ಆ.23 : ತೀಯಾ ಸೇವಾ ಸಹಕಾರ ಸಂಘದ ಪತ್ತನೇ ವರ್ಸೊದ ಉಚ್ಚಯ

ಉಳ್ಳಾಲ : ತೀಯಾ ಸೇವಾ ಸಹಕಾರ ಸಂಘ(ನಿ)ದ ಪತ್ತನೇ ವರ್ಸೊದ ಉಚ್ಚಯ ಆ.23 ನೇ ಐತಾರ ಕಾಂಡೆ 10 ಗಂಟೆರ್ದ್ ಜೆಪ್ಪು ಮಹಾಕಾಳಿ ಪಡ್ಪು ಮಾಷ್ ಗಾರ್ಡನ್‌ಡ್ ನಡಪರೆ ಉಂಡು.
ಈ ಲೇಸ್‌ಡ್ ಬೇತೆ ಬೇತೆ ಕ್ಷೇತ್ರದ ಸ್ವಾಮೀಜಿನಕುಲು, ಸಚಿವೆರ್, ರಾಜ್ಯ ಬೊಕ್ಕ ರಾಷ್ಟ್ರೀಯ ರಾಜಕೀಯ ನಾಯಕೆರ್, ಗಣ್ಯೆರ್, ಬಿನ್ನೆರ್ ಪಾಲ್ ಪಡೆಯರೆ ಉಲ್ಲೆರ್.
ಮದ್ಯಾನ 12 ಗಂಟೆರ್ದ್ ತೀಯಾ ಕ್ರೀಡಾ ಸ್ಪರ್ಧೆ, ಧರ್ಮಾರ್ಥ ವೈದ್ಯಕೀಯ ಶಿಬಿರ, ರಾಜ್ಯ ಸರಕಾರದ ಗ್ಯಾರಂಟಿ ಅನುದಾನಗ್ ಅರ್ಜಿ ಪಾಡುನ ಶಿಬಿರ, ಅಸಂಘಟಿತ ಕಾರ್ಮಿಕೆರೆಗ್ ಸ್ಮಾರ್ಟ್ ಕಾರ್ಡ್ ನೋಂದಣಿ ಶಿಬಿರ ಅಂಚೆನೆ ಸಾಂಸ್ಕೃತಿಕ ಕಾರ್ಯಕ್ರಮ, ಎಲ್ಯ ಪೌರಾಣಿಕ ನಾಟಕ, ಮನೋರಂಜನ್ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.