2023

Earthquake in Afghanistan again!! ಅಫ್ಘಾನಿಸ್ತಾನಡ್ ಕುಡ ಭೂಕಂಪ

ಅಫ್ಘಾನಿಸ್ತಾನಡ್ ರಡ್ಡ್ ದಿನರ್ದ್ ಬೊಕ್ಕ ಕುಡ ಭೂಕಂಪ ಆತ್ಂಡ್.

ರಿಕ್ಟರ್ ಮಾಪಕಡ್ ಕಂಪನದ ಬಿರ್ಸ್ 4.1 ದಾತ್ ದಾಖಲ್ ಆತ್ಂಡ್. ‌ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (ಎನ್ ಸಿಎಸ್) ದ ಪ್ರಕಾರ ನಡುರಾತ್ರೆ ಅಫ್ಘಾನಿಸ್ತಾನದ ಫೈಜಾಬಾದ್ ರ್ದ್ ಪೂರ್ವ ಈಶಾನ್ಯಗ್ 267 ಕಿಮೀ. ದೂರಡ್ ಭೂಕಂಪ ಆತ್ಂಡ್. ಆಂಡ ಒವ್ವೇ ಸಾವು, ಪೆಟ್ಟದ ಆಯಿನ ಬಗೆಟ್ಟ್ ವರದಿ ಆತಿಜಿ.

Earthquake in Afghanistan again!!

After two days of the first quake ; Afghanistan again experienced tremors to the magnitude of 4.1 on the Reichter scale. The quake occurred 267 kms east of the city of Faizabad according to the National Centre of Sesiomology.

Mangalore: A mother commits suicide after choking her two children; one kid saved ಕುಡ್ಲ: ರಡ್ಡ್ ಜೋಕುಲೆಗ್ ಬಲ್ಲ್ ಪಾಡ್ದ್ ತಾನ್ ಲ ಬಲ್ಲ್ ದೆತ್ತೊಂದು ತೀರ್ ಪೋಯಿನ ಅಪ್ಪೆ; ಒಂಜಿ ಬಾಲೆ ಬಚಾವ್

ಕುಡ್ಲ: ತನ್ನ ರಡ್ಡ್ ಜೋಕುಲೆನ ಕಂಟೆ ಲ್ ಗ್ ಬಲ್ಲ್ ಪಾಡ್ದ್ ಅಪ್ಪೆಲ ಬಲ್ಲ್ ದೆತ್ತೊಂದು ತೀರ್ ಪೋಯಿನ ಘಟನೆ ಕುಡ್ಲದ ಕೊಡಿಯಾಲ ಗುತ್ತುಡ್ ನಡತ್ಂಡ್.

ಈ ಘಟನೆಡ್ ಅಪ್ಪೆ ಬೊಕ್ಕ ನಾಲ್ ವರ್ಷದ ಬಾಲೆ ತೀರ್ ಪೋತೆರ್. 12 ವರ್ಷದ ಪೊಣ್ಣು ಬದ್ಕ್ ದ್ಂಡ್. ಕೊಡಿಯಾಲ ಗುತ್ತುದ ವಿಜಯಾ(33), ಸುಮುಖ(4) ತೀರ್ ಪೋಯಿನಕುಲು. ಯಜ್ಞಾ (12) ಬದ್ ಕದ ದೆರ್. ಬರ್ಕೆ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಪೊಲೀಸೆರ್ ಜಾಗೆಗ್ ಬತ್ತ್ ದ್ ತನಿಖೆ ಮಲ್ದೆರ್.

March 4 th: Delhi CM Arvind Kejariwal to visit Karnataka ಮಾ.4: ಡೆಲ್ಲಿ ಸಿಎಂ ಅರವಿಂದ್ ಕೇಜ್ರಿವಾಲ್ ಕರ್ನಾಟಕಗ್ ಭೇಟಿ

ಬೆಂಗ್ಲೂರ್: ಕರ್ನಾಟಕ ವಿಧಾನಸಭೆ ವೋಟ್ ದ ದುಂಬು ಆಮ್ ಆದ್ಮಿ ಪಕ್ಷದ (ಎಎಪಿ) ಮುಖ್ಯಸ್ಥೆರ್ ಬೊಕ್ಕ ಡೆಲ್ಲಿದ ಮುಖ್ಯಮಂತ್ರಿ ಅರವಿಂದ್ ಕೇಜ್ರಿವಾಲ್ ಮಾ.4 ಕ್ ರಾಜ್ಯಗ್ ಭೇಟಿ ಕೊರಿಯೆರೆ ಉಲ್ಲೆರ್ ಪಂದ್ ಪಕ್ಷದ ಕರ್ನಾಟಕ ಘಟಕ ತೆರಿಪಾದ್ಂಡ್.

ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಮಾನ್ ಮೆರೆನೊಟ್ಟಿಗೆ ಕೇಜ್ರಿವಾಲ್ ಮೇರ್ ದಾವಣಗೆರೆಟ್ ಪಕ್ಷದ ಲೇಸ್ ಡ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಪಕ್ಷದ ಸದಸ್ಯೆರೆನ ಬಗೆಟ್ ಪಾತೆರಿಯೆರೆ ಉಲ್ಲೆರ್ ಪಂದ್ ಎಎಪಿದ ಕರ್ನಾಟಕ ಸಂಚಾಲಕೆರ್ ಪೃಥ್ವಿ ರೆಡ್ಡಿ ತೆರಿಪಾದೆರ್.

March 4 th: Delhi CM Arvind Kejariwal to visit Karnataka

Bangalore: Delhi CM and leader of Aam Aadmi party Arvind Kejariwal will visit Karnataka before the upcoming Vidhana Sabha elections.
He will take part in a party program at Davangere along with Punjab CM Bhagwant Mann.

March 4 th: Annual festival and Nema of Tokkottu Shri Kallurti, Panjurli Daiva ಮಾ.4: ತೊಕ್ಕೊಟ್ಟು ಶ್ರೀ ಕಲ್ಲುರ್ಟಿ ಪಂಜುರ್ಲಿ ದೈವೊಲ್ಯಡ್ ಕಾಲಾಧಿದ ಪರ್ವ, ನೇಮ

ಪೆರ್ಮನ್ನೂರು: ಮಂಚಲದ ತೊಕ್ಕೊಟ್ಟು ಶ್ರೀ ಕಲ್ಲುರ್ಟಿ ಪಂಜುರ್ಲಿ ದೈವೊಲ್ಯಡ್ ಪಡಂಕುಡಿ (ಕೋಟ್ಯಾನ್) ತರವಾಡ್ ದ ಅಮೃತ ಉಚ್ಚಯದ ಲೆಕ್ಕೊಡು ಶ್ರೀ ಕಲ್ಲುರ್ಟಿ ಪಂಜುರ್ಲಿ ದೈವೊಲೆನ ಪೀಠ ಪುನರ್ ಪ್ರತಿಷ್ಠೆ, ಕಾಲಾಧಿದ ಪರ್ವ ಬೊಕ್ಕ ನೇಮ ಮಾ.4 ಸನಿಯಾರ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

Malabar Vishwaranga Puraskar -2023 -Five senior Theatre artists selected ಮಲಬಾರ್ ವಿಶ್ವರಂಗ ಪುರಸ್ಕಾರ-2023ಕ್’ ಐನ್ ಪೆರಿಯ ರಂಗಕರ್ಮಿಲು ಆಯ್ಕೆ

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ.) ಒಡಿಪು ಬೊಕ್ಕ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ವತಿರ್ದ್ ಪ್ರಧಾನ ಮಲ್ತೊಂದು ಇಪ್ಪುನ ‘ಮಲಬಾರ್ ವಿಶ್ವರಂಗ ಪುರಸ್ಕಾರ 2023ಕ್ ‘ರಾಜ್ಯ ಬೊಕ್ಕ ಪಿದಯಿ ರಾಜ್ಯದ ಐನ್ ಪೆರಿಯ ರಂಗಕರ್ಮಿಲು ಆಯ್ಕೆ ಆತೆರ್.

ಮೂರ್ತಿ ದೇರಾಜೆ (ರಂಗ ನಿರ್ದೇಶಕೆರ್), ಶೋಭಾ ವೆಂಕಟೇಶ್ ಬೆಂಗ್ಲೂರ್ (ಜೋಕುಲೆನ ರಂಗಭೂಮಿ), ಎಂ.ಎಸ್. ಭಟ್ ಒಡಿಪು (ರಂಗ ನಟೆ), ಮೋಹನ್ ಮಾರ್ನಾಡ್ ಬೊಂಬೈ (ರಂಗ ನಟೆ, ಪಿದಯಿ ರಾಜ್ಯ), ಪ್ರಕಾಶ್ ನೊರೋನ್ಹ ಪಾಂಬೂರು (ರಂಗ ಸಂಘಟಕೆರ್) ಮೊಕಲೆಗ್ ಮಾ.26 ಕ್ ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ಒಡಿಪು ಶಾಖೆಡ್ ನಡಪುನ ವಿಶ್ವರಂಗಭೂಮಿ ದಿನಾಚರಣೆದ ಪೊರ್ತುಡು ಪ್ರಶಸ್ತಿ ಪತ್ರ, ಫಲಕ ಬೊಕ್ಕ ಬೊಳ್ಳಿ ಪದಕದೊಟ್ಟಿಗೆ ‘ಮಲಬಾರ್ ವಿಶ್ವರಂಗ ಪುರಸ್ಕಾರ-2023’ ನ್ ಪ್ರಧಾನ ಮಲ್ಪರೆ ಉಂಡು ಪಂದ್ ಪ್ರಕಟಣೆ ತೆರಿಪಾದ್ಂಡ್.

Malabar Vishwaranga Puraskar -2023 – Five senior Theatre artists selected

Sanskriti Vishwa Pratisthan (R) and Malabar Gold and Diamonds organise the ” Malabar Vishwaranga Puraskar – 2023. Five senior theatre personalities have been selected for the award.

Murthi Dayraje (Theatre director) ; Shobha Venkatesh, Bangalore ( Children’s theatre) , M N Bhat Udupi ( theatre actor ) , Mohan Marnad, Mumbai ( theatre actor) , Prakash Norhna (theatre organiser) will be honoured March 26 th at the awards program.

ಎಪ್ರಿಲ್ 2: ತಲಪಾಡಿ ಕೇಸರಿ ಫ್ರೆಂಡ್ಸ್ ಮುತಾಲಿಕೆಡ್ ಕ್ರಿಕೆಟ್ ಪಂತೊ K.F.T ಟ್ರೋಫಿ-2023

ತಲಪಾಡಿ ಕೇಸರಿ ಫ್ರೆಂಡ್ಸ್ ಮುತಾಲಿಕೆಡ್ 7ತ ಅಂಡರ್ ಆರ್ಮ್ ಸೂಪರ್ ಸಿಕ್ಸ್ ಕ್ರಿಕೆಟ್ ಪಂತೊ K.F.T ಟ್ರೋಫಿ-2023 ಎಪ್ರಿಲ್ 2 ಕ್ಕ್ ಬೊಲ್ಪುಗು 8 ಗಂಟೆರ್ದ್ ತಲಪಾಡಿ ಈಡನ್ ಗಾರ್ಡನ್ ಮೈದಾನಡ್ ನಡಪರೆ ಉಂಡು.

ಈ ಪಂತೊಡು ಪಾಲ್ ಪಡೆಪುನಕ್ಲು 1 ಸಾರ ರೂ. ಶುಲ್ಕ ಕಟ್ಟೊಡು. ನೆಟ್ಟ್ ಗೆಂದಿನಕ್ಲೆಗ್ ಸುರುತ ಇನಾಮು 12,222 ಬೊಕ್ಕ KFT ಟ್ರೋಫಿ, ರಡ್ಡನೇ ಇನಾಮು 7777 ಬೊಕ್ಕ KFT ಟ್ರೋಫಿ ತಿಕ್ಕುಂಡು. ಅತ್ತಂದೆ ಎಡ್ಡೆ ಬ್ಯಾಟ್ಸ್‌ಮನ್, ಎಡ್ಡೆ ಬೌಲರ್, ಸರಣಿ ಶ್ರೇಷ್ಠ ಪಂದ್ ವೈಯಕ್ತಿಕ ಇನಾಮುಲ ಉಂಡು.

ಈ ಪಂತೊದ ನಿಯಮಲು: 1.ಕೂಟಲೆನ ನಡುಟ್ ಟೈ ಇತ್ತ್ಂಡ, ಬೊಕ್ಕ ಕಾಯಿನ್ ದಕ್ಕುನ ಮುಖೇನ ಗೆಂದಿನಿ ಏರ್ ಪಂದ್ ನಿರ್ಧಾರ ಮಲ್ಪರೆ ಆಪುಂಡು.
2. ಪ್ರತಿಯೊಂಜಿ ಪಂತೊ 2 ಓವರ್‌ ದ.
3.ಸಂಘಟಕೆರ್ ಬೊಕ್ಕ ಅಂಪೈರ್‌ಲೆನ ತೀರ್ಮಾನನೇ ಅಕೇರಿ.
4.ಕೂಟರ್ದ್ ಒವ್ವೇ ರೀತಿದ ಬೊರ್ಚಂದಿನ ವರ್ತನೆ ಅತ್ತಂದೆ ಬೊರ್ಚಂದಿನ ಅಭ್ಯಾಸ ತೂಜಿಂಡ ಸಂಘಟಕೆರ್ದ್ ಅನರ್ಹತೆಗ್ ಕಾರಣ ಆಪುಂಡು.

ಎಚ್ಚದ ಪೊಲಬುಗಾದ್ ಈ ನಂಬರ್ ನ್
7019022707, 9071880381, 9164887473, ಸಂಪರ್ಕ ಮಲ್ಪೊಲಿ ಪಂದ್ ತಲಪಾಡಿ ಕೇಸರಿ ಫ್ರೆಂಡ್ಸ್ ಸಂಘಟಕೆರ್ ತೆರಿಪಾದೆರ್.

21 ವರ್ಷದ ಬೊಕ್ಕ 5 ಕೋಟಿ ರೂ.ಕರ್ಚಿಡ್ ಕೊಲ್ಲೂರು ಮೂಕಾಂಬಿಕೆಗ್ ಬ್ರಹ್ಮಕಲಶ

ಒಡಿಪು : ಕೊಲ್ಲೂರ್ ಶ್ರೀ ಮೂಕಾಂಬಿಕಾ ದೇವಿಗ್ 21 ವರ್ಷದ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.

ಇತ್ತೆ ನೆಕ್ಕ್ ಅಗತ್ಯ ಇಪ್ಪುನ ಸಿದ್ದತೆ ಸುರು ಆತ್ಂಡ್. ಶಾಸ್ತ್ರ ಪ್ರಕಾರ ಪ್ರತಿ 12 ವರ್ಷಗೊರ ಅಷ್ಟಬಂಧ ನಡಪಾವೊಡು ಪಂದ್ ಉಂಡು.‌ ಆಂಡ ಅನಿವಾರ್ಯ ಕಾರಣರ್ದ್ ಕರಿನ 21 ವರ್ಷೊರ್ದಿಂಚ ದೇವಲ್ಯಡ್ ಬ್ರಹ್ಮಕಲಶ ನಡತ್ ದ್ ಇತ್ತಿಜಿ. ಆಂಡ ಅಯಿಕ್ಕ್ ಇತ್ತೆ ಕಾಲ ಕೂಡ್ ದ್ ಬೈದ್ಂಡ್. ಮುಲ್ಪ ಎಪ್ರಿಲ್ 30 ರ್ದ್ ಮೇ11 ಮುಟ್ಟ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಗೌಜಿಡ್ ನಡಪರೆ ಉಂಡು‌. ನೆಕ್ಕ್ ಸುಮಾರ್ 5 ಕೋಟಿ ರೂ. ಆಪುಂಡು ಪಂದ್ ಅಂದಾಜ್ ಮಲ್ಪೆರೆ ಆತ್ಂಡ್. ದೇವಲ್ಯರ್ದ್ 2 ಕೋಟಿ ಗಲಸೊಂದು, ಬೊಕ್ಕದ 3 ಕೋಟಿನ್ ಭಕ್ತೆರೆರ್ದ್ ಸಂಗ್ರಹ ಮಲ್ತ್ ದ್ ಖರ್ಚಿ ಮಲ್ಪರೆ ಸರ್ಕಾರ ಅನುಮತಿ ಕೊರ್ತುಡು ಪಂದ್ ತೆರಿದ್ ಬೈದ್ಂಡ್.

ಮಲೆ ಮಹದೇಶ್ವರ ಬೆಟ್ಟರ್ದ್ ‘BJP ವಿಜಯ ಸಂಕಲ್ಪ ಯಾತ್ರೆ’ದ ಉದಿಪನ

ಚಾಮರಾಜನಗರ: ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆ.ಪಿ. ನಡ್ಡಾ ರಾಜ್ಯಗ್ ಭೇಟಿ ಕೊರ್ದು, ಪಕ್ಷದ ಚುನಾವಣಾ ಪ್ರಚಾರ ಅಭಿಯಾನ ವಿಜಯ ಸಂಕಲ್ಪ ಯಾತ್ರೆದ ಗಾಡಿನ್ ಜಿಲ್ಲೆದ ಮಲೆ ಮಹದೇಶ್ವರ ಬೆಟ್ಟರ್ದ್ ಉದಿಪನ ಮಲ್ತೆರ್.

ಹನೂರು ತಾಲೂಕ್ ದ ಮಲೆಮಹದೇಶ್ವರ ದೇವಲ್ಯಡ್ ಇಸೇಸ ಪೂಜೆ ಸಂದಾಯಿನ ಮೇರ್, ಬೊಕ್ಕ ವಿಜಯ ಸಂಕಲ್ಪ ರಥ ಯಾತ್ರೆಗ್ ಚಾಲನೆ ಕೊರಿಯೆರ್.

ಈ ಪೊರ್ತುಡು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ, ಕೇಂದ್ರ ಕೃಷಿ ಸಚಿವೆ ಶೋಭಾ ಕರಂದ್ಲಾಜೆ, ಮಾಜಿ ಸಚಿವೆರ್ ಕೆ.ಎಸ್. ಈಶ್ವರಪ್ಪ, ರಾಜ್ಯಸಭಾ ಸದಸ್ಯೆರ್ ಜಗ್ಗೇಶ್ ಇತ್ತೆರ್.

A delegation of Federation of Hotels and Restaurants Association, Maharashtra requested to reduce the 15% Excise duty ಮಹಾರಾಷ್ಟ್ರಡ್ ಅಬಕಾರಿ ಸುಂಕ ಕಮ್ಮಿ ಮಲ್ಪರೆ ಫೆಡರೇಶನ್ ಆಫ್ ಹೋಟೆಲ್ಸ್ , ರೆಸ್ಟೊರೆಂಟ್ ಅಸೋಸಿಯೇಶನ್ಸ್ ರ್ದ್ ಮುಖ್ಯಮಂತ್ರಿಲೆಗ್ ಬಿನ್ನಾಪು

ಬೊಂಬೈ: ಮಹಾರಾಷ್ಟ್ರಡ್ ಹೋಟೆಲ್ ಬೊಕ್ಕ ಬಾರ್ ಆ್ಯಂಡ್ ರೆಸ್ಟೋರೆಂಟ್ ದ ಮಿತ್ತ್ ಸರ್ಕಾರ ಪಾಡ್ದಿನ ಶೇ.15ದಾತ್ ಅಬಕಾರಿ ಸುಂಕ ಕಮ್ಮಿ ಮಲ್ಪರೆ ಫೆಡರೇಶನ್ ಆಫ್ ಹೊಟೇಲ್ಸ್ ಬೊಕ್ಕ ರೆಸ್ಟೋರೆಂಟ್ ಅಸೋಸಿಯೇಶನ್ ನಿಯೋಗ ವಿರಾರ್ ಶಂಕರ್ ಶೆಟ್ಟಿ ಮೆರೆನ ಮುತಾಲಿಕೆಡ್, ಮೀರಾ ಭಯಂಧರ್ ಶಾಸಕಿ ಗೀತಾ ಜೈನ್ ಆರೆನ ದುಂಬಾತ್ತಿಗೆಡ್ ಫೆ.28 ಕ್ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಮೆರೆನ್ ಭೇಟಿ ಮಲ್ತ್ ದ್ ಬಿನ್ನಾಪುನ್ ಸಂದಾಯೆರ್.

ಕೊರೊನಾರ್ದ್ ಮುರ್ಕುದು ಪೋಯಿನ ಹೊಟೇಲ್ ಉದ್ಯಮ ಒಂತೆ ಸರಿ ಆವೊಂದು ಬರ್ಪಿನ ಪೊರ್ತುಡೇ ಸುಂಕ ಎಚ್ಚ ಆಯಿನವು ಉದ್ಯಮಗ್ ಮಲ್ಲ ಪೆಟ್ಟ್ ಬೂರುಲೆಕ್ಕ ಆತ್ಂಡ್. ಅತ್ತಂದೆ ಸರ್ಕಾರಿ ನಿಯಮದಂಚೆನೆ ಕ್ರಮಬದ್ದವಾದ್ ಉದ್ಯಮ ದುಂಬರಿತೊಂದುಂಡು. ಮಸ್ತ್ ಸಂಕಷ್ಟಡ್ ಉಪ್ಪುನ ಉದ್ಯಮಗ್ ಅಬಕಾರಿ ಸುಂಕ ಎಚ್ಚ ಆಯಿನೆರ್ದಾವರ ಭಾರಿ ನಷ್ಟ ಆವೊಂದುಂಡು ಪಂದ್ ನಿಯೋಗ ಮುಖ್ಯಮಂತ್ರಿಗ್ ಮನವರಿಕೆ ಮಲ್ತೆರ್. ನಿಯೋಗದ ಬಿನ್ನಾಪುನು ಸ್ವೀಕಾರ ಮಲ್ತಿನ ಮುಖ್ಯಮಂತ್ರಿ ಲು ನಿಯೋಗದೊಟ್ಟಿಗೆ ಚರ್ಚೆ ಮಲ್ತೆರ್. ಹೋಟೆಲ್ ಉದ್ಯಮದ ಸಂಕಷ್ಟಲೆನ್ ತೆರಿದ್ ಮುಖ್ಯಮಂತ್ರಿ ಸರಕಾರದ ಅಬಕಾರಿ ಮಂತ್ರಿ ಶಂಭುರಾಜ್ ದೇಸಾಯಿ ಆರೆಡ ಪಾತೆರ್ದ್ ಎಚ್ಚ ಮಲ್ದಿನ ಸುಂಕ ಕಮ್ಮಿ ಮಲ್ಪರೆ ಕೂಡ್ಲೆ ಕ್ರಮ ದೆತೊನೊಡು ಪಂದ್ ಪಂಡೆರ್. ಬೊಕ್ಕ ಅಬಕಾರಿ ಸುಂಕದ ಎಚ್ಚನ್ ಶೇ.5 ರ್ದ್ 10 ದಾತ್ ಕಮ್ಮಿ ಮಲ್ಪುನ ಭರವಸೆನ್ ನಿಯೋಗಗ್ ಕೊರ್ತೆರ್. ಉಂದುವೇ ಪೊರ್ತುಡು‌ ಅಲ್ಪಲ್ಪ ಸುರುವಾಪಿನ ಡಾಬಾಲೆರ್ದ್ ಆಪಿನ ತೊಂದರೆದ ಬಗೆಟ್ಟ್ ನಿಯೋಗ ಮುಖ್ಯಮಂತ್ರಿ ಆರೆನ ಗಮನಗ್ ಕನಯೆರೆ ಆಂಡ್. ಈ ಬಗೆಟ್ ಸರಿಯಾಯಿನ ಕ್ರಮ ದೆತೊನೊಡು ಪಂದ್ ತೆರಿಪಾದೆರ್. ಈ ಪೊರ್ತುಡು ನಿಯೋಗಡ್ ಫೆಡರೇಶನ್ ಪ್ರಧಾನ ಕಾರ್ಯದರ್ಶಿ ದುರ್ಗಾಪ್ರಸಾದ್ ಸಾಲ್ಯಾನ್, ಉಪಾಧ್ಯಕ್ಷೆರ್ ಶ್ಯಾಮ್ ಯನ್ ಶೆಟ್ಟಿ, ದಯಾನಂದ ಎಸ್ ಶೆಟ್ಟಿ, ಸುರೇಂದ್ರ ರೈ, ಜತೆ ಕಾರ್ಯದರ್ಶಿ ಭಾಸ್ಕರ್ ಶೆಟ್ಟಿ, ಕಲ್ಯಾಣ ಹೊಟೇಲ್ ಎಸೋಸಿಯೇಶನ್ ದ ಅಧ್ಯಕ್ಷೆರ್ ಪ್ರವೀಣ್ ಕುಮಾರ್ ಶೆಟ್ಟಿ, ಕಾರ್ಯದರ್ಶಿ ರಾಕೇಶ್ ಶೆಟ್ಟಿ, ಜತೆ ಕಾರ್ಯದರ್ಶಿ ಬಾಬು ಶೆಟ್ಟಿ, ಫೆಡರೇಶನ್ ದ ಸಲಹೆಗಾರೆರ್ ಕಳತ್ತೂರು ವಿಶ್ವನಾಥ ಶೆಟ್ಟಿ, ಮೀರಾಭಯಂದರ್ ಹೊಟೇಲ್ ಎಸೋಸಿಯೇಶನ್ ಅಧ್ಯಕ್ಷೆರ್ ಮಧುಕರ್ ಶೆಟ್ಟಿ ಇತ್ತೆರ್.

A delegation of Federation of Hotels and Restaurants Association, Maharashtra requested to reduce the 15% Excise duty

An increase in 15% in excise duty for the year 2023-24 has been levied by the Maharashtra government.
An appeal to reduce the same was rendered to the Maharashtra CM Eknath Shinde by the Federation of Hotels and Restaurants Association under the leadership of Virar Shankar Shetty and Mira Bhayandyar MLA Geeta Jain in February 28 th.

” Tulu Paterga, Tulu Oripaga” – 10 th annual fest at Dubai Invite release of Tulunadu festival “ತುಳು ಪಾತೆರ್ ಗ ತುಳು ಒರಿಪಾಗ” ದುಬೈ ನೆತ್ತ 10ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುದ ಲೇಸ್ ದ ಲೆಪ್ಪೋಲೆ ಬುಡುಗಡೆ

ದುಬೈ: “ತುಳು ಪಾತೆರ್ ಗ ತುಳು ಒರಿಪಾಗ” ದುಬೈ ನೆತ್ತ 10ನೇ ವರ್ಷದ ಗೌಜಿ ಗಮ್ಮತ್ತ್ ತುಳುನಾಡ ಗೊಬ್ಬುದ ಲೇಸ್ ದ ಲೆಪ್ಪೋಲೆ ಬುಡುಗಡೆ ಲೇಸ್ ದುಬೈ ಕರಮದ ಝಾಬೀಲ್ ಪಾರ್ಕ್ ಡ್ ಗೌಜಿಡ್ ನಡತ್ಂಡ್.

ಕೂಟದ ಪೆರಿಯ ಸದಸ್ಯೆರಾಯಿನ ಪ್ರಭಾಕರ ಶೆಟ್ಟಿ, ನೋವನ್ ಡಿ ಅಲ್ಮೇಡ, ಅಜ್ಮಲ್ ದುಬೈ, ಸತೀಶ್ ಉಳ್ಳಾಲ್, ಸಂದೀಪ್ ಕೋಟ್ಯಾನ್, ಅದ್ಯಶಾರದ ಪ್ರೇಮ್ ಜಿತ್ ಮೊಕುಲು ಲೆಪ್ಪೋಲೆ ಬುಡುಗಡೆ ಮಲ್ತ್ ದ್ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ಮಾರ್ಚ್ 12ಕ್ ದುಬೈ ಕರಮದ ಝಾಬೀಲ್ ಪಾರ್ಕ್ ಡ್ ಬೊಲ್ಪುಗು 9:30 ರ್ದ್ ಬಯ್ಯ 6 ಗಂಟೆ ಮುಟ್ಟ ನಡಪರೆ ಇಪ್ಪುನ ತುಳುನಾಡ್ ದ ಗೊಬ್ಬುಲಾಯಿನ ಬಲ್ಲ್ ಒಯಿಪರೆ, ಲಗೋರಿ, ಕಬಡಿ, ಸೈಕಲ್ ಚಕ್ರ ಗಿಡಪರೆ ಇಂಚ ಬೇತೆ ಬೇತೆ ಗೊಬ್ಬುಲು ಬೊಕ್ಕ 10 ಜನ ಸಾಧಕೆರೆಗ್ ತಮ್ಮನ ಲೇಸ್ ನಡಪರೆ ಉಂಡು. ದುಬೈದ ತುಳುವೆರ್ ಈ ಲೇಸ್ ಡ್ ಪಾಲ್ ಪಡೆದ್ ಪೊರ್ಲು ಮಲ್ತ್ ದ್ ಕೊರೊಡು ಕೂಟದ ಪ್ರಧಾನ ಕಾರ್ಯದರ್ಶಿ ರಿತೇಶ್ ಅಂಚನ್ ಬಿನ್ನಾಪು ಮಲ್ತ್ ದ್, ಲೇಸ್ ದ ಸುಧಾರಿಕೆ ಮಲ್ತ್ ದ್, ಸೊಲ್ಮೆ ಸಂದಾಯೆರ್. ಈ ಪೊರ್ತುಡು ಕೂಟದ ಸದಸ್ಯೆರಾಯಿನ ಸತೀಶ್ ಪೂಜಾರಿ, ಕವಿರಾಜ್, ದೀಪಕ್ ಸನಿಲ್, ಮನೋಜ್ ಕುಲಾಲ್, ಶೋಭಿತ ಪ್ರೇಮ್ ಜಿತ್, ಚೇತನ್ ಕುಲಾಲ್, ಅಕ್ಷಯ್ ಕುಲಾಲ್, ಪ್ರೇಮಶ್ರೀ, ವಿಜೇಶ್, ಸುಧೀರ್ ನೀರ್ ಮಾರ್ಗ, ಪ್ರಕಾಶ್ ಭಟ್, ಆದರ್ಶ್ ಪೂಜಾರಿ ಇತ್ತೆರ್.

” Tulu Paterga, Tulu Oripaga” – 10 th annual fest at Dubai Invite release of Tulunadu festival

Dubai: A Tulunadu festival has been arranged in Dubai on the 12 th of March ; aptly named ” Tulu Paterga Tulu Oripaga” will be a day of traditional sports of Tulunadu with cultural programme and honouring of 10 achievers in various fields at the end of the program. An invite for the same was released.