ಮಧ್ಯಪ್ರದೇಶ: ಮೊಬೈಲ್ ಚಾರ್ಜ್ ಗ್ ಪಾಡ್ದ್ ಪಾತೆರೊಂದು ಇಪ್ಪುನಗ ಮೊಬೈಲ್ ಪುಡಾದ್ ಅಪಗನೆ ಅಜ್ಜೆರ್ ಒರಿ ತೀರ್ ಪೋಯಿನ ಘಟನೆ ಉಜ್ಜಯಿನಿರ್ದ್ 40 ಕಿಮೀ ದೂರಡ್ ಇಪ್ಪುನ ಬದ್ ನಗರಡ್ ನಡತ್ಂಡ್.
ದಯಾರಾಮ್ ಬಾರೋಡ (68) ತೀರ್ ಪೋಯಿನಾರ್. ಮೇರ್ ಇಲ್ಲಲ್ ಮೊಬೈಲ್ ಚಾರ್ಜ್ ಆವೊಂದು ಇತ್ತಿನ ಫೋನ್ ಡ್ ಪಾತೆರ್ನಗ ಮೊಬೈಲ್ ಪುಡಾದ್ಂಡ್. ನೆರ್ದಾವರ ಮೆರೆನ ತರೆರ್ದ್ ತಿಗಲೆ ಮುಟ್ಟ ಜೂವ ಚಿಪ್ಪುಡ್ ಚೀರ್ ಆತ್ಂಡ್. ಸ್ವಿಚ್ ಬೋರ್ಡ್ ಲ ಪೊತ್ ದ್ಂಡ್.
ಹೈದರಾಬಾದ್: ಜವನೆಯೊರಿ ಬ್ಯಾಡ್ಮಿಂಟನ್ ಗೊಬ್ಬೊಂದು ಇಪ್ಪುನ ಪೊರ್ತುಡು ತಿಗಲೆ ಬೇನೆ ಬತ್ತ್ ದ್ ತೀರ್ ಪೋಯಿನ ಘಟನೆ ಹೈದರಾಬಾದ್ಡ್ ನಡತ್ಂಡ್.
ಶ್ಯಾಮ್ ಯಾದವ್ ತೀರ್ ಪೋಯಿನಾರ್. ಮೇರ್ ಹೈದರಾಬಾದ್ದ ಲಾಲಾಪೇಟ್ ಡ್ ಇಪ್ಪುನ ಪ್ರೊ. ಜಯಶಂಕರ್ ಇನ್ ಡೋರ್ ಕ್ರೀಡಾಂಗಣಡ್ ಅಂಗಾರೆ ದೋಸ್ತಿಲೆನೊಟ್ಟಿಗೆ ಬ್ಯಾಡ್ಮಿಂಟನ್ ಗೊಬ್ಬೊಂದು ಇಪ್ಪುನಗ ದಮ್ ಕಟ್ಟ್ ದ್ ಬೂರ್ದೆರ್. ಮೆರೆನ್ ಕೂಡ್ಲೆ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ಆ ಪೊರ್ತುಡು ಆರ್ ತೀರ್ ಪೋದಿತ್ತೆರ್ ಪಂದ್ ತೆರಿದ್ ಬೈದ್ಂಡ್.
ಅಖಿಲ ಭಾರತ ಕಾಂಗ್ರೆಸ್ ಸಮಿತಿದ ಇಂಟಕ್ ವಿಭಾಗದ ಅಧ್ಯಕ್ಷೆರ್ ಡಾ.ಜಿ. ಸಂಜೀವ್ ರೆಡ್ಡಿ ಮೆರೆನ ಆದೇಶದಂಚನೆ, ರಾಷ್ಟ್ರೀಯ ಇಂಟಕ್ ವರಿಷ್ಠೆರಾಯಿನ ಎನ್.ಎಂ. ಅಡ್ಯಂತಾಯ ಮೆರೆನ ಶಿಫಾರಸ್ಸ್ ಡ್, ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ. ಶಿವಕುಮಾರ್ ಬೊಕ್ಕ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಕೆ.ಹರೀಶ್ ಕುಮಾರ್ ಮೊಕ್ಲೆನ ಅನುಮತಿಡ್ ದ.ಕ. ಜಿಲ್ಲಾ ಇಂಟಕ್ ವಿಭಾಗದ ಅಧ್ಯಕ್ಷೆರಾದ್ ಚಿತ್ತರಂಜನ್ ಶೆಟ್ಟಿ ಮೆರೆನ್ ನೇಮಕ ಮಲ್ದೆರ್.
ಮೇರ್ ನೇರ್ದ್ ದುಂಬು ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ, ಜಿಲ್ಲಾ ಸೇವಾದಳದ ಕಾರ್ಯದರ್ಶಿ, ಬಂಟ್ವಾಳ ಇಂಟಕ್ ಕಾರ್ಯದರ್ಶಿ, ಜಿಲ್ಲಾ ಇಂಟಕ್ ಪ್ರಧಾನ ಕಾರ್ಯದರ್ಶಿ, ಕೆಪಿಸಿಸಿ ಸಂಯೋಜಕೆರಾದ್ ಸೇವೆ ಸಂದಾದೆರ್.
Chittaranjan Shetty appointed as president of DK district INTUC
On the order of Dr C Sanjeev Reddy president of All India Congress Samithi INTUC unit and proposed by SM Adyantaya; Chittaranjan Shetty has been appointed as president of DK district Indian National Trade Union Congress.
ಕಾಸ್ರೋಡು: ಚಿಮೇನಿ ಪೊಲೀಸ್ ಠಾಣಾ ವ್ಯಾಪ್ತಿದ ಕಯ್ಯೂರು ಆಲಂತಟ್ಟಡ್ ಪಗೆಲ್ ಡೇ ಇಲ್ಲ್ ಲೆಗ್ ಬೀಗ ಪುಡಾತ್ ದ್ ಬಂಗಾರ್ ಬೊಕ್ಕ ಕಾಸ್ ಕಂಡೊಂದು ಇತ್ತಿನ ಕೇಸ್ ಡ್ ಆರೋಪಿನ್ ಅರೆಸ್ಟ್ ಮಲ್ದೆರ್.
ಕಾಞ೦ಗಾಡ್ ರೈಲ್ವೇ ಪರಿಸರದ ಪಿ. ಎಚ್. ಆಶಿಫ್(21) ಅರೆಸ್ಟ್ ಆಯಿನ ಆರೋಪಿ. ಈ ಬಗೆಟ್ ಚಿಮೇನಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್.
ಯುಎಇ: ಸಾಮಾನ್ಯವಾದ್ ಜೋಕುಲು ಬೇಲೆ ತಿಕ್ ದ್ ಎಡ್ಡೆ ಮಟ್ಟಡ್ ಇಪ್ಪೊಡು ಪನ್ಪುನವು ಮಾತ ಪೊಪ್ಪ ಅಮ್ಮನ ಬಯಕೆ.
ಅನಿವಾಸಿ ಭಾರತೀಯೆರೆಗ್ ಪೊಪ್ಪ ಅಮ್ಮ ಕುಟುಂಬ ಬಂಧು ಮಿತ್ರೆರ್ನೊಟ್ಟಿಗೆ ಇಪ್ಪರೆ ಸಮಯ ತಿಕ್ಕುನೆನೇ ಕಮ್ಮಿ. ಅಂಚ ಪಂದ್ ಜೋಕುಲೆನ್ ತೂವರೆ-ಕುಲ್ಲೆರೆ ಸ್ವತಃ ಪೊಪ್ಪ ಅಮ್ಮನೇ ಪಿದತಿ ದೇಶೊಗ್ ಪೋದು ಬರ್ಪುನ ಉಂಡು. ಅಂಚಿನ ಒಂಜಿ ಪೊರ್ತುಡು ಅವಿಸ್ಮರಣೀಯ ಆಯಿನ ವಿಶಿಷ್ಟ ಲೇಸ್ ಇಂಚೊಗು ಬರ್ ದುಬೈಡ್ ನಡತ್ಂಡ್.
ಮಗಲೆನ್ ತೂವರೆ ಊರುರ್ದು ಬತ್ತಿನ ಪೊಪ್ಪ ಈ ಸಂಸಾರದ ಬೊಕ್ಕ ನಾಡ್ ದ ಪೊರ್ಲು ತೂದು ಮೈ ಮದಪುನೆತೊಟ್ಟಿಗೆ ತನ್ನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಬಂಧು ಮಿತ್ರೆರೆನ್ ಒಂಜಿ ಕಡೆ ಸೇರ್ಸಾದ್ ತಮ್ಮನದ ಅಟ್ಟಣೆ ಮಲ್ತಿನ ಇಸೇಸ ಲೇಸ್ ಒಂಜಿ ಇಂಚಿಪ್ಪ ನಡತ್ಂಡ್.
ಪೇಂಟೆದ ಬರ್ ದುಬೈಡ್ ಇಪ್ಪುನ ಅಶ್ವಿನಿ ಪುರಂದರ ಶೆಟ್ಟಿ ಮೇರ್ ತನ್ನ ಏಳಿಗೆಗ್ ಕಾರಣ ಆಯಿನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಒಂಜಿ ಗೌರವಾರ್ಪಣೆ ಮಲ್ಪುನ ಲೇಸ್ ಡ್ ಸುಮಾರ್ ಜನ ಬಂಧುಲು ಸೇರ್ದ್ ಸಾಕ್ಷಿ ಆಯೆರ್.
ಕರಿನ 34 ವರ್ಷೊರ್ದಿಂಚ ಬೆಳಗಾವಿ ಜಿಲ್ಲೆದ ಬೈಲಹೊಂಗಲ ತಾಲೂಕ್ ಡ್ ಅಶ್ವಿನಿ ಟಿ. ಬಾರ್ ಪನ್ಪುನ ಹೋಟೆಲ್ ಉದ್ಯಮನ್ ಮಲ್ತೊಂದು ಬರೊಂದು ಇಪ್ಪುನ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೇರ್ ಇಂಚಿಪ್ಪ ಪೇಂಟೆದ ಬರ್ ದುಬೈಡ್ ಇಪ್ಪುನ ಮಗಲ್ ಅಶ್ವಿನಿ ಪುರಂದರ ಶೆಟ್ಟಿ ಬೊಕ್ಕ ಮರ್ಮಾಯೆ ಪುರಂದರ ಶೆಟ್ರ್ ಮೆರೆನ ಇಲ್ಲಡ್ ಕುಲ್ಲಿಯೆರ್.
ಈ ಪೊರ್ತುಡು ಪೊಯ್ಯೆದ ರಾಸಿದ ಪ್ರೇಕ್ಷಣೀಯ ಜಾಗೆಡ್ ತೂಯಿನ ಬೊಕ್ಕ ಸ್ವತಃ ಮಗಲ್ ಅಶ್ವಿನಿ ಮೇರ್ ದುಬೈಡ್ ಇಪ್ಪುನ ಸುಮಾರ್ ಸಹೃದಯೆರೆನ್ ಇಲ್ಲಗ್ ಲೆತ್ ದ್, ಪೊಪ್ಪಗ್ ಗೌರವ ತಮ್ಮನ ಮಲ್ತೆರ್. ಈ ಪೊರ್ತುಡು ಯುಎಇ ಬಂಟ್ಸ್ ಸಂಘದ ಅಧ್ಯಕ್ಷೆರ್, ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಂಘಟಕ ಸರ್ವೋತ್ತಮ ಶೆಟ್ಟಿ, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಅಧ್ಯಕ್ಷೆರ್ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಯಕ್ಷಗಾನ ಗುರು ಶೇಖರ ಶೆಟ್ಟಿಗಾರ್, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಸದಸ್ಯೆರ್ ರವೀಂದ್ರ ಶೆಟ್ಟಿ (Toyota Al- Futtaim motors Corporate Sales Manager), ಅಕ್ಷತ ರವೀಂದ್ರ ಶೆಟ್ಟಿ, ಸಾಯಿನಾಥ್ ಶೆಟ್ಟಿ, ಪ್ರತಿಮಾ ಸಾಯಿನಾಥ್ ಶೆಟ್ಟಿ ಇತ್ತೆರ್.
ಕಾರ್ಪೋರೇಟ್ ಸೆಲ್ಸ್ ಮೇನೇಜರ್ ರವೀಂದ್ರ ಶೆಟ್ಟಿ ಪರಿಚಯ ಮಲ್ತೆರ್. ಅನ್ವಿ ರವಿ ಶೆಟ್ಟಿ ಸುರುಕು ನೃತ್ಯ ಮಲ್ಪುನ ಮುಖೇನ ಲೇಸ್ ದ ಉದಿಪನ ಮಲ್ತೆರ್. ನವೊಮಿ ಸಾಯಿನಾಥ್ ಶೆಟ್ಟಿ ಬೊಕ್ಕ ಆಶ್ವಿನಿ ಶೆಟ್ಟಿ ಮೊಕ್ಲೆರ್ದ್ ಜಾನಪದ ನೃತ್ಯ ನಡತ್ಂಡ್. ಹೋಟೆಲ್ ಉದ್ಯಮಿ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೊಕ್ಲೆನ ಪೆರಿಯ ಮಗೆ ಡಾ.ಅಕ್ಷಯ್ ಶೆಟ್ಟಿ, ಮರ್ಮಾಲ್ ಸ್ವಾತಿ ಅಕ್ಷಯ್ ಶೆಟ್ಟಿ, ಮಗಲ್ ಆಶ್ವಿನಿ ಪುರಂದರ ಶೆಟ್ಟಿ, ಮಾರ್ಮಾಯೆ ಪುರಂದರ ಶೆಟ್ಟಿ, ಪುಲ್ಲಿ ಜಯ್ ಪುರಂದರ ಶೆಟ್ಟಿ, ಎಲ್ಯ ಮಗೆ ಅಮೃತ್ ಶೆಟ್ಟಿ ನೊಟ್ಟಿಗೆ ಸಂತೃಪ್ತ ಸಂಸಾರಡ್ ಉಲ್ಲೆರ್.
ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
ಕುಡ್ಲ: ಬೊಂಬೈರ್ದ್ ಕುಡ್ಲಗ್ ಬರೊಂದು ಇತ್ತಿನ ರೈಲ್ ಡ್ ಕಂಡ್ ದ್ ಪೋದು ಇತ್ತಿನ ಬಂಗಾರ್ ದ ಟ್ರಾಲಿ ಬ್ಯಾಗ್ ಪೇಂಟೆದ ಕುಲಶೇಖರಡ್ ರೈಲ್ ಪಟ್ಟೆದ ಕೈತಲ್ ಪತ್ತೆ ಆತ್ಂಡ್.
ಫೆ.27ಕ್ ರವೀಂದ್ರ ಎಂ.ಶೆಟ್ಟಿ (74) ಬೊಕ್ಕ ಆರೆನ ಬೊಡೆದಿ ಶಶಿಕಲಾ ಶೆಟ್ಟಿ ಮೇರ್ ಕುಡ್ಲ ರೈಲ್ ಡ್ ಬರೊಂದು ಇಪ್ಪುನಗ ಸುರತ್ಕಲ್ ರ್ದ್ ಕುಡ್ಲ ನಡುಟ್ಟು ಮೊಕ್ಲೆನ ಟ್ರಾಲಿ ಬ್ಯಾಗ್ ಕಂಡ್ ದ್ ಪೋದು ಇತ್ಂಡ್. ಈ ಬಗೆಟ್ ಕುಡ್ಲ ರೈಲ್ವೆ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್. ಈ ಬ್ಯಾಗ್ ಡ್ 245 ಗ್ರಾಂ ತೂಕದ ವಜ್ರ ಬೊಕ್ಕ ಬಂಗಾರ್ ದ ಪದ್ದಯಿ ಸೇರಿನಂಚನೆ ಸುಮಾರ್ 8,57,500 ರೂ. ಬಿಲೆತ್ತ ಸೊತ್ತುಲು ಇತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಒಡಿಪು: ಬ್ರಹ್ಮಾವರಡ್ ನರ್ಸಿಂಗ್ ಕಲ್ತೊಂದು ಇತ್ತಿನ ಕುಂದಾಪುರ ತಾಲೂಕ್ ಕೆರಾಡಿ ಗ್ರಾಮದ ಪೊಣ್ಣು ಒರ್ತಿ ನಾಪತ್ತೆ ಆಯಿನ ಘಟನೆ ನಡತ್ಂಡ್.
ಭೂಮಿಕಾ (18) ನಾಪತ್ತೆ ಆಯಿನ ಪೊಣ್ಣು. ಫೆಬ್ರವರಿ 26ಕ್ ಕೆರಾಡಿದ ತನ್ನ ಇಲ್ಲಲ್ ರ್ದ್ ಟೈಲರ್ ಅಂಗಡಿಗ್ ಪೋದು ಬರ್ಪೆ ಪಂದ್ ಪೋಯಿನಾರ್ ವಾಪಸ್ ಇಲ್ಲಡೇ ಬರಂದೆ ನಾಪತ್ತೆ ಆತೆರ್. 5 ಅಡಿ ಎತ್ತರ, ಗೋಧಿ ಮೈಬಣ್ಣ, ಕೋಲ್ ಮೋನೆದ ಮೇರ್ ಕನ್ನಡ ಪಾತೆರುವೆರ್. ಮೆರೆನ ಬಗ್ಗೆ ಪೊಲಬು ತಿಕ್ಕ್ಂಡ ಕೊಲ್ಲೂರ್ ಪೊಲೀಸ್ ಠಾಣೆ ದೂ.ಸಂ.(08254) 258233, 9480805460 , ಬೈಂದೂರ್ ವೃತ್ತ ನಿರೀಕ್ಷಕರ ಕಚೇರಿ (08254) 251031, 9480805434ನ್ ಸಂಪರ್ಕ ಮಲ್ಪೊಡು ಪಂದ್ ಠಾಣಾಧಿಕಾರಿಲು ತೆರಿಪಾದೆರ್.
Nursing student from Brahmavart missing
Udupi: Bumika (18) from Kundapura, studying nursing at Brahmavar is reported missing from February 26 th.
She is 5 feet tall with a wheatish complexion and lean frame.
Any information of her whereabouts please inform police on the number:
08254 258233,9480805460
ಬಾನಂಗಡಿ: ಕಲ್ಲಮುಂಡ್ಕೂರ್ ದೈಲಬೆಟ್ಟು ಶ್ರೀ ಕ್ಷೇತ್ರಡ್ ವರ್ಷಾಧಿದ ಉಚ್ಚಯ ಬೊಕ್ಕ ತೇರ್ ಉಚ್ಚಯ ಮಾ.6-12 ಮುಟ್ಟ ನಡಪರೆ ಉಂಡು.
ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಅರ್ಚಕೆರ್, ಮೊಕ್ತೇಸರೆರ್ ಬೊಕ್ಕ ಆಡಳಿತ ಮಂಡಳಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಗಡಿ ಭದ್ರತಾ ಪಡೆಟ್ ಖಾಲಿ ಇಪ್ಪುನ 1400 ಬೇಲೆಗ್ ಅರ್ಜಿ ಸಂದಾವೊಲಿ.
ನೆಕ್ಕ್ 10 ನೇ ಬೊಕ್ಕ ಪಿಯುಸಿದ ಅಭ್ಯರ್ಥಿಲು ಆನ್ ಲೈನ್ ಡ್ ಅರ್ಜಿ ಪಾಡೊಲಿ. 18-23 ವರ್ಷದೊಲಯಿದ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ. 21,700 ರ್ದ್ 69100 ರೂ. ಸಂಬಳ ಉಂಡು. bsf.gov.in ಗ್ ಭೇಟಿ ಕೊರ್ದು ಅರ್ಜಿ ಸಂದಾವೊಲಿ.
1400 vacancies in BSF
Applications are invited from candidates to 1,400 posts in the Border Security Force.
For more details log on to:
bsf.gov.in
ಇರುವೈಲ್ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಸನ್ನಿಧಿಡ್ ವರ್ಷಾಧಿದ ಜಾತ್ರೆ, ತೇರ್ ಉಚ್ಚಯ ಮಾ.4-12 ಮುಟ್ಟ ನಡಪರೆ ಉಂಡು.
ಮಾ.7 ಅಂಗಾರೆ ಕೊಡಿ ಏರುಂಡು, ಬೊಕ್ಕ ಉಚ್ಚಯ ಬಲಿ, ಕಂಚಿಲಾಲೆ ನಡಪರೆ ಉಂಡು. ಮಾ.8 ಬುಧಾರ ಆದಿಜಾಗೆಡ್ ಕಟ್ಟೆಪೂಜೆ, ಕೆರೆ ತುಡರ್ ಉಚ್ಚಯ ನಡಪರೆ ಉಂಡು. ಮಾ.9 ಗುರುವಾರ ನಡುಬಲಿ ಉಚ್ಚಯ, ಮಾ.10 ಸುಕ್ರಾರ ತೇರ್ ಒಯಿಪರೆ ಉಂಡು. ಮಾ.11 ಸನಿಯಾರ ತುಲಾಭಾರ ಸೇವೆ, ಅನ್ನಸಂತರ್ಪಣೆ, ಮಾಡ್ಲಾಯಿ ದೈವ ದೇವೆರೆನ ಭೇಟಿ, ಕೊಡಿ ಜಾವರೆ ಉಂಡು. ಮಾ.12 ಐತಾರ ಹೊಸಮರಾಯ ದೈವೊದ ನೇಮ ನಡಪರೆ ಉಂಡು. ಇರುವೈಲ್ ಶ್ರೀ ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
