್. ಕಿರಣ್ ಶೆಟ್ಟಿ ಭಂಡಾರಮನೆ ಸೊಲ್ಮೆ ಸಂದಾಯೆರ್.